Narayaniyam Dashaka 3 - Uttamabhaktasya Gunah — Grantha Script

𑌪𑌠𑌨𑍍𑌤𑍋 𑌨𑌾𑌮𑌾𑌨𑌿 𑌪𑍍𑌰𑌮𑌦𑌭𑌰𑌸𑌿𑌨𑍍𑌧𑍗 𑌨𑌿𑌪𑌤𑌿𑌤𑌾𑌃

𑌸𑍍𑌮𑌰𑌨𑍍𑌤𑍋 𑌰𑍂𑌪𑌂 𑌤𑍇 𑌵𑌰𑌦 𑌕𑌥𑌯𑌨𑍍𑌤𑍋 𑌗𑍁𑌣𑌕𑌥𑌾𑌃 ।

𑌚𑌰𑌨𑍍𑌤𑍋 𑌯𑍇 𑌭𑌕𑍍𑌤𑌾𑌸𑍍𑌤𑍍𑌵𑌯𑌿 𑌖𑌲𑍁 𑌰𑌮𑌨𑍍𑌤𑍇 𑌪𑌰𑌮𑌮𑍂-

𑌨𑌹𑌂 𑌧𑌨𑍍𑌯𑌾𑌨𑍍 𑌮𑌨𑍍𑌯𑍇 𑌸𑌮𑌧𑌿𑌗𑌤𑌸𑌰𑍍𑌵𑌾𑌭𑌿𑌲𑌷𑌿𑌤𑌾𑌨𑍍 ॥1॥

𑌗𑌦𑌕𑍍𑌲𑌿𑌷𑍍𑌟𑌂 𑌕𑌷𑍍𑌟𑌂 𑌤𑌵 𑌚𑌰𑌣𑌸𑍇𑌵𑌾𑌰𑌸𑌭𑌰𑍇𑌽-

𑌪𑍍𑌯𑌨𑌾𑌸𑌕𑍍𑌤𑌂 𑌚𑌿𑌤𑍍𑌤𑌂 𑌭𑌵𑌤𑌿 𑌬𑌤 𑌵𑌿𑌷𑍍𑌣𑍋 𑌕𑍁𑌰𑍁 𑌦𑌯𑌾𑌮𑍍 ।

𑌭𑌵𑌤𑍍𑌪𑌾𑌦𑌾𑌮𑍍𑌭𑍋𑌜𑌸𑍍𑌮𑌰𑌣𑌰𑌸𑌿𑌕𑍋 𑌨𑌾𑌮𑌨𑌿𑌵𑌹𑌾-

𑌨𑌹𑌂 𑌗𑌾𑌯𑌂 𑌗𑌾𑌯𑌂 𑌕𑍁𑌹𑌚𑌨 𑌵𑌿𑌵𑌤𑍍𑌸𑍍𑌯𑌾𑌮𑌿 𑌵𑌿𑌜𑌨𑍇 ॥2॥

𑌕𑍃𑌪𑌾 𑌤𑍇 𑌜𑌾𑌤𑌾 𑌚𑍇𑌤𑍍𑌕𑌿𑌮𑌿𑌵 𑌨 𑌹𑌿 𑌲𑌭𑍍𑌯𑌂 𑌤𑌨𑍁𑌭𑍃𑌤𑌾𑌂

𑌮𑌦𑍀𑌯𑌕𑍍𑌲𑍇𑌶𑍗𑌘𑌪𑍍𑌰𑌶𑌮𑌨𑌦𑌶𑌾 𑌨𑌾𑌮 𑌕𑌿𑌯𑌤𑍀 ।

𑌨 𑌕𑍇 𑌕𑍇 𑌲𑍋𑌕𑍇𑌽𑌸𑍍𑌮𑌿𑌨𑍍𑌨𑌨𑌿𑌶𑌮𑌯𑌿 𑌶𑍋𑌕𑌾𑌭𑌿𑌰𑌹𑌿𑌤𑌾

𑌭𑌵𑌦𑍍𑌭𑌕𑍍𑌤𑌾 𑌮𑍁𑌕𑍍𑌤𑌾𑌃 𑌸𑍁𑌖𑌗𑌤𑌿𑌮𑌸𑌕𑍍𑌤𑌾 𑌵𑌿𑌦𑌧𑌤𑍇 ॥3॥

𑌮𑍁𑌨𑌿𑌪𑍍𑌰𑍗𑌢𑌾 𑌰𑍂𑌢𑌾 𑌜𑌗𑌤𑌿 𑌖𑌲𑍁 𑌗𑍂𑌢𑌾𑌤𑍍𑌮𑌗𑌤𑌯𑍋

𑌭𑌵𑌤𑍍𑌪𑌾𑌦𑌾𑌮𑍍𑌭𑍋𑌜𑌸𑍍𑌮𑌰𑌣𑌵𑌿𑌰𑍁𑌜𑍋 𑌨𑌾𑌰𑌦𑌮𑍁𑌖𑌾𑌃 ।

𑌚𑌰𑌨𑍍𑌤𑍀𑌶 𑌸𑍍𑌵𑍈𑌰𑌂 𑌸𑌤𑌤𑌪𑌰𑌿𑌨𑌿𑌰𑍍𑌭𑌾𑌤𑌪𑌰𑌚𑌿 -

𑌤𑍍𑌸𑌦𑌾𑌨𑌨𑍍𑌦𑌾𑌦𑍍𑌵𑍈𑌤𑌪𑍍𑌰𑌸𑌰𑌪𑌰𑌿𑌮𑌗𑍍𑌨𑌾𑌃 𑌕𑌿𑌮𑌪𑌰𑌮𑍍 ॥4॥

𑌭𑌵𑌦𑍍𑌭𑌕𑍍𑌤𑌿𑌃 𑌸𑍍𑌫𑍀𑌤𑌾 𑌭𑌵𑌤𑍁 𑌮𑌮 𑌸𑍈𑌵 𑌪𑍍𑌰𑌶𑌮𑌯𑍇-

𑌦𑌶𑍇𑌷𑌕𑍍𑌲𑍇𑌶𑍗𑌘𑌂 𑌨 𑌖𑌲𑍁 𑌹𑍃𑌦𑌿 𑌸𑌨𑍍𑌦𑍇𑌹𑌕𑌣𑌿𑌕𑌾 ।

𑌨 𑌚𑍇𑌦𑍍𑌵𑍍𑌯𑌾𑌸𑌸𑍍𑌯𑍋𑌕𑍍𑌤𑌿𑌸𑍍𑌤𑌵 𑌚 𑌵𑌚𑌨𑌂 𑌨𑍈𑌗𑌮𑌵𑌚𑍋

𑌭𑌵𑍇𑌨𑍍𑌮𑌿𑌥𑍍𑌯𑌾 𑌰𑌥𑍍𑌯𑌾𑌪𑍁𑌰𑍁𑌷𑌵𑌚𑌨𑌪𑍍𑌰𑌾𑌯𑌮𑌖𑌿𑌲𑌮𑍍 ॥5॥

𑌭𑌵𑌦𑍍𑌭𑌕𑍍𑌤𑌿𑌸𑍍𑌤𑌾𑌵𑌤𑍍 𑌪𑍍𑌰𑌮𑍁𑌖𑌮𑌧𑍁𑌰𑌾 𑌤𑍍𑌵𑌤𑍍 𑌗𑍁𑌣𑌰𑌸𑌾𑌤𑍍

𑌕𑌿𑌮𑌪𑍍𑌯𑌾𑌰𑍂𑌢𑌾 𑌚𑍇𑌦𑌖𑌿𑌲𑌪𑌰𑌿𑌤𑌾𑌪𑌪𑍍𑌰𑌶𑌮𑌨𑍀 ।

𑌪𑍁𑌨𑌶𑍍𑌚𑌾𑌨𑍍𑌤𑍇 𑌸𑍍𑌵𑌾𑌨𑍍𑌤𑍇 𑌵𑌿𑌮𑌲𑌪𑌰𑌿𑌬𑍋𑌧𑍋𑌦𑌯𑌮𑌿𑌲-

𑌨𑍍𑌮𑌹𑌾𑌨𑌨𑍍𑌦𑌾𑌦𑍍𑌵𑍈𑌤𑌂 𑌦𑌿𑌶𑌤𑌿 𑌕𑌿𑌮𑌤𑌃 𑌪𑍍𑌰𑌾𑌰𑍍𑌥𑍍𑌯𑌮𑌪𑌰𑌮𑍍 ॥6॥

𑌵𑌿𑌧𑍂𑌯 𑌕𑍍𑌲𑍇𑌶𑌾𑌨𑍍𑌮𑍇 𑌕𑍁𑌰𑍁 𑌚𑌰𑌣𑌯𑍁𑌗𑍍𑌮𑌂 𑌧𑍃𑌤𑌰𑌸𑌂

