Narayaniyam Dashaka 83 - Paundrakavadham - Dninidavadham — Gurmukhi Script

ਰਾਮੇऽਥ ਗੋਕੁਲਗਤੇ ਪ੍ਰਮਦਾਪ੍ਰਸਕ੍ਤੇ

ਹੂਤਾਨੁਪੇਤਯਮੁਨਾਦਮਨੇ ਮਦਾਨ੍ਧੇ ।

ਸ੍ਵੈਰਂ ਸਮਾਰਮਤਿ ਸੇਵਕਵਾਦਮੂਢੋ

ਦੂਤਂ ਨ੍ਯਯੁਙ੍ਕ੍ਤ ਤਵ ਪੌਣ੍ਡ੍ਰਕਵਾਸੁਦੇਵਃ ॥1॥

ਨਾਰਾਯਣੋऽਹਮਵਤੀਰ੍ਣ ਇਹਾਸ੍ਮਿ ਭੂਮੌ

ਧਤ੍ਸੇ ਕਿਲ ਤ੍ਵਮਪਿ ਮਾਮਕਲਕ੍षਣਾਨਿ ।

ਉਤ੍ਸृਜ੍ਯ ਤਾਨਿ ਸ਼ਰਣਂ ਵ੍ਰਜ ਮਾਮਿਤਿ ਤ੍ਵਾਂ

ਦੂਤੋ ਜਗਾਦ ਸਕਲੈਰ੍ਹਸਿਤਃ ਸਭਾਯਾਮ੍ ॥2॥

ਦੂਤੇऽਥ ਯਾਤਵਤਿ ਯਾਦਵਸੈਨਿਕੈਸ੍ਤ੍ਵਂ

ਯਾਤੋ ਦਦਰ੍ਸ਼ਿਥ ਵਪੁਃ ਕਿਲ ਪੌਣ੍ਡ੍ਰਕੀਯਮ੍ ।

ਤਾਪੇਨ ਵਕ੍षਸਿ ਕृਤਾਙ੍ਕਮਨਲ੍ਪਮੂਲ੍ਯ-

ਸ਼੍ਰੀਕੌਸ੍ਤੁਭਂ ਮਕਰਕੁਣ੍ਡਲਪੀਤਚੇਲਮ੍ ॥3॥

ਕਾਲਾਯਸਂ ਨਿਜਸੁਦਰ੍ਸ਼ਨਮਸ੍ਯਤੋऽਸ੍ਯ

ਕਾਲਾਨਲੋਤ੍ਕਰਕਿਰੇਣ ਸੁਦਰ੍ਸ਼ਨੇਨ ।

ਸ਼ੀਰ੍षਂ ਚਕਰ੍ਤਿਥ ਮਮਰ੍ਦਿਥ ਚਾਸ੍ਯ ਸੇਨਾਂ

ਤਨ੍ਮਿਤ੍ਰਕਾਸ਼ਿਪਸ਼ਿਰੋऽਪਿ ਚਕਰ੍ਥ ਕਾਸ਼੍ਯਾਮ੍ ॥4॥

ਜਾਲ੍ਯੇਨ ਬਾਲਕਗਿਰਾऽਪਿ ਕਿਲਾਹਮੇਵ

ਸ਼੍ਰੀਵਾਸੁਦੇਵ ਇਤਿ ਰੂਢਮਤਿਸ਼੍ਚਿਰਂ ਸਃ ।

ਸਾਯੁਜ੍ਯਮੇਵ ਭਵਦੈਕ੍ਯਧਿਯਾ ਗਤੋऽਭੂਤ੍

ਕੋ ਨਾਮ ਕਸ੍ਯ ਸੁਕृਤਂ ਕਥਮਿਤ੍ਯਵੇਯਾਤ੍ ॥5॥

ਕਾਸ਼ੀਸ਼੍ਵਰਸ੍ਯ ਤਨਯੋऽਥ ਸੁਦਕ੍षਿਣਾਖ੍ਯਃ

ਸ਼ਰ੍ਵਂ ਪ੍ਰਪੂਜ੍ਯ ਭਵਤੇ ਵਿਹਿਤਾਭਿਚਾਰਃ ।

ਕृਤ੍ਯਾਨਲਂ ਕਮਪਿ ਬਾਣ੍ਰਰਣਾਤਿਭੀਤੈ-

ਰ੍ਭੂਤੈਃ ਕਥਞ੍ਚਨ ਵृਤੈਃ ਸਮਮਭ੍ਯਮੁਞ੍ਚਤ੍ ॥6॥

ਤਾਲਪ੍ਰਮਾਣਚਰਣਾਮਖਿਲਂ ਦਹਨ੍ਤੀਂ

ਕृਤ੍ਯਾਂ ਵਿਲੋਕ੍ਯ ਚਕਿਤੈਃ ਕਥਿਤੋऽਪਿ ਪੌਰੈਃ ।

ਦ੍ਯੂਤੋਤ੍ਸਵੇ ਕਿਮਪਿ ਨੋ ਚਲਿਤੋ ਵਿਭੋ ਤ੍ਵਂ

ਪਾਰ੍ਸ਼੍ਵਸ੍ਥਮਾਸ਼ੁ ਵਿਸਸਰ੍ਜਿਥ ਕਾਲਚਕ੍ਰਮ੍ ॥7॥

ਅਭ੍ਯਾਪਤਤ੍ਯਮਿਤਧਾਮ੍ਨਿ ਭਵਨ੍ਮਹਾਸ੍ਤ੍ਰੇ

ਹਾ ਹੇਤਿ ਵਿਦ੍ਰੁਤਵਤੀ ਖਲੁ ਘੋਰਕृਤ੍ਯਾ।

ਰੋषਾਤ੍ ਸੁਦਕ੍षਿਣਮਦਕ੍षਿਣਚੇष੍ਟਿਤਂ ਤਂ

ਪੁਪ੍ਲੋष ਚਕ੍ਰਮਪਿ ਕਾਸ਼ਿਪੁਰੀਮਧਾਕ੍षੀਤ੍ ॥8॥

ਸ ਖਲੁ ਵਿਵਿਦੋ ਰਕ੍षੋਘਾਤੇ ਕृਤੋਪਕृਤਿਃ ਪੁਰਾ

ਤਵ ਤੁ ਕਲਯਾ ਮृਤ੍ਯੁਂ ਪ੍ਰਾਪ੍ਤੁਂ ਤਦਾ ਖਲਤਾਂ ਗਤਃ ।

ਨਰਕਸਚਿਵੋ ਦੇਸ਼ਕ੍ਲੇਸ਼ਂ ਸृਜਨ੍ ਨਗਰਾਨ੍ਤਿਕੇ

ਝਟਿਤਿ ਹਲਿਨਾ ਯੁਧ੍ਯਨ੍ਨਦ੍ਧਾ ਪਪਾਤ ਤਲਾਹਤਃ ॥9॥

ਸਾਮ੍ਬਂ ਕੌਰਵ੍ਯਪੁਤ੍ਰੀਹਰਣਨਿਯਮਿਤਂ ਸਾਨ੍ਤ੍ਵਨਾਰ੍ਥੀ ਕੁਰੂਣਾਂ

ਯਾਤਸ੍ਤਦ੍ਵਾਕ੍ਯਰੋषੋਦ੍ਧृਤਕਰਿਨਗਰੋ ਮੋਚਯਾਮਾਸ ਰਾਮਃ ।

ਤੇ ਘਾਤ੍ਯਾਃ ਪਾਣ੍ਡਵੇਯੈਰਿਤਿ ਯਦੁਪृਤਨਾਂ ਨਾਮੁਚਸ੍ਤ੍ਵਂ ਤਦਾਨੀਂ

ਤਂ ਤ੍ਵਾਂ ਦੁਰ੍ਬੋਧਲੀਲਂ ਪਵਨਪੁਰਪਤੇ ਤਾਪਸ਼ਾਨ੍ਤ੍ਯੈ ਨਿषੇਵੇ ॥10॥

Roman (IAST) Transliteration

