Narayaniyam Dashakam 93 — Tamil Script

Meaning —

பந்துஸ்நேஹம் விஜஹ்யாம் தவ ஹி கருணயா த்வய்யுபாவேஶிதாத்மா
ஸர்வம் த்யக்த்வா சரேயம் ஸகலமபி ஜகத்வீக்ஷ்ய மாயாவிலாஸம் ।
நாநாத்வாத்ப்ராந்திஜந்யாத் ஸதி கலு குணதோஷாவபோதே விதிர்வா
வ்யாஸேதோ வா கதம் தௌ த்வயி நிஹிதமதேர்வீதவைஷம்யபுத்தேஃ ॥1॥

bandhusnehaṃ vijahyāṃ tava hi karuṇayā tvayyupāveśitātmā
sarvaṃ tyaktvā careyaṃ sakalamapi jagadvīkṣya māyāvilāsam |
nānātvādbhrāntijanyāt sati khalu guṇadoṣāvabodhe vidhirvā
vyāsedho vā kathaṃ tau tvayi nihitamatervītavaiṣamyabuddheḥ ||1||

Verse 2

க்ஷுத்த்ரு'ஷ்ணாலோபமாத்ரே ஸததக்ரு'ததியோ ஜந்தவஃ ஸந்த்யநந்தா-
ஸ்தேப்யோ விஜ்ஞாநவத்த்வாத் புருஷ இஹ வரஸ்தஜ்ஜநிர்துர்லபைவ ।
தத்ராப்யாத்மாத்மநஃ ஸ்யாத்ஸுஹ்ரு'தபி ச ரிபுர்யஸ்த்வயி ந்யஸ்தசேதா-
ஸ்தாபோச்சித்தேருபாயம் ஸ்மரதி ஸ ஹி ஸுஹ்ரு'த் ஸ்வாத்மவைரீ ததோऽந்யஃ ॥2॥

kṣuttṛṣṇālopamātre satatakṛtadhiyo jantavaḥ santyanantā-
stebhyo vijñānavattvāt puruṣa iha varastajjanirdurlabhaiva |
tatrāpyātmātmanaḥ syātsuhṛdapi ca ripuryastvayi nyastacetā-
stāpocchitterupāyaṃ smarati sa hi suhṛt svātmavairī tato'nyaḥ ||2||

Verse 3

த்வத்காருண்யே ப்ரவ்ரு'த்தே க இவ நஹி குருர்லோகவ்ரு'த்தேऽபி பூமந்
ஸர்வாக்ராந்தாபி பூமிர்நஹி சலதி ததஸ்ஸத்க்ஷமாம் ஶிக்ஷயேயம் ।
க்ரு'ஹ்ணீயாமீஶ தத்தத்விஷயபரிசயேऽப்யப்ரஸக்திம் ஸமீராத்
வ்யாப்தத்வஞ்சாத்மநோ மே ககநகுருவஶாத்பாது நிர்லேபதா ச ॥3

tvatkāruṇye pravṛtte ka iva nahi gururlokavṛtte'pi bhūman
sarvākrāntāpi bhūmirnahi calati tatassatkṣamāṃ śikṣayeyam |
gṛhṇīyāmīśa tattadviṣayaparicaye'pyaprasaktiṃ samīrāt
vyāptatvañcātmano me gaganaguruvaśādbhātu nirlepatā ca ||3

Verse 4

ஸ்வச்சஃ ஸ்யாம் பாவநோऽஹம் மதுர உதகவத்வஹ்நிவந்மா ஸ்ம க்ரு'ஹ்ணாம்
ஸர்வாந்நீநோऽபி தோஷம் தருஷு தமிவ மாம் ஸர்வபூதேஷ்வவேயாம் ।
புஷ்டிர்நஷ்டிஃ கலாநாம் ஶஶிந இவ தநோர்நாத்மநோऽஸ்தீதி வித்யாம்
தோயாதிவ்யஸ்தமார்தாண்டவதபி ச தநுஷ்வேகதாம் த்வத்ப்ரஸாதாத் ॥4॥

svacchaḥ syāṃ pāvano'haṃ madhura udakavadvahnivanmā sma gṛhṇāṃ
sarvānnīno'pi doṣaṃ taruṣu tamiva māṃ sarvabhūteṣvaveyām |
puṣṭirnaṣṭiḥ kalānāṃ śaśina iva tanornātmano'stīti vidyāṃ
toyādivyastamārtāṇḍavadapi ca tanuṣvekatāṃ tvatprasādāt ||4||

