ਦੂਰ੍ਵਾਸਾਸ੍ਸੁਰਵਨਿਤਾਪ੍ਤਦਿਵ੍ਯਮਾਲ੍ਯਂ
ਸ਼ਕ੍ਰਾਯ ਸ੍ਵਯਮੁਪਦਾਯ ਤਤ੍ਰ ਭੂਯਃ ।
ਨਾਗੇਨ੍ਦ੍ਰਪ੍ਰਤਿਮृਦਿਤੇ ਸ਼ਸ਼ਾਪ ਸ਼ਕ੍ਰਂ
ਕਾ ਕ੍षਾਨ੍ਤਿਸ੍ਤ੍ਵਦਿਤਰਦੇਵਤਾਂਸ਼ਜਾਨਾਮ੍ ॥1॥
ਸ਼ਾਪੇਨ ਪ੍ਰਥਿਤਜਰੇऽਥ ਨਿਰ੍ਜਰੇਨ੍ਦ੍ਰੇ
ਦੇਵੇष੍ਵਪ੍ਯਸੁਰਜਿਤੇषੁ ਨਿष੍ਪ੍ਰਭੇषੁ ।
ਸ਼ਰ੍ਵਾਦ੍ਯਾਃ ਕਮਲਜਮੇਤ੍ਯ ਸਰ੍ਵਦੇਵਾ
ਨਿਰ੍ਵਾਣਪ੍ਰਭਵ ਸਮਂ ਭਵਨ੍ਤਮਾਪੁਃ ॥2॥
ਬ੍ਰਹ੍ਮਾਦ੍ਯੈਃ ਸ੍ਤੁਤਮਹਿਮਾ ਚਿਰਂ ਤਦਾਨੀਂ
ਪ੍ਰਾਦੁष੍षਨ੍ ਵਰਦ ਪੁਰਃ ਪਰੇਣ ਧਾਮ੍ਨਾ ।
ਹੇ ਦੇਵਾ ਦਿਤਿਜਕੁਲੈਰ੍ਵਿਧਾਯ ਸਨ੍ਧਿਂ
ਪੀਯੂषਂ ਪਰਿਮਥਤੇਤਿ ਪਰ੍ਯਸ਼ਾਸ੍ਤ੍ਵਮ੍ ॥3॥
ਸਨ੍ਧਾਨਂ ਕृਤਵਤਿ ਦਾਨਵੈਃ ਸੁਰੌਘੇ
ਮਨ੍ਥਾਨਂ ਨਯਤਿ ਮਦੇਨ ਮਨ੍ਦਰਾਦ੍ਰਿਮ੍ ।
ਭ੍ਰष੍ਟੇऽਸ੍ਮਿਨ੍ ਬਦਰਮਿਵੋਦ੍ਵਹਨ੍ ਖਗੇਨ੍ਦ੍ਰੇ
ਸਦ੍ਯਸ੍ਤ੍ਵਂ ਵਿਨਿਹਿਤਵਾਨ੍ ਪਯਃਪਯੋਧੌ ॥4॥
ਆਧਾਯ ਦ੍ਰੁਤਮਥ ਵਾਸੁਕਿਂ ਵਰਤ੍ਰਾਂ
ਪਾਥੋਧੌ ਵਿਨਿਹਿਤਸਰ੍ਵਬੀਜਜਾਲੇ ।
ਪ੍ਰਾਰਬ੍ਧੇ ਮਥਨਵਿਧੌ ਸੁਰਾਸੁਰੈਸ੍ਤੈ-
ਰ੍ਵ੍ਯਾਜਾਤ੍ਤ੍ਵਂ ਭੁਜਗਮੁਖੇऽਕਰੋਸ੍ਸੁਰਾਰੀਨ੍ ॥5॥
ਕ੍षੁਬ੍ਧਾਦ੍ਰੌ ਕ੍षੁਭਿਤਜਲੋਦਰੇ ਤਦਾਨੀਂ
ਦੁਗ੍ਧਾਬ੍ਧੌ ਗੁਰੁਤਰਭਾਰਤੋ ਨਿਮਗ੍ਨੇ ।
ਦੇਵੇषੁ ਵ੍ਯਥਿਤਤਮੇषੁ ਤਤ੍ਪ੍ਰਿਯੈषੀ
ਪ੍ਰਾਣੈषੀਃ ਕਮਠਤਨੁਂ ਕਠੋਰਪृष੍ਠਾਮ੍ ॥6॥
ਵਜ੍ਰਾਤਿਸ੍ਥਿਰਤਰਕਰ੍ਪਰੇਣ ਵਿष੍ਣੋ
ਵਿਸ੍ਤਾਰਾਤ੍ਪਰਿਗਤਲਕ੍षਯੋਜਨੇਨ ।
ਅਮ੍ਭੋਧੇਃ ਕੁਹਰਗਤੇਨ ਵਰ੍ष੍ਮਣਾ ਤ੍ਵਂ
ਨਿਰ੍ਮਗ੍ਨਂ ਕ੍षਿਤਿਧਰਨਾਥਮੁਨ੍ਨਿਨੇਥ ॥7॥
ਉਨ੍ਮਗ੍ਨੇ ਝਟਿਤਿ ਤਦਾ ਧਰਾਧਰੇਨ੍ਦ੍ਰੇ
ਨਿਰ੍ਮੇਥੁਰ੍ਦृਢਮਿਹ ਸਮ੍ਮਦੇਨ ਸਰ੍ਵੇ ।
ਆਵਿਸ਼੍ਯ ਦ੍ਵਿਤਯਗਣੇऽਪਿ ਸਰ੍ਪਰਾਜੇ
ਵੈਵਸ਼੍ਯਂ ਪਰਿਸ਼ਮਯਨ੍ਨਵੀਵृਧਸ੍ਤਾਨ੍ ॥8॥
ਉਦ੍ਦਾਮਭ੍ਰਮਣਜਵੋਨ੍ਨਮਦ੍ਗਿਰੀਨ੍ਦ੍ਰ-
ਨ੍ਯਸ੍ਤੈਕਸ੍ਥਿਰਤਰਹਸ੍ਤਪਙ੍ਕਜਂ ਤ੍ਵਾਮ੍ ।
ਅਭ੍ਰਾਨ੍ਤੇ ਵਿਧਿਗਿਰਿਸ਼ਾਦਯਃ ਪ੍ਰਮੋਦਾ-
ਦੁਦ੍ਭ੍ਰਾਨ੍ਤਾ ਨੁਨੁਵੁਰੁਪਾਤ੍ਤਪੁष੍ਪਵਰ੍षਾਃ ॥9॥
ਦੈਤ੍ਯੌਘੇ ਭੁਜਗਮੁਖਾਨਿਲੇਨ ਤਪ੍ਤੇ
ਤੇਨੈਵ ਤ੍ਰਿਦਸ਼ਕੁਲੇऽਪਿ ਕਿਞ੍ਚਿਦਾਰ੍ਤੇ ।
ਕਾਰੁਣ੍ਯਾਤ੍ਤਵ ਕਿਲ ਦੇਵ ਵਾਰਿਵਾਹਾਃ
ਪ੍ਰਾਵਰ੍षਨ੍ਨਮਰਗਣਾਨ੍ਨ ਦੈਤ੍ਯਸਙ੍ਘਾਨ੍ ॥10॥
ਉਦ੍ਭ੍ਰਾਮ੍ਯਦ੍ਬਹੁਤਿਮਿਨਕ੍ਰਚਕ੍ਰਵਾਲੇ
ਤਤ੍ਰਾਬ੍ਧੌ ਚਿਰਮਥਿਤੇऽਪਿ ਨਿਰ੍ਵਿਕਾਰੇ ।
ਏਕਸ੍ਤ੍ਵਂ ਕਰਯੁਗਕृष੍ਟਸਰ੍ਪਰਾਜਃ
ਸਂਰਾਜਨ੍ ਪਵਨਪੁਰੇਸ਼ ਪਾਹਿ ਰੋਗਾਤ੍ ॥11॥
Roman (IAST) Transliteration
dūrvāsāssuravanitāptadivyamālyaṃ
śakrāya svayamupadāya tatra bhūyaḥ |
