Narayaniyam Dashaka 15 - Kapilopadesham — Tamil Script

மதிரிஹ குணஸக்தா பந்தக்ரு'த்தேஷ்வஸக்தா

த்வம்ரு'தக்ரு'துபருந்தே பக்தியோகஸ்து ஸக்திம் ।

மஹதநுகமலப்யா பக்திரேவாத்ர ஸாத்யா

கபிலதநுரிதி த்வம் தேவஹூத்யை ந்யகாதீஃ ॥1॥

ப்ரக்ரு'திமஹதஹங்காராஶ்ச மாத்ராஶ்ச பூதா-

ந்யபி ஹ்ரு'தபி தஶாக்ஷீ பூருஷஃ பஞ்சவிம்ஶஃ ।

இதி விதிதவிபாகோ முச்யதேऽஸௌ ப்ரக்ரு'த்யா

கபிலதநுரிதி த்வம் தேவஹூத்யை ந்யகாதீஃ ॥2॥

ப்ரக்ரு'திகதகுணௌகைர்நாஜ்யதே பூருஷோऽயம்

யதி து ஸஜதி தஸ்யாம் தத் குணாஸ்தம் பஜேரந் ।

மதநுபஜநதத்த்வாலோசநைஃ ஸாऽப்யபேயாத்

கபிலதநுரிதி த்வம் தேவஹூத்யை ந்யகாதீஃ ॥3॥

விமலமதிருபாத்தைராஸநாத்யைர்மதங்கம்

கருடஸமதிரூடம் திவ்யபூஷாயுதாங்கம் ।

ருசிதுலிததமாலம் ஶீலயேதாநுவேலம்

கபிலதநுரிதி த்வம் தேவஹூத்யை ந்யகாதீஃ ॥4॥

மம குணகணலீலாகர்ணநைஃ கீர்தநாத்யை-

ர்மயி ஸுரஸரிதோகப்ரக்யசித்தாநுவ்ரு'த்திஃ ।

பவதி பரமபக்திஃ ஸா ஹி ம்ரு'த்யோர்விஜேத்ரீ

கபிலதநுரிதி த்வம் தேவஹூத்யை ந்யகாதீஃ ॥5॥

அஹஹ பஹுலஹிம்ஸாஸஞ்சிதார்தைஃ குடும்பம்

ப்ரதிதிநமநுபுஷ்ணந் ஸ்த்ரீஜிதோ பாலலாலீ ।

விஶதி ஹி க்ரு'ஹஸக்தோ யாதநாம் மய்யபக்தஃ

கபிலதநுரிதித்வம் தேவஹூத்யை ந்யகாதீஃ ॥6॥

யுவதிஜடரகிந்நோ ஜாதபோதோऽப்யகாண்டே

ப்ரஸவகலிதபோதஃ பீடயோல்லங்க்ய பால்யம் ।

புநரபி பத முஹ்யத்யேவ தாருண்யகாலே

கபிலதநுரிதி த்வம் தேவஹூத்யை ந்யகாதீஃ ॥7॥

பித்ரு'ஸுரகணயாஜீ தார்மிகோ யோ க்ரு'ஹஸ்தஃ

ஸ ச நிபததி காலே தக்ஷிணாத்வோபகாமீ ।

மயி நிஹிதமகாமம் கர்ம தூதக்பதார்தம்

கபில்தநுரிதி த்வம் தேவஹூத்யை ந்யகாதீஃ ॥8॥

இதி ஸுவிதிதவேத்யாம் தேவ ஹே தேவஹூதிம்

க்ரு'தநுதிமநுக்ரு'ஹ்ய த்வம் கதோ யோகிஸங்கைஃ ।

விமலமதிரதாऽஸௌ பக்தியோகேந முக்தா

த்வமபி ஜநஹிதார்தம் வர்தஸே ப்ராகுதீச்யாம் ॥9॥

பரம கிமு பஹூக்த்யா த்வத்பதாம்போஜபக்திம்

ஸகலபயவிநேத்ரீம் ஸர்வகாமோபநேத்ரீம் ।

வதஸி கலு த்ரு'டம் த்வம் தத்விதூயாமயாந் மே

குருபவநபுரேஶ த்வய்யுபாதத்ஸ்வ பக்திம் ॥10॥

Roman (IAST) Transliteration

matiriha guṇasaktā bandhakṛtteṣvasaktā

tvamṛtakṛduparundhe bhaktiyogastu saktim |

mahadanugamalabhyā bhaktirevātra sādhyā

kapilatanuriti tvaṃ devahūtyai nyagādīḥ ||1||

prakṛtimahadahaṅkārāśca mātrāśca bhūtā-

nyapi hṛdapi daśākṣī pūruṣaḥ pañcaviṃśaḥ |

iti viditavibhāgo mucyate'sau prakṛtyā

kapilatanuriti tvaṃ devahūtyai nyagādīḥ ||2||

prakṛtigataguṇaughairnājyate pūruṣo'yaṃ

yadi tu sajati tasyāṃ tat guṇāstaṃ bhajeran |

madanubhajanatattvālocanaiḥ sā'pyapeyāt

kapilatanuriti tvaṃ devahūtyai nyagādīḥ ||3||

vimalamatirupāttairāsanādyairmadaṅgaṃ

garuḍasamadhirūḍhaṃ divyabhūṣāyudhāṅkam |

rucitulitatamālaṃ śīlayetānuvelaṃ

kapilatanuriti tvaṃ devahūtyai nyagādīḥ ||4||

mama guṇagaṇalīlākarṇanaiḥ kīrtanādyai-

rmayi surasaridoghaprakhyacittānuvṛttiḥ |

bhavati paramabhaktiḥ sā hi mṛtyorvijetrī