Verse 5

ஸ்நேஹாத்வ்யாதாத்தபுத்ரப்ரணயம்ரு'தகபோதாயிதோ மா ஸ்ம பூவம்
ப்ராப்தம் ப்ராஶ்நந் ஸஹேய க்ஷுதமபி ஶயுவத் ஸிந்துவத்ஸ்யாமகாதஃ ।
மா பப்தம் யோஷிதாதௌ ஶிகிநி ஶலபவத் ப்ரு'ங்கவத்ஸாரபாகீ
பூயாஸம் கிந்து தத்வத்தநசயநவஶாந்மாஹமீஶ ப்ரணேஶம் ॥5॥

snehādvyādhāttaputrapraṇayamṛtakapotāyito mā sma bhūvaṃ
prāptaṃ prāśnan saheya kṣudhamapi śayuvat sindhuvatsyāmagādhaḥ |
mā paptaṃ yoṣidādau śikhini śalabhavat bhṛṅgavatsārabhāgī
bhūyāsaṃ kintu tadvaddhanacayanavaśānmāhamīśa praṇeśam ||5||

Verse 6

மா பத்த்யாஸம் தருண்யா கஜ இவ வஶயா நார்ஜயேயம் தநௌகம்
ஹர்தாந்யஸ்தம் ஹி மாத்வீஹர இவ ம்ரு'கவந்மா முஹம் க்ராம்யகீதைஃ ।
நாத்யாஸஜ்ஜேய போஜ்யே சஷ இவ பலிஶே பிங்கலாவந்நிராஶஃ
ஸுப்யாம் பர்தவ்யயோகாத் குரர இவ விபோ ஸாமிஷோऽந்யைர்ந ஹந்யை ॥6॥

mā baddhyāsaṃ taruṇyā gaja iva vaśayā nārjayeyaṃ dhanaughaṃ
hartānyastaṃ hi mādhvīhara iva mṛgavanmā muhaṃ grāmyagītaiḥ |
nātyāsajjeya bhojye jhaṣa iva baliśe piṅgalāvannirāśaḥ
supyāṃ bhartavyayogāt kurara iva vibho sāmiṣo'nyairna hanyai ||6||

Verse 7

வர்தேய த்யக்தமாநஃ ஸுகமதிஶிஶுவந்நிஸ்ஸஹாயஶ்சரேயம்
கந்யாயா ஏகஶேஷோ வலய இவ விபோ வர்ஜிதாந்யோந்யகோஷஃ ।
த்வச்சித்தோ நாவபுத்யை பரமிஷுக்ரு'திவ க்ஷ்மாப்ரு'தாயாநகோஷம்
கேஹேஷ்வந்யப்ரணீதேஷ்வஹிரிவ நிவஸாந்யுந்துரோர்மந்திரேஷு ॥7॥

varteya tyaktamānaḥ sukhamatiśiśuvannissahāyaścareyaṃ
kanyāyā ekaśeṣo valaya iva vibho varjitānyonyaghoṣaḥ |
tvaccitto nāvabudhyai paramiṣukṛdiva kṣmābhṛdāyānaghoṣaṃ
geheṣvanyapraṇīteṣvahiriva nivasānyundurormandireṣu ||7||

