Narayaniyam Dashaka 92 - Karmamishrabhaktih — Gurmukhi Script

ਵੇਦੈਸ੍ਸਰ੍ਵਾਣਿ ਕਰ੍ਮਾਣ੍ਯਫਲਪਰਤਯਾ ਵਰ੍ਣਿਤਾਨੀਤਿ ਬੁਧ੍ਵਾ

ਤਾਨਿ ਤ੍ਵਯ੍ਯਰ੍ਪਿਤਾਨ੍ਯੇਵ ਹਿ ਸਮਨੁਚਰਨ੍ ਯਾਨਿ ਨੈष੍ਕਰ੍ਮ੍ਯਮੀਸ਼ ।

ਮਾ ਭੂਦ੍ਵੇਦੈਰ੍ਨਿषਿਦ੍ਧੇ ਕੁਹਚਿਦਪਿ ਮਨਃਕਰ੍ਮਵਾਚਾਂ ਪ੍ਰਵृਤ੍ਤਿ-

ਰ੍ਦੁਰ੍ਵਰ੍ਜਂ ਚੇਦਵਾਪ੍ਤਂ ਤਦਪਿ ਖਲੁ ਭਵਤ੍ਯਰ੍ਪਯੇ ਚਿਤ੍ਪ੍ਰਕਾਸ਼ੇ ॥1॥

ਯਸ੍ਤ੍ਵਨ੍ਯਃ ਕਰ੍ਮਯੋਗਸ੍ਤਵ ਭਜਨਮਯਸ੍ਤਤ੍ਰ ਚਾਭੀष੍ਟਮੂਰ੍ਤਿਂ

ਹृਦ੍ਯਾਂ ਸਤ੍ਤ੍ਵੈਕਰੂਪਾਂ ਦृषਦਿ ਹृਦਿ ਮृਦਿ ਕ੍ਵਾਪਿ ਵਾ ਭਾਵਯਿਤ੍ਵਾ ।

ਪੁष੍ਪੈਰ੍ਗਨ੍ਧੈਰ੍ਨਿਵੇਦ੍ਯੈਰਪਿ ਚ ਵਿਰਚਿਤੈਃ ਸ਼ਕ੍ਤਿਤੋ ਭਕ੍ਤਿਪੂਤੈ-

ਰ੍ਨਿਤ੍ਯਂ ਵਰ੍ਯਾਂ ਸਪਰ੍ਯਾਂ ਵਿਦਧਦਯਿ ਵਿਭੋ ਤ੍ਵਤ੍ਪ੍ਰਸਾਦਂ ਭਜੇਯਮ੍ ॥2॥

ਸ੍ਤ੍ਰੀਸ਼ੂਦ੍ਰਾਸ੍ਤ੍ਵਤ੍ਕਥਾਦਿਸ਼੍ਰਵਣਵਿਰਹਿਤਾ ਆਸਤਾਂ ਤੇ ਦਯਾਰ੍ਹਾ-

ਸ੍ਤ੍ਵਤ੍ਪਾਦਾਸਨ੍ਨਯਾਤਾਨ੍ ਦ੍ਵਿਜਕੁਲਜਨੁषੋ ਹਨ੍ਤ ਸ਼ੋਚਾਮ੍ਯਸ਼ਾਨ੍ਤਾਨ੍ ।

ਵृਤ੍ਤ੍ਯਰ੍ਥਂ ਤੇ ਯਜਨ੍ਤੋ ਬਹੁਕਥਿਤਮਪਿ ਤ੍ਵਾਮਨਾਕਰ੍ਣਯਨ੍ਤੋ

ਦृਪ੍ਤਾ ਵਿਦ੍ਯਾਭਿਜਾਤ੍ਯੈਃ ਕਿਮੁ ਨ ਵਿਦਧਤੇ ਤਾਦृਸ਼ਂ ਮਾ ਕृਥਾ ਮਾਮ੍ ॥3॥

