ਸ੍ਨਿਗ੍ਧਾਂ ਮੁਗ੍ਧਾਂ ਸਤਤਮਪਿ ਤਾਂ ਲਾਲਯਨ੍ ਸਤ੍ਯਭਾਮਾਂ
ਯਾਤੋ ਭੂਯਃ ਸਹ ਖਲੁ ਤਯਾ ਯਾਜ੍ਞਸੇਨੀਵਿਵਾਹਮ੍ ।
ਪਾਰ੍ਥਪ੍ਰੀਤ੍ਯੈ ਪੁਨਰਪਿ ਮਨਾਗਾਸ੍ਥਿਤੋ ਹਸ੍ਤਿਪੁਰ੍ਯਾਂ
ਸਸ਼ਕ੍ਰਪ੍ਰਸ੍ਥਂ ਪੁਰਮਪਿ ਵਿਭੋ ਸਂਵਿਧਾਯਾਗਤੋऽਭੂਃ ॥1॥
ਭਦ੍ਰਾਂ ਭਦ੍ਰਾਂ ਭਵਦਵਰਜਾਂ ਕੌਰਵੇਣਾਰ੍ਥ੍ਯਮਾਨਾਂ
ਤ੍ਵਦ੍ਵਾਚਾ ਤਾਮਹृਤ ਕੁਹਨਾਮਸ੍ਕਰੀ ਸ਼ਕ੍ਰਸੂਨੁਃ ।
ਤਤ੍ਰ ਕ੍ਰੁਦ੍ਧਂ ਬਲਮਨੁਨਯਨ੍ ਪ੍ਰਤ੍ਯਗਾਸ੍ਤੇਨ ਸਾਰ੍ਧਂ
ਸ਼ਕ੍ਰਪ੍ਰਸ੍ਥਂ ਪ੍ਰਿਯਸਖਮੁਦੇ ਸਤ੍ਯਭਾਮਾਸਹਾਯਃ ॥2॥
ਤਤ੍ਰ ਕ੍ਰੀਡਨ੍ਨਪਿ ਚ ਯਮੁਨਾਕੂਲਦृष੍ਟਾਂ ਗृਹੀਤ੍ਵਾ
ਤਾਂ ਕਾਲਿਨ੍ਦੀਂ ਨਗਰਮਗਮਃ ਖਾਣ੍ਡਵਪ੍ਰੀਣਿਤਾਗ੍ਨਿਃ ।
ਭ੍ਰਾਤृਤ੍ਰਸ੍ਤਾਂ ਪ੍ਰਣਯਵਿਵਸ਼ਾਂ ਦੇਵ ਪੈਤृष੍ਵਸੇਯੀਂ
ਰਾਜ੍ਞਾਂ ਮਧ੍ਯੇ ਸਪਦਿ ਜਹृषੇ ਮਿਤ੍ਰਵਿਨ੍ਦਾਮਵਨ੍ਤੀਮ੍ ॥3॥
ਸਤ੍ਯਾਂ ਗਤ੍ਵਾ ਪੁਨਰੁਦਵਹੋ ਨਗ੍ਨਜਿਨ੍ਨਨ੍ਦਨਾਂ ਤਾਂ
ਬਧ੍ਵਾ ਸਪ੍ਤਾਪਿ ਚ ਵृषਵਰਾਨ੍ ਸਪ੍ਤਮੂਰ੍ਤਿਰ੍ਨਿਮੇषਾਤ੍ ।
ਭਦ੍ਰਾਂ ਨਾਮ ਪ੍ਰਦਦੁਰਥ ਤੇ ਦੇਵ ਸਨ੍ਤਰ੍ਦਨਾਦ੍ਯਾ-
ਸ੍ਤਤ੍ਸੋਦਰ੍ਯਾ ਵਰਦ ਭਵਤਃ ਸਾऽਪਿ ਪੈਤृष੍ਵਸੇਯੀ ॥4॥
ਪਾਰ੍ਥਾਦ੍ਯੈਰਪ੍ਯਕृਤਲਵਨਂ ਤੋਯਮਾਤ੍ਰਾਭਿਲਕ੍ष੍ਯਂ
ਲਕ੍षਂ ਛਿਤ੍ਵਾ ਸ਼ਫਰਮਵृਥਾ ਲਕ੍ष੍ਮਣਾਂ ਮਦ੍ਰਕਨ੍ਯਾਮ੍ ।
ਅष੍ਟਾਵੇਵਂ ਤਵ ਸਮਭਵਨ੍ ਵਲ੍ਲਭਾਸ੍ਤਤ੍ਰ ਮਧ੍ਯੇ
ਸ਼ੁਸ਼੍ਰੋਥ ਤ੍ਵਂ ਸੁਰਪਤਿਗਿਰਾ ਭੌਮਦੁਸ਼੍ਚੇष੍ਟਿਤਾਨਿ ॥5॥
ਸ੍ਮृਤਾਯਾਤਂ ਪਕ੍षਿਪ੍ਰਵਰਮਧਿਰੂਢਸ੍ਤ੍ਵਮਗਮੋ
ਵਹਨ੍ਨਙ੍ਕੇ ਭਾਮਾਮੁਪਵਨਮਿਵਾਰਾਤਿਭਵਨਮ੍ ।
ਵਿਭਿਨ੍ਦਨ੍ ਦੁਰ੍ਗਾਣਿ ਤ੍ਰੁਟਿਤਪृਤਨਾਸ਼ੋਣਿਤਰਸੈਃ
ਪੁਰਂ ਤਾਵਤ੍ ਪ੍ਰਾਗ੍ਜ੍ਯੋਤਿषਮਕੁਰੁਥਾਃ ਸ਼ੋਣਿਤਪੁਰਮ੍ ॥6॥
ਮੁਰਸ੍ਤ੍ਵਾਂ ਪਞ੍ਚਾਸ੍ਯੋ ਜਲਧਿਵਨਮਧ੍ਯਾਦੁਦਪਤਤ੍
ਸ ਚਕ੍ਰੇ ਚਕ੍ਰੇਣ ਪ੍ਰਦਲਿਤਸ਼ਿਰਾ ਮਙ੍ਕ੍षੁ ਭਵਤਾ ।
ਚਤੁਰ੍ਦਨ੍ਤੈਰ੍ਦਨ੍ਤਾਵਲਪਤਿਭਿਰਿਨ੍ਧਾਨਸਮਰਂ
ਰਥਾਙ੍ਗੇਨ ਛਿਤ੍ਵਾ ਨਰਕਮਕਰੋਸ੍ਤੀਰ੍ਣਨਰਕਮ੍ ॥7॥
ਸ੍ਤੁਤੋ ਭੂਮ੍ਯਾ ਰਾਜ੍ਯਂ ਸਪਦਿ ਭਗਦਤ੍ਤੇऽਸ੍ਯ ਤਨਯੇ
ਗਜਞ੍ਚੈਕਂ ਦਤ੍ਵਾ ਪ੍ਰਜਿਘਯਿਥ ਨਾਗਾਨ੍ਨਿਜਪੁਰੀਮ੍ ।
ਖਲੇਨਾਬਦ੍ਧਾਨਾਂ ਸ੍ਵਗਤਮਨਸਾਂ षੋਡਸ਼ ਪੁਨਃ
ਸਹਸ੍ਰਾਣਿ ਸ੍ਤ੍ਰੀਣਾਮਪਿ ਚ ਧਨਰਾਸ਼ਿਂ ਚ ਵਿਪੁਲਮ੍ ॥8॥
ਭੌਮਾਪਾਹृਤਕੁਣ੍ਡਲਂ ਤਦਦਿਤੇਰ੍ਦਾਤੁਂ ਪ੍ਰਯਾਤੋ ਦਿਵਂ
ਸ਼ਕ੍ਰਾਦ੍ਯੈਰ੍ਮਹਿਤਃ ਸਮਂ ਦਯਿਤਯਾ ਦ੍ਯੁਸ੍ਤ੍ਰੀषੁ ਦਤ੍ਤਹ੍ਰਿਯਾ ।
ਹृਤ੍ਵਾ ਕਲ੍ਪਤਰੁਂ ਰੁषਾਭਿਪਤਿਤਂ ਜਿਤ੍ਵੇਨ੍ਦ੍ਰਮਭ੍ਯਾਗਮ-
