Narayaniyam Dashaka 28 - Lakshmisvayamvaram Tatha Amritotpattih — Tamil Script

கரலம் தரலாநலம் புரஸ்தா-

ஜ்ஜலதேருத்விஜகால காலகூடம் ।

அமரஸ்துதிவாதமோதநிக்நோ

கிரிஶஸ்தந்நிபபௌ பவத்ப்ரியார்தம் ॥1॥

விமதத்ஸு ஸுராஸுரேஷு ஜாதா

ஸுரபிஸ்தாம்ரு'ஷிஷு ந்யதாஸ்த்ரிதாமந் ।

ஹயரத்நமபூததேபரத்நம்

த்யுதருஶ்சாப்ஸரஸஃ ஸுரேஷு தாநி ॥2॥

ஜகதீஶ பவத்பரா ததாநீம்

கமநீயா கமலா பபூவ தேவீ ।

அமலாமவலோக்ய யாம் விலோலஃ

ஸகலோऽபி ஸ்ப்ரு'ஹயாம்பபூவ லோகஃ ॥3॥

த்வயி தத்தஹ்ரு'தே ததைவ தேவ்யை

த்ரிதஶேந்த்ரோ மணிபீடிகாம் வ்யதாரீத் ।

ஸகலோபஹ்ரு'தாபிஷேசநீயைஃ

ரு'ஷயஸ்தாம் ஶ்ருதிகீர்பிரப்யஷிஞ்சந் ॥4॥

அபிஷேகஜலாநுபாதிமுக்த-

த்வதபாங்கைரவபூஷிதாங்கவல்லீம் ।

மணிகுண்டலபீதசேலஹார-

ப்ரமுகைஸ்தாமமராதயோऽந்வபூஷந் ॥5॥

வரணஸ்ரஜமாத்தப்ரு'ங்கநாதாம்

தததீ ஸா குசகும்பமந்தயாநா ।

பதஶிஞ்ஜிதமஞ்ஜுநூபுரா த்வாம்

கலிதவ்ரீலவிலாஸமாஸஸாத ॥6॥

கிரிஶத்ருஹிணாதிஸர்வதேவாந்

குணபாஜோऽப்யவிமுக்ததோஷலேஶாந் ।

அவம்ரு'ஶ்ய ஸதைவ ஸர்வரம்யே

நிஹிதா த்வய்யநயாऽபி திவ்யமாலா ॥7॥

உரஸா தரஸா மமாநிதைநாம்

புவநாநாம் ஜநநீமநந்யபாவாம் ।

த்வதுரோவிலஸத்ததீக்ஷணஶ்ரீ-

பரிவ்ரு'ஷ்ட்யா பரிபுஷ்டமாஸ விஶ்வம் ॥8॥

அதிமோஹநவிப்ரமா ததாநீம்

மதயந்தீ கலு வாருணீ நிராகாத் ।

தமஸஃ பதவீமதாஸ்த்வமேநா-

மதிஸம்மாநநயா மஹாஸுரேப்யஃ ॥9॥

தருணாம்புதஸுந்தரஸ்ததா த்வம்

நநு தந்வந்தரிருத்திதோऽம்புராஶேஃ ।

அம்ரு'தம் கலஶே வஹந் கராப்யா-

மகிலார்திம் ஹர மாருதாலயேஶ ॥10॥

Roman (IAST) Transliteration

garalaṃ taralānalaṃ purastā-

jjaladherudvijagāla kālakūṭam |

amarastutivādamodanighno

giriśastannipapau bhavatpriyārtham ||1||

vimathatsu surāsureṣu jātā

surabhistāmṛṣiṣu nyadhāstridhāman |

hayaratnamabhūdathebharatnaṃ

dyutaruścāpsarasaḥ sureṣu tāni ||2||

jagadīśa bhavatparā tadānīṃ

kamanīyā kamalā babhūva devī |

amalāmavalokya yāṃ vilolaḥ

sakalo'pi spṛhayāmbabhūva lokaḥ ||3||

tvayi dattahṛde tadaiva devyai

tridaśendro maṇipīṭhikāṃ vyatārīt |

sakalopahṛtābhiṣecanīyaiḥ

ṛṣayastāṃ śrutigīrbhirabhyaṣiñcan ||4||

abhiṣekajalānupātimugdha-

tvadapāṅgairavabhūṣitāṅgavallīm |