ਪਾਪੋऽਯਂ ਕृष੍ਣਰਾਮੇਤ੍ਯਭਿਲਪਤਿ ਨਿਜਂ ਗੂਹਿਤੁਂ ਦੁਸ਼੍ਚਰਿਤ੍ਰਂ

ਨਿਰ੍ਲਜ੍ਜਸ੍ਯਾਸ੍ਯ ਵਾਚਾ ਬਹੁਤਰਕਥਨੀਯਾਨਿ ਮੇ ਵਿਘ੍ਨਿਤਾਨਿ ।

ਭ੍ਰਾਤਾ ਮੇ ਵਨ੍ਧ੍ਯਸ਼ੀਲੋ ਭਜਤਿ ਕਿਲ ਸਦਾ ਵਿष੍ਣੁਮਿਤ੍ਥਂ ਬੁਧਾਂਸ੍ਤੇ

ਨਿਨ੍ਦਨ੍ਤ੍ਯੁਚ੍ਚੈਰ੍ਹਸਨ੍ਤਿ ਤ੍ਵਯਿ ਨਿਹਿਤਮਤੀਂਸ੍ਤਾਦृਸ਼ਂ ਮਾ ਕृਥਾ ਮਾਮ੍ ॥4॥

ਸ਼੍ਵੇਤਚ੍ਛਾਯਂ ਕृਤੇ ਤ੍ਵਾਂ ਮੁਨਿਵਰਵਪੁषਂ ਪ੍ਰੀਣਯਨ੍ਤੇ ਤਪੋਭਿ-

ਸ੍ਤ੍ਰੇਤਾਯਾਂ ਸ੍ਰੁਕ੍ਸ੍ਰੁਵਾਦ੍ਯਙ੍ਕਿਤਮਰੁਣਤਨੁਂ ਯਜ੍ਞਰੂਪਂ ਯਜਨ੍ਤੇ ।

ਸੇਵਨ੍ਤੇ ਤਨ੍ਤ੍ਰਮਾਰ੍ਗੈਰ੍ਵਿਲਸਦਰਿਗਦਂ ਦ੍ਵਾਪਰੇ ਸ਼੍ਯਾਮਲਾਙ੍ਗਂ

ਨੀਲਂ ਸਙ੍ਕੀਰ੍ਤਨਾਦ੍ਯੈਰਿਹ ਕਲਿਸਮਯੇ ਮਾਨੁषਾਸ੍ਤ੍ਵਾਂ ਭਜਨ੍ਤੇ ॥5॥

ਸੋऽਯਂ ਕਾਲੇਯਕਾਲੋ ਜਯਤਿ ਮੁਰਰਿਪੋ ਯਤ੍ਰ ਸਙ੍ਕੀਰ੍ਤਨਾਦ੍ਯੈ-

ਰ੍ਨਿਰ੍ਯਤ੍ਨੈਰੇਵ ਮਾਰ੍ਗੈਰਖਿਲਦ ਨ ਚਿਰਾਤ੍ਤ੍ਵਤ੍ਪ੍ਰਸਾਦਂ ਭਜਨ੍ਤੇ ।

ਜਾਤਾਸ੍ਤ੍ਰੇਤਾਕृਤਾਦਾਵਪਿ ਹਿ ਕਿਲ ਕਲੌ ਸਮ੍ਭਵਂ ਕਾਮਯਨ੍ਤੇ

ਦੈਵਾਤ੍ਤਤ੍ਰੈਵ ਜਾਤਾਨ੍ ਵਿषਯਵਿषਰਸੈਰ੍ਮਾ ਵਿਭੋ ਵਞ੍ਚਯਾਸ੍ਮਾਨ੍ ॥6॥

ਭਕ੍ਤਾਸ੍ਤਾਵਤ੍ਕਲੌ ਸ੍ਯੁਰ੍ਦ੍ਰਮਿਲਭੁਵਿ ਤਤੋ ਭੂਰਿਸ਼ਸ੍ਤਤ੍ਰ ਚੋਚ੍ਚੈ:

