Narayaniyam Dashaka 8 - Pralayavarnanam — Tamil Script

ஏவம் தாவத் ப்ராக்ரு'தப்ரக்ஷயாந்தே

ப்ராஹ்மே கல்பே ஹ்யாதிமே லப்தஜந்மா ।

ப்ரஹ்மா பூயஸ்த்வத்த ஏவாப்ய வேதாந்

ஸ்ரு'ஷ்டிம் சக்ரே பூர்வகல்போபமாநாம் ॥1॥

ஸோऽயம் சதுர்யுகஸஹஸ்ரமிதாந்யஹாநி

தாவந்மிதாஶ்ச ரஜநீர்பஹுஶோ நிநாய ।

நித்ராத்யஸௌ த்வயி நிலீய ஸமம் ஸ்வஸ்ரு'ஷ்டை-

ர்நைமித்திகப்ரலயமாஹுரதோऽஸ்ய ராத்ரிம் ॥2॥

அஸ்மாத்ரு'ஶாம் புநரஹர்முகக்ரு'த்யதுல்யாம்

ஸ்ரு'ஷ்டிம் கரோத்யநுதிநம் ஸ பவத்ப்ரஸாதாத் ।

ப்ராக்ப்ராஹ்மகல்பஜநுஷாம் ச பராயுஷாம் து

ஸுப்தப்ரபோதநஸமாஸ்தி ததாऽபி ஸ்ரு'ஷ்டிஃ ॥3॥

பஞ்சாஶதப்தமதுநா ஸ்வவயோர்தரூப-

மேகம் பரார்தமதிவ்ரு'த்ய ஹி வர்ததேऽஸௌ ।

தத்ராந்த்யராத்ரிஜநிதாந் கதயாமி பூமந்

பஶ்சாத்திநாவதரணே ச பவத்விலாஸாந் ॥4॥

திநாவஸாநேऽத ஸரோஜயோநிஃ

ஸுஷுப்திகாமஸ்த்வயி ஸந்நிலில்யே ।

ஜகந்தி ச த்வஜ்ஜடரம் ஸமீயு-

ஸ்ததேதமேகார்ணவமாஸ விஶ்வம் ॥5॥

தவைவ வேஷே பணிராஜி ஶேஷே

ஜலைகஶேஷே புவநே ஸ்ம ஶேஷே ।

ஆநந்தஸாந்த்ராநுபவஸ்வரூபஃ

ஸ்வயோகநித்ராபரிமுத்ரிதாத்மா ॥6॥

காலாக்யஶக்திம் ப்ரலயாவஸாநே

ப்ரபோதயேத்யாதிஶதா கிலாதௌ ।

த்வயா ப்ரஸுப்தம் பரிஸுப்தஶக்தி-

வ்ரஜேந தத்ராகிலஜீவதாம்நா ॥7॥

சதுர்யுகாணாம் ச ஸஹஸ்ரமேவம்

த்வயி ப்ரஸுப்தே புநரத்விதீயே ।

காலாக்யஶக்திஃ ப்ரதமப்ரபுத்தா

ப்ராபோதயத்த்வாம் கில விஶ்வநாத ॥8॥

விபுத்ய ச த்வம் ஜலகர்பஶாயிந்

விலோக்ய லோகாநகிலாந் ப்ரலீநாந் ।

தேஷ்வேவ ஸூக்ஷ்மாத்மதயா நிஜாந்தஃ -

ஸ்திதேஷு விஶ்வேஷு ததாத த்ரு'ஷ்டிம் ॥9॥

ததஸ்த்வதீயாதயி நாபிரந்த்ரா-

துதஞ்சிதம் கிஞ்சந திவ்யபத்மம் ।

நிலீநநிஶ்ஶேஷபதார்தமாலா-

ஸங்க்ஷேபரூபம் முகுலாயமாநம் ॥10॥

ததேததம்போருஹகுட்மலம் தே

கலேவராத் தோயபதே ப்ரரூடம் ।

பஹிர்நிரீதம் பரிதஃ ஸ்புரத்பிஃ

ஸ்வதாமபிர்த்வாந்தமலம் ந்யக்ரு'ந்தத் ॥11॥

ஸம்புல்லபத்ரே நிதராம் விசித்ரே

தஸ்மிந் பவத்வீர்யத்ரு'தே ஸரோஜே ।

ஸ பத்மஜந்மா விதிராவிராஸீத்

ஸ்வயம்ப்ரபுத்தாகிலவேதராஶிஃ ॥12॥

அஸ்மிந் பராத்மந் நநு பாத்மகல்பே

த்வமித்தமுத்தாபிதபத்மயோநிஃ ।

அநந்தபூமா மம ரோகராஶிம்

நிருந்தி வாதாலயவாஸ விஷ்ணோ ॥13॥

Roman (IAST) Transliteration

evaṃ tāvat prākṛtaprakṣayānte

brāhme kalpe hyādime labdhajanmā |

brahmā bhūyastvatta evāpya vedān

sṛṣṭiṃ cakre pūrvakalpopamānām ||1||

so'yaṃ caturyugasahasramitānyahāni

tāvanmitāśca rajanīrbahuśo nināya |

nidrātyasau tvayi nilīya samaṃ svasṛṣṭai-

rnaimittikapralayamāhurato'sya rātrim ||2||

asmādṛśāṃ punaraharmukhakṛtyatulyāṃ

sṛṣṭiṃ karotyanudinaṃ sa bhavatprasādāt |

prāgbrāhmakalpajanuṣāṃ ca parāyuṣāṃ tu

suptaprabodhanasamāsti tadā'pi sṛṣṭiḥ ||3||

pañcāśadabdamadhunā svavayordharūpa-

mekaṃ parārdhamativṛtya hi vartate'sau |

tatrāntyarātrijanitān kathayāmi bhūman

paścāddināvataraṇe ca bhavadvilāsān ||4||

dināvasāne'tha sarojayoniḥ

suṣuptikāmastvayi sannililye |

jaganti ca tvajjaṭharaṃ samīyu-

stadedamekārṇavamāsa viśvam ||5||

tavaiva veṣe phaṇirāji śeṣe

jalaikaśeṣe bhuvane sma śeṣe |

ānandasāndrānubhavasvarūpaḥ