𑌭𑌵𑌤𑍍𑌕𑍍𑌷𑍇𑌤𑍍𑌰𑌪𑍍𑌰𑌾𑌪𑍍𑌤𑍗 𑌕𑌰𑌮𑌪𑌿 𑌚 𑌤𑍇 𑌪𑍂𑌜𑌨𑌵𑌿𑌧𑍗 ।

𑌭𑌵𑌨𑍍𑌮𑍂𑌰𑍍𑌤𑍍𑌯𑌾𑌲𑍋𑌕𑍇 𑌨𑌯𑌨𑌮𑌥 𑌤𑍇 𑌪𑌾𑌦𑌤𑍁𑌲𑌸𑍀-

𑌪𑌰𑌿𑌘𑍍𑌰𑌾𑌣𑍇 𑌘𑍍𑌰𑌾𑌣𑌂 𑌶𑍍𑌰𑌵𑌣𑌮𑌪𑌿 𑌤𑍇 𑌚𑌾𑌰𑍁𑌚𑌰𑌿𑌤𑍇 ॥7॥

𑌪𑍍𑌰𑌭𑍂𑌤𑌾𑌧𑌿𑌵𑍍𑌯𑌾𑌧𑌿𑌪𑍍𑌰𑌸𑌭𑌚𑌲𑌿𑌤𑍇 𑌮𑌾𑌮𑌕𑌹𑍃𑌦𑌿

𑌤𑍍𑌵𑌦𑍀𑌯𑌂 𑌤𑌦𑍍𑌰𑍂𑌪𑌂 𑌪𑌰𑌮𑌸𑍁𑌖𑌚𑌿𑌦𑍍𑌰𑍂𑌪𑌮𑍁𑌦𑌿𑌯𑌾𑌤𑍍 ।

𑌉𑌦𑌞𑍍𑌚𑌦𑍍𑌰𑍋𑌮𑌾𑌞𑍍𑌚𑍋 𑌗𑌲𑌿𑌤𑌬𑌹𑍁𑌹𑌰𑍍𑌷𑌾𑌶𑍍𑌰𑍁𑌨𑌿𑌵𑌹𑍋

𑌯𑌥𑌾 𑌵𑌿𑌸𑍍𑌮𑌰𑍍𑌯𑌾𑌸𑌂 𑌦𑍁𑌰𑍁𑌪𑌶𑌮𑌪𑍀𑌡𑌾𑌪𑌰𑌿𑌭𑌵𑌾𑌨𑍍 ॥8॥

𑌮𑌰𑍁𑌦𑍍𑌗𑍇𑌹𑌾𑌧𑍀𑌶 𑌤𑍍𑌵𑌯𑌿 𑌖𑌲𑍁 𑌪𑌰𑌾𑌞𑍍𑌚𑍋𑌽𑌪𑌿 𑌸𑍁𑌖𑌿𑌨𑍋

𑌭𑌵𑌤𑍍𑌸𑍍𑌨𑍇𑌹𑍀 𑌸𑍋𑌽𑌹𑌂 𑌸𑍁𑌬𑌹𑍁 𑌪𑌰𑌿𑌤𑌪𑍍𑌯𑍇 𑌚 𑌕𑌿𑌮𑌿𑌦𑌮𑍍 ।

𑌅𑌕𑍀𑌰𑍍𑌤𑌿𑌸𑍍𑌤𑍇 𑌮𑌾 𑌭𑍂𑌦𑍍𑌵𑌰𑌦 𑌗𑌦𑌭𑌾𑌰𑌂 𑌪𑍍𑌰𑌶𑌮𑌯𑌨𑍍

𑌭𑌵𑌤𑍍 𑌭𑌕𑍍𑌤𑍋𑌤𑍍𑌤𑌂𑌸𑌂 𑌝𑌟𑌿𑌤𑌿 𑌕𑍁𑌰𑍁 𑌮𑌾𑌂 𑌕𑌂𑌸𑌦𑌮𑌨 ॥9॥

𑌕𑌿𑌮𑍁𑌕𑍍𑌤𑍈𑌰𑍍𑌭𑍂𑌯𑍋𑌭𑌿𑌸𑍍𑌤𑌵 𑌹𑌿 𑌕𑌰𑍁𑌣𑌾 𑌯𑌾𑌵𑌦𑍁𑌦𑌿𑌯𑌾-

𑌦𑌹𑌂 𑌤𑌾𑌵𑌦𑍍𑌦𑍇𑌵 𑌪𑍍𑌰𑌹𑌿𑌤𑌵𑌿𑌵𑌿𑌧𑌾𑌰𑍍𑌤𑌪𑍍𑌰𑌲𑌪𑌿𑌤𑌃 ।

𑌪𑍁𑌰𑌃 𑌕𑍍𑌲𑍃𑌪𑍍𑌤𑍇 𑌪𑌾𑌦𑍇 𑌵𑌰𑌦 𑌤𑌵 𑌨𑍇𑌷𑍍𑌯𑌾𑌮𑌿 𑌦𑌿𑌵𑌸𑌾-

𑌨𑍍𑌯𑌥𑌾𑌶𑌕𑍍𑌤𑌿 𑌵𑍍𑌯𑌕𑍍𑌤𑌂 𑌨𑌤𑌿𑌨𑍁𑌤𑌿𑌨𑌿𑌷𑍇𑌵𑌾 𑌵𑌿𑌰𑌚𑌯𑌨𑍍 ॥10॥

Roman (IAST) Transliteration

paṭhanto nāmāni pramadabharasindhau nipatitāḥ

smaranto rūpaṃ te varada kathayanto guṇakathāḥ |

caranto ye bhaktāstvayi khalu ramante paramamū-

nahaṃ dhanyān manye samadhigatasarvābhilaṣitān ||1||

gadakliṣṭaṃ kaṣṭaṃ tava caraṇasevārasabhare'-

pyanāsaktaṃ cittaṃ bhavati bata viṣṇo kuru dayām |

bhavatpādāmbhojasmaraṇarasiko nāmanivahā-

nahaṃ gāyaṃ gāyaṃ kuhacana vivatsyāmi vijane ||2||

