ஏவம் தேவ சதுர்தஶாத்மகஜகத்ரூபேண ஜாதஃ புந-
ஸ்தஸ்யோர்த்வம் கலு ஸத்யலோகநிலயே ஜாதோऽஸி தாதா ஸ்வயம் ।
யம் ஶம்ஸந்தி ஹிரண்யகர்பமகிலத்ரைலோக்யஜீவாத்மகம்
யோऽபூத் ஸ்பீதரஜோவிகாரவிகஸந்நாநாஸிஸ்ரு'க்ஷாரஸஃ ॥1॥
ஸோऽயம் விஶ்வவிஸர்கதத்தஹ்ரு'தயஃ ஸம்பஶ்யமாநஃ ஸ்வயம்
போதம் கல்வநவாப்ய விஶ்வவிஷயம் சிந்தாகுலஸ்தஸ்திவாந் ।
தாவத்த்வம் ஜகதாம் பதே தப தபேத்யேவம் ஹி வைஹாயஸீம்
வாணீமேநமஶிஶ்ரவஃ ஶ்ருதிஸுகாம் குர்வம்ஸ்தபஃப்ரேரணாம் ॥2॥
கோऽஸௌ மாமவதத் புமாநிதி ஜலாபூர்ணே ஜகந்மண்டலே
திக்ஷூத்வீக்ஷ்ய கிமப்யநீக்ஷிதவதா வாக்யார்தமுத்பஶ்யதா ।
திவ்யம் வர்ஷஸஹஸ்ரமாத்ததபஸா தேந த்வமாராதித -
ஸ்தஸ்மை தர்ஶிதவாநஸி ஸ்வநிலயம் வைகுண்டமேகாத்புதம் ॥3॥
மாயா யத்ர கதாபி நோ விகுருதே பாதே ஜகத்ப்யோ பஹிஃ
ஶோகக்ரோதவிமோஹஸாத்வஸமுகா பாவாஸ்து தூரம் கதாஃ ।
ஸாந்த்ராநந்தசரீ ச யத்ர பரமஜ்யோதிஃப்ரகாஶாத்மகே
தத்தே தாம விபாவிதம் விஜயதே வைகுண்டரூபம் விபோ ॥4॥
யஸ்மிந்நாம சதுர்புஜா ஹரிமணிஶ்யாமாவதாதத்விஷோ
நாநாபூஷணரத்நதீபிததிஶோ ராஜத்விமாநாலயாஃ ।
பக்திப்ராப்தததாவிதோந்நதபதா தீவ்யந்தி திவ்யா ஜநா-
தத்தே தாம நிரஸ்தஸர்வஶமலம் வைகுண்டரூபம் ஜயேத் ॥5॥
நாநாதிவ்யவதூஜநைரபிவ்ரு'தா வித்யுல்லதாதுல்யயா
விஶ்வோந்மாதநஹ்ரு'த்யகாத்ரலதயா வித்யோதிதாஶாந்தரா ।
த்வத்பாதாம்புஜஸௌரபைககுதுகால்லக்ஷ்மீஃ ஸ்வயம் லக்ஷ்யதே
யஸ்மிந் விஸ்மயநீயதிவ்யவிபவம் தத்தே பதம் தேஹி மே ॥6॥
தத்ரைவம் ப்ரதிதர்ஶிதே நிஜபதே ரத்நாஸநாத்யாஸிதம்
பாஸ்வத்கோடிலஸத்கிரீடகடகாத்யாகல்பதீப்ராக்ரு'தி ।
ஶ்ரீவத்ஸாங்கிதமாத்தகௌஸ்துபமணிச்சாயாருணம் காரணம்
விஶ்வேஷாம் தவ ரூபமைக்ஷத விதிஸ்தத்தே விபோ பாது மே ॥7॥
காலாம்போதகலாயகோமலருசீசக்ரேண சக்ரம் திஶா -
மாவ்ரு'ண்வாநமுதாரமந்தஹஸிதஸ்யந்தப்ரஸந்நாநநம் ।
ராஜத்கம்புகதாரிபங்கஜதரஶ்ரீமத்புஜாமண்டலம்
ஸ்ரஷ்டுஸ்துஷ்டிகரம் வபுஸ்தவ விபோ மத்ரோகமுத்வாஸயேத் ॥8॥
த்ரு'ஷ்ட்வா ஸம்ப்ரு'தஸம்ப்ரமஃ கமலபூஸ்த்வத்பாதபாதோருஹே
ஹர்ஷாவேஶவஶம்வதோ நிபதிதஃ ப்ரீத்யா க்ரு'தார்தீபவந் ।
ஜாநாஸ்யேவ மநீஷிதம் மம விபோ ஜ்ஞாநம் ததாபாதய
த்வைதாத்வைதபவத்ஸ்வரூபபரமித்யாசஷ்ட தம் த்வாம் பஜே ॥9॥
ஆதாம்ரே சரணே விநம்ரமத தம் ஹஸ்தேந ஹஸ்தே ஸ்ப்ரு'ஶந்
போதஸ்தே பவிதா ந ஸர்கவிதிபிர்பந்தோऽபி ஸஞ்ஜாயதே ।
இத்யாபாஷ்ய கிரம் ப்ரதோஷ்ய நிதராம் தச்சித்தகூடஃ ஸ்வயம்
ஸ்ரு'ஷ்டௌ தம் ஸமுதைரயஃ ஸ பகவந்நுல்லாஸயோல்லாகதாம் ॥10॥
Roman (IAST) Transliteration
evaṃ deva caturdaśātmakajagadrūpeṇa jātaḥ puna-
