Narayaniyam Dashakam 28 — Bengali Script

Meaning —

গরলং তরলানলং পুরস্তা-
জ্জলধেরুদ্বিজগাল কালকূটম্ ।
অমরস্তুতিবাদমোদনিঘ্নো
গিরিশস্তন্নিপপৌ ভবত্প্রিযার্থম্ ॥1॥

garalaṃ taralānalaṃ purastā-
jjaladherudvijagāla kālakūṭam |
amarastutivādamodanighno
giriśastannipapau bhavatpriyārtham ||1||

Verse 2

বিমথত্সু সুরাসুরেষু জাতা
সুরভিস্তামৃষিষু ন্যধাস্ত্রিধামন্ ।
হযরত্নমভূদথেভরত্নং
দ্যুতরুশ্চাপ্সরসঃ সুরেষু তানি ॥2॥

vimathatsu surāsureṣu jātā
surabhistāmṛṣiṣu nyadhāstridhāman |
hayaratnamabhūdathebharatnaṃ
dyutaruścāpsarasaḥ sureṣu tāni ||2||

Verse 3

জগদীশ ভবত্পরা তদানীং
কমনীযা কমলা বভূব দেবী ।
অমলামবলোক্য যাং বিলোলঃ
সকলোঽপি স্পৃহযাম্বভূব লোকঃ ॥3॥

jagadīśa bhavatparā tadānīṃ
kamanīyā kamalā babhūva devī |
amalāmavalokya yāṃ vilolaḥ
sakalo'pi spṛhayāmbabhūva lokaḥ ||3||

Verse 4

ত্বযি দত্তহৃদে তদৈব দেব্যৈ
ত্রিদশেন্দ্রো মণিপীঠিকাং ব্যতারীত্ ।
সকলোপহৃতাভিষেচনীযৈঃ
ঋষযস্তাং শ্রুতিগীর্ভিরভ্যষিঞ্চন্ ॥4॥

tvayi dattahṛde tadaiva devyai
tridaśendro maṇipīṭhikāṃ vyatārīt |
sakalopahṛtābhiṣecanīyaiḥ
ṛṣayastāṃ śrutigīrbhirabhyaṣiñcan ||4||

Verse 5

অভিষেকজলানুপাতিমুগ্ধ-
ত্বদপাঙ্গৈরবভূষিতাঙ্গবল্লীম্ ।
মণিকুণ্ডলপীতচেলহার-
প্রমুখৈস্তামমরাদযোঽন্বভূষন্ ॥5॥

abhiṣekajalānupātimugdha-
tvadapāṅgairavabhūṣitāṅgavallīm |
maṇikuṇḍalapītacelahāra-
pramukhaistāmamarādayo'nvabhūṣan ||5||

Verse 6

বরণস্রজমাত্তভৃঙ্গনাদাং
দধতী সা কুচকুম্ভমন্দযানা ।
পদশিঞ্জিতমঞ্জুনূপুরা ত্বাং
কলিতব্রীলবিলাসমাসসাদ ॥6॥

varaṇasrajamāttabhṛṅganādāṃ
dadhatī sā kucakumbhamandayānā |
padaśiñjitamañjunūpurā tvāṃ
kalitavrīlavilāsamāsasāda ||6||

Verse 7

গিরিশদ্রুহিণাদিসর্বদেবান্
গুণভাজোঽপ্যবিমুক্তদোষলেশান্ ।
অবমৃশ্য সদৈব সর্বরম্যে
নিহিতা ত্বয্যনযাঽপি দিব্যমালা ॥7॥

giriśadruhiṇādisarvadevān
guṇabhājo'pyavimuktadoṣaleśān |
avamṛśya sadaiva sarvaramye
nihitā tvayyanayā'pi divyamālā ||7||

Verse 8

উরসা তরসা মমানিথৈনাং
ভুবনানাং জননীমনন্যভাবাম্ ।
ত্বদুরোবিলসত্তদীক্ষণশ্রী-
পরিবৃষ্ট্যা পরিপুষ্টমাস বিশ্বম্ ॥8॥

urasā tarasā mamānithaināṃ
bhuvanānāṃ jananīmananyabhāvām |
tvadurovilasattadīkṣaṇaśrī-
parivṛṣṭyā paripuṣṭamāsa viśvam ||8||