kṛpā te jātā cetkimiva na hi labhyaṃ tanubhṛtāṃ

madīyakleśaughapraśamanadaśā nāma kiyatī |

na ke ke loke'sminnaniśamayi śokābhirahitā

bhavadbhaktā muktāḥ sukhagatimasaktā vidadhate ||3||

muniprauḍhā rūḍhā jagati khalu gūḍhātmagatayo

bhavatpādāmbhojasmaraṇavirujo nāradamukhāḥ |

carantīśa svairaṃ satataparinirbhātaparaci -

tsadānandādvaitaprasaraparimagnāḥ kimaparam ||4||

bhavadbhaktiḥ sphītā bhavatu mama saiva praśamaye-

daśeṣakleśaughaṃ na khalu hṛdi sandehakaṇikā |

na cedvyāsasyoktistava ca vacanaṃ naigamavaco

bhavenmithyā rathyāpuruṣavacanaprāyamakhilam ||5||

bhavadbhaktistāvat pramukhamadhurā tvat guṇarasāt

kimapyārūḍhā cedakhilaparitāpapraśamanī |

punaścānte svānte vimalaparibodhodayamila-

nmahānandādvaitaṃ diśati kimataḥ prārthyamaparam ||6||

vidhūya kleśānme kuru caraṇayugmaṃ dhṛtarasaṃ

bhavatkṣetraprāptau karamapi ca te pūjanavidhau |

bhavanmūrtyāloke nayanamatha te pādatulasī-

parighrāṇe ghrāṇaṃ śravaṇamapi te cārucarite ||7||

prabhūtādhivyādhiprasabhacalite māmakahṛdi

tvadīyaṃ tadrūpaṃ paramasukhacidrūpamudiyāt |

