ఆలోక్య శైలోద్ధరణాదిరూపం ప్రభావముచ్చైస్తవ గోపలోకాః ।
విశ్వేశ్వరం త్వామభిమత్య విశ్వే నన్దం భవజ్జాతకమన్వపృచ్ఛన్ ॥1॥
గర్గోదితో నిర్గదితో నిజాయ వర్గాయ తాతేన తవ ప్రభావః ।
పూర్వాధికస్త్వయ్యనురాగ ఏషామైధిష్ట తావత్ బహుమానభారః ॥2॥
తతోఽవమానోదితతత్త్వబోధః సురాధిరాజః సహ దివ్యగవ్యా।
ఉపేత్య తుష్టావ స నష్టగర్వః స్పృష్ట్వా పదాబ్జం మణిమౌలినా తే ॥3॥
స్నేహస్నుతైస్త్వాం సురభిః పయోభిర్గోవిన్దనామాఙ్కితమభ్యషిఞ్చత్ ।
ఐరావతోపాహృతదివ్యగఙ్గాపాథోభిరిన్ద్రోఽపి చ జాతహర్షః ॥4॥
జగత్త్రయేశే త్వయి గోకులేశే తథాఽభిషిక్తే సతి గోపవాటః ।
నాకేఽపి వైకుణ్ఠపదేఽప్యలభ్యాం శ్రియం ప్రపేదే భవతః ప్రభావాత్ ॥5॥
కదాచిదన్తర్యమునం ప్రభాతే స్నాయన్ పితా వారుణపూరుషేణ ।
నీతస్తమానేతుమగాః పురీం త్వం తాం వారుణీం కారణమర్త్యరూపః ॥6॥
ససమ్భ్రమం తేన జలాధిపేన ప్రపూజితస్త్వం ప్రతిగృహ్య తాతమ్ ।
ఉపాగతస్తత్క్షణమాత్మగేహం పితాఽవదత్తచ్చరితం నిజేభ్యః ॥7॥
హరిం వినిశ్చిత్య భవన్తమేతాన్ భవత్పదాలోకనబద్ధతృష్ణాన్ ॥
నిరీక్ష్య విష్ణో పరమం పదం తద్దురాపమన్యైస్త్వమదీదృశస్తాన్ ॥8॥
స్ఫురత్పరానన్దరసప్రవాహప్రపూర్ణకైవల్యమహాపయోధౌ ।
చిరం నిమగ్నాః ఖలు గోపసఙ్ఘాస్త్వయైవ భూమన్ పునరుద్ధృతాస్తే ॥9॥
కరబదరవదేవం దేవ కుత్రావతారే
నిజపదమనవాప్యం దర్శితం భక్తిభాజామ్ ।
తదిహ పశుపరూపీ త్వం హి సాక్షాత్ పరాత్మా
పవనపురనివాసిన్ పాహి మామామయేభ్యః ॥10॥
Roman (IAST) Transliteration
ālokya śailoddharaṇādirūpaṃ prabhāvamuccaistava gopalokāḥ |
viśveśvaraṃ tvāmabhimatya viśve nandaṃ bhavajjātakamanvapṛcchan ||1||
gargodito nirgadito nijāya vargāya tātena tava prabhāvaḥ |
pūrvādhikastvayyanurāga eṣāmaidhiṣṭa tāvat bahumānabhāraḥ ||2||
tato'vamānoditatattvabodhaḥ surādhirājaḥ saha divyagavyā|
upetya tuṣṭāva sa naṣṭagarvaḥ spṛṣṭvā padābjaṃ maṇimaulinā te ||3||
snehasnutaistvāṃ surabhiḥ payobhirgovindanāmāṅkitamabhyaṣiñcat |
airāvatopāhṛtadivyagaṅgāpāthobhirindro'pi ca jātaharṣaḥ ||4||
jagattrayeśe tvayi gokuleśe tathā'bhiṣikte sati gopavāṭaḥ |
nāke'pi vaikuṇṭhapade'pyalabhyāṃ śriyaṃ prapede bhavataḥ prabhāvāt ||5||
kadācidantaryamunaṃ prabhāte snāyan pitā vāruṇapūruṣeṇa |
nītastamānetumagāḥ purīṃ tvaṃ tāṃ vāruṇīṃ kāraṇamartyarūpaḥ ||6||
sasambhramaṃ tena jalādhipena prapūjitastvaṃ pratigṛhya tātam |
upāgatastatkṣaṇamātmagehaṃ pitā'vadattaccaritaṃ nijebhyaḥ ||7||
hariṃ viniścitya bhavantametān bhavatpadālokanabaddhatṛṣṇān ||
nirīkṣya viṣṇo paramaṃ padaṃ taddurāpamanyaistvamadīdṛśastān ||8||
sphuratparānandarasapravāhaprapūrṇakaivalyamahāpayodhau |
ciraṃ nimagnāḥ khalu gopasaṅghāstvayaiva bhūman punaruddhṛtāste ||9||
karabadaravadevaṃ deva kutrāvatāre
nijapadamanavāpyaṃ darśitaṃ bhaktibhājām |
tadiha paśuparūpī tvaṃ hi sākṣāt parātmā
pavanapuranivāsin pāhi māmāmayebhyaḥ ||10||
Sanskrit — Devanagari (original)
आलोक्य शैलोद्धरणादिरूपं प्रभावमुच्चैस्तव गोपलोकाः ।
