Narayaniyam Dashaka 8 - Pralayavarnanam — Gurmukhi Script

ਏਵਂ ਤਾਵਤ੍ ਪ੍ਰਾਕृਤਪ੍ਰਕ੍षਯਾਨ੍ਤੇ

ਬ੍ਰਾਹ੍ਮੇ ਕਲ੍ਪੇ ਹ੍ਯਾਦਿਮੇ ਲਬ੍ਧਜਨ੍ਮਾ ।

ਬ੍ਰਹ੍ਮਾ ਭੂਯਸ੍ਤ੍ਵਤ੍ਤ ਏਵਾਪ੍ਯ ਵੇਦਾਨ੍

ਸृष੍ਟਿਂ ਚਕ੍ਰੇ ਪੂਰ੍ਵਕਲ੍ਪੋਪਮਾਨਾਮ੍ ॥1॥

ਸੋऽਯਂ ਚਤੁਰ੍ਯੁਗਸਹਸ੍ਰਮਿਤਾਨ੍ਯਹਾਨਿ

ਤਾਵਨ੍ਮਿਤਾਸ਼੍ਚ ਰਜਨੀਰ੍ਬਹੁਸ਼ੋ ਨਿਨਾਯ ।

ਨਿਦ੍ਰਾਤ੍ਯਸੌ ਤ੍ਵਯਿ ਨਿਲੀਯ ਸਮਂ ਸ੍ਵਸृष੍ਟੈ-

ਰ੍ਨੈਮਿਤ੍ਤਿਕਪ੍ਰਲਯਮਾਹੁਰਤੋऽਸ੍ਯ ਰਾਤ੍ਰਿਮ੍ ॥2॥

ਅਸ੍ਮਾਦृਸ਼ਾਂ ਪੁਨਰਹਰ੍ਮੁਖਕृਤ੍ਯਤੁਲ੍ਯਾਂ

ਸृष੍ਟਿਂ ਕਰੋਤ੍ਯਨੁਦਿਨਂ ਸ ਭਵਤ੍ਪ੍ਰਸਾਦਾਤ੍ ।

ਪ੍ਰਾਗ੍ਬ੍ਰਾਹ੍ਮਕਲ੍ਪਜਨੁषਾਂ ਚ ਪਰਾਯੁषਾਂ ਤੁ

ਸੁਪ੍ਤਪ੍ਰਬੋਧਨਸਮਾਸ੍ਤਿ ਤਦਾऽਪਿ ਸृष੍ਟਿਃ ॥3॥

ਪਞ੍ਚਾਸ਼ਦਬ੍ਦਮਧੁਨਾ ਸ੍ਵਵਯੋਰ੍ਧਰੂਪ-

ਮੇਕਂ ਪਰਾਰ੍ਧਮਤਿਵृਤ੍ਯ ਹਿ ਵਰ੍ਤਤੇऽਸੌ ।

ਤਤ੍ਰਾਨ੍ਤ੍ਯਰਾਤ੍ਰਿਜਨਿਤਾਨ੍ ਕਥਯਾਮਿ ਭੂਮਨ੍

ਪਸ਼੍ਚਾਦ੍ਦਿਨਾਵਤਰਣੇ ਚ ਭਵਦ੍ਵਿਲਾਸਾਨ੍ ॥4॥

ਦਿਨਾਵਸਾਨੇऽਥ ਸਰੋਜਯੋਨਿਃ

ਸੁषੁਪ੍ਤਿਕਾਮਸ੍ਤ੍ਵਯਿ ਸਨ੍ਨਿਲਿਲ੍ਯੇ ।

ਜਗਨ੍ਤਿ ਚ ਤ੍ਵਜ੍ਜਠਰਂ ਸਮੀਯੁ-

ਸ੍ਤਦੇਦਮੇਕਾਰ੍ਣਵਮਾਸ ਵਿਸ਼੍ਵਮ੍ ॥5॥

ਤਵੈਵ ਵੇषੇ ਫਣਿਰਾਜਿ ਸ਼ੇषੇ

ਜਲੈਕਸ਼ੇषੇ ਭੁਵਨੇ ਸ੍ਮ ਸ਼ੇषੇ ।

ਆਨਨ੍ਦਸਾਨ੍ਦ੍ਰਾਨੁਭਵਸ੍ਵਰੂਪਃ

ਸ੍ਵਯੋਗਨਿਦ੍ਰਾਪਰਿਮੁਦ੍ਰਿਤਾਤ੍ਮਾ ॥6॥

ਕਾਲਾਖ੍ਯਸ਼ਕ੍ਤਿਂ ਪ੍ਰਲਯਾਵਸਾਨੇ

ਪ੍ਰਬੋਧਯੇਤ੍ਯਾਦਿਸ਼ਤਾ ਕਿਲਾਦੌ ।

ਤ੍ਵਯਾ ਪ੍ਰਸੁਪ੍ਤਂ ਪਰਿਸੁਪ੍ਤਸ਼ਕ੍ਤਿ-

ਵ੍ਰਜੇਨ ਤਤ੍ਰਾਖਿਲਜੀਵਧਾਮ੍ਨਾ ॥7॥

ਚਤੁਰ੍ਯੁਗਾਣਾਂ ਚ ਸਹਸ੍ਰਮੇਵਂ

ਤ੍ਵਯਿ ਪ੍ਰਸੁਪ੍ਤੇ ਪੁਨਰਦ੍ਵਿਤੀਯੇ ।

ਕਾਲਾਖ੍ਯਸ਼ਕ੍ਤਿਃ ਪ੍ਰਥਮਪ੍ਰਬੁਦ੍ਧਾ

ਪ੍ਰਾਬੋਧਯਤ੍ਤ੍ਵਾਂ ਕਿਲ ਵਿਸ਼੍ਵਨਾਥ ॥8॥

ਵਿਬੁਧ੍ਯ ਚ ਤ੍ਵਂ ਜਲਗਰ੍ਭਸ਼ਾਯਿਨ੍

ਵਿਲੋਕ੍ਯ ਲੋਕਾਨਖਿਲਾਨ੍ ਪ੍ਰਲੀਨਾਨ੍ ।

ਤੇष੍ਵੇਵ ਸੂਕ੍ष੍ਮਾਤ੍ਮਤਯਾ ਨਿਜਾਨ੍ਤਃ -