stasyordhvaṃ khalu satyalokanilaye jāto'si dhātā svayam |
yaṃ śaṃsanti hiraṇyagarbhamakhilatrailokyajīvātmakaṃ
yo'bhūt sphītarajovikāravikasannānāsisṛkṣārasaḥ ||1||
so'yaṃ viśvavisargadattahṛdayaḥ sampaśyamānaḥ svayaṃ
bodhaṃ khalvanavāpya viśvaviṣayaṃ cintākulastasthivān |
tāvattvaṃ jagatāṃ pate tapa tapetyevaṃ hi vaihāyasīṃ
vāṇīmenamaśiśravaḥ śrutisukhāṃ kurvaṃstapaḥpreraṇām ||2||
ko'sau māmavadat pumāniti jalāpūrṇe jaganmaṇḍale
dikṣūdvīkṣya kimapyanīkṣitavatā vākyārthamutpaśyatā |
divyaṃ varṣasahasramāttatapasā tena tvamārādhita -
stasmai darśitavānasi svanilayaṃ vaikuṇṭhamekādbhutam ||3||
māyā yatra kadāpi no vikurute bhāte jagadbhyo bahiḥ
śokakrodhavimohasādhvasamukhā bhāvāstu dūraṃ gatāḥ |
sāndrānandajharī ca yatra paramajyotiḥprakāśātmake
tatte dhāma vibhāvitaṃ vijayate vaikuṇṭharūpaṃ vibho ||4||
yasminnāma caturbhujā harimaṇiśyāmāvadātatviṣo
nānābhūṣaṇaratnadīpitadiśo rājadvimānālayāḥ |
bhaktiprāptatathāvidhonnatapadā dīvyanti divyā janā-
tatte dhāma nirastasarvaśamalaṃ vaikuṇṭharūpaṃ jayet ||5||
nānādivyavadhūjanairabhivṛtā vidyullatātulyayā
viśvonmādanahṛdyagātralatayā vidyotitāśāntarā |
tvatpādāmbujasaurabhaikakutukāllakṣmīḥ svayaṃ lakṣyate
yasmin vismayanīyadivyavibhavaṃ tatte padaṃ dehi me ||6||
tatraivaṃ pratidarśite nijapade ratnāsanādhyāsitaṃ
bhāsvatkoṭilasatkirīṭakaṭakādyākalpadīprākṛti |
śrīvatsāṅkitamāttakaustubhamaṇicchāyāruṇaṃ kāraṇaṃ
viśveṣāṃ tava rūpamaikṣata vidhistatte vibho bhātu me ||7||
kālāmbhodakalāyakomalarucīcakreṇa cakraṃ diśā -
māvṛṇvānamudāramandahasitasyandaprasannānanam |
rājatkambugadāripaṅkajadharaśrīmadbhujāmaṇḍalaṃ
sraṣṭustuṣṭikaraṃ vapustava vibho madrogamudvāsayet ||8||
dṛṣṭvā sambhṛtasambhramaḥ kamalabhūstvatpādapāthoruhe
harṣāveśavaśaṃvado nipatitaḥ prītyā kṛtārthībhavan |
jānāsyeva manīṣitaṃ mama vibho jñānaṃ tadāpādaya
dvaitādvaitabhavatsvarūpaparamityācaṣṭa taṃ tvāṃ bhaje ||9||
ātāmre caraṇe vinamramatha taṃ hastena haste spṛśan
bodhaste bhavitā na sargavidhibhirbandho'pi sañjāyate |
ityābhāṣya giraṃ pratoṣya nitarāṃ taccittagūḍhaḥ svayaṃ
sṛṣṭau taṃ samudairayaḥ sa bhagavannullāsayollāghatām ||10||