udañcadromāñco galitabahuharṣāśrunivaho

yathā vismaryāsaṃ durupaśamapīḍāparibhavān ||8||

marudgehādhīśa tvayi khalu parāñco'pi sukhino

bhavatsnehī so'haṃ subahu paritapye ca kimidam |

akīrtiste mā bhūdvarada gadabhāraṃ praśamayan

bhavat bhaktottaṃsaṃ jhaṭiti kuru māṃ kaṃsadamana ||9||

kimuktairbhūyobhistava hi karuṇā yāvadudiyā-

dahaṃ tāvaddeva prahitavividhārtapralapitaḥ |

puraḥ klṛpte pāde varada tava neṣyāmi divasā-

nyathāśakti vyaktaṃ natinutiniṣevā viracayan ||10||

Sanskrit — Devanagari (original)

पठन्तो नामानि प्रमदभरसिन्धौ निपतिताः

स्मरन्तो रूपं ते वरद कथयन्तो गुणकथाः ।

चरन्तो ये भक्तास्त्वयि खलु रमन्ते परममू-

नहं धन्यान् मन्ये समधिगतसर्वाभिलषितान् ॥1॥

गदक्लिष्टं कष्टं तव चरणसेवारसभरेऽ-

प्यनासक्तं चित्तं भवति बत विष्णो कुरु दयाम् ।

भवत्पादाम्भोजस्मरणरसिको नामनिवहा-

नहं गायं गायं कुहचन विवत्स्यामि विजने ॥2॥

कृपा ते जाता चेत्किमिव न हि लभ्यं तनुभृतां

मदीयक्लेशौघप्रशमनदशा नाम कियती ।

न के के लोकेऽस्मिन्ननिशमयि शोकाभिरहिता

भवद्भक्ता मुक्ताः सुखगतिमसक्ता विदधते ॥3॥

मुनिप्रौढा रूढा जगति खलु गूढात्मगतयो

भवत्पादाम्भोजस्मरणविरुजो नारदमुखाः ।

