ஆலோக்ய ஶைலோத்தரணாதிரூபம் ப்ரபாவமுச்சைஸ்தவ கோபலோகாஃ ।
விஶ்வேஶ்வரம் த்வாமபிமத்ய விஶ்வே நந்தம் பவஜ்ஜாதகமந்வப்ரு'ச்சந் ॥1॥
கர்கோதிதோ நிர்கதிதோ நிஜாய வர்காய தாதேந தவ ப்ரபாவஃ ।
பூர்வாதிகஸ்த்வய்யநுராக ஏஷாமைதிஷ்ட தாவத் பஹுமாநபாரஃ ॥2॥
ததோऽவமாநோதிததத்த்வபோதஃ ஸுராதிராஜஃ ஸஹ திவ்யகவ்யா।
உபேத்ய துஷ்டாவ ஸ நஷ்டகர்வஃ ஸ்ப்ரு'ஷ்ட்வா பதாப்ஜம் மணிமௌலிநா தே ॥3॥
ஸ்நேஹஸ்நுதைஸ்த்வாம் ஸுரபிஃ பயோபிர்கோவிந்தநாமாங்கிதமப்யஷிஞ்சத் ।
ஐராவதோபாஹ்ரு'ததிவ்யகங்காபாதோபிரிந்த்ரோऽபி ச ஜாதஹர்ஷஃ ॥4॥
ஜகத்த்ரயேஶே த்வயி கோகுலேஶே ததாऽபிஷிக்தே ஸதி கோபவாடஃ ।
நாகேऽபி வைகுண்டபதேऽப்யலப்யாம் ஶ்ரியம் ப்ரபேதே பவதஃ ப்ரபாவாத் ॥5॥
கதாசிதந்தர்யமுநம் ப்ரபாதே ஸ்நாயந் பிதா வாருணபூருஷேண ।
நீதஸ்தமாநேதுமகாஃ புரீம் த்வம் தாம் வாருணீம் காரணமர்த்யரூபஃ ॥6॥
ஸஸம்ப்ரமம் தேந ஜலாதிபேந ப்ரபூஜிதஸ்த்வம் ப்ரதிக்ரு'ஹ்ய தாதம் ।
உபாகதஸ்தத்க்ஷணமாத்மகேஹம் பிதாऽவதத்தச்சரிதம் நிஜேப்யஃ ॥7॥
ஹரிம் விநிஶ்சித்ய பவந்தமேதாந் பவத்பதாலோகநபத்தத்ரு'ஷ்ணாந் ॥
நிரீக்ஷ்ய விஷ்ணோ பரமம் பதம் தத்துராபமந்யைஸ்த்வமதீத்ரு'ஶஸ்தாந் ॥8॥
ஸ்புரத்பராநந்தரஸப்ரவாஹப்ரபூர்ணகைவல்யமஹாபயோதௌ ।
சிரம் நிமக்நாஃ கலு கோபஸங்காஸ்த்வயைவ பூமந் புநருத்த்ரு'தாஸ்தே ॥9॥
கரபதரவதேவம் தேவ குத்ராவதாரே
நிஜபதமநவாப்யம் தர்ஶிதம் பக்திபாஜாம் ।
ததிஹ பஶுபரூபீ த்வம் ஹி ஸாக்ஷாத் பராத்மா
பவநபுரநிவாஸிந் பாஹி மாமாமயேப்யஃ ॥10॥
Roman (IAST) Transliteration
ālokya śailoddharaṇādirūpaṃ prabhāvamuccaistava gopalokāḥ |
viśveśvaraṃ tvāmabhimatya viśve nandaṃ bhavajjātakamanvapṛcchan ||1||
gargodito nirgadito nijāya vargāya tātena tava prabhāvaḥ |
pūrvādhikastvayyanurāga eṣāmaidhiṣṭa tāvat bahumānabhāraḥ ||2||
tato'vamānoditatattvabodhaḥ surādhirājaḥ saha divyagavyā|
upetya tuṣṭāva sa naṣṭagarvaḥ spṛṣṭvā padābjaṃ maṇimaulinā te ||3||
snehasnutaistvāṃ surabhiḥ payobhirgovindanāmāṅkitamabhyaṣiñcat |
airāvatopāhṛtadivyagaṅgāpāthobhirindro'pi ca jātaharṣaḥ ||4||
jagattrayeśe tvayi gokuleśe tathā'bhiṣikte sati gopavāṭaḥ |
nāke'pi vaikuṇṭhapade'pyalabhyāṃ śriyaṃ prapede bhavataḥ prabhāvāt ||5||
kadācidantaryamunaṃ prabhāte snāyan pitā vāruṇapūruṣeṇa |
nītastamānetumagāḥ purīṃ tvaṃ tāṃ vāruṇīṃ kāraṇamartyarūpaḥ ||6||
sasambhramaṃ tena jalādhipena prapūjitastvaṃ pratigṛhya tātam |
upāgatastatkṣaṇamātmagehaṃ pitā'vadattaccaritaṃ nijebhyaḥ ||7||
hariṃ viniścitya bhavantametān bhavatpadālokanabaddhatṛṣṇān ||
nirīkṣya viṣṇo paramaṃ padaṃ taddurāpamanyaistvamadīdṛśastān ||8||
sphuratparānandarasapravāhaprapūrṇakaivalyamahāpayodhau |
ciraṃ nimagnāḥ khalu gopasaṅghāstvayaiva bhūman punaruddhṛtāste ||9||
karabadaravadevaṃ deva kutrāvatāre
nijapadamanavāpyaṃ darśitaṃ bhaktibhājām |
tadiha paśuparūpī tvaṃ hi sākṣāt parātmā
pavanapuranivāsin pāhi māmāmayebhyaḥ ||10||