Sanskrit — Devanagari (original)
एवं देव चतुर्दशात्मकजगद्रूपेण जातः पुन-
स्तस्योर्ध्वं खलु सत्यलोकनिलये जातोऽसि धाता स्वयम् ।
यं शंसन्ति हिरण्यगर्भमखिलत्रैलोक्यजीवात्मकं
योऽभूत् स्फीतरजोविकारविकसन्नानासिसृक्षारसः ॥1॥
सोऽयं विश्वविसर्गदत्तहृदयः सम्पश्यमानः स्वयं
बोधं खल्वनवाप्य विश्वविषयं चिन्ताकुलस्तस्थिवान् ।
तावत्त्वं जगतां पते तप तपेत्येवं हि वैहायसीं
वाणीमेनमशिश्रवः श्रुतिसुखां कुर्वंस्तपःप्रेरणाम् ॥2॥
कोऽसौ मामवदत् पुमानिति जलापूर्णे जगन्मण्डले
दिक्षूद्वीक्ष्य किमप्यनीक्षितवता वाक्यार्थमुत्पश्यता ।
दिव्यं वर्षसहस्रमात्ततपसा तेन त्वमाराधित -
स्तस्मै दर्शितवानसि स्वनिलयं वैकुण्ठमेकाद्भुतम् ॥3॥
माया यत्र कदापि नो विकुरुते भाते जगद्भ्यो बहिः
शोकक्रोधविमोहसाध्वसमुखा भावास्तु दूरं गताः ।
सान्द्रानन्दझरी च यत्र परमज्योतिःप्रकाशात्मके
तत्ते धाम विभावितं विजयते वैकुण्ठरूपं विभो ॥4॥
यस्मिन्नाम चतुर्भुजा हरिमणिश्यामावदातत्विषो
नानाभूषणरत्नदीपितदिशो राजद्विमानालयाः ।
भक्तिप्राप्ततथाविधोन्नतपदा दीव्यन्ति दिव्या जना-
तत्ते धाम निरस्तसर्वशमलं वैकुण्ठरूपं जयेत् ॥5॥
नानादिव्यवधूजनैरभिवृता विद्युल्लतातुल्यया
विश्वोन्मादनहृद्यगात्रलतया विद्योतिताशान्तरा ।
त्वत्पादाम्बुजसौरभैककुतुकाल्लक्ष्मीः स्वयं लक्ष्यते
यस्मिन् विस्मयनीयदिव्यविभवं तत्ते पदं देहि मे ॥6॥
तत्रैवं प्रतिदर्शिते निजपदे रत्नासनाध्यासितं
भास्वत्कोटिलसत्किरीटकटकाद्याकल्पदीप्राकृति ।
श्रीवत्साङ्कितमात्तकौस्तुभमणिच्छायारुणं कारणं
विश्वेषां तव रूपमैक्षत विधिस्तत्ते विभो भातु मे ॥7॥
कालाम्भोदकलायकोमलरुचीचक्रेण चक्रं दिशा -
मावृण्वानमुदारमन्दहसितस्यन्दप्रसन्नाननम् ।
राजत्कम्बुगदारिपङ्कजधरश्रीमद्भुजामण्डलं
स्रष्टुस्तुष्टिकरं वपुस्तव विभो मद्रोगमुद्वासयेत् ॥8॥
दृष्ट्वा सम्भृतसम्भ्रमः कमलभूस्त्वत्पादपाथोरुहे
हर्षावेशवशंवदो निपतितः प्रीत्या कृतार्थीभवन् ।
जानास्येव मनीषितं मम विभो ज्ञानं तदापादय
द्वैताद्वैतभवत्स्वरूपपरमित्याचष्ट तं त्वां भजे ॥9॥
आताम्रे चरणे विनम्रमथ तं हस्तेन हस्ते स्पृशन्
बोधस्ते भविता न सर्गविधिभिर्बन्धोऽपि सञ्जायते ।
इत्याभाष्य गिरं प्रतोष्य नितरां तच्चित्तगूढः स्वयं
सृष्टौ तं समुदैरयः स भगवन्नुल्लासयोल्लाघताम् ॥10॥
evaṃ deva caturdaśātmakajagadrūpeṇa jātaḥ puna-
stasyordhvaṃ khalu satyalokanilaye jāto'si dhātā svayam |