maṇikuṇḍalapītacelahāra-

pramukhaistāmamarādayo'nvabhūṣan ||5||

varaṇasrajamāttabhṛṅganādāṃ

dadhatī sā kucakumbhamandayānā |

padaśiñjitamañjunūpurā tvāṃ

kalitavrīlavilāsamāsasāda ||6||

giriśadruhiṇādisarvadevān

guṇabhājo'pyavimuktadoṣaleśān |

avamṛśya sadaiva sarvaramye

nihitā tvayyanayā'pi divyamālā ||7||

urasā tarasā mamānithaināṃ

bhuvanānāṃ jananīmananyabhāvām |

tvadurovilasattadīkṣaṇaśrī-

parivṛṣṭyā paripuṣṭamāsa viśvam ||8||

atimohanavibhramā tadānīṃ

madayantī khalu vāruṇī nirāgāt |

tamasaḥ padavīmadāstvamenā-

matisammānanayā mahāsurebhyaḥ ||9||

taruṇāmbudasundarastadā tvaṃ

nanu dhanvantarirutthito'mburāśeḥ |

amṛtaṃ kalaśe vahan karābhyā-

makhilārtiṃ hara mārutālayeśa ||10||

Sanskrit — Devanagari (original)

गरलं तरलानलं पुरस्ता-

ज्जलधेरुद्विजगाल कालकूटम् ।

अमरस्तुतिवादमोदनिघ्नो

गिरिशस्तन्निपपौ भवत्प्रियार्थम् ॥1॥

विमथत्सु सुरासुरेषु जाता

सुरभिस्तामृषिषु न्यधास्त्रिधामन् ।

हयरत्नमभूदथेभरत्नं

द्युतरुश्चाप्सरसः सुरेषु तानि ॥2॥

जगदीश भवत्परा तदानीं

कमनीया कमला बभूव देवी ।

अमलामवलोक्य यां विलोलः

सकलोऽपि स्पृहयाम्बभूव लोकः ॥3॥

त्वयि दत्तहृदे तदैव देव्यै

त्रिदशेन्द्रो मणिपीठिकां व्यतारीत् ।

सकलोपहृताभिषेचनीयैः

ऋषयस्तां श्रुतिगीर्भिरभ्यषिञ्चन् ॥4॥

अभिषेकजलानुपातिमुग्ध-

त्वदपाङ्गैरवभूषिताङ्गवल्लीम् ।

मणिकुण्डलपीतचेलहार-

प्रमुखैस्ताममरादयोऽन्वभूषन् ॥5॥

वरणस्रजमात्तभृङ्गनादां

दधती सा कुचकुम्भमन्दयाना ।

पदशिञ्जितमञ्जुनूपुरा त्वां

कलितव्रीलविलासमाससाद ॥6॥

गिरिशद्रुहिणादिसर्वदेवान्

गुणभाजोऽप्यविमुक्तदोषलेशान् ।

अवमृश्य सदैव सर्वरम्ये

निहिता त्वय्यनयाऽपि दिव्यमाला ॥7॥

उरसा तरसा ममानिथैनां

भुवनानां जननीमनन्यभावाम् ।

त्वदुरोविलसत्तदीक्षणश्री-

परिवृष्ट्या परिपुष्टमास विश्वम् ॥8॥

अतिमोहनविभ्रमा तदानीं

मदयन्ती खलु वारुणी निरागात् ।

तमसः पदवीमदास्त्वमेना-

मतिसम्माननया महासुरेभ्यः ॥9॥

तरुणाम्बुदसुन्दरस्तदा त्वं

ननु धन्वन्तरिरुत्थितोऽम्बुराशेः ।

अमृतं कलशे वहन् कराभ्या-

मखिलार्तिं हर मारुतालयेश ॥10॥