nāgendrapratimṛdite śaśāpa śakraṃ
kā kṣāntistvaditaradevatāṃśajānām ||1||
śāpena prathitajare'tha nirjarendre
deveṣvapyasurajiteṣu niṣprabheṣu |
śarvādyāḥ kamalajametya sarvadevā
nirvāṇaprabhava samaṃ bhavantamāpuḥ ||2||
brahmādyaiḥ stutamahimā ciraṃ tadānīṃ
prāduṣṣan varada puraḥ pareṇa dhāmnā |
he devā ditijakulairvidhāya sandhiṃ
pīyūṣaṃ parimathateti paryaśāstvam ||3||
sandhānaṃ kṛtavati dānavaiḥ suraughe
manthānaṃ nayati madena mandarādrim |
bhraṣṭe'smin badaramivodvahan khagendre
sadyastvaṃ vinihitavān payaḥpayodhau ||4||
ādhāya drutamatha vāsukiṃ varatrāṃ
pāthodhau vinihitasarvabījajāle |
prārabdhe mathanavidhau surāsuraistai-
rvyājāttvaṃ bhujagamukhe'karossurārīn ||5||
kṣubdhādrau kṣubhitajalodare tadānīṃ
dugdhābdhau gurutarabhārato nimagne |
deveṣu vyathitatameṣu tatpriyaiṣī
prāṇaiṣīḥ kamaṭhatanuṃ kaṭhorapṛṣṭhām ||6||
vajrātisthiratarakarpareṇa viṣṇo
vistārātparigatalakṣayojanena |
ambhodheḥ kuharagatena varṣmaṇā tvaṃ
nirmagnaṃ kṣitidharanāthamunninetha ||7||
unmagne jhaṭiti tadā dharādharendre
nirmethurdṛḍhamiha sammadena sarve |
āviśya dvitayagaṇe'pi sarparāje
vaivaśyaṃ pariśamayannavīvṛdhastān ||8||
uddāmabhramaṇajavonnamadgirīndra-
nyastaikasthiratarahastapaṅkajaṃ tvām |
abhrānte vidhigiriśādayaḥ pramodā-
dudbhrāntā nunuvurupāttapuṣpavarṣāḥ ||9||
daityaughe bhujagamukhānilena tapte
tenaiva tridaśakule'pi kiñcidārte |
kāruṇyāttava kila deva vārivāhāḥ
prāvarṣannamaragaṇānna daityasaṅghān ||10||
udbhrāmyadbahutiminakracakravāle
tatrābdhau ciramathite'pi nirvikāre |
ekastvaṃ karayugakṛṣṭasarparājaḥ
saṃrājan pavanapureśa pāhi rogāt ||11||
Sanskrit — Devanagari (original)
