𑌤𑌤𑍋 𑌮𑌗𑌧𑌭𑍂𑌭𑍃𑌤𑌾 𑌚𑌿𑌰𑌨𑌿𑌰𑍋𑌧𑌸𑌙𑍍𑌕𑍍𑌲𑍇𑌶𑌿𑌤𑌂
𑌶𑌤𑌾𑌷𑍍𑌟𑌕𑌯𑍁𑌤𑌾𑌯𑍁𑌤𑌦𑍍𑌵𑌿𑌤𑌯𑌮𑍀𑌶 𑌭𑍂𑌮𑍀𑌭𑍃𑌤𑌾𑌮𑍍 ।
𑌅𑌨𑌾𑌥𑌶𑌰𑌣𑌾𑌯 𑌤𑍇 𑌕𑌮𑌪𑌿 𑌪𑍂𑌰𑍁𑌷𑌂 𑌪𑍍𑌰𑌾𑌹𑌿𑌣𑍋-
𑌦𑌯𑌾𑌚𑌤 𑌸 𑌮𑌾𑌗𑌧𑌕𑍍𑌷𑌪𑌣𑌮𑍇𑌵 𑌕𑌿𑌂 𑌭𑍂𑌯𑌸𑌾 ॥1॥
𑌯𑌿𑌯𑌾𑌸𑍁𑌰𑌭𑌿𑌮𑌾𑌗𑌧𑌂 𑌤𑌦𑌨𑍁 𑌨𑌾𑌰𑌦𑍋𑌦𑍀𑌰𑌿𑌤𑌾-
𑌦𑍍𑌯𑍁𑌧𑌿𑌷𑍍𑌠𑌿𑌰𑌮𑌖𑍋𑌦𑍍𑌯𑌮𑌾𑌦𑍁𑌭𑌯𑌕𑌾𑌰𑍍𑌯𑌪𑌰𑍍𑌯𑌾𑌕𑍁𑌲𑌃 ।
𑌵𑌿𑌰𑍁𑌦𑍍𑌧𑌜𑌯𑌿𑌨𑍋𑌽𑌧𑍍𑌵𑌰𑌾𑌦𑍁𑌭𑌯𑌸𑌿𑌦𑍍𑌧𑌿𑌰𑌿𑌤𑍍𑌯𑍁𑌦𑍍𑌧𑌵𑍇
𑌶𑌶𑌂𑌸𑍁𑌷𑌿 𑌨𑌿𑌜𑍈𑌃 𑌸𑌮𑌂 𑌪𑍁𑌰𑌮𑌿𑌯𑍇𑌥 𑌯𑍗𑌧𑌿𑌷𑍍𑌠𑌿𑌰𑍀𑌮𑍍 ॥2॥
𑌅𑌶𑍇𑌷𑌦𑌯𑌿𑌤𑌾𑌯𑍁𑌤𑍇 𑌤𑍍𑌵𑌯𑌿 𑌸𑌮𑌾𑌗𑌤𑍇 𑌧𑌰𑍍𑌮𑌜𑍋
𑌵𑌿𑌜𑌿𑌤𑍍𑌯 𑌸𑌹𑌜𑍈𑌰𑍍𑌮𑌹𑍀𑌂 𑌭𑌵𑌦𑌪𑌾𑌙𑍍𑌗𑌸𑌂𑌵𑌰𑍍𑌧𑌿𑌤𑍈𑌃 ।
𑌶𑍍𑌰𑌿𑌯𑌂 𑌨𑌿𑌰𑍁𑌪𑌮𑌾𑌂 𑌵𑌹𑌨𑍍𑌨𑌹𑌹 𑌭𑌕𑍍𑌤𑌦𑌾𑌸𑌾𑌯𑌿𑌤𑌂
𑌭𑌵𑌨𑍍𑌤𑌮𑌯𑌿 𑌮𑌾𑌗𑌧𑍇 𑌪𑍍𑌰𑌹𑌿𑌤𑌵𑌾𑌨𑍍 𑌸𑌭𑍀𑌮𑌾𑌰𑍍𑌜𑍁𑌨𑌮𑍍 ॥3॥
𑌗𑌿𑌰𑌿𑌵𑍍𑌰𑌜𑌪𑍁𑌰𑌂 𑌗𑌤𑌾𑌸𑍍𑌤𑌦𑌨𑍁 𑌦𑍇𑌵 𑌯𑍂𑌯𑌂 𑌤𑍍𑌰𑌯𑍋
𑌯𑌯𑌾𑌚 𑌸𑌮𑌰𑍋𑌤𑍍𑌸𑌵𑌂 𑌦𑍍𑌵𑌿𑌜𑌮𑌿𑌷𑍇𑌣 𑌤𑌂 𑌮𑌾𑌗𑌧𑌮𑍍 ।
𑌅𑌪𑍂𑌰𑍍𑌣𑌸𑍁𑌕𑍃𑌤𑌂 𑌤𑍍𑌵𑌮𑍁𑌂 𑌪𑌵𑌨𑌜𑍇𑌨 𑌸𑌙𑍍𑌗𑍍𑌰𑌾𑌮𑌯𑌨𑍍
𑌨𑌿𑌰𑍀𑌕𑍍𑌷𑍍𑌯 𑌸𑌹 𑌜𑌿𑌷𑍍𑌣𑍁𑌨𑌾 𑌤𑍍𑌵𑌮𑌪𑌿 𑌰𑌾𑌜𑌯𑍁𑌦𑍍𑌧𑍍𑌵𑌾 𑌸𑍍𑌥𑌿𑌤𑌃 ॥4॥
𑌅𑌶𑌾𑌨𑍍𑌤𑌸𑌮𑌰𑍋𑌦𑍍𑌧𑌤𑌂 𑌬𑌿𑌟𑌪𑌪𑌾𑌟𑌨𑌾𑌸𑌞𑍍𑌜𑍍𑌞𑌯𑌾
𑌨𑌿𑌪𑌾𑌤𑍍𑌯 𑌜𑌰𑌰𑌸𑍍𑌸𑍁𑌤𑌂 𑌪𑌵𑌨𑌜𑍇𑌨 𑌨𑌿𑌷𑍍𑌪𑌾𑌟𑌿𑌤𑌮𑍍 ।
𑌵𑌿𑌮𑍁𑌚𑍍𑌯 𑌨𑍃𑌪𑌤𑍀𑌨𑍍 𑌮𑍁𑌦𑌾 𑌸𑌮𑌨𑍁𑌗𑍃𑌹𑍍𑌯 𑌭𑌕𑍍𑌤𑌿𑌂 𑌪𑌰𑌾𑌂
𑌦𑌿𑌦𑍇𑌶𑌿𑌥 𑌗𑌤𑌸𑍍𑌪𑍃𑌹𑌾𑌨𑌪𑌿 𑌚 𑌧𑌰𑍍𑌮𑌗𑍁𑌪𑍍𑌤𑍍𑌯𑍈 𑌭𑍁𑌵𑌃 ॥5॥
𑌪𑍍𑌰𑌚𑌕𑍍𑌰𑍁𑌷𑌿 𑌯𑍁𑌧𑌿𑌷𑍍𑌠𑌿𑌰𑍇 𑌤𑌦𑌨𑍁 𑌰𑌾𑌜𑌸𑍂𑌯𑌾𑌧𑍍𑌵𑌰𑌂
𑌪𑍍𑌰𑌸𑌨𑍍𑌨𑌭𑍃𑌤𑌕𑍀𑌭𑌵𑌤𑍍𑌸𑌕𑌲𑌰𑌾𑌜𑌕𑌵𑍍𑌯𑌾𑌕𑍁𑌲𑌮𑍍 ।
𑌤𑍍𑌵𑌮𑌪𑍍𑌯𑌯𑌿 𑌜𑌗𑌤𑍍𑌪𑌤𑍇 𑌦𑍍𑌵𑌿𑌜𑌪𑌦𑌾𑌵𑌨𑍇𑌜𑌾𑌦𑌿𑌕𑌂
𑌚𑌕𑌰𑍍𑌥 𑌕𑌿𑌮𑍁 𑌕𑌥𑍍𑌯𑌤𑍇 𑌨𑍃𑌪𑌵𑌰𑌸𑍍𑌯 𑌭𑌾𑌗𑍍𑌯𑍋𑌨𑍍𑌨𑌤𑌿𑌃 ॥6॥
𑌤𑌤𑌃 𑌸𑌵𑌨𑌕𑌰𑍍𑌮𑌣𑌿 𑌪𑍍𑌰𑌵𑌰𑌮𑌗𑍍𑌰𑍍𑌯𑌪𑍂𑌜𑌾𑌵𑌿𑌧𑌿𑌂
𑌵𑌿𑌚𑌾𑌰𑍍𑌯 𑌸𑌹𑌦𑍇𑌵𑌵𑌾𑌗𑌨𑍁𑌗𑌤𑌃 𑌸 𑌧𑌰𑍍𑌮𑌾𑌤𑍍𑌮𑌜𑌃 ।
𑌵𑍍𑌯𑌧𑌤𑍍𑌤 𑌭𑌵𑌤𑍇 𑌮𑍁𑌦𑌾 𑌸𑌦𑌸𑌿 𑌵𑌿𑌶𑍍𑌵𑌭𑍂𑌤𑌾𑌤𑍍𑌮𑌨𑍇
𑌤𑌦𑌾 𑌸𑌸𑍁𑌰𑌮𑌾𑌨𑍁𑌷𑌂 𑌭𑍁𑌵𑌨𑌮𑍇𑌵 𑌤𑍃𑌪𑍍𑌤𑌿𑌂 𑌦𑌧𑍗 ॥7॥
𑌤𑌤𑌃 𑌸𑌪𑌦𑌿 𑌚𑍇𑌦𑌿𑌪𑍋 𑌮𑍁𑌨𑌿𑌨𑍃𑌪𑍇𑌷𑍁 𑌤𑌿𑌷𑍍𑌠𑌤𑍍𑌸𑍍𑌵𑌹𑍋
𑌸𑌭𑌾𑌜𑌯𑌤𑌿 𑌕𑍋 𑌜𑌡𑌃 𑌪𑌶𑍁𑌪𑌦𑍁𑌰𑍍𑌦𑍁𑌰𑍂𑌟𑌂 𑌵𑌟𑍁𑌮𑍍 ।
𑌇𑌤𑌿 𑌤𑍍𑌵𑌯𑌿 𑌸 𑌦𑍁𑌰𑍍𑌵𑌚𑍋𑌵𑌿𑌤𑌤𑌿𑌮𑍁𑌦𑍍𑌵𑌮𑌨𑍍𑌨𑌾𑌸𑌨𑌾-
