இதி த்வயி ரஸாகுலம் ரமிதவல்லபே வல்லவாஃ
கதாபி புரமம்பிகாமிதுரம்பிகாகாநநே ।
ஸமேத்ய பவதா ஸமம் நிஶி நிஷேவ்ய திவ்யோத்ஸவம்
ஸுகம் ஸுஷுபுரக்ரஸீத்வ்ரஜபமுக்ரநாகஸ்ததா ॥1॥
ஸமுந்முகமதோல்முகைரபிஹதேऽபி தஸ்மிந் பலா-
தமுஞ்சதி பவத்பதே ந்யபதி பாஹி பாஹீதி தைஃ ।
ததா கலு பதா பவாந் ஸமுபகம்ய பஸ்பர்ஶ தம்
பபௌ ஸ ச நிஜாம் தநும் ஸமுபஸாத்ய வைத்யதரீம் ॥2॥
ஸுதர்ஶநதர ப்ரபோ நநு ஸுதர்ஶநாக்யோऽஸ்ம்யஹம்
முநீந் க்வசிதபாஹஸம் த இஹ மாம் வ்யதுர்வாஹஸம் ।
பவத்பதஸமர்பணாதமலதாம் கதோऽஸ்மீத்யஸௌ
ஸ்துவந் நிஜபதம் யயௌ வ்ரஜபதம் ச கோபா முதா ॥3॥
கதாபி கலு ஸீரிணா விஹரதி த்வயி ஸ்த்ரீஜநை-
ர்ஜஹார தநதாநுகஃ ஸ கில ஶங்கசூடோऽபலாஃ ।
அதித்ருதமநுத்ருதஸ்தமத முக்தநாரீஜநம்
ருரோஜித ஶிரோமணிம் ஹலப்ரு'தே ச தஸ்யாததாஃ ॥4॥
திநேஷு ச ஸுஹ்ரு'ஜ்ஜநைஸ்ஸஹ வநேஷு லீலாபரம்
மநோபவமநோஹரம் ரஸிதவேணுநாதாம்ரு'தம் ।
பவந்தமமரீத்ரு'ஶாமம்ரு'தபாரணாதாயிநம்
விசிந்த்ய கிமு நாலபந் விரஹதாபிதா கோபிகாஃ ॥5॥
போஜராஜப்ரு'தகஸ்த்வத கஶ்சித் கஷ்டதுஷ்டபதத்ரு'ஷ்டிரரிஷ்டஃ ।
நிஷ்டுராக்ரு'திரபஷ்டுநிநாதஸ்திஷ்டதே ஸ்ம பவதே வ்ரு'ஷரூபீ ॥6॥
ஶாக்வரோऽத ஜகதீத்ரு'திஹாரீ மூர்திமேஷ ப்ரு'ஹதீம் ப்ரததாநஃ ।
பங்க்திமாஶு பரிகூர்ண்ய பஶூநாம் சந்தஸாம் நிதிமவாப பவந்தம் ॥7॥
துங்கஶ்ரு'ங்கமுகமாஶ்வபியந்தம் ஸங்க்ரு'ஹய்ய ரபஸாதபியம் தம் ।
பத்ரரூபமபி தைத்யமபத்ரம் மர்தயந்நமதயஃ ஸுரலோகம் ॥8॥
சித்ரமத்ய பகவந் வ்ரு'ஷகாதாத் ஸுஸ்திராऽஜநி வ்ரு'ஷஸ்திதிருர்வ்யாம் ।
வர்ததே ச வ்ரு'ஷசேதஸி பூயாந் மோத இத்யபிநுதோऽஸி ஸுரைஸ்த்வம் ॥9॥
ஔக்ஷகாணி பரிதாவத தூரம் வீக்ஷ்யதாமயமிஹோக்ஷவிபேதீ ।
இத்தமாத்தஹஸிதைஃ ஸஹ கோபைர்கேஹகஸ்த்வமவ வாதபுரேஶ ॥10॥
Roman (IAST) Transliteration
iti tvayi rasākulaṃ ramitavallabhe vallavāḥ
kadāpi puramambikāmiturambikākānane |
sametya bhavatā samaṃ niśi niṣevya divyotsavaṃ
sukhaṃ suṣupuragrasīdvrajapamugranāgastadā ||1||
samunmukhamatholmukairabhihate'pi tasmin balā-
damuñcati bhavatpade nyapati pāhi pāhīti taiḥ |
tadā khalu padā bhavān samupagamya pasparśa taṃ
babhau sa ca nijāṃ tanuṃ samupasādya vaidyadharīm ||2||
sudarśanadhara prabho nanu sudarśanākhyo'smyahaṃ
munīn kvacidapāhasaṃ ta iha māṃ vyadhurvāhasam |
bhavatpadasamarpaṇādamalatāṃ gato'smītyasau
stuvan nijapadaṃ yayau vrajapadaṃ ca gopā mudā ||3||