दूर्वासास्सुरवनिताप्तदिव्यमाल्यं
शक्राय स्वयमुपदाय तत्र भूयः ।
नागेन्द्रप्रतिमृदिते शशाप शक्रं
का क्षान्तिस्त्वदितरदेवतांशजानाम् ॥1॥
शापेन प्रथितजरेऽथ निर्जरेन्द्रे
देवेष्वप्यसुरजितेषु निष्प्रभेषु ।
शर्वाद्याः कमलजमेत्य सर्वदेवा
निर्वाणप्रभव समं भवन्तमापुः ॥2॥
ब्रह्माद्यैः स्तुतमहिमा चिरं तदानीं
प्रादुष्षन् वरद पुरः परेण धाम्ना ।
हे देवा दितिजकुलैर्विधाय सन्धिं
पीयूषं परिमथतेति पर्यशास्त्वम् ॥3॥
सन्धानं कृतवति दानवैः सुरौघे
मन्थानं नयति मदेन मन्दराद्रिम् ।
भ्रष्टेऽस्मिन् बदरमिवोद्वहन् खगेन्द्रे
सद्यस्त्वं विनिहितवान् पयःपयोधौ ॥4॥
आधाय द्रुतमथ वासुकिं वरत्रां
पाथोधौ विनिहितसर्वबीजजाले ।
प्रारब्धे मथनविधौ सुरासुरैस्तै-
र्व्याजात्त्वं भुजगमुखेऽकरोस्सुरारीन् ॥5॥
क्षुब्धाद्रौ क्षुभितजलोदरे तदानीं
दुग्धाब्धौ गुरुतरभारतो निमग्ने ।
देवेषु व्यथिततमेषु तत्प्रियैषी
प्राणैषीः कमठतनुं कठोरपृष्ठाम् ॥6॥
वज्रातिस्थिरतरकर्परेण विष्णो
विस्तारात्परिगतलक्षयोजनेन ।
अम्भोधेः कुहरगतेन वर्ष्मणा त्वं
निर्मग्नं क्षितिधरनाथमुन्निनेथ ॥7॥
उन्मग्ने झटिति तदा धराधरेन्द्रे
निर्मेथुर्दृढमिह सम्मदेन सर्वे ।
आविश्य द्वितयगणेऽपि सर्पराजे
वैवश्यं परिशमयन्नवीवृधस्तान् ॥8॥
उद्दामभ्रमणजवोन्नमद्गिरीन्द्र-
न्यस्तैकस्थिरतरहस्तपङ्कजं त्वाम् ।
अभ्रान्ते विधिगिरिशादयः प्रमोदा-
दुद्भ्रान्ता नुनुवुरुपात्तपुष्पवर्षाः ॥9॥
दैत्यौघे भुजगमुखानिलेन तप्ते
तेनैव त्रिदशकुलेऽपि किञ्चिदार्ते ।
कारुण्यात्तव किल देव वारिवाहाः
प्रावर्षन्नमरगणान्न दैत्यसङ्घान् ॥10॥
उद्भ्राम्यद्बहुतिमिनक्रचक्रवाले
तत्राब्धौ चिरमथितेऽपि निर्विकारे ।
एकस्त्वं करयुगकृष्टसर्पराजः
संराजन् पवनपुरेश पाहि रोगात् ॥11॥
dūrvāsāssuravanitāptadivyamālyaṃ
śakrāya svayamupadāya tatra bhūyaḥ |
nāgendrapratimṛdite śaśāpa śakraṃ
