Narayaniyam Dashaka 65 - Gopikanam Bhagavatsamipyapraptih — Bengali Script

গোপীজনায কথিতং নিযমাবসানে

মারোত্সবং ত্বমথ সাধযিতুং প্রবৃত্তঃ ।

সান্দ্রেণ চান্দ্রমহসা শিশিরীকৃতাশে

প্রাপূরযো মুরলিকাং যমুনাবনান্তে ॥1॥

সম্মূর্ছনাভিরুদিতস্বরমণ্ডলাভিঃ

সম্মূর্ছযন্তমখিলং ভুবনান্তরালম্ ।

ত্বদ্বেণুনাদমুপকর্ণ্য বিভো তরুণ্য-

স্তত্তাদৃশং কমপি চিত্তবিমোহমাপুঃ ॥2॥

তা গেহকৃত্যনিরতাস্তনযপ্রসক্তাঃ

কান্তোপসেবনপরাশ্চ সরোরুহাক্ষ্যঃ ।

সর্বং বিসৃজ্য মুরলীরবমোহিতাস্তে

কান্তারদেশমযি কান্ততনো সমেতাঃ ॥3॥

কাশ্চিন্নিজাঙ্গপরিভূষণমাদধানা

বেণুপ্রণাদমুপকর্ণ্য কৃতার্ধভূষাঃ ।

ত্বামাগতা ননু তথৈব বিভূষিতাভ্য-

স্তা এব সংরুরুচিরে তব লোচনায ॥4॥

হারং নিতম্বভুবি কাচন ধারযন্তী

কাঞ্চীং চ কণ্ঠভুবি দেব সমাগতা ত্বাম্ ।

হারিত্বমাত্মজঘনস্য মুকুন্দ তুভ্যং

ব্যক্তং বভাষ ইব মুগ্ধমুখী বিশেষাত্ ॥5॥

কাচিত্ কুচে পুনরসজ্জিতকঞ্চুলীকা

ব্যামোহতঃ পরবধূভিরলক্ষ্যমাণা ।

ত্বামাযযৌ নিরুপমপ্রণযাতিভার-

রাজ্যাভিষেকবিধযে কলশীধরেব ॥6॥

কাশ্চিত্ গৃহাত্ কিল নিরেতুমপারযন্ত্য-

স্ত্বামেব দেব হৃদযে সুদৃঢং বিভাব্য ।

দেহং বিধূয পরচিত্সুখরূপমেকং

ত্বামাবিশন্ পরমিমা ননু ধন্যধন্যাঃ ॥7॥

জারাত্মনা ন পরমাত্মতযা স্মরন্ত্যো

নার্যো গতাঃ পরমহংসগতিং ক্ষণেন ।

তং ত্বাং প্রকাশপরমাত্মতনুং কথঞ্চি-

চ্চিত্তে বহন্নমৃতমশ্রমমশ্নুবীয ॥8॥

অভ্যাগতাভিরভিতো ব্রজসুন্দরীভি-

র্মুগ্ধস্মিতার্দ্রবদনঃ করুণাবলোকী ।

নিস্সীমকান্তিজলধিস্ত্বমবেক্ষ্যমাণো

বিশ্বৈকহৃদ্য হর মে পবনেশ রোগান্ ॥9॥

Roman (IAST) Transliteration

gopījanāya kathitaṃ niyamāvasāne

mārotsavaṃ tvamatha sādhayituṃ pravṛttaḥ |

sāndreṇa cāndramahasā śiśirīkṛtāśe

prāpūrayo muralikāṃ yamunāvanānte ||1||

sammūrchanābhiruditasvaramaṇḍalābhiḥ

sammūrchayantamakhilaṃ bhuvanāntarālam |

tvadveṇunādamupakarṇya vibho taruṇya-

stattādṛśaṃ kamapi cittavimohamāpuḥ ||2||

tā gehakṛtyaniratāstanayaprasaktāḥ

kāntopasevanaparāśca saroruhākṣyaḥ |

sarvaṃ visṛjya muralīravamohitāste

kāntāradeśamayi kāntatano sametāḥ ||3||

kāścinnijāṅgaparibhūṣaṇamādadhānā

veṇupraṇādamupakarṇya kṛtārdhabhūṣāḥ |

tvāmāgatā nanu tathaiva vibhūṣitābhya-

stā eva saṃrurucire tava locanāya ||4||

hāraṃ nitambabhuvi kācana dhārayantī