चरन्तीश स्वैरं सततपरिनिर्भातपरचि -

त्सदानन्दाद्वैतप्रसरपरिमग्नाः किमपरम् ॥4॥

भवद्भक्तिः स्फीता भवतु मम सैव प्रशमये-

दशेषक्लेशौघं न खलु हृदि सन्देहकणिका ।

न चेद्व्यासस्योक्तिस्तव च वचनं नैगमवचो

भवेन्मिथ्या रथ्यापुरुषवचनप्रायमखिलम् ॥5॥

भवद्भक्तिस्तावत् प्रमुखमधुरा त्वत् गुणरसात्

किमप्यारूढा चेदखिलपरितापप्रशमनी ।

पुनश्चान्ते स्वान्ते विमलपरिबोधोदयमिल-

न्महानन्दाद्वैतं दिशति किमतः प्रार्थ्यमपरम् ॥6॥

विधूय क्लेशान्मे कुरु चरणयुग्मं धृतरसं

भवत्क्षेत्रप्राप्तौ करमपि च ते पूजनविधौ ।

भवन्मूर्त्यालोके नयनमथ ते पादतुलसी-

परिघ्राणे घ्राणं श्रवणमपि ते चारुचरिते ॥7॥

प्रभूताधिव्याधिप्रसभचलिते मामकहृदि

त्वदीयं तद्रूपं परमसुखचिद्रूपमुदियात् ।

उदञ्चद्रोमाञ्चो गलितबहुहर्षाश्रुनिवहो

यथा विस्मर्यासं दुरुपशमपीडापरिभवान् ॥8॥

मरुद्गेहाधीश त्वयि खलु पराञ्चोऽपि सुखिनो

भवत्स्नेही सोऽहं सुबहु परितप्ये च किमिदम् ।

अकीर्तिस्ते मा भूद्वरद गदभारं प्रशमयन्

भवत् भक्तोत्तंसं झटिति कुरु मां कंसदमन ॥9॥

किमुक्तैर्भूयोभिस्तव हि करुणा यावदुदिया-

दहं तावद्देव प्रहितविविधार्तप्रलपितः ।

पुरः क्लृप्ते पादे वरद तव नेष्यामि दिवसा-

न्यथाशक्ति व्यक्तं नतिनुतिनिषेवा विरचयन् ॥10॥