yaṃ śaṃsanti hiraṇyagarbhamakhilatrailokyajīvātmakaṃ
yo'bhūt sphītarajovikāravikasannānāsisṛkṣārasaḥ ||1||
so'yaṃ viśvavisargadattahṛdayaḥ sampaśyamānaḥ svayaṃ
bodhaṃ khalvanavāpya viśvaviṣayaṃ cintākulastasthivān |
tāvattvaṃ jagatāṃ pate tapa tapetyevaṃ hi vaihāyasīṃ
vāṇīmenamaśiśravaḥ śrutisukhāṃ kurvaṃstapaḥpreraṇām ||2||
ko'sau māmavadat pumāniti jalāpūrṇe jaganmaṇḍale
dikṣūdvīkṣya kimapyanīkṣitavatā vākyārthamutpaśyatā |
divyaṃ varṣasahasramāttatapasā tena tvamārādhita -
stasmai darśitavānasi svanilayaṃ vaikuṇṭhamekādbhutam ||3||
māyā yatra kadāpi no vikurute bhāte jagadbhyo bahiḥ
śokakrodhavimohasādhvasamukhā bhāvāstu dūraṃ gatāḥ |
sāndrānandajharī ca yatra paramajyotiḥprakāśātmake
tatte dhāma vibhāvitaṃ vijayate vaikuṇṭharūpaṃ vibho ||4||
yasminnāma caturbhujā harimaṇiśyāmāvadātatviṣo
nānābhūṣaṇaratnadīpitadiśo rājadvimānālayāḥ |
bhaktiprāptatathāvidhonnatapadā dīvyanti divyā janā-
tatte dhāma nirastasarvaśamalaṃ vaikuṇṭharūpaṃ jayet ||5||
nānādivyavadhūjanairabhivṛtā vidyullatātulyayā
viśvonmādanahṛdyagātralatayā vidyotitāśāntarā |
tvatpādāmbujasaurabhaikakutukāllakṣmīḥ svayaṃ lakṣyate
yasmin vismayanīyadivyavibhavaṃ tatte padaṃ dehi me ||6||
tatraivaṃ pratidarśite nijapade ratnāsanādhyāsitaṃ
bhāsvatkoṭilasatkirīṭakaṭakādyākalpadīprākṛti |
śrīvatsāṅkitamāttakaustubhamaṇicchāyāruṇaṃ kāraṇaṃ
viśveṣāṃ tava rūpamaikṣata vidhistatte vibho bhātu me ||7||
kālāmbhodakalāyakomalarucīcakreṇa cakraṃ diśā -
māvṛṇvānamudāramandahasitasyandaprasannānanam |
rājatkambugadāripaṅkajadharaśrīmadbhujāmaṇḍalaṃ
sraṣṭustuṣṭikaraṃ vapustava vibho madrogamudvāsayet ||8||
dṛṣṭvā sambhṛtasambhramaḥ kamalabhūstvatpādapāthoruhe
harṣāveśavaśaṃvado nipatitaḥ prītyā kṛtārthībhavan |
jānāsyeva manīṣitaṃ mama vibho jñānaṃ tadāpādaya
dvaitādvaitabhavatsvarūpaparamityācaṣṭa taṃ tvāṃ bhaje ||9||
ātāmre caraṇe vinamramatha taṃ hastena haste spṛśan
bodhaste bhavitā na sargavidhibhirbandho'pi sañjāyate |
ityābhāṣya giraṃ pratoṣya nitarāṃ taccittagūḍhaḥ svayaṃ
sṛṣṭau taṃ samudairayaḥ sa bhagavannullāsayollāghatām ||10||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.