kā kṣāntistvaditaradevatāṃśajānām ||1||
śāpena prathitajare'tha nirjarendre
deveṣvapyasurajiteṣu niṣprabheṣu |
śarvādyāḥ kamalajametya sarvadevā
nirvāṇaprabhava samaṃ bhavantamāpuḥ ||2||
brahmādyaiḥ stutamahimā ciraṃ tadānīṃ
prāduṣṣan varada puraḥ pareṇa dhāmnā |
he devā ditijakulairvidhāya sandhiṃ
pīyūṣaṃ parimathateti paryaśāstvam ||3||
sandhānaṃ kṛtavati dānavaiḥ suraughe
manthānaṃ nayati madena mandarādrim |
bhraṣṭe'smin badaramivodvahan khagendre
sadyastvaṃ vinihitavān payaḥpayodhau ||4||
ādhāya drutamatha vāsukiṃ varatrāṃ
pāthodhau vinihitasarvabījajāle |
prārabdhe mathanavidhau surāsuraistai-
rvyājāttvaṃ bhujagamukhe'karossurārīn ||5||
kṣubdhādrau kṣubhitajalodare tadānīṃ
dugdhābdhau gurutarabhārato nimagne |
deveṣu vyathitatameṣu tatpriyaiṣī
prāṇaiṣīḥ kamaṭhatanuṃ kaṭhorapṛṣṭhām ||6||
vajrātisthiratarakarpareṇa viṣṇo
vistārātparigatalakṣayojanena |
ambhodheḥ kuharagatena varṣmaṇā tvaṃ
nirmagnaṃ kṣitidharanāthamunninetha ||7||
unmagne jhaṭiti tadā dharādharendre
nirmethurdṛḍhamiha sammadena sarve |
āviśya dvitayagaṇe'pi sarparāje
vaivaśyaṃ pariśamayannavīvṛdhastān ||8||
uddāmabhramaṇajavonnamadgirīndra-
nyastaikasthiratarahastapaṅkajaṃ tvām |
abhrānte vidhigiriśādayaḥ pramodā-
dudbhrāntā nunuvurupāttapuṣpavarṣāḥ ||9||
daityaughe bhujagamukhānilena tapte
tenaiva tridaśakule'pi kiñcidārte |
kāruṇyāttava kila deva vārivāhāḥ
prāvarṣannamaragaṇānna daityasaṅghān ||10||
udbhrāmyadbahutiminakracakravāle
tatrābdhau ciramathite'pi nirvikāre |
ekastvaṃ karayugakṛṣṭasarparājaḥ
saṃrājan pavanapureśa pāhi rogāt ||11||
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.