ਸ੍ਥਿਤੇषੁ ਵਿਸ਼੍ਵੇषੁ ਦਦਾਥ ਦृष੍ਟਿਮ੍ ॥9॥

ਤਤਸ੍ਤ੍ਵਦੀਯਾਦਯਿ ਨਾਭਿਰਨ੍ਧ੍ਰਾ-

ਦੁਦਞ੍ਚਿਤਂ ਕਿਞ੍ਚਨ ਦਿਵ੍ਯਪਦ੍ਮਮ੍ ।

ਨਿਲੀਨਨਿਸ਼੍ਸ਼ੇषਪਦਾਰ੍ਥਮਾਲਾ-

ਸਙ੍ਕ੍षੇਪਰੂਪਂ ਮੁਕੁਲਾਯਮਾਨਮ੍ ॥10॥

ਤਦੇਤਦਮ੍ਭੋਰੁਹਕੁਡ੍ਮਲਂ ਤੇ

ਕਲੇਵਰਾਤ੍ ਤੋਯਪਥੇ ਪ੍ਰਰੂਢਮ੍ ।

ਬਹਿਰ੍ਨਿਰੀਤਂ ਪਰਿਤਃ ਸ੍ਫੁਰਦ੍ਭਿਃ

ਸ੍ਵਧਾਮਭਿਰ੍ਧ੍ਵਾਨ੍ਤਮਲਂ ਨ੍ਯਕृਨ੍ਤਤ੍ ॥11॥

ਸਮ੍ਫੁਲ੍ਲਪਤ੍ਰੇ ਨਿਤਰਾਂ ਵਿਚਿਤ੍ਰੇ

ਤਸ੍ਮਿਨ੍ ਭਵਦ੍ਵੀਰ੍ਯਧृਤੇ ਸਰੋਜੇ ।

ਸ ਪਦ੍ਮਜਨ੍ਮਾ ਵਿਧਿਰਾਵਿਰਾਸੀਤ੍

ਸ੍ਵਯਮ੍ਪ੍ਰਬੁਦ੍ਧਾਖਿਲਵੇਦਰਾਸ਼ਿਃ ॥12॥

ਅਸ੍ਮਿਨ੍ ਪਰਾਤ੍ਮਨ੍ ਨਨੁ ਪਾਦ੍ਮਕਲ੍ਪੇ

ਤ੍ਵਮਿਤ੍ਥਮੁਤ੍ਥਾਪਿਤਪਦ੍ਮਯੋਨਿਃ ।

ਅਨਨ੍ਤਭੂਮਾ ਮਮ ਰੋਗਰਾਸ਼ਿਂ

ਨਿਰੁਨ੍ਧਿ ਵਾਤਾਲਯਵਾਸ ਵਿष੍ਣੋ ॥13॥

Roman (IAST) Transliteration

evaṃ tāvat prākṛtaprakṣayānte

brāhme kalpe hyādime labdhajanmā |

brahmā bhūyastvatta evāpya vedān

sṛṣṭiṃ cakre pūrvakalpopamānām ||1||

so'yaṃ caturyugasahasramitānyahāni

tāvanmitāśca rajanīrbahuśo nināya |

nidrātyasau tvayi nilīya samaṃ svasṛṣṭai-

rnaimittikapralayamāhurato'sya rātrim ||2||

asmādṛśāṃ punaraharmukhakṛtyatulyāṃ

sṛṣṭiṃ karotyanudinaṃ sa bhavatprasādāt |

prāgbrāhmakalpajanuṣāṃ ca parāyuṣāṃ tu

suptaprabodhanasamāsti tadā'pi sṛṣṭiḥ ||3||

pañcāśadabdamadhunā svavayordharūpa-

mekaṃ parārdhamativṛtya hi vartate'sau |

tatrāntyarātrijanitān kathayāmi bhūman

paścāddināvataraṇe ca bhavadvilāsān ||4||

dināvasāne'tha sarojayoniḥ