ਸ੍ਤਤ੍ਤੁ ਸ਼੍ਰੀਮਦਦੋष ਈਦृਸ਼ ਇਤਿ ਵ੍ਯਾਖ੍ਯਾਤੁਮੇਵਾਕृਥਾਃ ॥9॥
ਕਲ੍ਪਦ੍ਰੁਂ ਸਤ੍ਯਭਾਮਾਭਵਨਭੁਵਿ ਸृਜਨ੍ ਦ੍ਵ੍ਯष੍ਟਸਾਹਸ੍ਰਯੋषਾਃ
ਸ੍ਵੀਕृਤ੍ਯ ਪ੍ਰਤ੍ਯਗਾਰਂ ਵਿਹਿਤਬਹੁਵਪੁਰ੍ਲਾਲਯਨ੍ ਕੇਲਿਭੇਦੈਃ ।
ਆਸ਼੍ਚਰ੍ਯਾਨ੍ਨਾਰਦਾਲੋਕਿਤਵਿਵਿਧਗਤਿਸ੍ਤਤ੍ਰ ਤਤ੍ਰਾਪਿ ਗੇਹੇ
ਭੂਯਃ ਸਰ੍ਵਾਸੁ ਕੁਰ੍ਵਨ੍ ਦਸ਼ ਦਸ਼ ਤਨਯਾਨ੍ ਪਾਹਿ ਵਾਤਾਲਯੇਸ਼ ॥10॥
Roman (IAST) Transliteration
snigdhāṃ mugdhāṃ satatamapi tāṃ lālayan satyabhāmāṃ
yāto bhūyaḥ saha khalu tayā yājñasenīvivāham |
pārthaprītyai punarapi manāgāsthito hastipuryāṃ
saśakraprasthaṃ puramapi vibho saṃvidhāyāgato'bhūḥ ||1||
bhadrāṃ bhadrāṃ bhavadavarajāṃ kauraveṇārthyamānāṃ
tvadvācā tāmahṛta kuhanāmaskarī śakrasūnuḥ |
tatra kruddhaṃ balamanunayan pratyagāstena sārdhaṃ
śakraprasthaṃ priyasakhamude satyabhāmāsahāyaḥ ||2||
tatra krīḍannapi ca yamunākūladṛṣṭāṃ gṛhītvā
tāṃ kālindīṃ nagaramagamaḥ khāṇḍavaprīṇitāgniḥ |
bhrātṛtrastāṃ praṇayavivaśāṃ deva paitṛṣvaseyīṃ
rājñāṃ madhye sapadi jahṛṣe mitravindāmavantīm ||3||
satyāṃ gatvā punarudavaho nagnajinnandanāṃ tāṃ
badhvā saptāpi ca vṛṣavarān saptamūrtirnimeṣāt |
bhadrāṃ nāma pradaduratha te deva santardanādyā-
statsodaryā varada bhavataḥ sā'pi paitṛṣvaseyī ||4||
pārthādyairapyakṛtalavanaṃ toyamātrābhilakṣyaṃ
lakṣaṃ chitvā śapharamavṛthā lakṣmaṇāṃ madrakanyām |
aṣṭāvevaṃ tava samabhavan vallabhāstatra madhye
śuśrotha tvaṃ surapatigirā bhaumaduśceṣṭitāni ||5||
smṛtāyātaṃ pakṣipravaramadhirūḍhastvamagamo
vahannaṅke bhāmāmupavanamivārātibhavanam |
vibhindan durgāṇi truṭitapṛtanāśoṇitarasaiḥ
puraṃ tāvat prāgjyotiṣamakuruthāḥ śoṇitapuram ||6||
murastvāṃ pañcāsyo jaladhivanamadhyādudapatat
sa cakre cakreṇa pradalitaśirā maṅkṣu bhavatā |