ਕਾਵੇਰੀਂ ਤਾਮ੍ਰਪਰ੍ਣੀਮਨੁ ਕਿਲ ਕृਤਮਾਲਾਂ ਚ ਪੁਣ੍ਯਾਂ ਪ੍ਰਤੀਚੀਮ੍ ।

ਹਾ ਮਾਮਪ੍ਯੇਤਦਨ੍ਤਰ੍ਭਵਮਪਿ ਚ ਵਿਭੋ ਕਿਞ੍ਚਿਦਞ੍ਚਦ੍ਰਸਂ ਤ੍ਵ-

ਯ੍ਯਾਸ਼ਾਪਾਸ਼ੈਰ੍ਨਿਬਧ੍ਯ ਭ੍ਰਮਯ ਨ ਭਗਵਨ੍ ਪੂਰਯ ਤ੍ਵਨ੍ਨਿषੇਵਾਮ੍ ॥7॥

ਦृष੍ਟ੍ਵਾ ਧਰ੍ਮਦ੍ਰੁਹਂ ਤਂ ਕਲਿਮਪਕਰੁਣਂ ਪ੍ਰਾਙ੍ਮਹੀਕ੍षਿਤ੍ ਪਰੀਕ੍षਿਤ੍

ਹਨ੍ਤੁਂ ਵ੍ਯਾਕृष੍ਟਖਡ੍ਗੋऽਪਿ ਨ ਵਿਨਿਹਤਵਾਨ੍ ਸਾਰਵੇਦੀ ਗੁਣਾਂਸ਼ਾਤ੍ ।

ਤ੍ਵਤ੍ਸੇਵਾਦ੍ਯਾਸ਼ੁ ਸਿਦ੍ਧ੍ਯੇਦਸਦਿਹ ਨ ਤਥਾ ਤ੍ਵਤ੍ਪਰੇ ਚੈष ਭੀਰੁ-

ਰ੍ਯਤ੍ਤੁ ਪ੍ਰਾਗੇਵ ਰੋਗਾਦਿਭਿਰਪਹਰਤੇ ਤਤ੍ਰ ਹਾ ਸ਼ਿਕ੍षਯੈਨਮ੍ ॥8॥

ਗਙ੍ਗਾ ਗੀਤਾ ਚ ਗਾਯਤ੍ਰ੍ਯਪਿ ਚ ਤੁਲਸਿਕਾ ਗੋਪਿਕਾਚਨ੍ਦਨਂ ਤਤ੍

ਸਾਲਗ੍ਰਾਮਾਭਿਪੂਜਾ ਪਰਪੁਰੁष ਤਥੈਕਾਦਸ਼ੀ ਨਾਮਵਰ੍ਣਾਃ ।

ਏਤਾਨ੍ਯष੍ਟਾਪ੍ਯਯਤ੍ਨਾਨ੍ਯਪਿ ਕਲਿਸਮਯੇ ਤ੍ਵਤ੍ਪ੍ਰਸਾਦਪ੍ਰਵृਦ੍ਧ੍ਯਾ

ਕ੍षਿਪ੍ਰਂ ਮੁਕ੍ਤਿਪ੍ਰਦਾਨੀਤ੍ਯਭਿਦਧੁਃ ऋषਯਸ੍ਤੇषੁ ਮਾਂ ਸਜ੍ਜਯੇਥਾਃ ॥9॥

ਦੇਵਰ੍षੀਣਾਂ ਪਿਤृਣਾਮਪਿ ਨ ਪੁਨਃ ऋਣੀ ਕਿਙ੍ਕਰੋ ਵਾ ਸ ਭੂਮਨ੍ ।

ਯੋऽਸੌ ਸਰ੍ਵਾਤ੍ਮਨਾ ਤ੍ਵਾਂ ਸ਼ਰਣਮੁਪਗਤਸ੍ਸਰ੍ਵਕृਤ੍ਯਾਨਿ ਹਿਤ੍ਵਾ ।

ਤਸ੍ਯੋਤ੍ਪਨ੍ਨਂ ਵਿਕਰ੍ਮਾਪ੍ਯਖਿਲਮਪਨੁਦਸ੍ਯੇਵ ਚਿਤ੍ਤਸ੍ਥਿਤਸ੍ਤ੍ਵਂ

ਤਨ੍ਮੇ ਪਾਪੋਤ੍ਥਤਾਪਾਨ੍ ਪਵਨਪੁਰਪਤੇ ਰੁਨ੍ਧਿ ਭਕ੍ਤਿਂ ਪ੍ਰਣੀਯਾਃ ॥10॥

Roman (IAST) Transliteration

vedaissarvāṇi karmāṇyaphalaparatayā varṇitānīti budhvā

tāni tvayyarpitānyeva hi samanucaran yāni naiṣkarmyamīśa |

mā bhūdvedairniṣiddhe kuhacidapi manaḥkarmavācāṃ pravṛtti-

rdurvarjaṃ cedavāptaṃ tadapi khalu bhavatyarpaye citprakāśe ||1||

yastvanyaḥ karmayogastava bhajanamayastatra cābhīṣṭamūrtiṃ

hṛdyāṃ sattvaikarūpāṃ dṛṣadi hṛdi mṛdi kvāpi vā bhāvayitvā |

puṣpairgandhairnivedyairapi ca viracitaiḥ śaktito bhaktipūtai-

rnityaṃ varyāṃ saparyāṃ vidadhadayi vibho tvatprasādaṃ bhajeyam ||2||

strīśūdrāstvatkathādiśravaṇavirahitā āsatāṃ te dayārhā-

stvatpādāsannayātān dvijakulajanuṣo hanta śocāmyaśāntān |

vṛttyarthaṃ te yajanto bahukathitamapi tvāmanākarṇayanto

dṛptā vidyābhijātyaiḥ kimu na vidadhate tādṛśaṃ mā kṛthā mām ||3||

pāpo'yaṃ kṛṣṇarāmetyabhilapati nijaṃ gūhituṃ duścaritraṃ