Verse 8

த்வய்யேவ த்வத்க்ரு'தம் த்வம் க்ஷபயஸி ஜகதித்யூர்ணநாபாத் ப்ரதீயாம்
த்வச்சிந்தா த்வத்ஸ்வரூபம் குருத இதி த்ரு'டம் ஶிக்ஷயே பேஶகாராத் ।
விட்பஸ்மாத்மா ச தேஹோ பவதி குருவரோ யோ விவேகம் விரக்திம்
தத்தே ஸஞ்சிந்த்யமாநோ மம து பஹுருஜாபீடிதோऽயம் விஶேஷாத் ॥8॥

tvayyeva tvatkṛtaṃ tvaṃ kṣapayasi jagadityūrṇanābhāt pratīyāṃ
tvaccintā tvatsvarūpaṃ kuruta iti dṛḍhaṃ śikṣaye peśakārāt |
viḍbhasmātmā ca deho bhavati guruvaro yo vivekaṃ viraktiṃ
dhatte sañcintyamāno mama tu bahurujāpīḍito'yaṃ viśeṣāt ||8||

Verse 9

ஹீ ஹீ மே தேஹமோஹம் த்யஜ பவநபுராதீஶ யத்ப்ரேமஹேதோ-
ர்கேஹே வித்தே கலத்ராதிஷு ச விவஶிதாஸ்த்வத்பதம் விஸ்மரந்தி ।
ஸோऽயம் வஹ்நேஶ்ஶுநோ வா பரமிஹ பரதஃ ஸாம்ப்ரதஞ்சாக்ஷிகர்ண-
த்வக்ஜிஹ்வாத்யா விகர்ஷந்த்யவஶமத இதஃ கோऽபி ந த்வத்பதாப்ஜே ॥9॥

hī hī me dehamohaṃ tyaja pavanapurādhīśa yatpremaheto-
rgehe vitte kalatrādiṣu ca vivaśitāstvatpadaṃ vismaranti |
so'yaṃ vahneśśuno vā paramiha parataḥ sāmpratañcākṣikarṇa-
tvagjihvādyā vikarṣantyavaśamata itaḥ ko'pi na tvatpadābje ||9||

Verse 10

துர்வாரோ தேஹமோஹோ யதி புநரதுநா தர்ஹி நிஶ்ஶேஷரோகாந்
ஹ்ரு'த்வா பக்திம் த்ரடிஷ்டாம் குரு தவ பதபங்கேருஹே பங்கஜாக்ஷ ।
நூநம் நாநாபவாந்தே ஸமதிகதமமும் முக்திதம் விப்ரதேஹம்
க்ஷுத்ரே ஹா ஹந்த மா மா க்ஷிப விஷயரஸே பாஹி மாம் மாருதேஶ ॥10॥

durvāro dehamoho yadi punaradhunā tarhi niśśeṣarogān
hṛtvā bhaktiṃ draḍhiṣṭhāṃ kuru tava padapaṅkeruhe paṅkajākṣa |
nūnaṃ nānābhavānte samadhigatamamuṃ muktidaṃ vipradehaṃ
kṣudre hā hanta mā mā kṣipa viṣayarase pāhi māṃ māruteśa ||10||

Sanskrit — Devanagari (original)