caturdantairdantāvalapatibhirindhānasamaraṃ
rathāṅgena chitvā narakamakarostīrṇanarakam ||7||
stuto bhūmyā rājyaṃ sapadi bhagadatte'sya tanaye
gajañcaikaṃ datvā prajighayitha nāgānnijapurīm |
khalenābaddhānāṃ svagatamanasāṃ ṣoḍaśa punaḥ
sahasrāṇi strīṇāmapi ca dhanarāśiṃ ca vipulam ||8||
bhaumāpāhṛtakuṇḍalaṃ tadaditerdātuṃ prayāto divaṃ
śakrādyairmahitaḥ samaṃ dayitayā dyustrīṣu dattahriyā |
hṛtvā kalpataruṃ ruṣābhipatitaṃ jitvendramabhyāgama-
stattu śrīmadadoṣa īdṛśa iti vyākhyātumevākṛthāḥ ||9||
kalpadruṃ satyabhāmābhavanabhuvi sṛjan dvyaṣṭasāhasrayoṣāḥ
svīkṛtya pratyagāraṃ vihitabahuvapurlālayan kelibhedaiḥ |
āścaryānnāradālokitavividhagatistatra tatrāpi gehe
bhūyaḥ sarvāsu kurvan daśa daśa tanayān pāhi vātālayeśa ||10||
Sanskrit — Devanagari (original)
स्निग्धां मुग्धां सततमपि तां लालयन् सत्यभामां
यातो भूयः सह खलु तया याज्ञसेनीविवाहम् ।
पार्थप्रीत्यै पुनरपि मनागास्थितो हस्तिपुर्यां
सशक्रप्रस्थं पुरमपि विभो संविधायागतोऽभूः ॥1॥
भद्रां भद्रां भवदवरजां कौरवेणार्थ्यमानां
त्वद्वाचा तामहृत कुहनामस्करी शक्रसूनुः ।
तत्र क्रुद्धं बलमनुनयन् प्रत्यगास्तेन सार्धं
शक्रप्रस्थं प्रियसखमुदे सत्यभामासहायः ॥2॥
तत्र क्रीडन्नपि च यमुनाकूलदृष्टां गृहीत्वा
तां कालिन्दीं नगरमगमः खाण्डवप्रीणिताग्निः ।
भ्रातृत्रस्तां प्रणयविवशां देव पैतृष्वसेयीं
राज्ञां मध्ये सपदि जहृषे मित्रविन्दामवन्तीम् ॥3॥
सत्यां गत्वा पुनरुदवहो नग्नजिन्नन्दनां तां
बध्वा सप्तापि च वृषवरान् सप्तमूर्तिर्निमेषात् ।
भद्रां नाम प्रददुरथ ते देव सन्तर्दनाद्या-
स्तत्सोदर्या वरद भवतः साऽपि पैतृष्वसेयी ॥4॥
पार्थाद्यैरप्यकृतलवनं तोयमात्राभिलक्ष्यं