Sanskrit — Devanagari (original)
आलोक्य शैलोद्धरणादिरूपं प्रभावमुच्चैस्तव गोपलोकाः ।
विश्वेश्वरं त्वामभिमत्य विश्वे नन्दं भवज्जातकमन्वपृच्छन् ॥1॥
गर्गोदितो निर्गदितो निजाय वर्गाय तातेन तव प्रभावः ।
पूर्वाधिकस्त्वय्यनुराग एषामैधिष्ट तावत् बहुमानभारः ॥2॥
ततोऽवमानोदिततत्त्वबोधः सुराधिराजः सह दिव्यगव्या।
उपेत्य तुष्टाव स नष्टगर्वः स्पृष्ट्वा पदाब्जं मणिमौलिना ते ॥3॥
स्नेहस्नुतैस्त्वां सुरभिः पयोभिर्गोविन्दनामाङ्कितमभ्यषिञ्चत् ।
ऐरावतोपाहृतदिव्यगङ्गापाथोभिरिन्द्रोऽपि च जातहर्षः ॥4॥
जगत्त्रयेशे त्वयि गोकुलेशे तथाऽभिषिक्ते सति गोपवाटः ।
नाकेऽपि वैकुण्ठपदेऽप्यलभ्यां श्रियं प्रपेदे भवतः प्रभावात् ॥5॥
कदाचिदन्तर्यमुनं प्रभाते स्नायन् पिता वारुणपूरुषेण ।
नीतस्तमानेतुमगाः पुरीं त्वं तां वारुणीं कारणमर्त्यरूपः ॥6॥
ससम्भ्रमं तेन जलाधिपेन प्रपूजितस्त्वं प्रतिगृह्य तातम् ।
उपागतस्तत्क्षणमात्मगेहं पिताऽवदत्तच्चरितं निजेभ्यः ॥7॥
हरिं विनिश्चित्य भवन्तमेतान् भवत्पदालोकनबद्धतृष्णान् ॥
निरीक्ष्य विष्णो परमं पदं तद्दुरापमन्यैस्त्वमदीदृशस्तान् ॥8॥
स्फुरत्परानन्दरसप्रवाहप्रपूर्णकैवल्यमहापयोधौ ।
चिरं निमग्नाः खलु गोपसङ्घास्त्वयैव भूमन् पुनरुद्धृतास्ते ॥9॥
करबदरवदेवं देव कुत्रावतारे
निजपदमनवाप्यं दर्शितं भक्तिभाजाम् ।
तदिह पशुपरूपी त्वं हि साक्षात् परात्मा
पवनपुरनिवासिन् पाहि मामामयेभ्यः ॥10॥
ālokya śailoddharaṇādirūpaṃ prabhāvamuccaistava gopalokāḥ |
viśveśvaraṃ tvāmabhimatya viśve nandaṃ bhavajjātakamanvapṛcchan ||1||
gargodito nirgadito nijāya vargāya tātena tava prabhāvaḥ |
pūrvādhikastvayyanurāga eṣāmaidhiṣṭa tāvat bahumānabhāraḥ ||2||
tato'vamānoditatattvabodhaḥ surādhirājaḥ saha divyagavyā|
upetya tuṣṭāva sa naṣṭagarvaḥ spṛṣṭvā padābjaṃ maṇimaulinā te ||3||
snehasnutaistvāṃ surabhiḥ payobhirgovindanāmāṅkitamabhyaṣiñcat |
airāvatopāhṛtadivyagaṅgāpāthobhirindro'pi ca jātaharṣaḥ ||4||
jagattrayeśe tvayi gokuleśe tathā'bhiṣikte sati gopavāṭaḥ |
nāke'pi vaikuṇṭhapade'pyalabhyāṃ śriyaṃ prapede bhavataḥ prabhāvāt ||5||
kadācidantaryamunaṃ prabhāte snāyan pitā vāruṇapūruṣeṇa |
nītastamānetumagāḥ purīṃ tvaṃ tāṃ vāruṇīṃ kāraṇamartyarūpaḥ ||6||
sasambhramaṃ tena jalādhipena prapūjitastvaṃ pratigṛhya tātam |
upāgatastatkṣaṇamātmagehaṃ pitā'vadattaccaritaṃ nijebhyaḥ ||7||
hariṃ viniścitya bhavantametān bhavatpadālokanabaddhatṛṣṇān ||
nirīkṣya viṣṇo paramaṃ padaṃ taddurāpamanyaistvamadīdṛśastān ||8||
sphuratparānandarasapravāhaprapūrṇakaivalyamahāpayodhau |
ciraṃ nimagnāḥ khalu gopasaṅghāstvayaiva bhūman punaruddhṛtāste ||9||
karabadaravadevaṃ deva kutrāvatāre
nijapadamanavāpyaṃ darśitaṃ bhaktibhājām |
tadiha paśuparūpī tvaṃ hi sākṣāt parātmā
pavanapuranivāsin pāhi māmāmayebhyaḥ ||10||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.