suṣuptikāmastvayi sannililye |

jaganti ca tvajjaṭharaṃ samīyu-

stadedamekārṇavamāsa viśvam ||5||

tavaiva veṣe phaṇirāji śeṣe

jalaikaśeṣe bhuvane sma śeṣe |

ānandasāndrānubhavasvarūpaḥ

svayoganidrāparimudritātmā ||6||

kālākhyaśaktiṃ pralayāvasāne

prabodhayetyādiśatā kilādau |

tvayā prasuptaṃ parisuptaśakti-

vrajena tatrākhilajīvadhāmnā ||7||

caturyugāṇāṃ ca sahasramevaṃ

tvayi prasupte punaradvitīye |

kālākhyaśaktiḥ prathamaprabuddhā

prābodhayattvāṃ kila viśvanātha ||8||

vibudhya ca tvaṃ jalagarbhaśāyin

vilokya lokānakhilān pralīnān |

teṣveva sūkṣmātmatayā nijāntaḥ -

sthiteṣu viśveṣu dadātha dṛṣṭim ||9||

tatastvadīyādayi nābhirandhrā-

dudañcitaṃ kiñcana divyapadmam |

nilīnaniśśeṣapadārthamālā-

saṅkṣeparūpaṃ mukulāyamānam ||10||

tadetadambhoruhakuḍmalaṃ te

kalevarāt toyapathe prarūḍham |

bahirnirītaṃ paritaḥ sphuradbhiḥ

svadhāmabhirdhvāntamalaṃ nyakṛntat ||11||

samphullapatre nitarāṃ vicitre

tasmin bhavadvīryadhṛte saroje |

sa padmajanmā vidhirāvirāsīt

svayamprabuddhākhilavedarāśiḥ ||12||

asmin parātman nanu pādmakalpe

tvamitthamutthāpitapadmayoniḥ |

anantabhūmā mama rogarāśiṃ

nirundhi vātālayavāsa viṣṇo ||13||

Sanskrit — Devanagari (original)