𑌦𑍁𑌦𑌾𑌪𑌤𑌦𑍁𑌦𑌾𑌯𑍁𑌧𑌃 𑌸𑌮𑌪𑌤𑌨𑍍𑌨𑌮𑍁𑌂 𑌪𑌾𑌣𑍍𑌡𑌵𑌾𑌃 ॥8॥
𑌨𑌿𑌵𑌾𑌰𑍍𑌯 𑌨𑌿𑌜𑌪𑌕𑍍𑌷𑌗𑌾𑌨𑌭𑌿𑌮𑍁𑌖𑌸𑍍𑌯𑌵𑌿𑌦𑍍𑌵𑍇𑌷𑌿𑌣-
𑌸𑍍𑌤𑍍𑌵𑌮𑍇𑌵 𑌜𑌹𑍃𑌷𑍇 𑌶𑌿𑌰𑍋 𑌦𑌨𑍁𑌜𑌦𑌾𑌰𑌿𑌣𑌾 𑌸𑍍𑌵𑌾𑌰𑌿𑌣𑌾 ।
𑌜𑌨𑍁𑌸𑍍𑌤𑍍𑌰𑌿𑌤𑌯𑌲𑌬𑍍𑌧𑌯𑌾 𑌸𑌤𑌤𑌚𑌿𑌨𑍍𑌤𑌯𑌾 𑌶𑍁𑌦𑍍𑌧𑌧𑍀-
𑌸𑍍𑌤𑍍𑌵𑌯𑌾 𑌸 𑌪𑌰𑌮𑍇𑌕𑌤𑌾𑌮𑌧𑍃𑌤 𑌯𑍋𑌗𑌿𑌨𑌾𑌂 𑌦𑍁𑌰𑍍𑌲𑌭𑌾𑌮𑍍 ॥9॥
𑌤𑌤𑌃 𑌸𑍁𑌮𑌹𑌿𑌤𑍇 𑌤𑍍𑌵𑌯𑌾 𑌕𑍍𑌰𑌤𑍁𑌵𑌰𑍇 𑌨𑌿𑌰𑍂𑌢𑍇 𑌜𑌨𑍋
𑌯𑌯𑍗 𑌜𑌯𑌤𑌿 𑌧𑌰𑍍𑌮𑌜𑍋 𑌜𑌯𑌤𑌿 𑌕𑍃𑌷𑍍𑌣 𑌇𑌤𑍍𑌯𑌾𑌲𑌪𑌨𑍍।
𑌖𑌲𑌃 𑌸 𑌤𑍁 𑌸𑍁𑌯𑍋𑌧𑌨𑍋 𑌧𑍁𑌤𑌮𑌨𑌾𑌸𑍍𑌸𑌪𑌤𑍍𑌨𑌶𑍍𑌰𑌿𑌯𑌾
𑌮𑌯𑌾𑌰𑍍𑌪𑌿𑌤𑌸𑌭𑌾𑌮𑍁𑌖𑍇 𑌸𑍍𑌥𑌲𑌜𑌲𑌭𑍍𑌰𑌮𑌾𑌦𑌭𑍍𑌰𑌮𑍀𑌤𑍍 ॥10॥
𑌤𑌦𑌾 𑌹𑌸𑌿𑌤𑌮𑍁𑌤𑍍𑌥𑌿𑌤𑌂 𑌦𑍍𑌰𑍁𑌪𑌦𑌨𑌨𑍍𑌦𑌨𑌾𑌭𑍀𑌮𑌯𑍋-
𑌰𑌪𑌾𑌙𑍍𑌗𑌕𑌲𑌯𑌾 𑌵𑌿𑌭𑍋 𑌕𑌿𑌮𑌪𑌿 𑌤𑌾𑌵𑌦𑍁𑌜𑍍𑌜𑍃𑌮𑍍𑌭𑌯𑌨𑍍 ।
𑌧𑌰𑌾𑌭𑌰𑌨𑌿𑌰𑌾𑌕𑍃𑌤𑍗 𑌸𑌪𑌦𑌿 𑌨𑌾𑌮 𑌬𑍀𑌜𑌂 𑌵𑌪𑌨𑍍
𑌜𑌨𑌾𑌰𑍍𑌦𑌨 𑌮𑌰𑍁𑌤𑍍𑌪𑍁𑌰𑍀𑌨𑌿𑌲𑌯 𑌪𑌾𑌹𑌿 𑌮𑌾𑌮𑌾𑌮𑌯𑌾𑌤𑍍 ॥11॥
Roman (IAST) Transliteration
tato magadhabhūbhṛtā ciranirodhasaṅkleśitaṃ
śatāṣṭakayutāyutadvitayamīśa bhūmībhṛtām |
anāthaśaraṇāya te kamapi pūruṣaṃ prāhiṇo-
dayācata sa māgadhakṣapaṇameva kiṃ bhūyasā ||1||
yiyāsurabhimāgadhaṃ tadanu nāradodīritā-
dyudhiṣṭhiramakhodyamādubhayakāryaparyākulaḥ |
viruddhajayino'dhvarādubhayasiddhirityuddhave
śaśaṃsuṣi nijaiḥ samaṃ puramiyetha yaudhiṣṭhirīm ||2||
aśeṣadayitāyute tvayi samāgate dharmajo
vijitya sahajairmahīṃ bhavadapāṅgasaṃvardhitaiḥ |
śriyaṃ nirupamāṃ vahannahaha bhaktadāsāyitaṃ
bhavantamayi māgadhe prahitavān sabhīmārjunam ||3||
girivrajapuraṃ gatāstadanu deva yūyaṃ trayo
yayāca samarotsavaṃ dvijamiṣeṇa taṃ māgadham |
apūrṇasukṛtaṃ tvamuṃ pavanajena saṅgrāmayan