kāñcīṃ ca kaṇṭhabhuvi deva samāgatā tvām |

hāritvamātmajaghanasya mukunda tubhyaṃ

vyaktaṃ babhāṣa iva mugdhamukhī viśeṣāt ||5||

kācit kuce punarasajjitakañculīkā

vyāmohataḥ paravadhūbhiralakṣyamāṇā |

tvāmāyayau nirupamapraṇayātibhāra-

rājyābhiṣekavidhaye kalaśīdhareva ||6||

kāścit gṛhāt kila niretumapārayantya-

stvāmeva deva hṛdaye sudṛḍhaṃ vibhāvya |

dehaṃ vidhūya paracitsukharūpamekaṃ

tvāmāviśan paramimā nanu dhanyadhanyāḥ ||7||

jārātmanā na paramātmatayā smarantyo

nāryo gatāḥ paramahaṃsagatiṃ kṣaṇena |

taṃ tvāṃ prakāśaparamātmatanuṃ kathañci-

ccitte vahannamṛtamaśramamaśnuvīya ||8||

abhyāgatābhirabhito vrajasundarībhi-

rmugdhasmitārdravadanaḥ karuṇāvalokī |

nissīmakāntijaladhistvamavekṣyamāṇo

viśvaikahṛdya hara me pavaneśa rogān ||9||

Sanskrit — Devanagari (original)

गोपीजनाय कथितं नियमावसाने

मारोत्सवं त्वमथ साधयितुं प्रवृत्तः ।

सान्द्रेण चान्द्रमहसा शिशिरीकृताशे

प्रापूरयो मुरलिकां यमुनावनान्ते ॥1॥

सम्मूर्छनाभिरुदितस्वरमण्डलाभिः

सम्मूर्छयन्तमखिलं भुवनान्तरालम् ।

त्वद्वेणुनादमुपकर्ण्य विभो तरुण्य-

स्तत्तादृशं कमपि चित्तविमोहमापुः ॥2॥

ता गेहकृत्यनिरतास्तनयप्रसक्ताः

कान्तोपसेवनपराश्च सरोरुहाक्ष्यः ।

सर्वं विसृज्य मुरलीरवमोहितास्ते

कान्तारदेशमयि कान्ततनो समेताः ॥3॥

काश्चिन्निजाङ्गपरिभूषणमादधाना

वेणुप्रणादमुपकर्ण्य कृतार्धभूषाः ।

त्वामागता ननु तथैव विभूषिताभ्य-

स्ता एव संरुरुचिरे तव लोचनाय ॥4॥

हारं नितम्बभुवि काचन धारयन्ती

काञ्चीं च कण्ठभुवि देव समागता त्वाम् ।

हारित्वमात्मजघनस्य मुकुन्द तुभ्यं

व्यक्तं बभाष इव मुग्धमुखी विशेषात् ॥5॥

काचित् कुचे पुनरसज्जितकञ्चुलीका

व्यामोहतः परवधूभिरलक्ष्यमाणा ।

त्वामाययौ निरुपमप्रणयातिभार-

राज्याभिषेकविधये कलशीधरेव ॥6॥

काश्चित् गृहात् किल निरेतुमपारयन्त्य-

स्त्वामेव देव हृदये सुदृढं विभाव्य ।

देहं विधूय परचित्सुखरूपमेकं

त्वामाविशन् परमिमा ननु धन्यधन्याः ॥7॥

जारात्मना न परमात्मतया स्मरन्त्यो

नार्यो गताः परमहंसगतिं क्षणेन ।

तं त्वां प्रकाशपरमात्मतनुं कथञ्चि-

च्चित्ते वहन्नमृतमश्रममश्नुवीय ॥8॥

अभ्यागताभिरभितो व्रजसुन्दरीभि-

र्मुग्धस्मितार्द्रवदनः करुणावलोकी ।

निस्सीमकान्तिजलधिस्त्वमवेक्ष्यमाणो

विश्वैकहृद्य हर मे पवनेश रोगान् ॥9॥