Narayaniyam Dashaka 6 - Viratsvarupavarnanam — Tamil Script

ஏவம் சதுர்தஶஜகந்மயதாம் கதஸ்ய

பாதாலமீஶ தவ பாததலம் வதந்தி ।

பாதோர்த்வதேஶமபி தேவ ரஸாதலம் தே

குல்பத்வயம் கலு மஹாதலமத்புதாத்மந் ॥1॥

ஜங்கே தலாதலமதோ ஸுதலம் ச ஜாநூ

கிஞ்சோருபாகயுகலம் விதலாதலே த்வே ।

க்ஷோணீதலம் ஜகநமம்பரமங்க நாபி-

ர்வக்ஷஶ்ச ஶக்ரநிலயஸ்தவ சக்ரபாணே ॥2॥

க்ரீவா மஹஸ்தவ முகம் ச ஜநஸ்தபஸ்து

பாலம் ஶிரஸ்தவ ஸமஸ்தமயஸ்ய ஸத்யம் ।

ஏவம் ஜகந்மயதநோ ஜகதாஶ்ரிதைர-

ப்யந்யைர்நிபத்தவபுஷே பகவந்நமஸ்தே ॥3॥

த்வத்ப்ரஹ்மரந்த்ரபதமீஶ்வர விஶ்வகந்த

சந்தாம்ஸி கேஶவ கநாஸ்தவ கேஶபாஶாஃ ।

உல்லாஸிசில்லியுகலம் த்ருஹிணஸ்ய கேஹம்

பக்ஷ்மாணி ராத்ரிதிவஸௌ ஸவிதா ச நேத்ரை ॥4॥

நிஶ்ஶேஷவிஶ்வரசநா ச கடாக்ஷமோக்ஷஃ

கர்ணௌ திஶோऽஶ்வியுகலம் தவ நாஸிகே த்வே ।

லோபத்ரபே ச பகவந்நதரோத்தரோஷ்டௌ

தாராகணாஶ்ச தஶநாஃ ஶமநஶ்ச தம்ஷ்ட்ரா ॥5॥

மாயா விலாஸஹஸிதம் ஶ்வஸிதம் ஸமீரோ

ஜிஹ்வா ஜலம் வசநமீஶ ஶகுந்தபங்க்திஃ ।

ஸித்தாதயஃ ஸ்வரகணா முகரந்த்ரமக்நி-

ர்தேவா புஜாஃ ஸ்தநயுகம் தவ தர்மதேவஃ ॥6॥

ப்ரு'ஷ்டம் த்வதர்ம இஹ தேவ மநஃ ஸுதாம்ஶு -

ரவ்யக்தமேவ ஹ்ரு'தயம்புஜமம்புஜாக்ஷ ।

குக்ஷிஃ ஸமுத்ரநிவஹா வஸநம் து ஸந்த்யே

ஶேபஃ ப்ரஜாபதிரஸௌ வ்ரு'ஷணௌ ச மித்ரஃ ॥7॥

ஶ்ரோணீஸ்தலம் ம்ரு'ககணாஃ பதயோர்நகாஸ்தே

ஹஸ்த்யுஷ்ட்ரஸைந்தவமுகா கமநம் து காலஃ ।

விப்ராதிவர்ணபவநம் வதநாப்ஜபாஹு-

சாரூருயுக்மசரணம் கருணாம்புதே தே ॥8॥

ஸம்ஸாரசக்ரமயி சக்ரதர க்ரியாஸ்தே

வீர்யம் மஹாஸுரகணோऽஸ்திகுலாநி ஶைலாஃ ।

நாட்யஸ்ஸரித்ஸமுதயஸ்தரவஶ்ச ரோம

ஜீயாதிதம் வபுரநிர்வசநீயமீஶ ॥9॥

ஈத்ரு'க்ஜகந்மயவபுஸ்தவ கர்மபாஜாம்

கர்மாவஸாநஸமயே ஸ்மரணீயமாஹுஃ ।

தஸ்யாந்தராத்மவபுஷே விமலாத்மநே தே

வாதாலயாதிப நமோऽஸ்து நிருந்தி ரோகாந் ॥10॥

Roman (IAST) Transliteration

evaṃ caturdaśajaganmayatāṃ gatasya

pātālamīśa tava pādatalaṃ vadanti |

pādordhvadeśamapi deva rasātalaṃ te

gulphadvayaṃ khalu mahātalamadbhutātman ||1||

jaṅghe talātalamatho sutalaṃ ca jānū

kiñcorubhāgayugalaṃ vitalātale dve |

kṣoṇītalaṃ jaghanamambaramaṅga nābhi-

rvakṣaśca śakranilayastava cakrapāṇe ||2||

grīvā mahastava mukhaṃ ca janastapastu

phālaṃ śirastava samastamayasya satyam |

evaṃ jaganmayatano jagadāśritaira-

pyanyairnibaddhavapuṣe bhagavannamaste ||3||

tvadbrahmarandhrapadamīśvara viśvakanda

chandāṃsi keśava ghanāstava keśapāśāḥ |

ullāsicilliyugalaṃ druhiṇasya gehaṃ

pakṣmāṇi rātridivasau savitā ca netrai ||4||

niśśeṣaviśvaracanā ca kaṭākṣamokṣaḥ

karṇau diśo'śviyugalaṃ tava nāsike dve |

lobhatrape ca bhagavannadharottaroṣṭhau

