𑌦𑍂𑌰𑍍𑌵𑌾𑌸𑌾𑌸𑍍𑌸𑍁𑌰𑌵𑌨𑌿𑌤𑌾𑌪𑍍𑌤𑌦𑌿𑌵𑍍𑌯𑌮𑌾𑌲𑍍𑌯𑌂
𑌶𑌕𑍍𑌰𑌾𑌯 𑌸𑍍𑌵𑌯𑌮𑍁𑌪𑌦𑌾𑌯 𑌤𑌤𑍍𑌰 𑌭𑍂𑌯𑌃 ।
𑌨𑌾𑌗𑍇𑌨𑍍𑌦𑍍𑌰𑌪𑍍𑌰𑌤𑌿𑌮𑍃𑌦𑌿𑌤𑍇 𑌶𑌶𑌾𑌪 𑌶𑌕𑍍𑌰𑌂
𑌕𑌾 𑌕𑍍𑌷𑌾𑌨𑍍𑌤𑌿𑌸𑍍𑌤𑍍𑌵𑌦𑌿𑌤𑌰𑌦𑍇𑌵𑌤𑌾𑌂𑌶𑌜𑌾𑌨𑌾𑌮𑍍 ॥1॥
𑌶𑌾𑌪𑍇𑌨 𑌪𑍍𑌰𑌥𑌿𑌤𑌜𑌰𑍇𑌽𑌥 𑌨𑌿𑌰𑍍𑌜𑌰𑍇𑌨𑍍𑌦𑍍𑌰𑍇
𑌦𑍇𑌵𑍇𑌷𑍍𑌵𑌪𑍍𑌯𑌸𑍁𑌰𑌜𑌿𑌤𑍇𑌷𑍁 𑌨𑌿𑌷𑍍𑌪𑍍𑌰𑌭𑍇𑌷𑍁 ।
𑌶𑌰𑍍𑌵𑌾𑌦𑍍𑌯𑌾𑌃 𑌕𑌮𑌲𑌜𑌮𑍇𑌤𑍍𑌯 𑌸𑌰𑍍𑌵𑌦𑍇𑌵𑌾
𑌨𑌿𑌰𑍍𑌵𑌾𑌣𑌪𑍍𑌰𑌭𑌵 𑌸𑌮𑌂 𑌭𑌵𑌨𑍍𑌤𑌮𑌾𑌪𑍁𑌃 ॥2॥
𑌬𑍍𑌰𑌹𑍍𑌮𑌾𑌦𑍍𑌯𑍈𑌃 𑌸𑍍𑌤𑍁𑌤𑌮𑌹𑌿𑌮𑌾 𑌚𑌿𑌰𑌂 𑌤𑌦𑌾𑌨𑍀𑌂
𑌪𑍍𑌰𑌾𑌦𑍁𑌷𑍍𑌷𑌨𑍍 𑌵𑌰𑌦 𑌪𑍁𑌰𑌃 𑌪𑌰𑍇𑌣 𑌧𑌾𑌮𑍍𑌨𑌾 ।
𑌹𑍇 𑌦𑍇𑌵𑌾 𑌦𑌿𑌤𑌿𑌜𑌕𑍁𑌲𑍈𑌰𑍍𑌵𑌿𑌧𑌾𑌯 𑌸𑌨𑍍𑌧𑌿𑌂
𑌪𑍀𑌯𑍂𑌷𑌂 𑌪𑌰𑌿𑌮𑌥𑌤𑍇𑌤𑌿 𑌪𑌰𑍍𑌯𑌶𑌾𑌸𑍍𑌤𑍍𑌵𑌮𑍍 ॥3॥
𑌸𑌨𑍍𑌧𑌾𑌨𑌂 𑌕𑍃𑌤𑌵𑌤𑌿 𑌦𑌾𑌨𑌵𑍈𑌃 𑌸𑍁𑌰𑍗𑌘𑍇
𑌮𑌨𑍍𑌥𑌾𑌨𑌂 𑌨𑌯𑌤𑌿 𑌮𑌦𑍇𑌨 𑌮𑌨𑍍𑌦𑌰𑌾𑌦𑍍𑌰𑌿𑌮𑍍 ।
𑌭𑍍𑌰𑌷𑍍𑌟𑍇𑌽𑌸𑍍𑌮𑌿𑌨𑍍 𑌬𑌦𑌰𑌮𑌿𑌵𑍋𑌦𑍍𑌵𑌹𑌨𑍍 𑌖𑌗𑍇𑌨𑍍𑌦𑍍𑌰𑍇
𑌸𑌦𑍍𑌯𑌸𑍍𑌤𑍍𑌵𑌂 𑌵𑌿𑌨𑌿𑌹𑌿𑌤𑌵𑌾𑌨𑍍 𑌪𑌯𑌃𑌪𑌯𑍋𑌧𑍗 ॥4॥
𑌆𑌧𑌾𑌯 𑌦𑍍𑌰𑍁𑌤𑌮𑌥 𑌵𑌾𑌸𑍁𑌕𑌿𑌂 𑌵𑌰𑌤𑍍𑌰𑌾𑌂
𑌪𑌾𑌥𑍋𑌧𑍗 𑌵𑌿𑌨𑌿𑌹𑌿𑌤𑌸𑌰𑍍𑌵𑌬𑍀𑌜𑌜𑌾𑌲𑍇 ।
𑌪𑍍𑌰𑌾𑌰𑌬𑍍𑌧𑍇 𑌮𑌥𑌨𑌵𑌿𑌧𑍗 𑌸𑍁𑌰𑌾𑌸𑍁𑌰𑍈𑌸𑍍𑌤𑍈-
𑌰𑍍𑌵𑍍𑌯𑌾𑌜𑌾𑌤𑍍𑌤𑍍𑌵𑌂 𑌭𑍁𑌜𑌗𑌮𑍁𑌖𑍇𑌽𑌕𑌰𑍋𑌸𑍍𑌸𑍁𑌰𑌾𑌰𑍀𑌨𑍍 ॥5॥
𑌕𑍍𑌷𑍁𑌬𑍍𑌧𑌾𑌦𑍍𑌰𑍗 𑌕𑍍𑌷𑍁𑌭𑌿𑌤𑌜𑌲𑍋𑌦𑌰𑍇 𑌤𑌦𑌾𑌨𑍀𑌂
𑌦𑍁𑌗𑍍𑌧𑌾𑌬𑍍𑌧𑍗 𑌗𑍁𑌰𑍁𑌤𑌰𑌭𑌾𑌰𑌤𑍋 𑌨𑌿𑌮𑌗𑍍𑌨𑍇 ।
𑌦𑍇𑌵𑍇𑌷𑍁 𑌵𑍍𑌯𑌥𑌿𑌤𑌤𑌮𑍇𑌷𑍁 𑌤𑌤𑍍𑌪𑍍𑌰𑌿𑌯𑍈𑌷𑍀
𑌪𑍍𑌰𑌾𑌣𑍈𑌷𑍀𑌃 𑌕𑌮𑌠𑌤𑌨𑍁𑌂 𑌕𑌠𑍋𑌰𑌪𑍃𑌷𑍍𑌠𑌾𑌮𑍍 ॥6॥
𑌵𑌜𑍍𑌰𑌾𑌤𑌿𑌸𑍍𑌥𑌿𑌰𑌤𑌰𑌕𑌰𑍍𑌪𑌰𑍇𑌣 𑌵𑌿𑌷𑍍𑌣𑍋
𑌵𑌿𑌸𑍍𑌤𑌾𑌰𑌾𑌤𑍍𑌪𑌰𑌿𑌗𑌤𑌲𑌕𑍍𑌷𑌯𑍋𑌜𑌨𑍇𑌨 ।
𑌅𑌮𑍍𑌭𑍋𑌧𑍇𑌃 𑌕𑍁𑌹𑌰𑌗𑌤𑍇𑌨 𑌵𑌰𑍍𑌷𑍍𑌮𑌣𑌾 𑌤𑍍𑌵𑌂
𑌨𑌿𑌰𑍍𑌮𑌗𑍍𑌨𑌂 𑌕𑍍𑌷𑌿𑌤𑌿𑌧𑌰𑌨𑌾𑌥𑌮𑍁𑌨𑍍𑌨𑌿𑌨𑍇𑌥 ॥7॥
𑌉𑌨𑍍𑌮𑌗𑍍𑌨𑍇 𑌝𑌟𑌿𑌤𑌿 𑌤𑌦𑌾 𑌧𑌰𑌾𑌧𑌰𑍇𑌨𑍍𑌦𑍍𑌰𑍇
𑌨𑌿𑌰𑍍𑌮𑍇𑌥𑍁𑌰𑍍𑌦𑍃𑌢𑌮𑌿𑌹 𑌸𑌮𑍍𑌮𑌦𑍇𑌨 𑌸𑌰𑍍𑌵𑍇 ।
𑌆𑌵𑌿𑌶𑍍𑌯 𑌦𑍍𑌵𑌿𑌤𑌯𑌗𑌣𑍇𑌽𑌪𑌿 𑌸𑌰𑍍𑌪𑌰𑌾𑌜𑍇
𑌵𑍈𑌵𑌶𑍍𑌯𑌂 𑌪𑌰𑌿𑌶𑌮𑌯𑌨𑍍𑌨𑌵𑍀𑌵𑍃𑌧𑌸𑍍𑌤𑌾𑌨𑍍 ॥8॥
𑌉𑌦𑍍𑌦𑌾𑌮𑌭𑍍𑌰𑌮𑌣𑌜𑌵𑍋𑌨𑍍𑌨𑌮𑌦𑍍𑌗𑌿𑌰𑍀𑌨𑍍𑌦𑍍𑌰-
𑌨𑍍𑌯𑌸𑍍𑌤𑍈𑌕𑌸𑍍𑌥𑌿𑌰𑌤𑌰𑌹𑌸𑍍𑌤𑌪𑌙𑍍𑌕𑌜𑌂 𑌤𑍍𑌵𑌾𑌮𑍍 ।
𑌅𑌭𑍍𑌰𑌾𑌨𑍍𑌤𑍇 𑌵𑌿𑌧𑌿𑌗𑌿𑌰𑌿𑌶𑌾𑌦𑌯𑌃 𑌪𑍍𑌰𑌮𑍋𑌦𑌾-
𑌦𑍁𑌦𑍍𑌭𑍍𑌰𑌾𑌨𑍍𑌤𑌾 𑌨𑍁𑌨𑍁𑌵𑍁𑌰𑍁𑌪𑌾𑌤𑍍𑌤𑌪𑍁𑌷𑍍𑌪𑌵𑌰𑍍𑌷𑌾𑌃 ॥9॥
𑌦𑍈𑌤𑍍𑌯𑍗𑌘𑍇 𑌭𑍁𑌜𑌗𑌮𑍁𑌖𑌾𑌨𑌿𑌲𑍇𑌨 𑌤𑌪𑍍𑌤𑍇
𑌤𑍇𑌨𑍈𑌵 𑌤𑍍𑌰𑌿𑌦𑌶𑌕𑍁𑌲𑍇𑌽𑌪𑌿 𑌕𑌿𑌞𑍍𑌚𑌿𑌦𑌾𑌰𑍍𑌤𑍇 ।
