Narayaniyam Dashaka 31 - Balidarpaharanam — Tamil Script

ப்ரீத்யா தைத்யஸ்தவ தநுமஹஃப்ரேக்ஷணாத் ஸர்வதாऽபி

த்வாமாராத்யந்நஜித ரசயந்நஞ்ஜலிம் ஸஞ்ஜகாத ।

மத்தஃ கிம் தே ஸமபிலஷிதம் விப்ரஸூநோ வத த்வம்

வித்தம் பக்தம் பவநமவநீம் வாऽபி ஸர்வம் ப்ரதாஸ்யே ॥1॥

தாமீக்ஷணாம் பலிகிரமுபாகர்ண்ய காருண்யபூர்ணோऽ-

ப்யஸ்யோத்ஸேகம் ஶமயிதுமநா தைத்யவம்ஶம் ப்ரஶம்ஸந் ।

பூமிம் பாதத்ரயபரிமிதாம் ப்ரார்தயாமாஸித த்வம்

ஸர்வம் தேஹீதி து நிகதிதே கஸ்ய ஹாஸ்யம் ந வா ஸ்யாத் ॥2॥

விஶ்வேஶம் மாம் த்ரிபதமிஹ கிம் யாசஸே பாலிஶஸ்த்வம்

ஸர்வாம் பூமிம் வ்ரு'ணு கிமமுநேத்யாலபத்த்வாம் ஸ த்ரு'ப்யந் ।

யஸ்மாத்தர்பாத் த்ரிபதபரிபூர்த்யக்ஷமஃ க்ஷேபவாதாந்

பந்தம் சாஸாவகமதததர்ஹோऽபி காடோபஶாந்த்யை ॥3॥

பாதத்ரய்யா யதி ந முதிதோ விஷ்டபைர்நாபி துஷ்யே-

தித்யுக்தேऽஸ்மிந் வரத பவதே தாதுகாமேऽத தோயம் ।

தைத்யாசார்யஸ்தவ கலு பரீக்ஷார்திநஃ ப்ரேரணாத்தம்

மா மா தேயம் ஹரிரயமிதி வ்யக்தமேவாபபாஷே ॥4॥

யாசத்யேவம் யதி ஸ பகவாந் பூர்ணகாமோऽஸ்மி ஸோऽஹம்

தாஸ்யாம்யேவ ஸ்திரமிதி வதந் காவ்யஶப்தோऽபி தைத்யஃ ।

விந்த்யாவல்யா நிஜதயிதயா தத்தபாத்யாய துப்யம்

சித்ரம் சித்ரம் ஸகலமபி ஸ ப்ரார்பயத்தோயபூர்வம் ॥5॥

நிஸ்ஸந்தேஹம் திதிகுலபதௌ த்வய்யஶேஷார்பணம் தத்-

வ்யாதந்வாநே முமுசுஃ-ரு'ஷயஃ ஸாமராஃ புஷ்பவர்ஷம் ।

திவ்யம் ரூபம் தவ ச ததிதம் பஶ்யதாம் விஶ்வபாஜா-

முச்சைருச்சைரவ்ரு'ததவதீக்ரு'த்ய விஶ்வாண்டபாண்டம் ॥6॥

த்வத்பாதாக்ரம் நிஜபதகதம் புண்டரீகோத்பவோऽஸௌ

குண்டீதோயைரஸிசதபுநாத்யஜ்ஜலம் விஶ்வலோகாந் ।

ஹர்ஷோத்கர்ஷாத் ஸுபஹு நந்ரு'தே கேசரைருத்ஸவேऽஸ்மிந்

பேரீம் நிக்நந் புவநமசரஜ்ஜாம்பவாந் பக்திஶாலீ ॥7॥

தாவத்தைத்யாஸ்த்வநுமதிம்ரு'தே பர்துராரப்தயுத்தா

தேவோபேதைர்பவதநுசரைஸ்ஸங்கதா பங்கமாபந் ।

காலாத்மாऽயம் வஸதி புரதோ யத்வஶாத் ப்ராக்ஜிதாஃ ஸ்மஃ

கிம் வோ யுத்தைரிதி பலிகிரா தேऽத பாதாலமாபுஃ ॥8॥

பாஶைர்பத்தம் பதகபதிநா தைத்யமுச்சைரவாதீ-

ஸ்தார்த்தீயீகம் திஶ மம பதம் கிம் ந விஶ்வேஶ்வரோऽஸி ।

பாதம் மூர்த்நி ப்ரணய பகவந்நித்யகம்பம் வதந்தம்

ப்ரஹ்லாத்ஸ்தம் ஸ்வயமுபகதோ மாநயந்நஸ்தவீத்த்வாம் ॥9॥

தர்போச்சித்த்யை விஹிதமகிலம் தைத்ய ஸித்தோऽஸி புண்யை-

ர்லோகஸ்தேऽஸ்து த்ரிதிவவிஜயீ வாஸவத்வம் ச பஶ்சாத் ।

மத்ஸாயுஜ்யம் பஜ ச புநரித்யந்வக்ரு'ஹ்ணா பலிம் தம்

விப்ரைஸ்ஸந்தாநிதமகவரஃ பாஹி வாதாலயேஶ ॥10॥

Roman (IAST) Transliteration

prītyā daityastava tanumahaḥprekṣaṇāt sarvathā'pi