rāme'tha gokulagate pramadāprasakte

hūtānupetayamunādamane madāndhe |

svairaṃ samāramati sevakavādamūḍho

dūtaṃ nyayuṅkta tava pauṇḍrakavāsudevaḥ ||1||

nārāyaṇo'hamavatīrṇa ihāsmi bhūmau

dhatse kila tvamapi māmakalakṣaṇāni |

utsṛjya tāni śaraṇaṃ vraja māmiti tvāṃ

dūto jagāda sakalairhasitaḥ sabhāyām ||2||

dūte'tha yātavati yādavasainikaistvaṃ

yāto dadarśitha vapuḥ kila pauṇḍrakīyam |

tāpena vakṣasi kṛtāṅkamanalpamūlya-

śrīkaustubhaṃ makarakuṇḍalapītacelam ||3||

kālāyasaṃ nijasudarśanamasyato'sya

kālānalotkarakireṇa sudarśanena |

śīrṣaṃ cakartitha mamarditha cāsya senāṃ

tanmitrakāśipaśiro'pi cakartha kāśyām ||4||

jālyena bālakagirā'pi kilāhameva

śrīvāsudeva iti rūḍhamatiściraṃ saḥ |

sāyujyameva bhavadaikyadhiyā gato'bhūt

ko nāma kasya sukṛtaṃ kathamityaveyāt ||5||

kāśīśvarasya tanayo'tha sudakṣiṇākhyaḥ

śarvaṃ prapūjya bhavate vihitābhicāraḥ |

kṛtyānalaṃ kamapi bāṇraraṇātibhītai-

rbhūtaiḥ kathañcana vṛtaiḥ samamabhyamuñcat ||6||

tālapramāṇacaraṇāmakhilaṃ dahantīṃ

kṛtyāṃ vilokya cakitaiḥ kathito'pi pauraiḥ |

dyūtotsave kimapi no calito vibho tvaṃ

pārśvasthamāśu visasarjitha kālacakram ||7||

abhyāpatatyamitadhāmni bhavanmahāstre

hā heti vidrutavatī khalu ghorakṛtyā|

roṣāt sudakṣiṇamadakṣiṇaceṣṭitaṃ taṃ

puploṣa cakramapi kāśipurīmadhākṣīt ||8||

sa khalu vivido rakṣoghāte kṛtopakṛtiḥ purā

tava tu kalayā mṛtyuṃ prāptuṃ tadā khalatāṃ gataḥ |

narakasacivo deśakleśaṃ sṛjan nagarāntike

jhaṭiti halinā yudhyannaddhā papāta talāhataḥ ||9||

sāmbaṃ kauravyaputrīharaṇaniyamitaṃ sāntvanārthī kurūṇāṃ

yātastadvākyaroṣoddhṛtakarinagaro mocayāmāsa rāmaḥ |