kadāpi khalu sīriṇā viharati tvayi strījanai-
rjahāra dhanadānugaḥ sa kila śaṅkhacūḍo'balāḥ |
atidrutamanudrutastamatha muktanārījanaṃ
rurojitha śiromaṇiṃ halabhṛte ca tasyādadāḥ ||4||
dineṣu ca suhṛjjanaissaha vaneṣu līlāparaṃ
manobhavamanoharaṃ rasitaveṇunādāmṛtam |
bhavantamamarīdṛśāmamṛtapāraṇādāyinaṃ
vicintya kimu nālapan virahatāpitā gopikāḥ ||5||
bhojarājabhṛtakastvatha kaścit kaṣṭaduṣṭapathadṛṣṭirariṣṭaḥ |
niṣṭhurākṛtirapaṣṭhuninādastiṣṭhate sma bhavate vṛṣarūpī ||6||
śākvaro'tha jagatīdhṛtihārī mūrtimeṣa bṛhatīṃ pradadhānaḥ |
paṅktimāśu parighūrṇya paśūnāṃ chandasāṃ nidhimavāpa bhavantam ||7||
tuṅgaśṛṅgamukhamāśvabhiyantaṃ saṅgṛhayya rabhasādabhiyaṃ tam |
bhadrarūpamapi daityamabhadraṃ mardayannamadayaḥ suralokam ||8||
citramadya bhagavan vṛṣaghātāt susthirā'jani vṛṣasthitirurvyām |
vardhate ca vṛṣacetasi bhūyān moda ityabhinuto'si suraistvam ||9||
aukṣakāṇi paridhāvata dūraṃ vīkṣyatāmayamihokṣavibhedī |
itthamāttahasitaiḥ saha gopairgehagastvamava vātapureśa ||10||
Sanskrit — Devanagari (original)
इति त्वयि रसाकुलं रमितवल्लभे वल्लवाः
कदापि पुरमम्बिकामितुरम्बिकाकानने ।
समेत्य भवता समं निशि निषेव्य दिव्योत्सवं
सुखं सुषुपुरग्रसीद्व्रजपमुग्रनागस्तदा ॥1॥
समुन्मुखमथोल्मुकैरभिहतेऽपि तस्मिन् बला-
दमुञ्चति भवत्पदे न्यपति पाहि पाहीति तैः ।
तदा खलु पदा भवान् समुपगम्य पस्पर्श तं
बभौ स च निजां तनुं समुपसाद्य वैद्यधरीम् ॥2॥
सुदर्शनधर प्रभो ननु सुदर्शनाख्योऽस्म्यहं
मुनीन् क्वचिदपाहसं त इह मां व्यधुर्वाहसम् ।
भवत्पदसमर्पणादमलतां गतोऽस्मीत्यसौ
स्तुवन् निजपदं ययौ व्रजपदं च गोपा मुदा ॥3॥
कदापि खलु सीरिणा विहरति त्वयि स्त्रीजनै-
र्जहार धनदानुगः स किल शङ्खचूडोऽबलाः ।
अतिद्रुतमनुद्रुतस्तमथ मुक्तनारीजनं
रुरोजिथ शिरोमणिं हलभृते च तस्याददाः ॥4॥
दिनेषु च सुहृज्जनैस्सह वनेषु लीलापरं
मनोभवमनोहरं रसितवेणुनादामृतम् ।
भवन्तममरीदृशाममृतपारणादायिनं
विचिन्त्य किमु नालपन् विरहतापिता गोपिकाः ॥5॥
भोजराजभृतकस्त्वथ कश्चित् कष्टदुष्टपथदृष्टिररिष्टः ।
निष्ठुराकृतिरपष्ठुनिनादस्तिष्ठते स्म भवते वृषरूपी ॥6॥
शाक्वरोऽथ जगतीधृतिहारी मूर्तिमेष बृहतीं प्रदधानः ।