nirlajjasyāsya vācā bahutarakathanīyāni me vighnitāni |

bhrātā me vandhyaśīlo bhajati kila sadā viṣṇumitthaṃ budhāṃste

nindantyuccairhasanti tvayi nihitamatīṃstādṛśaṃ mā kṛthā mām ||4||

śvetacchāyaṃ kṛte tvāṃ munivaravapuṣaṃ prīṇayante tapobhi-

stretāyāṃ sruksruvādyaṅkitamaruṇatanuṃ yajñarūpaṃ yajante |

sevante tantramārgairvilasadarigadaṃ dvāpare śyāmalāṅgaṃ

nīlaṃ saṅkīrtanādyairiha kalisamaye mānuṣāstvāṃ bhajante ||5||

so'yaṃ kāleyakālo jayati muraripo yatra saṅkīrtanādyai-

rniryatnaireva mārgairakhilada na cirāttvatprasādaṃ bhajante |

jātāstretākṛtādāvapi hi kila kalau sambhavaṃ kāmayante

daivāttatraiva jātān viṣayaviṣarasairmā vibho vañcayāsmān ||6||

bhaktāstāvatkalau syurdramilabhuvi tato bhūriśastatra coccai:

kāverīṃ tāmraparṇīmanu kila kṛtamālāṃ ca puṇyāṃ pratīcīm |

hā māmapyetadantarbhavamapi ca vibho kiñcidañcadrasaṃ tva-

yyāśāpāśairnibadhya bhramaya na bhagavan pūraya tvanniṣevām ||7||

dṛṣṭvā dharmadruhaṃ taṃ kalimapakaruṇaṃ prāṅmahīkṣit parīkṣit

hantuṃ vyākṛṣṭakhaḍgo'pi na vinihatavān sāravedī guṇāṃśāt |

tvatsevādyāśu siddhyedasadiha na tathā tvatpare caiṣa bhīru-

ryattu prāgeva rogādibhirapaharate tatra hā śikṣayainam ||8||

gaṅgā gītā ca gāyatryapi ca tulasikā gopikācandanaṃ tat

sālagrāmābhipūjā parapuruṣa tathaikādaśī nāmavarṇāḥ |

etānyaṣṭāpyayatnānyapi kalisamaye tvatprasādapravṛddhyā

kṣipraṃ muktipradānītyabhidadhuḥ ṛṣayasteṣu māṃ sajjayethāḥ ||9||

devarṣīṇāṃ pitṛṇāmapi na punaḥ ṛṇī kiṅkaro vā sa bhūman |

yo'sau sarvātmanā tvāṃ śaraṇamupagatassarvakṛtyāni hitvā |

tasyotpannaṃ vikarmāpyakhilamapanudasyeva cittasthitastvaṃ

tanme pāpotthatāpān pavanapurapate rundhi bhaktiṃ praṇīyāḥ ||10||

Sanskrit — Devanagari (original)