tvāmārādhyannajita racayannañjaliṃ sañjagāda |

mattaḥ kiṃ te samabhilaṣitaṃ viprasūno vada tvaṃ

vittaṃ bhaktaṃ bhavanamavanīṃ vā'pi sarvaṃ pradāsye ||1||

tāmīkṣaṇāṃ baligiramupākarṇya kāruṇyapūrṇo'-

pyasyotsekaṃ śamayitumanā daityavaṃśaṃ praśaṃsan |

bhūmiṃ pādatrayaparimitāṃ prārthayāmāsitha tvaṃ

sarvaṃ dehīti tu nigadite kasya hāsyaṃ na vā syāt ||2||

viśveśaṃ māṃ tripadamiha kiṃ yācase bāliśastvaṃ

sarvāṃ bhūmiṃ vṛṇu kimamunetyālapattvāṃ sa dṛpyan |

yasmāddarpāt tripadaparipūrtyakṣamaḥ kṣepavādān

bandhaṃ cāsāvagamadatadarho'pi gāḍhopaśāntyai ||3||

pādatrayyā yadi na mudito viṣṭapairnāpi tuṣye-

dityukte'smin varada bhavate dātukāme'tha toyam |

daityācāryastava khalu parīkṣārthinaḥ preraṇāttaṃ

mā mā deyaṃ harirayamiti vyaktamevābabhāṣe ||4||

yācatyevaṃ yadi sa bhagavān pūrṇakāmo'smi so'haṃ

dāsyāmyeva sthiramiti vadan kāvyaśapto'pi daityaḥ |

vindhyāvalyā nijadayitayā dattapādyāya tubhyaṃ

citraṃ citraṃ sakalamapi sa prārpayattoyapūrvam ||5||

nissandehaṃ ditikulapatau tvayyaśeṣārpaṇaṃ tad-

vyātanvāne mumucuḥ-ṛṣayaḥ sāmarāḥ puṣpavarṣam |

divyaṃ rūpaṃ tava ca tadidaṃ paśyatāṃ viśvabhājā-

muccairuccairavṛdhadavadhīkṛtya viśvāṇḍabhāṇḍam ||6||

tvatpādāgraṃ nijapadagataṃ puṇḍarīkodbhavo'sau

kuṇḍītoyairasicadapunādyajjalaṃ viśvalokān |

harṣotkarṣāt subahu nanṛte khecarairutsave'smin

bherīṃ nighnan bhuvanamacarajjāmbavān bhaktiśālī ||7||

tāvaddaityāstvanumatimṛte bharturārabdhayuddhā

devopetairbhavadanucaraissaṅgatā bhaṅgamāpan |

kālātmā'yaṃ vasati purato yadvaśāt prāgjitāḥ smaḥ

kiṃ vo yuddhairiti baligirā te'tha pātālamāpuḥ ||8||

pāśairbaddhaṃ patagapatinā daityamuccairavādī-

stārttīyīkaṃ diśa mama padaṃ kiṃ na viśveśvaro'si |

pādaṃ mūrdhni praṇaya bhagavannityakampaṃ vadantaṃ

prahlādstaṃ svayamupagato mānayannastavīttvām ||9||

darpocchittyai vihitamakhilaṃ daitya siddho'si puṇyai-

rlokaste'stu tridivavijayī vāsavatvaṃ ca paścāt |

matsāyujyaṃ bhaja ca punarityanvagṛhṇā baliṃ taṃ

vipraissantānitamakhavaraḥ pāhi vātālayeśa ||10||

Sanskrit — Devanagari (original)