tārāgaṇāśca daśanāḥ śamanaśca daṃṣṭrā ||5||

māyā vilāsahasitaṃ śvasitaṃ samīro

jihvā jalaṃ vacanamīśa śakuntapaṅktiḥ |

siddhādayaḥ svaragaṇā mukharandhramagni-

rdevā bhujāḥ stanayugaṃ tava dharmadevaḥ ||6||

pṛṣṭhaṃ tvadharma iha deva manaḥ sudhāṃśu -

ravyaktameva hṛdayambujamambujākṣa |

kukṣiḥ samudranivahā vasanaṃ tu sandhye

śephaḥ prajāpatirasau vṛṣaṇau ca mitraḥ ||7||

śroṇīsthalaṃ mṛgagaṇāḥ padayornakhāste

hastyuṣṭrasaindhavamukhā gamanaṃ tu kālaḥ |

viprādivarṇabhavanaṃ vadanābjabāhu-

cārūruyugmacaraṇaṃ karuṇāmbudhe te ||8||

saṃsāracakramayi cakradhara kriyāste

vīryaṃ mahāsuragaṇo'sthikulāni śailāḥ |

nāḍyassaritsamudayastaravaśca roma

jīyādidaṃ vapuranirvacanīyamīśa ||9||

īdṛgjaganmayavapustava karmabhājāṃ

karmāvasānasamaye smaraṇīyamāhuḥ |

tasyāntarātmavapuṣe vimalātmane te

vātālayādhipa namo'stu nirundhi rogān ||10||

Sanskrit — Devanagari (original)

एवं चतुर्दशजगन्मयतां गतस्य

पातालमीश तव पादतलं वदन्ति ।

पादोर्ध्वदेशमपि देव रसातलं ते

गुल्फद्वयं खलु महातलमद्भुतात्मन् ॥1॥

जङ्घे तलातलमथो सुतलं च जानू

किञ्चोरुभागयुगलं वितलातले द्वे ।

क्षोणीतलं जघनमम्बरमङ्ग नाभि-

र्वक्षश्च शक्रनिलयस्तव चक्रपाणे ॥2॥

ग्रीवा महस्तव मुखं च जनस्तपस्तु

फालं शिरस्तव समस्तमयस्य सत्यम् ।

एवं जगन्मयतनो जगदाश्रितैर-

प्यन्यैर्निबद्धवपुषे भगवन्नमस्ते ॥3॥

त्वद्ब्रह्मरन्ध्रपदमीश्वर विश्वकन्द

छन्दांसि केशव घनास्तव केशपाशाः ।

उल्लासिचिल्लियुगलं द्रुहिणस्य गेहं

पक्ष्माणि रात्रिदिवसौ सविता च नेत्रै ॥4॥

निश्शेषविश्वरचना च कटाक्षमोक्षः

कर्णौ दिशोऽश्वियुगलं तव नासिके द्वे ।

लोभत्रपे च भगवन्नधरोत्तरोष्ठौ

तारागणाश्च दशनाः शमनश्च दंष्ट्रा ॥5॥

माया विलासहसितं श्वसितं समीरो

जिह्वा जलं वचनमीश शकुन्तपङ्क्तिः ।

सिद्धादयः स्वरगणा मुखरन्ध्रमग्नि-

र्देवा भुजाः स्तनयुगं तव धर्मदेवः ॥6॥

पृष्ठं त्वधर्म इह देव मनः सुधांशु -

रव्यक्तमेव हृदयम्बुजमम्बुजाक्ष ।

कुक्षिः समुद्रनिवहा वसनं तु सन्ध्ये

शेफः प्रजापतिरसौ वृषणौ च मित्रः ॥7॥

श्रोणीस्थलं मृगगणाः पदयोर्नखास्ते

हस्त्युष्ट्रसैन्धवमुखा गमनं तु कालः ।

विप्रादिवर्णभवनं वदनाब्जबाहु-

चारूरुयुग्मचरणं करुणाम्बुधे ते ॥8॥

संसारचक्रमयि चक्रधर क्रियास्ते

वीर्यं महासुरगणोऽस्थिकुलानि शैलाः ।

नाड्यस्सरित्समुदयस्तरवश्च रोम

जीयादिदं वपुरनिर्वचनीयमीश ॥9॥

ईदृग्जगन्मयवपुस्तव कर्मभाजां

कर्मावसानसमये स्मरणीयमाहुः ।

तस्यान्तरात्मवपुषे विमलात्मने ते

वातालयाधिप नमोऽस्तु निरुन्धि रोगान् ॥10॥