nirīkṣya saha jiṣṇunā tvamapi rājayuddhvā sthitaḥ ||4||
aśāntasamaroddhataṃ biṭapapāṭanāsañjñayā
nipātya jararassutaṃ pavanajena niṣpāṭitam |
vimucya nṛpatīn mudā samanugṛhya bhaktiṃ parāṃ
dideśitha gataspṛhānapi ca dharmaguptyai bhuvaḥ ||5||
pracakruṣi yudhiṣṭhire tadanu rājasūyādhvaraṃ
prasannabhṛtakībhavatsakalarājakavyākulam |
tvamapyayi jagatpate dvijapadāvanejādikaṃ
cakartha kimu kathyate nṛpavarasya bhāgyonnatiḥ ||6||
tataḥ savanakarmaṇi pravaramagryapūjāvidhiṃ
vicārya sahadevavāganugataḥ sa dharmātmajaḥ |
vyadhatta bhavate mudā sadasi viśvabhūtātmane
tadā sasuramānuṣaṃ bhuvanameva tṛptiṃ dadhau ||7||
tataḥ sapadi cedipo muninṛpeṣu tiṣṭhatsvaho
sabhājayati ko jaḍaḥ paśupadurdurūṭaṃ vaṭum |
iti tvayi sa durvacovitatimudvamannāsanā-
dudāpatadudāyudhaḥ samapatannamuṃ pāṇḍavāḥ ||8||
nivārya nijapakṣagānabhimukhasyavidveṣiṇa-
stvameva jahṛṣe śiro danujadāriṇā svāriṇā |
janustritayalabdhayā satatacintayā śuddhadhī-
stvayā sa paramekatāmadhṛta yogināṃ durlabhām ||9||
tataḥ sumahite tvayā kratuvare nirūḍhe jano
yayau jayati dharmajo jayati kṛṣṇa ityālapan|
khalaḥ sa tu suyodhano dhutamanāssapatnaśriyā
mayārpitasabhāmukhe sthalajalabhramādabhramīt ||10||
