கோபீஜநாய கதிதம் நியமாவஸாநே
மாரோத்ஸவம் த்வமத ஸாதயிதும் ப்ரவ்ரு'த்தஃ ।
ஸாந்த்ரேண சாந்த்ரமஹஸா ஶிஶிரீக்ரு'தாஶே
ப்ராபூரயோ முரலிகாம் யமுநாவநாந்தே ॥1॥
ஸம்மூர்சநாபிருதிதஸ்வரமண்டலாபிஃ
ஸம்மூர்சயந்தமகிலம் புவநாந்தராலம் ।
த்வத்வேணுநாதமுபகர்ண்ய விபோ தருண்ய-
ஸ்தத்தாத்ரு'ஶம் கமபி சித்தவிமோஹமாபுஃ ॥2॥
தா கேஹக்ரு'த்யநிரதாஸ்தநயப்ரஸக்தாஃ
காந்தோபஸேவநபராஶ்ச ஸரோருஹாக்ஷ்யஃ ।
ஸர்வம் விஸ்ரு'ஜ்ய முரலீரவமோஹிதாஸ்தே
காந்தாரதேஶமயி காந்ததநோ ஸமேதாஃ ॥3॥
காஶ்சிந்நிஜாங்கபரிபூஷணமாததாநா
வேணுப்ரணாதமுபகர்ண்ய க்ரு'தார்தபூஷாஃ ।
த்வாமாகதா நநு ததைவ விபூஷிதாப்ய-
ஸ்தா ஏவ ஸம்ருருசிரே தவ லோசநாய ॥4॥
ஹாரம் நிதம்பபுவி காசந தாரயந்தீ
காஞ்சீம் ச கண்டபுவி தேவ ஸமாகதா த்வாம் ।
ஹாரித்வமாத்மஜகநஸ்ய முகுந்த துப்யம்
வ்யக்தம் பபாஷ இவ முக்தமுகீ விஶேஷாத் ॥5॥
காசித் குசே புநரஸஜ்ஜிதகஞ்சுலீகா
வ்யாமோஹதஃ பரவதூபிரலக்ஷ்யமாணா ।
த்வாமாயயௌ நிருபமப்ரணயாதிபார-
ராஜ்யாபிஷேகவிதயே கலஶீதரேவ ॥6॥
காஶ்சித் க்ரு'ஹாத் கில நிரேதுமபாரயந்த்ய-
ஸ்த்வாமேவ தேவ ஹ்ரு'தயே ஸுத்ரு'டம் விபாவ்ய ।
தேஹம் விதூய பரசித்ஸுகரூபமேகம்
த்வாமாவிஶந் பரமிமா நநு தந்யதந்யாஃ ॥7॥
ஜாராத்மநா ந பரமாத்மதயா ஸ்மரந்த்யோ
நார்யோ கதாஃ பரமஹம்ஸகதிம் க்ஷணேந ।
தம் த்வாம் ப்ரகாஶபரமாத்மதநும் கதஞ்சி-
ச்சித்தே வஹந்நம்ரு'தமஶ்ரமமஶ்நுவீய ॥8॥
அப்யாகதாபிரபிதோ வ்ரஜஸுந்தரீபி-
ர்முக்தஸ்மிதார்த்ரவதநஃ கருணாவலோகீ ।
நிஸ்ஸீமகாந்திஜலதிஸ்த்வமவேக்ஷ்யமாணோ
விஶ்வைகஹ்ரு'த்ய ஹர மே பவநேஶ ரோகாந் ॥9॥
Roman (IAST) Transliteration
gopījanāya kathitaṃ niyamāvasāne
mārotsavaṃ tvamatha sādhayituṃ pravṛttaḥ |
sāndreṇa cāndramahasā śiśirīkṛtāśe
prāpūrayo muralikāṃ yamunāvanānte ||1||
sammūrchanābhiruditasvaramaṇḍalābhiḥ
sammūrchayantamakhilaṃ bhuvanāntarālam |
tvadveṇunādamupakarṇya vibho taruṇya-
stattādṛśaṃ kamapi cittavimohamāpuḥ ||2||
tā gehakṛtyaniratāstanayaprasaktāḥ
kāntopasevanaparāśca saroruhākṣyaḥ |
sarvaṃ visṛjya muralīravamohitāste
kāntāradeśamayi kāntatano sametāḥ ||3||
kāścinnijāṅgaparibhūṣaṇamādadhānā
veṇupraṇādamupakarṇya kṛtārdhabhūṣāḥ |
tvāmāgatā nanu tathaiva vibhūṣitābhya-
stā eva saṃrurucire tava locanāya ||4||
hāraṃ nitambabhuvi kācana dhārayantī
kāñcīṃ ca kaṇṭhabhuvi deva samāgatā tvām |
hāritvamātmajaghanasya mukunda tubhyaṃ
vyaktaṃ babhāṣa iva mugdhamukhī viśeṣāt ||5||
kācit kuce punarasajjitakañculīkā
vyāmohataḥ paravadhūbhiralakṣyamāṇā |
tvāmāyayau nirupamapraṇayātibhāra-
rājyābhiṣekavidhaye kalaśīdhareva ||6||
kāścit gṛhāt kila niretumapārayantya-
stvāmeva deva hṛdaye sudṛḍhaṃ vibhāvya |
dehaṃ vidhūya paracitsukharūpamekaṃ
tvāmāviśan paramimā nanu dhanyadhanyāḥ ||7||
jārātmanā na paramātmatayā smarantyo
nāryo gatāḥ paramahaṃsagatiṃ kṣaṇena |
taṃ tvāṃ prakāśaparamātmatanuṃ kathañci-
ccitte vahannamṛtamaśramamaśnuvīya ||8||
abhyāgatābhirabhito vrajasundarībhi-
rmugdhasmitārdravadanaḥ karuṇāvalokī |
nissīmakāntijaladhistvamavekṣyamāṇo
viśvaikahṛdya hara me pavaneśa rogān ||9||