एवं तावत् प्राकृतप्रक्षयान्ते

ब्राह्मे कल्पे ह्यादिमे लब्धजन्मा ।

ब्रह्मा भूयस्त्वत्त एवाप्य वेदान्

सृष्टिं चक्रे पूर्वकल्पोपमानाम् ॥1॥

सोऽयं चतुर्युगसहस्रमितान्यहानि

तावन्मिताश्च रजनीर्बहुशो निनाय ।

निद्रात्यसौ त्वयि निलीय समं स्वसृष्टै-

र्नैमित्तिकप्रलयमाहुरतोऽस्य रात्रिम् ॥2॥

अस्मादृशां पुनरहर्मुखकृत्यतुल्यां

सृष्टिं करोत्यनुदिनं स भवत्प्रसादात् ।

प्राग्ब्राह्मकल्पजनुषां च परायुषां तु

सुप्तप्रबोधनसमास्ति तदाऽपि सृष्टिः ॥3॥

पञ्चाशदब्दमधुना स्ववयोर्धरूप-

मेकं परार्धमतिवृत्य हि वर्ततेऽसौ ।

तत्रान्त्यरात्रिजनितान् कथयामि भूमन्

पश्चाद्दिनावतरणे च भवद्विलासान् ॥4॥

दिनावसानेऽथ सरोजयोनिः

सुषुप्तिकामस्त्वयि सन्निलिल्ये ।

जगन्ति च त्वज्जठरं समीयु-

स्तदेदमेकार्णवमास विश्वम् ॥5॥

तवैव वेषे फणिराजि शेषे

जलैकशेषे भुवने स्म शेषे ।

आनन्दसान्द्रानुभवस्वरूपः

स्वयोगनिद्रापरिमुद्रितात्मा ॥6॥

कालाख्यशक्तिं प्रलयावसाने

प्रबोधयेत्यादिशता किलादौ ।

त्वया प्रसुप्तं परिसुप्तशक्ति-

व्रजेन तत्राखिलजीवधाम्ना ॥7॥

चतुर्युगाणां च सहस्रमेवं

त्वयि प्रसुप्ते पुनरद्वितीये ।

कालाख्यशक्तिः प्रथमप्रबुद्धा

प्राबोधयत्त्वां किल विश्वनाथ ॥8॥

विबुध्य च त्वं जलगर्भशायिन्

विलोक्य लोकानखिलान् प्रलीनान् ।

तेष्वेव सूक्ष्मात्मतया निजान्तः -

स्थितेषु विश्वेषु ददाथ दृष्टिम् ॥9॥

ततस्त्वदीयादयि नाभिरन्ध्रा-

दुदञ्चितं किञ्चन दिव्यपद्मम् ।

निलीननिश्शेषपदार्थमाला-

सङ्क्षेपरूपं मुकुलायमानम् ॥10॥

तदेतदम्भोरुहकुड्मलं ते

कलेवरात् तोयपथे प्ररूढम् ।

बहिर्निरीतं परितः स्फुरद्भिः

स्वधामभिर्ध्वान्तमलं न्यकृन्तत् ॥11॥

सम्फुल्लपत्रे नितरां विचित्रे

तस्मिन् भवद्वीर्यधृते सरोजे ।

स पद्मजन्मा विधिराविरासीत्

स्वयम्प्रबुद्धाखिलवेदराशिः ॥12॥

अस्मिन् परात्मन् ननु पाद्मकल्पे

त्वमित्थमुत्थापितपद्मयोनिः ।

अनन्तभूमा मम रोगराशिं

निरुन्धि वातालयवास विष्णो ॥13॥