Narayaniyam Dashakam 79 — Gurmukhi Script

Meaning —

ਬਲਸਮੇਤਬਲਾਨੁਗਤੋ ਭਵਾਨ੍ ਪੁਰਮਗਾਹਤ ਭੀष੍ਮਕਮਾਨਿਤਃ ।
ਦ੍ਵਿਜਸੁਤਂ ਤ੍ਵਦੁਪਾਗਮਵਾਦਿਨਂ ਧृਤਰਸਾ ਤਰਸਾ ਪ੍ਰਣਨਾਮ ਸਾ ॥1॥

balasametabalānugato bhavān puramagāhata bhīṣmakamānitaḥ |
dvijasutaṃ tvadupāgamavādinaṃ dhṛtarasā tarasā praṇanāma sā ||1||

Verse 2

ਭੁਵਨਕਾਨ੍ਤਮਵੇਕ੍ष੍ਯ ਭਵਦ੍ਵਪੁਰ੍ਨृਪਸੁਤਸ੍ਯ ਨਿਸ਼ਮ੍ਯ ਚ ਚੇष੍ਟਿਤਮ੍ ।
ਵਿਪੁਲਖੇਦਜੁषਾਂ ਪੁਰਵਾਸਿਨਾਂ ਸਰੁਦਿਤੈਰੁਦਿਤੈਰਗਮਨ੍ਨਿਸ਼ਾ ॥2॥

bhuvanakāntamavekṣya bhavadvapurnṛpasutasya niśamya ca ceṣṭitam |
vipulakhedajuṣāṃ puravāsināṃ saruditairuditairagamanniśā ||2||

Verse 3

ਤਦਨੁ ਵਨ੍ਦਿਤੁਮਿਨ੍ਦੁਮੁਖੀ ਸ਼ਿਵਾਂ ਵਿਹਿਤਮਙ੍ਗਲਭੂषਣਭਾਸੁਰਾ ।
ਨਿਰਗਮਤ੍ ਭਵਦਰ੍ਪਿਤਜੀਵਿਤਾ ਸ੍ਵਪੁਰਤਃ ਪੁਰਤਃ ਸੁਭਟਾਵृਤਾ ॥3॥

tadanu vanditumindumukhī śivāṃ vihitamaṅgalabhūṣaṇabhāsurā |
niragamat bhavadarpitajīvitā svapurataḥ purataḥ subhaṭāvṛtā ||3||

Verse 4

ਕੁਲਵਧੂਭਿਰੁਪੇਤ੍ਯ ਕੁਮਾਰਿਕਾ ਗਿਰਿਸੁਤਾਂ ਪਰਿਪੂਜ੍ਯ ਚ ਸਾਦਰਮ੍ ।
ਮੁਹੁਰਯਾਚਤ ਤਤ੍ਪਦਪਙ੍ਕਜੇ ਨਿਪਤਿਤਾ ਪਤਿਤਾਂ ਤਵ ਕੇਵਲਮ੍ ॥4॥

kulavadhūbhirupetya kumārikā girisutāṃ paripūjya ca sādaram |
muhurayācata tatpadapaṅkaje nipatitā patitāṃ tava kevalam ||4||

Verse 5

ਸਮਵਲੋਕਕੁਤੂਹਲਸਙ੍ਕੁਲੇ ਨृਪਕੁਲੇ ਨਿਭृਤਂ ਤ੍ਵਯਿ ਚ ਸ੍ਥਿਤੇ ।
ਨृਪਸੁਤਾ ਨਿਰਗਾਦ੍ਗਿਰਿਜਾਲਯਾਤ੍ ਸੁਰੁਚਿਰਂ ਰੁਚਿਰਞ੍ਜਿਤਦਿਙ੍ਮੁਖਾ ॥5॥

samavalokakutūhalasaṅkule nṛpakule nibhṛtaṃ tvayi ca sthite |
nṛpasutā niragādgirijālayāt suruciraṃ rucirañjitadiṅmukhā ||5||