tadā hasitamutthitaṃ drupadanandanābhīmayo-
rapāṅgakalayā vibho kimapi tāvadujjṛmbhayan |
dharābharanirākṛtau sapadi nāma bījaṃ vapan
janārdana marutpurīnilaya pāhi māmāmayāt ||11||
Sanskrit — Devanagari (original)
ततो मगधभूभृता चिरनिरोधसङ्क्लेशितं
शताष्टकयुतायुतद्वितयमीश भूमीभृताम् ।
अनाथशरणाय ते कमपि पूरुषं प्राहिणो-
दयाचत स मागधक्षपणमेव किं भूयसा ॥1॥
यियासुरभिमागधं तदनु नारदोदीरिता-
द्युधिष्ठिरमखोद्यमादुभयकार्यपर्याकुलः ।
विरुद्धजयिनोऽध्वरादुभयसिद्धिरित्युद्धवे
शशंसुषि निजैः समं पुरमियेथ यौधिष्ठिरीम् ॥2॥
अशेषदयितायुते त्वयि समागते धर्मजो
विजित्य सहजैर्महीं भवदपाङ्गसंवर्धितैः ।
श्रियं निरुपमां वहन्नहह भक्तदासायितं
भवन्तमयि मागधे प्रहितवान् सभीमार्जुनम् ॥3॥
गिरिव्रजपुरं गतास्तदनु देव यूयं त्रयो
ययाच समरोत्सवं द्विजमिषेण तं मागधम् ।
अपूर्णसुकृतं त्वमुं पवनजेन सङ्ग्रामयन्
निरीक्ष्य सह जिष्णुना त्वमपि राजयुद्ध्वा स्थितः ॥4॥
अशान्तसमरोद्धतं बिटपपाटनासञ्ज्ञया
निपात्य जररस्सुतं पवनजेन निष्पाटितम् ।
विमुच्य नृपतीन् मुदा समनुगृह्य भक्तिं परां
दिदेशिथ गतस्पृहानपि च धर्मगुप्त्यै भुवः ॥5॥
प्रचक्रुषि युधिष्ठिरे तदनु राजसूयाध्वरं
प्रसन्नभृतकीभवत्सकलराजकव्याकुलम् ।
त्वमप्ययि जगत्पते द्विजपदावनेजादिकं
चकर्थ किमु कथ्यते नृपवरस्य भाग्योन्नतिः ॥6॥
ततः सवनकर्मणि प्रवरमग्र्यपूजाविधिं
विचार्य सहदेववागनुगतः स धर्मात्मजः ।