लक्षं छित्वा शफरमवृथा लक्ष्मणां मद्रकन्याम् ।
अष्टावेवं तव समभवन् वल्लभास्तत्र मध्ये
शुश्रोथ त्वं सुरपतिगिरा भौमदुश्चेष्टितानि ॥5॥
स्मृतायातं पक्षिप्रवरमधिरूढस्त्वमगमो
वहन्नङ्के भामामुपवनमिवारातिभवनम् ।
विभिन्दन् दुर्गाणि त्रुटितपृतनाशोणितरसैः
पुरं तावत् प्राग्ज्योतिषमकुरुथाः शोणितपुरम् ॥6॥
मुरस्त्वां पञ्चास्यो जलधिवनमध्यादुदपतत्
स चक्रे चक्रेण प्रदलितशिरा मङ्क्षु भवता ।
चतुर्दन्तैर्दन्तावलपतिभिरिन्धानसमरं
रथाङ्गेन छित्वा नरकमकरोस्तीर्णनरकम् ॥7॥
स्तुतो भूम्या राज्यं सपदि भगदत्तेऽस्य तनये
गजञ्चैकं दत्वा प्रजिघयिथ नागान्निजपुरीम् ।
खलेनाबद्धानां स्वगतमनसां षोडश पुनः
सहस्राणि स्त्रीणामपि च धनराशिं च विपुलम् ॥8॥
भौमापाहृतकुण्डलं तददितेर्दातुं प्रयातो दिवं
शक्राद्यैर्महितः समं दयितया द्युस्त्रीषु दत्तह्रिया ।
हृत्वा कल्पतरुं रुषाभिपतितं जित्वेन्द्रमभ्यागम-
स्तत्तु श्रीमददोष ईदृश इति व्याख्यातुमेवाकृथाः ॥9॥
कल्पद्रुं सत्यभामाभवनभुवि सृजन् द्व्यष्टसाहस्रयोषाः
स्वीकृत्य प्रत्यगारं विहितबहुवपुर्लालयन् केलिभेदैः ।
आश्चर्यान्नारदालोकितविविधगतिस्तत्र तत्रापि गेहे
भूयः सर्वासु कुर्वन् दश दश तनयान् पाहि वातालयेश ॥10॥
snigdhāṃ mugdhāṃ satatamapi tāṃ lālayan satyabhāmāṃ
yāto bhūyaḥ saha khalu tayā yājñasenīvivāham |
pārthaprītyai punarapi manāgāsthito hastipuryāṃ
saśakraprasthaṃ puramapi vibho saṃvidhāyāgato'bhūḥ ||1||
bhadrāṃ bhadrāṃ bhavadavarajāṃ kauraveṇārthyamānāṃ
tvadvācā tāmahṛta kuhanāmaskarī śakrasūnuḥ |
tatra kruddhaṃ balamanunayan pratyagāstena sārdhaṃ
śakraprasthaṃ priyasakhamude satyabhāmāsahāyaḥ ||2||
tatra krīḍannapi ca yamunākūladṛṣṭāṃ gṛhītvā
tāṃ kālindīṃ nagaramagamaḥ khāṇḍavaprīṇitāgniḥ |
bhrātṛtrastāṃ praṇayavivaśāṃ deva paitṛṣvaseyīṃ