𑌕𑌾𑌰𑍁𑌣𑍍𑌯𑌾𑌤𑍍𑌤𑌵 𑌕𑌿𑌲 𑌦𑍇𑌵 𑌵𑌾𑌰𑌿𑌵𑌾𑌹𑌾𑌃
𑌪𑍍𑌰𑌾𑌵𑌰𑍍𑌷𑌨𑍍𑌨𑌮𑌰𑌗𑌣𑌾𑌨𑍍𑌨 𑌦𑍈𑌤𑍍𑌯𑌸𑌙𑍍𑌘𑌾𑌨𑍍 ॥10॥
𑌉𑌦𑍍𑌭𑍍𑌰𑌾𑌮𑍍𑌯𑌦𑍍𑌬𑌹𑍁𑌤𑌿𑌮𑌿𑌨𑌕𑍍𑌰𑌚𑌕𑍍𑌰𑌵𑌾𑌲𑍇
𑌤𑌤𑍍𑌰𑌾𑌬𑍍𑌧𑍗 𑌚𑌿𑌰𑌮𑌥𑌿𑌤𑍇𑌽𑌪𑌿 𑌨𑌿𑌰𑍍𑌵𑌿𑌕𑌾𑌰𑍇 ।
𑌏𑌕𑌸𑍍𑌤𑍍𑌵𑌂 𑌕𑌰𑌯𑍁𑌗𑌕𑍃𑌷𑍍𑌟𑌸𑌰𑍍𑌪𑌰𑌾𑌜𑌃
𑌸𑌂𑌰𑌾𑌜𑌨𑍍 𑌪𑌵𑌨𑌪𑍁𑌰𑍇𑌶 𑌪𑌾𑌹𑌿 𑌰𑍋𑌗𑌾𑌤𑍍 ॥11॥
Roman (IAST) Transliteration
dūrvāsāssuravanitāptadivyamālyaṃ
śakrāya svayamupadāya tatra bhūyaḥ |
nāgendrapratimṛdite śaśāpa śakraṃ
kā kṣāntistvaditaradevatāṃśajānām ||1||
śāpena prathitajare'tha nirjarendre
deveṣvapyasurajiteṣu niṣprabheṣu |
śarvādyāḥ kamalajametya sarvadevā
nirvāṇaprabhava samaṃ bhavantamāpuḥ ||2||
brahmādyaiḥ stutamahimā ciraṃ tadānīṃ
prāduṣṣan varada puraḥ pareṇa dhāmnā |
he devā ditijakulairvidhāya sandhiṃ
pīyūṣaṃ parimathateti paryaśāstvam ||3||
sandhānaṃ kṛtavati dānavaiḥ suraughe
manthānaṃ nayati madena mandarādrim |
bhraṣṭe'smin badaramivodvahan khagendre
sadyastvaṃ vinihitavān payaḥpayodhau ||4||
ādhāya drutamatha vāsukiṃ varatrāṃ
pāthodhau vinihitasarvabījajāle |
prārabdhe mathanavidhau surāsuraistai-
rvyājāttvaṃ bhujagamukhe'karossurārīn ||5||
kṣubdhādrau kṣubhitajalodare tadānīṃ
dugdhābdhau gurutarabhārato nimagne |
deveṣu vyathitatameṣu tatpriyaiṣī
prāṇaiṣīḥ kamaṭhatanuṃ kaṭhorapṛṣṭhām ||6||
vajrātisthiratarakarpareṇa viṣṇo
vistārātparigatalakṣayojanena |
ambhodheḥ kuharagatena varṣmaṇā tvaṃ
nirmagnaṃ kṣitidharanāthamunninetha ||7||