Sanskrit — Devanagari (original)
गोपीजनाय कथितं नियमावसाने
मारोत्सवं त्वमथ साधयितुं प्रवृत्तः ।
सान्द्रेण चान्द्रमहसा शिशिरीकृताशे
प्रापूरयो मुरलिकां यमुनावनान्ते ॥1॥
सम्मूर्छनाभिरुदितस्वरमण्डलाभिः
सम्मूर्छयन्तमखिलं भुवनान्तरालम् ।
त्वद्वेणुनादमुपकर्ण्य विभो तरुण्य-
स्तत्तादृशं कमपि चित्तविमोहमापुः ॥2॥
ता गेहकृत्यनिरतास्तनयप्रसक्ताः
कान्तोपसेवनपराश्च सरोरुहाक्ष्यः ।
सर्वं विसृज्य मुरलीरवमोहितास्ते
कान्तारदेशमयि कान्ततनो समेताः ॥3॥
काश्चिन्निजाङ्गपरिभूषणमादधाना
वेणुप्रणादमुपकर्ण्य कृतार्धभूषाः ।
त्वामागता ननु तथैव विभूषिताभ्य-
स्ता एव संरुरुचिरे तव लोचनाय ॥4॥
हारं नितम्बभुवि काचन धारयन्ती
काञ्चीं च कण्ठभुवि देव समागता त्वाम् ।
हारित्वमात्मजघनस्य मुकुन्द तुभ्यं
व्यक्तं बभाष इव मुग्धमुखी विशेषात् ॥5॥
काचित् कुचे पुनरसज्जितकञ्चुलीका
व्यामोहतः परवधूभिरलक्ष्यमाणा ।
त्वामाययौ निरुपमप्रणयातिभार-
राज्याभिषेकविधये कलशीधरेव ॥6॥
काश्चित् गृहात् किल निरेतुमपारयन्त्य-
स्त्वामेव देव हृदये सुदृढं विभाव्य ।
देहं विधूय परचित्सुखरूपमेकं
त्वामाविशन् परमिमा ननु धन्यधन्याः ॥7॥
जारात्मना न परमात्मतया स्मरन्त्यो
नार्यो गताः परमहंसगतिं क्षणेन ।
तं त्वां प्रकाशपरमात्मतनुं कथञ्चि-
च्चित्ते वहन्नमृतमश्रममश्नुवीय ॥8॥
अभ्यागताभिरभितो व्रजसुन्दरीभि-
र्मुग्धस्मितार्द्रवदनः करुणावलोकी ।
निस्सीमकान्तिजलधिस्त्वमवेक्ष्यमाणो
विश्वैकहृद्य हर मे पवनेश रोगान् ॥9॥
gopījanāya kathitaṃ niyamāvasāne
mārotsavaṃ tvamatha sādhayituṃ pravṛttaḥ |
sāndreṇa cāndramahasā śiśirīkṛtāśe
prāpūrayo muralikāṃ yamunāvanānte ||1||
sammūrchanābhiruditasvaramaṇḍalābhiḥ
sammūrchayantamakhilaṃ bhuvanāntarālam |
tvadveṇunādamupakarṇya vibho taruṇya-
stattādṛśaṃ kamapi cittavimohamāpuḥ ||2||
tā gehakṛtyaniratāstanayaprasaktāḥ
kāntopasevanaparāśca saroruhākṣyaḥ |
sarvaṃ visṛjya muralīravamohitāste
kāntāradeśamayi kāntatano sametāḥ ||3||
kāścinnijāṅgaparibhūṣaṇamādadhānā
veṇupraṇādamupakarṇya kṛtārdhabhūṣāḥ |
tvāmāgatā nanu tathaiva vibhūṣitābhya-
stā eva saṃrurucire tava locanāya ||4||
hāraṃ nitambabhuvi kācana dhārayantī
kāñcīṃ ca kaṇṭhabhuvi deva samāgatā tvām |
hāritvamātmajaghanasya mukunda tubhyaṃ
vyaktaṃ babhāṣa iva mugdhamukhī viśeṣāt ||5||
kācit kuce punarasajjitakañculīkā
vyāmohataḥ paravadhūbhiralakṣyamāṇā |
tvāmāyayau nirupamapraṇayātibhāra-
rājyābhiṣekavidhaye kalaśīdhareva ||6||
kāścit gṛhāt kila niretumapārayantya-
stvāmeva deva hṛdaye sudṛḍhaṃ vibhāvya |
dehaṃ vidhūya paracitsukharūpamekaṃ
tvāmāviśan paramimā nanu dhanyadhanyāḥ ||7||
jārātmanā na paramātmatayā smarantyo
nāryo gatāḥ paramahaṃsagatiṃ kṣaṇena |
taṃ tvāṃ prakāśaparamātmatanuṃ kathañci-
ccitte vahannamṛtamaśramamaśnuvīya ||8||
abhyāgatābhirabhito vrajasundarībhi-
rmugdhasmitārdravadanaḥ karuṇāvalokī |
nissīmakāntijaladhistvamavekṣyamāṇo
viśvaikahṛdya hara me pavaneśa rogān ||9||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.