Verse 9

অতিমোহনবিভ্রমা তদানীং
মদযন্তী খলু বারুণী নিরাগাত্ ।
তমসঃ পদবীমদাস্ত্বমেনা-
মতিসম্মাননযা মহাসুরেভ্যঃ ॥9॥

atimohanavibhramā tadānīṃ
madayantī khalu vāruṇī nirāgāt |
tamasaḥ padavīmadāstvamenā-
matisammānanayā mahāsurebhyaḥ ||9||

Verse 10

তরুণাম্বুদসুন্দরস্তদা ত্বং
ননু ধন্বন্তরিরুত্থিতোঽম্বুরাশেঃ ।
অমৃতং কলশে বহন্ করাভ্যা-
মখিলার্তিং হর মারুতালযেশ ॥10॥

taruṇāmbudasundarastadā tvaṃ
nanu dhanvantarirutthito'mburāśeḥ |
amṛtaṃ kalaśe vahan karābhyā-
makhilārtiṃ hara mārutālayeśa ||10||

Sanskrit — Devanagari (original)

गरलं तरलानलं पुरस्ता-

ज्जलधेरुद्विजगाल कालकूटम् ।

अमरस्तुतिवादमोदनिघ्नो

गिरिशस्तन्निपपौ भवत्प्रियार्थम् ॥1॥

विमथत्सु सुरासुरेषु जाता

सुरभिस्तामृषिषु न्यधास्त्रिधामन् ।

हयरत्नमभूदथेभरत्नं

द्युतरुश्चाप्सरसः सुरेषु तानि ॥2॥

जगदीश भवत्परा तदानीं

कमनीया कमला बभूव देवी ।

अमलामवलोक्य यां विलोलः

सकलोऽपि स्पृहयाम्बभूव लोकः ॥3॥

त्वयि दत्तहृदे तदैव देव्यै

त्रिदशेन्द्रो मणिपीठिकां व्यतारीत् ।

सकलोपहृताभिषेचनीयैः

ऋषयस्तां श्रुतिगीर्भिरभ्यषिञ्चन् ॥4॥

अभिषेकजलानुपातिमुग्ध-

त्वदपाङ्गैरवभूषिताङ्गवल्लीम् ।

मणिकुण्डलपीतचेलहार-

प्रमुखैस्ताममरादयोऽन्वभूषन् ॥5॥

वरणस्रजमात्तभृङ्गनादां

दधती सा कुचकुम्भमन्दयाना ।

पदशिञ्जितमञ्जुनूपुरा त्वां

कलितव्रीलविलासमाससाद ॥6॥

गिरिशद्रुहिणादिसर्वदेवान्

गुणभाजोऽप्यविमुक्तदोषलेशान् ।

अवमृश्य सदैव सर्वरम्ये

निहिता त्वय्यनयाऽपि दिव्यमाला ॥7॥

उरसा तरसा ममानिथैनां

भुवनानां जननीमनन्यभावाम् ।

त्वदुरोविलसत्तदीक्षणश्री-

परिवृष्ट्या परिपुष्टमास विश्वम् ॥8॥

अतिमोहनविभ्रमा तदानीं

मदयन्ती खलु वारुणी निरागात् ।

तमसः पदवीमदास्त्वमेना-

मतिसम्माननया महासुरेभ्यः ॥9॥

तरुणाम्बुदसुन्दरस्तदा त्वं

ननु धन्वन्तरिरुत्थितोऽम्बुराशेः ।

अमृतं कलशे वहन् कराभ्या-

मखिलार्तिं हर मारुतालयेश ॥10॥

🕉️ This is the original Sanskrit rendered in Bengali script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

নারাযণীযং দশক 28 - লক্ষ্মীস্বযংবরং তথা অমৃতোত্পত্তিঃ