व्यधत्त भवते मुदा सदसि विश्वभूतात्मने
तदा ससुरमानुषं भुवनमेव तृप्तिं दधौ ॥7॥
ततः सपदि चेदिपो मुनिनृपेषु तिष्ठत्स्वहो
सभाजयति को जडः पशुपदुर्दुरूटं वटुम् ।
इति त्वयि स दुर्वचोविततिमुद्वमन्नासना-
दुदापतदुदायुधः समपतन्नमुं पाण्डवाः ॥8॥
निवार्य निजपक्षगानभिमुखस्यविद्वेषिण-
स्त्वमेव जहृषे शिरो दनुजदारिणा स्वारिणा ।
जनुस्त्रितयलब्धया सततचिन्तया शुद्धधी-
स्त्वया स परमेकतामधृत योगिनां दुर्लभाम् ॥9॥
ततः सुमहिते त्वया क्रतुवरे निरूढे जनो
ययौ जयति धर्मजो जयति कृष्ण इत्यालपन्।
खलः स तु सुयोधनो धुतमनास्सपत्नश्रिया
मयार्पितसभामुखे स्थलजलभ्रमादभ्रमीत् ॥10॥
तदा हसितमुत्थितं द्रुपदनन्दनाभीमयो-
रपाङ्गकलया विभो किमपि तावदुज्जृम्भयन् ।
धराभरनिराकृतौ सपदि नाम बीजं वपन्
जनार्दन मरुत्पुरीनिलय पाहि मामामयात् ॥11॥
tato magadhabhūbhṛtā ciranirodhasaṅkleśitaṃ
śatāṣṭakayutāyutadvitayamīśa bhūmībhṛtām |
anāthaśaraṇāya te kamapi pūruṣaṃ prāhiṇo-
dayācata sa māgadhakṣapaṇameva kiṃ bhūyasā ||1||
yiyāsurabhimāgadhaṃ tadanu nāradodīritā-
dyudhiṣṭhiramakhodyamādubhayakāryaparyākulaḥ |
viruddhajayino'dhvarādubhayasiddhirityuddhave
śaśaṃsuṣi nijaiḥ samaṃ puramiyetha yaudhiṣṭhirīm ||2||
aśeṣadayitāyute tvayi samāgate dharmajo
vijitya sahajairmahīṃ bhavadapāṅgasaṃvardhitaiḥ |
śriyaṃ nirupamāṃ vahannahaha bhaktadāsāyitaṃ