पङ्क्तिमाशु परिघूर्ण्य पशूनां छन्दसां निधिमवाप भवन्तम् ॥7॥
तुङ्गशृङ्गमुखमाश्वभियन्तं सङ्गृहय्य रभसादभियं तम् ।
भद्ररूपमपि दैत्यमभद्रं मर्दयन्नमदयः सुरलोकम् ॥8॥
चित्रमद्य भगवन् वृषघातात् सुस्थिराऽजनि वृषस्थितिरुर्व्याम् ।
वर्धते च वृषचेतसि भूयान् मोद इत्यभिनुतोऽसि सुरैस्त्वम् ॥9॥
औक्षकाणि परिधावत दूरं वीक्ष्यतामयमिहोक्षविभेदी ।
इत्थमात्तहसितैः सह गोपैर्गेहगस्त्वमव वातपुरेश ॥10॥
iti tvayi rasākulaṃ ramitavallabhe vallavāḥ
kadāpi puramambikāmiturambikākānane |
sametya bhavatā samaṃ niśi niṣevya divyotsavaṃ
sukhaṃ suṣupuragrasīdvrajapamugranāgastadā ||1||
samunmukhamatholmukairabhihate'pi tasmin balā-
damuñcati bhavatpade nyapati pāhi pāhīti taiḥ |
tadā khalu padā bhavān samupagamya pasparśa taṃ
babhau sa ca nijāṃ tanuṃ samupasādya vaidyadharīm ||2||
sudarśanadhara prabho nanu sudarśanākhyo'smyahaṃ
munīn kvacidapāhasaṃ ta iha māṃ vyadhurvāhasam |
bhavatpadasamarpaṇādamalatāṃ gato'smītyasau
stuvan nijapadaṃ yayau vrajapadaṃ ca gopā mudā ||3||
kadāpi khalu sīriṇā viharati tvayi strījanai-
rjahāra dhanadānugaḥ sa kila śaṅkhacūḍo'balāḥ |
atidrutamanudrutastamatha muktanārījanaṃ
rurojitha śiromaṇiṃ halabhṛte ca tasyādadāḥ ||4||
dineṣu ca suhṛjjanaissaha vaneṣu līlāparaṃ
manobhavamanoharaṃ rasitaveṇunādāmṛtam |
bhavantamamarīdṛśāmamṛtapāraṇādāyinaṃ
vicintya kimu nālapan virahatāpitā gopikāḥ ||5||
bhojarājabhṛtakastvatha kaścit kaṣṭaduṣṭapathadṛṣṭirariṣṭaḥ |
niṣṭhurākṛtirapaṣṭhuninādastiṣṭhate sma bhavate vṛṣarūpī ||6||
śākvaro'tha jagatīdhṛtihārī mūrtimeṣa bṛhatīṃ pradadhānaḥ |
paṅktimāśu parighūrṇya paśūnāṃ chandasāṃ nidhimavāpa bhavantam ||7||
tuṅgaśṛṅgamukhamāśvabhiyantaṃ saṅgṛhayya rabhasādabhiyaṃ tam |
bhadrarūpamapi daityamabhadraṃ mardayannamadayaḥ suralokam ||8||
citramadya bhagavan vṛṣaghātāt susthirā'jani vṛṣasthitirurvyām |
vardhate ca vṛṣacetasi bhūyān moda ityabhinuto'si suraistvam ||9||
aukṣakāṇi paridhāvata dūraṃ vīkṣyatāmayamihokṣavibhedī |
itthamāttahasitaiḥ saha gopairgehagastvamava vātapureśa ||10||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.