प्रीत्या दैत्यस्तव तनुमहःप्रेक्षणात् सर्वथाऽपि

त्वामाराध्यन्नजित रचयन्नञ्जलिं सञ्जगाद ।

मत्तः किं ते समभिलषितं विप्रसूनो वद त्वं

वित्तं भक्तं भवनमवनीं वाऽपि सर्वं प्रदास्ये ॥1॥

तामीक्षणां बलिगिरमुपाकर्ण्य कारुण्यपूर्णोऽ-

प्यस्योत्सेकं शमयितुमना दैत्यवंशं प्रशंसन् ।

भूमिं पादत्रयपरिमितां प्रार्थयामासिथ त्वं

सर्वं देहीति तु निगदिते कस्य हास्यं न वा स्यात् ॥2॥

विश्वेशं मां त्रिपदमिह किं याचसे बालिशस्त्वं

सर्वां भूमिं वृणु किममुनेत्यालपत्त्वां स दृप्यन् ।

यस्माद्दर्पात् त्रिपदपरिपूर्त्यक्षमः क्षेपवादान्

बन्धं चासावगमदतदर्होऽपि गाढोपशान्त्यै ॥3॥

पादत्रय्या यदि न मुदितो विष्टपैर्नापि तुष्ये-

दित्युक्तेऽस्मिन् वरद भवते दातुकामेऽथ तोयम् ।

दैत्याचार्यस्तव खलु परीक्षार्थिनः प्रेरणात्तं

मा मा देयं हरिरयमिति व्यक्तमेवाबभाषे ॥4॥

याचत्येवं यदि स भगवान् पूर्णकामोऽस्मि सोऽहं

दास्याम्येव स्थिरमिति वदन् काव्यशप्तोऽपि दैत्यः ।

विन्ध्यावल्या निजदयितया दत्तपाद्याय तुभ्यं

चित्रं चित्रं सकलमपि स प्रार्पयत्तोयपूर्वम् ॥5॥

निस्सन्देहं दितिकुलपतौ त्वय्यशेषार्पणं तद्-

व्यातन्वाने मुमुचुः-ऋषयः सामराः पुष्पवर्षम् ।

दिव्यं रूपं तव च तदिदं पश्यतां विश्वभाजा-

मुच्चैरुच्चैरवृधदवधीकृत्य विश्वाण्डभाण्डम् ॥6॥

त्वत्पादाग्रं निजपदगतं पुण्डरीकोद्भवोऽसौ

कुण्डीतोयैरसिचदपुनाद्यज्जलं विश्वलोकान् ।

हर्षोत्कर्षात् सुबहु ननृते खेचरैरुत्सवेऽस्मिन्

भेरीं निघ्नन् भुवनमचरज्जाम्बवान् भक्तिशाली ॥7॥

तावद्दैत्यास्त्वनुमतिमृते भर्तुरारब्धयुद्धा

देवोपेतैर्भवदनुचरैस्सङ्गता भङ्गमापन् ।

कालात्माऽयं वसति पुरतो यद्वशात् प्राग्जिताः स्मः

किं वो युद्धैरिति बलिगिरा तेऽथ पातालमापुः ॥8॥

पाशैर्बद्धं पतगपतिना दैत्यमुच्चैरवादी-

स्तार्त्तीयीकं दिश मम पदं किं न विश्वेश्वरोऽसि ।

पादं मूर्ध्नि प्रणय भगवन्नित्यकम्पं वदन्तं

प्रह्लाद्स्तं स्वयमुपगतो मानयन्नस्तवीत्त्वाम् ॥9॥

दर्पोच्छित्त्यै विहितमखिलं दैत्य सिद्धोऽसि पुण्यै-

र्लोकस्तेऽस्तु त्रिदिवविजयी वासवत्वं च पश्चात् ।

मत्सायुज्यं भज च पुनरित्यन्वगृह्णा बलिं तं

विप्रैस्सन्तानितमखवरः पाहि वातालयेश ॥10॥