te ghātyāḥ pāṇḍaveyairiti yadupṛtanāṃ nāmucastvaṃ tadānīṃ

taṃ tvāṃ durbodhalīlaṃ pavanapurapate tāpaśāntyai niṣeve ||10||

Sanskrit — Devanagari (original)

रामेऽथ गोकुलगते प्रमदाप्रसक्ते

हूतानुपेतयमुनादमने मदान्धे ।

स्वैरं समारमति सेवकवादमूढो

दूतं न्ययुङ्क्त तव पौण्ड्रकवासुदेवः ॥1॥

नारायणोऽहमवतीर्ण इहास्मि भूमौ

धत्से किल त्वमपि मामकलक्षणानि ।

उत्सृज्य तानि शरणं व्रज मामिति त्वां

दूतो जगाद सकलैर्हसितः सभायाम् ॥2॥

दूतेऽथ यातवति यादवसैनिकैस्त्वं

यातो ददर्शिथ वपुः किल पौण्ड्रकीयम् ।

तापेन वक्षसि कृताङ्कमनल्पमूल्य-

श्रीकौस्तुभं मकरकुण्डलपीतचेलम् ॥3॥

कालायसं निजसुदर्शनमस्यतोऽस्य

कालानलोत्करकिरेण सुदर्शनेन ।

शीर्षं चकर्तिथ ममर्दिथ चास्य सेनां

तन्मित्रकाशिपशिरोऽपि चकर्थ काश्याम् ॥4॥

जाल्येन बालकगिराऽपि किलाहमेव

श्रीवासुदेव इति रूढमतिश्चिरं सः ।

सायुज्यमेव भवदैक्यधिया गतोऽभूत्

को नाम कस्य सुकृतं कथमित्यवेयात् ॥5॥

काशीश्वरस्य तनयोऽथ सुदक्षिणाख्यः

शर्वं प्रपूज्य भवते विहिताभिचारः ।

कृत्यानलं कमपि बाण्ररणातिभीतै-

र्भूतैः कथञ्चन वृतैः सममभ्यमुञ्चत् ॥6॥

तालप्रमाणचरणामखिलं दहन्तीं

कृत्यां विलोक्य चकितैः कथितोऽपि पौरैः ।

द्यूतोत्सवे किमपि नो चलितो विभो त्वं

पार्श्वस्थमाशु विससर्जिथ कालचक्रम् ॥7॥

अभ्यापतत्यमितधाम्नि भवन्महास्त्रे

हा हेति विद्रुतवती खलु घोरकृत्या।

रोषात् सुदक्षिणमदक्षिणचेष्टितं तं

पुप्लोष चक्रमपि काशिपुरीमधाक्षीत् ॥8॥

स खलु विविदो रक्षोघाते कृतोपकृतिः पुरा

तव तु कलया मृत्युं प्राप्तुं तदा खलतां गतः ।

नरकसचिवो देशक्लेशं सृजन् नगरान्तिके

झटिति हलिना युध्यन्नद्धा पपात तलाहतः ॥9॥

साम्बं कौरव्यपुत्रीहरणनियमितं सान्त्वनार्थी कुरूणां

यातस्तद्वाक्यरोषोद्धृतकरिनगरो मोचयामास रामः ।

ते घात्याः पाण्डवेयैरिति यदुपृतनां नामुचस्त्वं तदानीं

तं त्वां दुर्बोधलीलं पवनपुरपते तापशान्त्यै निषेवे ॥10॥