svayoganidrāparimudritātmā ||6||

kālākhyaśaktiṃ pralayāvasāne

prabodhayetyādiśatā kilādau |

tvayā prasuptaṃ parisuptaśakti-

vrajena tatrākhilajīvadhāmnā ||7||

caturyugāṇāṃ ca sahasramevaṃ

tvayi prasupte punaradvitīye |

kālākhyaśaktiḥ prathamaprabuddhā

prābodhayattvāṃ kila viśvanātha ||8||

vibudhya ca tvaṃ jalagarbhaśāyin

vilokya lokānakhilān pralīnān |

teṣveva sūkṣmātmatayā nijāntaḥ -

sthiteṣu viśveṣu dadātha dṛṣṭim ||9||

tatastvadīyādayi nābhirandhrā-

dudañcitaṃ kiñcana divyapadmam |

nilīnaniśśeṣapadārthamālā-

saṅkṣeparūpaṃ mukulāyamānam ||10||

tadetadambhoruhakuḍmalaṃ te

kalevarāt toyapathe prarūḍham |

bahirnirītaṃ paritaḥ sphuradbhiḥ

svadhāmabhirdhvāntamalaṃ nyakṛntat ||11||

samphullapatre nitarāṃ vicitre

tasmin bhavadvīryadhṛte saroje |

sa padmajanmā vidhirāvirāsīt

svayamprabuddhākhilavedarāśiḥ ||12||

asmin parātman nanu pādmakalpe

tvamitthamutthāpitapadmayoniḥ |

anantabhūmā mama rogarāśiṃ

nirundhi vātālayavāsa viṣṇo ||13||

Sanskrit — Devanagari (original)

एवं तावत् प्राकृतप्रक्षयान्ते

ब्राह्मे कल्पे ह्यादिमे लब्धजन्मा ।

ब्रह्मा भूयस्त्वत्त एवाप्य वेदान्

सृष्टिं चक्रे पूर्वकल्पोपमानाम् ॥1॥

सोऽयं चतुर्युगसहस्रमितान्यहानि

तावन्मिताश्च रजनीर्बहुशो निनाय ।

निद्रात्यसौ त्वयि निलीय समं स्वसृष्टै-

र्नैमित्तिकप्रलयमाहुरतोऽस्य रात्रिम् ॥2॥

अस्मादृशां पुनरहर्मुखकृत्यतुल्यां

सृष्टिं करोत्यनुदिनं स भवत्प्रसादात् ।

प्राग्ब्राह्मकल्पजनुषां च परायुषां तु

सुप्तप्रबोधनसमास्ति तदाऽपि सृष्टिः ॥3॥

पञ्चाशदब्दमधुना स्ववयोर्धरूप-

मेकं परार्धमतिवृत्य हि वर्ततेऽसौ ।

तत्रान्त्यरात्रिजनितान् कथयामि भूमन्

पश्चाद्दिनावतरणे च भवद्विलासान् ॥4॥

दिनावसानेऽथ सरोजयोनिः

सुषुप्तिकामस्त्वयि सन्निलिल्ये ।

जगन्ति च त्वज्जठरं समीयु-

स्तदेदमेकार्णवमास विश्वम् ॥5॥

तवैव वेषे फणिराजि शेषे

जलैकशेषे भुवने स्म शेषे ।

आनन्दसान्द्रानुभवस्वरूपः

स्वयोगनिद्रापरिमुद्रितात्मा ॥6॥

कालाख्यशक्तिं प्रलयावसाने

प्रबोधयेत्यादिशता किलादौ ।

त्वया प्रसुप्तं परिसुप्तशक्ति-

व्रजेन तत्राखिलजीवधाम्ना ॥7॥

चतुर्युगाणां च सहस्रमेवं

त्वयि प्रसुप्ते पुनरद्वितीये ।

कालाख्यशक्तिः प्रथमप्रबुद्धा

प्राबोधयत्त्वां किल विश्वनाथ ॥8॥

विबुध्य च त्वं जलगर्भशायिन्

विलोक्य लोकानखिलान् प्रलीनान् ।

तेष्वेव सूक्ष्मात्मतया निजान्तः -

स्थितेषु विश्वेषु ददाथ दृष्टिम् ॥9॥

ततस्त्वदीयादयि नाभिरन्ध्रा-

दुदञ्चितं किञ्चन दिव्यपद्मम् ।

निलीननिश्शेषपदार्थमाला-

सङ्क्षेपरूपं मुकुलायमानम् ॥10॥

तदेतदम्भोरुहकुड्मलं ते

कलेवरात् तोयपथे प्ररूढम् ।

बहिर्निरीतं परितः स्फुरद्भिः

स्वधामभिर्ध्वान्तमलं न्यकृन्तत् ॥11॥

सम्फुल्लपत्रे नितरां विचित्रे

तस्मिन् भवद्वीर्यधृते सरोजे ।

स पद्मजन्मा विधिराविरासीत्

स्वयम्प्रबुद्धाखिलवेदराशिः ॥12॥

अस्मिन् परात्मन् ननु पाद्मकल्पे

त्वमित्थमुत्थापितपद्मयोनिः ।

अनन्तभूमा मम रोगराशिं

निरुन्धि वातालयवास विष्णो ॥13॥