rājñāṃ madhye sapadi jahṛṣe mitravindāmavantīm ||3||
satyāṃ gatvā punarudavaho nagnajinnandanāṃ tāṃ
badhvā saptāpi ca vṛṣavarān saptamūrtirnimeṣāt |
bhadrāṃ nāma pradaduratha te deva santardanādyā-
statsodaryā varada bhavataḥ sā'pi paitṛṣvaseyī ||4||
pārthādyairapyakṛtalavanaṃ toyamātrābhilakṣyaṃ
lakṣaṃ chitvā śapharamavṛthā lakṣmaṇāṃ madrakanyām |
aṣṭāvevaṃ tava samabhavan vallabhāstatra madhye
śuśrotha tvaṃ surapatigirā bhaumaduśceṣṭitāni ||5||
smṛtāyātaṃ pakṣipravaramadhirūḍhastvamagamo
vahannaṅke bhāmāmupavanamivārātibhavanam |
vibhindan durgāṇi truṭitapṛtanāśoṇitarasaiḥ
puraṃ tāvat prāgjyotiṣamakuruthāḥ śoṇitapuram ||6||
murastvāṃ pañcāsyo jaladhivanamadhyādudapatat
sa cakre cakreṇa pradalitaśirā maṅkṣu bhavatā |
caturdantairdantāvalapatibhirindhānasamaraṃ
rathāṅgena chitvā narakamakarostīrṇanarakam ||7||
stuto bhūmyā rājyaṃ sapadi bhagadatte'sya tanaye
gajañcaikaṃ datvā prajighayitha nāgānnijapurīm |
khalenābaddhānāṃ svagatamanasāṃ ṣoḍaśa punaḥ
sahasrāṇi strīṇāmapi ca dhanarāśiṃ ca vipulam ||8||
bhaumāpāhṛtakuṇḍalaṃ tadaditerdātuṃ prayāto divaṃ
śakrādyairmahitaḥ samaṃ dayitayā dyustrīṣu dattahriyā |
hṛtvā kalpataruṃ ruṣābhipatitaṃ jitvendramabhyāgama-
stattu śrīmadadoṣa īdṛśa iti vyākhyātumevākṛthāḥ ||9||
kalpadruṃ satyabhāmābhavanabhuvi sṛjan dvyaṣṭasāhasrayoṣāḥ
svīkṛtya pratyagāraṃ vihitabahuvapurlālayan kelibhedaiḥ |
āścaryānnāradālokitavividhagatistatra tatrāpi gehe
bhūyaḥ sarvāsu kurvan daśa daśa tanayān pāhi vātālayeśa ||10||
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.