unmagne jhaṭiti tadā dharādharendre
nirmethurdṛḍhamiha sammadena sarve |
āviśya dvitayagaṇe'pi sarparāje
vaivaśyaṃ pariśamayannavīvṛdhastān ||8||
uddāmabhramaṇajavonnamadgirīndra-
nyastaikasthiratarahastapaṅkajaṃ tvām |
abhrānte vidhigiriśādayaḥ pramodā-
dudbhrāntā nunuvurupāttapuṣpavarṣāḥ ||9||
daityaughe bhujagamukhānilena tapte
tenaiva tridaśakule'pi kiñcidārte |
kāruṇyāttava kila deva vārivāhāḥ
prāvarṣannamaragaṇānna daityasaṅghān ||10||
udbhrāmyadbahutiminakracakravāle
tatrābdhau ciramathite'pi nirvikāre |
ekastvaṃ karayugakṛṣṭasarparājaḥ
saṃrājan pavanapureśa pāhi rogāt ||11||
Sanskrit — Devanagari (original)
दूर्वासास्सुरवनिताप्तदिव्यमाल्यं
शक्राय स्वयमुपदाय तत्र भूयः ।
नागेन्द्रप्रतिमृदिते शशाप शक्रं
का क्षान्तिस्त्वदितरदेवतांशजानाम् ॥1॥
शापेन प्रथितजरेऽथ निर्जरेन्द्रे
देवेष्वप्यसुरजितेषु निष्प्रभेषु ।
शर्वाद्याः कमलजमेत्य सर्वदेवा
निर्वाणप्रभव समं भवन्तमापुः ॥2॥
ब्रह्माद्यैः स्तुतमहिमा चिरं तदानीं
प्रादुष्षन् वरद पुरः परेण धाम्ना ।
हे देवा दितिजकुलैर्विधाय सन्धिं
पीयूषं परिमथतेति पर्यशास्त्वम् ॥3॥
सन्धानं कृतवति दानवैः सुरौघे
मन्थानं नयति मदेन मन्दराद्रिम् ।
भ्रष्टेऽस्मिन् बदरमिवोद्वहन् खगेन्द्रे
सद्यस्त्वं विनिहितवान् पयःपयोधौ ॥4॥
आधाय द्रुतमथ वासुकिं वरत्रां
पाथोधौ विनिहितसर्वबीजजाले ।
प्रारब्धे मथनविधौ सुरासुरैस्तै-