Verse 6

ਭੁਵਨਮੋਹਨਰੂਪਰੁਚਾ ਤਦਾ ਵਿਵਸ਼ਿਤਾਖਿਲਰਾਜਕਦਮ੍ਬਯਾ ।
ਤ੍ਵਮਪਿ ਦੇਵ ਕਟਾਕ੍षਵਿਮੋਕ੍षਣੈਃ ਪ੍ਰਮਦਯਾ ਮਦਯਾਞ੍ਚਕृषੇ ਮਨਾਕ੍ ॥6॥

bhuvanamohanarūparucā tadā vivaśitākhilarājakadambayā |
tvamapi deva kaṭākṣavimokṣaṇaiḥ pramadayā madayāñcakṛṣe manāk ||6||

Verse 7

ਕ੍ਵਨੁ ਗਮਿष੍ਯਸਿ ਚਨ੍ਦ੍ਰਮੁਖੀਤਿ ਤਾਂ ਸਰਸਮੇਤ੍ਯ ਕਰੇਣ ਹਰਨ੍ ਕ੍षਣਾਤ੍ ।
ਸਮਧਿਰੋਪ੍ਯ ਰਥਂ ਤ੍ਵਮਪਾਹृਥਾ ਭੁਵਿ ਤਤੋ ਵਿਤਤੋ ਨਿਨਦੋ ਦ੍ਵਿषਾਮ੍ ॥7॥

kvanu gamiṣyasi candramukhīti tāṃ sarasametya kareṇa haran kṣaṇāt |
samadhiropya rathaṃ tvamapāhṛthā bhuvi tato vitato ninado dviṣām ||7||

Verse 8

ਕ੍ਵ ਨੁ ਗਤਃ ਪਸ਼ੁਪਾਲ ਇਤਿ ਕ੍ਰੁਧਾ ਕृਤਰਣਾ ਯਦੁਭਿਸ਼੍ਚ ਜਿਤਾ ਨृਪਾਃ ।
ਨ ਤੁ ਭਵਾਨੁਦਚਾਲ੍ਯਤ ਤੈਰਹੋ ਪਿਸ਼ੁਨਕੈਃ ਸ਼ੁਨਕੈਰਿਵ ਕੇਸਰੀ ॥8॥

kva nu gataḥ paśupāla iti krudhā kṛtaraṇā yadubhiśca jitā nṛpāḥ |
na tu bhavānudacālyata tairaho piśunakaiḥ śunakairiva kesarī ||8||

Verse 9

ਤਦਨੁ ਰੁਕ੍ਮਿਣਮਾਗਤਮਾਹਵੇ ਵਧਮੁਪੇਕ੍ष੍ਯ ਨਿਬਧ੍ਯ ਵਿਰੂਪਯਨ੍ ।
ਹृਤਮਦਂ ਪਰਿਮੁਚ੍ਯ ਬਲੋਕ੍ਤਿਭਿਃ ਪੁਰਮਯਾ ਰਮਯਾ ਸਹ ਕਾਨ੍ਤਯਾ ॥9॥

tadanu rukmiṇamāgatamāhave vadhamupekṣya nibadhya virūpayan |
hṛtamadaṃ parimucya baloktibhiḥ puramayā ramayā saha kāntayā ||9||

Verse 10

ਨਵਸਮਾਗਮਲਜ੍ਜਿਤਮਾਨਸਾਂ ਪ੍ਰਣਯਕੌਤੁਕਜृਮ੍ਭਿਤਮਨ੍ਮਥਾਮ੍ ।
ਅਰਮਯਃ ਖਲੁ ਨਾਥ ਯਥਾਸੁਖਂ ਰਹਸਿ ਤਾਂ ਹਸਿਤਾਂਸ਼ੁਲਸਨ੍ਮੁਖੀਮ੍ ॥10॥

navasamāgamalajjitamānasāṃ praṇayakautukajṛmbhitamanmathām |
aramayaḥ khalu nātha yathāsukhaṃ rahasi tāṃ hasitāṃśulasanmukhīm ||10||

Verse 11

ਵਿਵਿਧਨਰ੍ਮਭਿਰੇਵਮਹਰ੍ਨਿਸ਼ਂ ਪ੍ਰਮਦਮਾਕਲਯਨ੍ ਪੁਨਰੇਕਦਾ ।
ऋਜੁਮਤੇਃ ਕਿਲ ਵਕ੍ਰਗਿਰਾ ਭਵਾਨ੍ ਵਰਤਨੋਰਤਨੋਦਤਿਲੋਲਤਾਮ੍ ॥11॥

vividhanarmabhirevamaharniśaṃ pramadamākalayan punarekadā |
ṛjumateḥ kila vakragirā bhavān varatanoratanodatilolatām ||11||