बन्धुस्नेहं विजह्यां तव हि करुणया त्वय्युपावेशितात्मा

सर्वं त्यक्त्वा चरेयं सकलमपि जगद्वीक्ष्य मायाविलासम् ।

नानात्वाद्भ्रान्तिजन्यात् सति खलु गुणदोषावबोधे विधिर्वा

व्यासेधो वा कथं तौ त्वयि निहितमतेर्वीतवैषम्यबुद्धेः ॥1॥

क्षुत्तृष्णालोपमात्रे सततकृतधियो जन्तवः सन्त्यनन्ता-

स्तेभ्यो विज्ञानवत्त्वात् पुरुष इह वरस्तज्जनिर्दुर्लभैव ।

तत्राप्यात्मात्मनः स्यात्सुहृदपि च रिपुर्यस्त्वयि न्यस्तचेता-

स्तापोच्छित्तेरुपायं स्मरति स हि सुहृत् स्वात्मवैरी ततोऽन्यः ॥2॥

त्वत्कारुण्ये प्रवृत्ते क इव नहि गुरुर्लोकवृत्तेऽपि भूमन्

सर्वाक्रान्तापि भूमिर्नहि चलति ततस्सत्क्षमां शिक्षयेयम् ।

गृह्णीयामीश तत्तद्विषयपरिचयेऽप्यप्रसक्तिं समीरात्

व्याप्तत्वञ्चात्मनो मे गगनगुरुवशाद्भातु निर्लेपता च ॥3

स्वच्छः स्यां पावनोऽहं मधुर उदकवद्वह्निवन्मा स्म गृह्णां

सर्वान्नीनोऽपि दोषं तरुषु तमिव मां सर्वभूतेष्ववेयाम् ।

पुष्टिर्नष्टिः कलानां शशिन इव तनोर्नात्मनोऽस्तीति विद्यां

तोयादिव्यस्तमार्ताण्डवदपि च तनुष्वेकतां त्वत्प्रसादात् ॥4॥

स्नेहाद्व्याधात्तपुत्रप्रणयमृतकपोतायितो मा स्म भूवं

प्राप्तं प्राश्नन् सहेय क्षुधमपि शयुवत् सिन्धुवत्स्यामगाधः ।

मा पप्तं योषिदादौ शिखिनि शलभवत् भृङ्गवत्सारभागी

भूयासं किन्तु तद्वद्धनचयनवशान्माहमीश प्रणेशम् ॥5॥

मा बद्ध्यासं तरुण्या गज इव वशया नार्जयेयं धनौघं

हर्तान्यस्तं हि माध्वीहर इव मृगवन्मा मुहं ग्राम्यगीतैः ।

नात्यासज्जेय भोज्ये झष इव बलिशे पिङ्गलावन्निराशः

सुप्यां भर्तव्ययोगात् कुरर इव विभो सामिषोऽन्यैर्न हन्यै ॥6॥

वर्तेय त्यक्तमानः सुखमतिशिशुवन्निस्सहायश्चरेयं

कन्याया एकशेषो वलय इव विभो वर्जितान्योन्यघोषः ।

त्वच्चित्तो नावबुध्यै परमिषुकृदिव क्ष्माभृदायानघोषं

गेहेष्वन्यप्रणीतेष्वहिरिव निवसान्युन्दुरोर्मन्दिरेषु ॥7॥

त्वय्येव त्वत्कृतं त्वं क्षपयसि जगदित्यूर्णनाभात् प्रतीयां

त्वच्चिन्ता त्वत्स्वरूपं कुरुत इति दृढं शिक्षये पेशकारात् ।

विड्भस्मात्मा च देहो भवति गुरुवरो यो विवेकं विरक्तिं

धत्ते सञ्चिन्त्यमानो मम तु बहुरुजापीडितोऽयं विशेषात् ॥8॥

ही ही मे देहमोहं त्यज पवनपुराधीश यत्प्रेमहेतो-

र्गेहे वित्ते कलत्रादिषु च विवशितास्त्वत्पदं विस्मरन्ति ।

सोऽयं वह्नेश्शुनो वा परमिह परतः साम्प्रतञ्चाक्षिकर्ण-

त्वग्जिह्वाद्या विकर्षन्त्यवशमत इतः कोऽपि न त्वत्पदाब्जे ॥9॥

दुर्वारो देहमोहो यदि पुनरधुना तर्हि निश्शेषरोगान्

हृत्वा भक्तिं द्रढिष्ठां कुरु तव पदपङ्केरुहे पङ्कजाक्ष ।

नूनं नानाभवान्ते समधिगतममुं मुक्तिदं विप्रदेहं

क्षुद्रे हा हन्त मा मा क्षिप विषयरसे पाहि मां मारुतेश ॥10॥

🕉️ This is the original Sanskrit rendered in Tamil script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

நாராயணீயம் தஶக 93 - பஞ்சவிம்ஶதி குரவஃ