र्व्याजात्त्वं भुजगमुखेऽकरोस्सुरारीन् ॥5॥
क्षुब्धाद्रौ क्षुभितजलोदरे तदानीं
दुग्धाब्धौ गुरुतरभारतो निमग्ने ।
देवेषु व्यथिततमेषु तत्प्रियैषी
प्राणैषीः कमठतनुं कठोरपृष्ठाम् ॥6॥
वज्रातिस्थिरतरकर्परेण विष्णो
विस्तारात्परिगतलक्षयोजनेन ।
अम्भोधेः कुहरगतेन वर्ष्मणा त्वं
निर्मग्नं क्षितिधरनाथमुन्निनेथ ॥7॥
उन्मग्ने झटिति तदा धराधरेन्द्रे
निर्मेथुर्दृढमिह सम्मदेन सर्वे ।
आविश्य द्वितयगणेऽपि सर्पराजे
वैवश्यं परिशमयन्नवीवृधस्तान् ॥8॥
उद्दामभ्रमणजवोन्नमद्गिरीन्द्र-
न्यस्तैकस्थिरतरहस्तपङ्कजं त्वाम् ।
अभ्रान्ते विधिगिरिशादयः प्रमोदा-
दुद्भ्रान्ता नुनुवुरुपात्तपुष्पवर्षाः ॥9॥
दैत्यौघे भुजगमुखानिलेन तप्ते
तेनैव त्रिदशकुलेऽपि किञ्चिदार्ते ।
कारुण्यात्तव किल देव वारिवाहाः
प्रावर्षन्नमरगणान्न दैत्यसङ्घान् ॥10॥
उद्भ्राम्यद्बहुतिमिनक्रचक्रवाले
तत्राब्धौ चिरमथितेऽपि निर्विकारे ।
एकस्त्वं करयुगकृष्टसर्पराजः
संराजन् पवनपुरेश पाहि रोगात् ॥11॥
dūrvāsāssuravanitāptadivyamālyaṃ
śakrāya svayamupadāya tatra bhūyaḥ |
nāgendrapratimṛdite śaśāpa śakraṃ
kā kṣāntistvaditaradevatāṃśajānām ||1||
śāpena prathitajare'tha nirjarendre
deveṣvapyasurajiteṣu niṣprabheṣu |
śarvādyāḥ kamalajametya sarvadevā
nirvāṇaprabhava samaṃ bhavantamāpuḥ ||2||
brahmādyaiḥ stutamahimā ciraṃ tadānīṃ
prāduṣṣan varada puraḥ pareṇa dhāmnā |
he devā ditijakulairvidhāya sandhiṃ
pīyūṣaṃ parimathateti paryaśāstvam ||3||