Verse 12

ਤਦਧਿਕੈਰਥ ਲਾਲਨਕੌਸ਼ਲੈਃ ਪ੍ਰਣਯਿਨੀਮਧਿਕਂ ਸੁਖਯਨ੍ਨਿਮਾਮ੍ ।
ਅਯਿ ਮੁਕੁਨ੍ਦ ਭਵਚ੍ਚਰਿਤਾਨਿ ਨਃ ਪ੍ਰਗਦਤਾਂ ਗਦਤਾਨ੍ਤਿਮਪਾਕੁਰੁ ॥12॥

tadadhikairatha lālanakauśalaiḥ praṇayinīmadhikaṃ sukhayannimām |
ayi mukunda bhavaccaritāni naḥ pragadatāṃ gadatāntimapākuru ||12||

Sanskrit — Devanagari (original)

बलसमेतबलानुगतो भवान् पुरमगाहत भीष्मकमानितः ।

द्विजसुतं त्वदुपागमवादिनं धृतरसा तरसा प्रणनाम सा ॥1॥

भुवनकान्तमवेक्ष्य भवद्वपुर्नृपसुतस्य निशम्य च चेष्टितम् ।

विपुलखेदजुषां पुरवासिनां सरुदितैरुदितैरगमन्निशा ॥2॥

तदनु वन्दितुमिन्दुमुखी शिवां विहितमङ्गलभूषणभासुरा ।

निरगमत् भवदर्पितजीविता स्वपुरतः पुरतः सुभटावृता ॥3॥

कुलवधूभिरुपेत्य कुमारिका गिरिसुतां परिपूज्य च सादरम् ।

मुहुरयाचत तत्पदपङ्कजे निपतिता पतितां तव केवलम् ॥4॥

समवलोककुतूहलसङ्कुले नृपकुले निभृतं त्वयि च स्थिते ।

नृपसुता निरगाद्गिरिजालयात् सुरुचिरं रुचिरञ्जितदिङ्मुखा ॥5॥

भुवनमोहनरूपरुचा तदा विवशिताखिलराजकदम्बया ।

त्वमपि देव कटाक्षविमोक्षणैः प्रमदया मदयाञ्चकृषे मनाक् ॥6॥

क्वनु गमिष्यसि चन्द्रमुखीति तां सरसमेत्य करेण हरन् क्षणात् ।

समधिरोप्य रथं त्वमपाहृथा भुवि ततो विततो निनदो द्विषाम् ॥7॥

क्व नु गतः पशुपाल इति क्रुधा कृतरणा यदुभिश्च जिता नृपाः ।

न तु भवानुदचाल्यत तैरहो पिशुनकैः शुनकैरिव केसरी ॥8॥

तदनु रुक्मिणमागतमाहवे वधमुपेक्ष्य निबध्य विरूपयन् ।

हृतमदं परिमुच्य बलोक्तिभिः पुरमया रमया सह कान्तया ॥9॥

नवसमागमलज्जितमानसां प्रणयकौतुकजृम्भितमन्मथाम् ।

अरमयः खलु नाथ यथासुखं रहसि तां हसितांशुलसन्मुखीम् ॥10॥

विविधनर्मभिरेवमहर्निशं प्रमदमाकलयन् पुनरेकदा ।

ऋजुमतेः किल वक्रगिरा भवान् वरतनोरतनोदतिलोलताम् ॥11॥

तदधिकैरथ लालनकौशलैः प्रणयिनीमधिकं सुखयन्निमाम् ।

अयि मुकुन्द भवच्चरितानि नः प्रगदतां गदतान्तिमपाकुरु ॥12॥

🕉️ This is the original Sanskrit rendered in Gurmukhi script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

ਨਾਰਾਯਣੀਯਂ ਦਸ਼ਕ 79 - ਰੁਕ੍ਮਿਣੀਹਰਣਂ ਵਿਵਾਹਂ ਚ