विश्वेश्वरं त्वामभिमत्य विश्वे नन्दं भवज्जातकमन्वपृच्छन् ॥1॥
गर्गोदितो निर्गदितो निजाय वर्गाय तातेन तव प्रभावः ।
पूर्वाधिकस्त्वय्यनुराग एषामैधिष्ट तावत् बहुमानभारः ॥2॥
ततोऽवमानोदिततत्त्वबोधः सुराधिराजः सह दिव्यगव्या।
उपेत्य तुष्टाव स नष्टगर्वः स्पृष्ट्वा पदाब्जं मणिमौलिना ते ॥3॥
स्नेहस्नुतैस्त्वां सुरभिः पयोभिर्गोविन्दनामाङ्कितमभ्यषिञ्चत् ।
ऐरावतोपाहृतदिव्यगङ्गापाथोभिरिन्द्रोऽपि च जातहर्षः ॥4॥
जगत्त्रयेशे त्वयि गोकुलेशे तथाऽभिषिक्ते सति गोपवाटः ।
नाकेऽपि वैकुण्ठपदेऽप्यलभ्यां श्रियं प्रपेदे भवतः प्रभावात् ॥5॥
कदाचिदन्तर्यमुनं प्रभाते स्नायन् पिता वारुणपूरुषेण ।
नीतस्तमानेतुमगाः पुरीं त्वं तां वारुणीं कारणमर्त्यरूपः ॥6॥
ससम्भ्रमं तेन जलाधिपेन प्रपूजितस्त्वं प्रतिगृह्य तातम् ।
उपागतस्तत्क्षणमात्मगेहं पिताऽवदत्तच्चरितं निजेभ्यः ॥7॥
हरिं विनिश्चित्य भवन्तमेतान् भवत्पदालोकनबद्धतृष्णान् ॥
निरीक्ष्य विष्णो परमं पदं तद्दुरापमन्यैस्त्वमदीदृशस्तान् ॥8॥
स्फुरत्परानन्दरसप्रवाहप्रपूर्णकैवल्यमहापयोधौ ।
चिरं निमग्नाः खलु गोपसङ्घास्त्वयैव भूमन् पुनरुद्धृतास्ते ॥9॥
करबदरवदेवं देव कुत्रावतारे
निजपदमनवाप्यं दर्शितं भक्तिभाजाम् ।
तदिह पशुपरूपी त्वं हि साक्षात् परात्मा
पवनपुरनिवासिन् पाहि मामामयेभ्यः ॥10॥
ālokya śailoddharaṇādirūpaṃ prabhāvamuccaistava gopalokāḥ |
viśveśvaraṃ tvāmabhimatya viśve nandaṃ bhavajjātakamanvapṛcchan ||1||
gargodito nirgadito nijāya vargāya tātena tava prabhāvaḥ |
pūrvādhikastvayyanurāga eṣāmaidhiṣṭa tāvat bahumānabhāraḥ ||2||
tato'vamānoditatattvabodhaḥ surādhirājaḥ saha divyagavyā|
upetya tuṣṭāva sa naṣṭagarvaḥ spṛṣṭvā padābjaṃ maṇimaulinā te ||3||
snehasnutaistvāṃ surabhiḥ payobhirgovindanāmāṅkitamabhyaṣiñcat |
airāvatopāhṛtadivyagaṅgāpāthobhirindro'pi ca jātaharṣaḥ ||4||
jagattrayeśe tvayi gokuleśe tathā'bhiṣikte sati gopavāṭaḥ |
nāke'pi vaikuṇṭhapade'pyalabhyāṃ śriyaṃ prapede bhavataḥ prabhāvāt ||5||
kadācidantaryamunaṃ prabhāte snāyan pitā vāruṇapūruṣeṇa |
nītastamānetumagāḥ purīṃ tvaṃ tāṃ vāruṇīṃ kāraṇamartyarūpaḥ ||6||
sasambhramaṃ tena jalādhipena prapūjitastvaṃ pratigṛhya tātam |
upāgatastatkṣaṇamātmagehaṃ pitā'vadattaccaritaṃ nijebhyaḥ ||7||
hariṃ viniścitya bhavantametān bhavatpadālokanabaddhatṛṣṇān ||
nirīkṣya viṣṇo paramaṃ padaṃ taddurāpamanyaistvamadīdṛśastān ||8||
sphuratparānandarasapravāhaprapūrṇakaivalyamahāpayodhau |
ciraṃ nimagnāḥ khalu gopasaṅghāstvayaiva bhūman punaruddhṛtāste ||9||
karabadaravadevaṃ deva kutrāvatāre
nijapadamanavāpyaṃ darśitaṃ bhaktibhājām |
tadiha paśuparūpī tvaṃ hi sākṣāt parātmā
pavanapuranivāsin pāhi māmāmayebhyaḥ ||10||
🕉️ This is the original Sanskrit rendered in Telugu script.
Pronunciation is identical to the Sanskrit Devanagari version.