kapilatanuriti tvaṃ devahūtyai nyagādīḥ ||5||

ahaha bahulahiṃsāsañcitārthaiḥ kuṭumbaṃ

pratidinamanupuṣṇan strījito bālalālī |

viśati hi gṛhasakto yātanāṃ mayyabhaktaḥ

kapilatanurititvaṃ devahūtyai nyagādīḥ ||6||

yuvatijaṭharakhinno jātabodho'pyakāṇḍe

prasavagalitabodhaḥ pīḍayollaṅghya bālyam |

punarapi bata muhyatyeva tāruṇyakāle

kapilatanuriti tvaṃ devahūtyai nyagādīḥ ||7||

pitṛsuragaṇayājī dhārmiko yo gṛhasthaḥ

sa ca nipatati kāle dakṣiṇādhvopagāmī |

mayi nihitamakāmaṃ karma tūdakpathārthaṃ

kapiltanuriti tvaṃ devahūtyai nyagādīḥ ||8||

iti suviditavedyāṃ deva he devahūtiṃ

kṛtanutimanugṛhya tvaṃ gato yogisaṅghaiḥ |

vimalamatirathā'sau bhaktiyogena muktā

tvamapi janahitārthaṃ vartase prāgudīcyām ||9||

parama kimu bahūktyā tvatpadāmbhojabhaktiṃ

sakalabhayavinetrīṃ sarvakāmopanetrīm |

vadasi khalu dṛḍhaṃ tvaṃ tadvidhūyāmayān me

gurupavanapureśa tvayyupādhatsva bhaktim ||10||

Sanskrit — Devanagari (original)

मतिरिह गुणसक्ता बन्धकृत्तेष्वसक्ता

त्वमृतकृदुपरुन्धे भक्तियोगस्तु सक्तिम् ।

महदनुगमलभ्या भक्तिरेवात्र साध्या

कपिलतनुरिति त्वं देवहूत्यै न्यगादीः ॥1॥

प्रकृतिमहदहङ्काराश्च मात्राश्च भूता-

न्यपि हृदपि दशाक्षी पूरुषः पञ्चविंशः ।

इति विदितविभागो मुच्यतेऽसौ प्रकृत्या

कपिलतनुरिति त्वं देवहूत्यै न्यगादीः ॥2॥

प्रकृतिगतगुणौघैर्नाज्यते पूरुषोऽयं

यदि तु सजति तस्यां तत् गुणास्तं भजेरन् ।

मदनुभजनतत्त्वालोचनैः साऽप्यपेयात्

कपिलतनुरिति त्वं देवहूत्यै न्यगादीः ॥3॥

विमलमतिरुपात्तैरासनाद्यैर्मदङ्गं

गरुडसमधिरूढं दिव्यभूषायुधाङ्कम् ।

रुचितुलिततमालं शीलयेतानुवेलं

कपिलतनुरिति त्वं देवहूत्यै न्यगादीः ॥4॥

मम गुणगणलीलाकर्णनैः कीर्तनाद्यै-

र्मयि सुरसरिदोघप्रख्यचित्तानुवृत्तिः ।

भवति परमभक्तिः सा हि मृत्योर्विजेत्री

कपिलतनुरिति त्वं देवहूत्यै न्यगादीः ॥5॥

अहह बहुलहिंसासञ्चितार्थैः कुटुम्बं

प्रतिदिनमनुपुष्णन् स्त्रीजितो बाललाली ।

विशति हि गृहसक्तो यातनां मय्यभक्तः

कपिलतनुरितित्वं देवहूत्यै न्यगादीः ॥6॥

युवतिजठरखिन्नो जातबोधोऽप्यकाण्डे

प्रसवगलितबोधः पीडयोल्लङ्घ्य बाल्यम् ।

पुनरपि बत मुह्यत्येव तारुण्यकाले

कपिलतनुरिति त्वं देवहूत्यै न्यगादीः ॥7॥

पितृसुरगणयाजी धार्मिको यो गृहस्थः

स च निपतति काले दक्षिणाध्वोपगामी ।

मयि निहितमकामं कर्म तूदक्पथार्थं

कपिल्तनुरिति त्वं देवहूत्यै न्यगादीः ॥8॥

इति सुविदितवेद्यां देव हे देवहूतिं

कृतनुतिमनुगृह्य त्वं गतो योगिसङ्घैः ।

विमलमतिरथाऽसौ भक्तियोगेन मुक्ता

त्वमपि जनहितार्थं वर्तसे प्रागुदीच्याम् ॥9॥

परम किमु बहूक्त्या त्वत्पदाम्भोजभक्तिं

सकलभयविनेत्रीं सर्वकामोपनेत्रीम् ।

वदसि खलु दृढं त्वं तद्विधूयामयान् मे

गुरुपवनपुरेश त्वय्युपाधत्स्व भक्तिम् ॥10॥