वेदैस्सर्वाणि कर्माण्यफलपरतया वर्णितानीति बुध्वा

तानि त्वय्यर्पितान्येव हि समनुचरन् यानि नैष्कर्म्यमीश ।

मा भूद्वेदैर्निषिद्धे कुहचिदपि मनःकर्मवाचां प्रवृत्ति-

र्दुर्वर्जं चेदवाप्तं तदपि खलु भवत्यर्पये चित्प्रकाशे ॥1॥

यस्त्वन्यः कर्मयोगस्तव भजनमयस्तत्र चाभीष्टमूर्तिं

हृद्यां सत्त्वैकरूपां दृषदि हृदि मृदि क्वापि वा भावयित्वा ।

पुष्पैर्गन्धैर्निवेद्यैरपि च विरचितैः शक्तितो भक्तिपूतै-

र्नित्यं वर्यां सपर्यां विदधदयि विभो त्वत्प्रसादं भजेयम् ॥2॥

स्त्रीशूद्रास्त्वत्कथादिश्रवणविरहिता आसतां ते दयार्हा-

स्त्वत्पादासन्नयातान् द्विजकुलजनुषो हन्त शोचाम्यशान्तान् ।

वृत्त्यर्थं ते यजन्तो बहुकथितमपि त्वामनाकर्णयन्तो

दृप्ता विद्याभिजात्यैः किमु न विदधते तादृशं मा कृथा माम् ॥3॥

पापोऽयं कृष्णरामेत्यभिलपति निजं गूहितुं दुश्चरित्रं

निर्लज्जस्यास्य वाचा बहुतरकथनीयानि मे विघ्नितानि ।

भ्राता मे वन्ध्यशीलो भजति किल सदा विष्णुमित्थं बुधांस्ते

निन्दन्त्युच्चैर्हसन्ति त्वयि निहितमतींस्तादृशं मा कृथा माम् ॥4॥

श्वेतच्छायं कृते त्वां मुनिवरवपुषं प्रीणयन्ते तपोभि-

स्त्रेतायां स्रुक्स्रुवाद्यङ्कितमरुणतनुं यज्ञरूपं यजन्ते ।

सेवन्ते तन्त्रमार्गैर्विलसदरिगदं द्वापरे श्यामलाङ्गं

नीलं सङ्कीर्तनाद्यैरिह कलिसमये मानुषास्त्वां भजन्ते ॥5॥

सोऽयं कालेयकालो जयति मुररिपो यत्र सङ्कीर्तनाद्यै-

र्निर्यत्नैरेव मार्गैरखिलद न चिरात्त्वत्प्रसादं भजन्ते ।

जातास्त्रेताकृतादावपि हि किल कलौ सम्भवं कामयन्ते

दैवात्तत्रैव जातान् विषयविषरसैर्मा विभो वञ्चयास्मान् ॥6॥

भक्तास्तावत्कलौ स्युर्द्रमिलभुवि ततो भूरिशस्तत्र चोच्चै:

कावेरीं ताम्रपर्णीमनु किल कृतमालां च पुण्यां प्रतीचीम् ।

हा मामप्येतदन्तर्भवमपि च विभो किञ्चिदञ्चद्रसं त्व-

य्याशापाशैर्निबध्य भ्रमय न भगवन् पूरय त्वन्निषेवाम् ॥7॥

दृष्ट्वा धर्मद्रुहं तं कलिमपकरुणं प्राङ्महीक्षित् परीक्षित्

हन्तुं व्याकृष्टखड्गोऽपि न विनिहतवान् सारवेदी गुणांशात् ।

त्वत्सेवाद्याशु सिद्ध्येदसदिह न तथा त्वत्परे चैष भीरु-

र्यत्तु प्रागेव रोगादिभिरपहरते तत्र हा शिक्षयैनम् ॥8॥

गङ्गा गीता च गायत्र्यपि च तुलसिका गोपिकाचन्दनं तत्

सालग्रामाभिपूजा परपुरुष तथैकादशी नामवर्णाः ।

एतान्यष्टाप्ययत्नान्यपि कलिसमये त्वत्प्रसादप्रवृद्ध्या

क्षिप्रं मुक्तिप्रदानीत्यभिदधुः ऋषयस्तेषु मां सज्जयेथाः ॥9॥

देवर्षीणां पितृणामपि न पुनः ऋणी किङ्करो वा स भूमन् ।

योऽसौ सर्वात्मना त्वां शरणमुपगतस्सर्वकृत्यानि हित्वा ।

तस्योत्पन्नं विकर्माप्यखिलमपनुदस्येव चित्तस्थितस्त्वं

तन्मे पापोत्थतापान् पवनपुरपते रुन्धि भक्तिं प्रणीयाः ॥10॥