sandhānaṃ kṛtavati dānavaiḥ suraughe
manthānaṃ nayati madena mandarādrim |
bhraṣṭe'smin badaramivodvahan khagendre
sadyastvaṃ vinihitavān payaḥpayodhau ||4||
ādhāya drutamatha vāsukiṃ varatrāṃ
pāthodhau vinihitasarvabījajāle |
prārabdhe mathanavidhau surāsuraistai-
rvyājāttvaṃ bhujagamukhe'karossurārīn ||5||
kṣubdhādrau kṣubhitajalodare tadānīṃ
dugdhābdhau gurutarabhārato nimagne |
deveṣu vyathitatameṣu tatpriyaiṣī
prāṇaiṣīḥ kamaṭhatanuṃ kaṭhorapṛṣṭhām ||6||
vajrātisthiratarakarpareṇa viṣṇo
vistārātparigatalakṣayojanena |
ambhodheḥ kuharagatena varṣmaṇā tvaṃ
nirmagnaṃ kṣitidharanāthamunninetha ||7||
unmagne jhaṭiti tadā dharādharendre
nirmethurdṛḍhamiha sammadena sarve |
āviśya dvitayagaṇe'pi sarparāje
vaivaśyaṃ pariśamayannavīvṛdhastān ||8||
uddāmabhramaṇajavonnamadgirīndra-
nyastaikasthiratarahastapaṅkajaṃ tvām |
abhrānte vidhigiriśādayaḥ pramodā-
dudbhrāntā nunuvurupāttapuṣpavarṣāḥ ||9||
daityaughe bhujagamukhānilena tapte
tenaiva tridaśakule'pi kiñcidārte |
kāruṇyāttava kila deva vārivāhāḥ
prāvarṣannamaragaṇānna daityasaṅghān ||10||
udbhrāmyadbahutiminakracakravāle
tatrābdhau ciramathite'pi nirvikāre |
ekastvaṃ karayugakṛṣṭasarparājaḥ
saṃrājan pavanapureśa pāhi rogāt ||11||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.