bhavantamayi māgadhe prahitavān sabhīmārjunam ||3||
girivrajapuraṃ gatāstadanu deva yūyaṃ trayo
yayāca samarotsavaṃ dvijamiṣeṇa taṃ māgadham |
apūrṇasukṛtaṃ tvamuṃ pavanajena saṅgrāmayan
nirīkṣya saha jiṣṇunā tvamapi rājayuddhvā sthitaḥ ||4||
aśāntasamaroddhataṃ biṭapapāṭanāsañjñayā
nipātya jararassutaṃ pavanajena niṣpāṭitam |
vimucya nṛpatīn mudā samanugṛhya bhaktiṃ parāṃ
dideśitha gataspṛhānapi ca dharmaguptyai bhuvaḥ ||5||
pracakruṣi yudhiṣṭhire tadanu rājasūyādhvaraṃ
prasannabhṛtakībhavatsakalarājakavyākulam |
tvamapyayi jagatpate dvijapadāvanejādikaṃ
cakartha kimu kathyate nṛpavarasya bhāgyonnatiḥ ||6||
tataḥ savanakarmaṇi pravaramagryapūjāvidhiṃ
vicārya sahadevavāganugataḥ sa dharmātmajaḥ |
vyadhatta bhavate mudā sadasi viśvabhūtātmane
tadā sasuramānuṣaṃ bhuvanameva tṛptiṃ dadhau ||7||
tataḥ sapadi cedipo muninṛpeṣu tiṣṭhatsvaho
sabhājayati ko jaḍaḥ paśupadurdurūṭaṃ vaṭum |
iti tvayi sa durvacovitatimudvamannāsanā-
dudāpatadudāyudhaḥ samapatannamuṃ pāṇḍavāḥ ||8||
nivārya nijapakṣagānabhimukhasyavidveṣiṇa-
stvameva jahṛṣe śiro danujadāriṇā svāriṇā |
janustritayalabdhayā satatacintayā śuddhadhī-
stvayā sa paramekatāmadhṛta yogināṃ durlabhām ||9||
tataḥ sumahite tvayā kratuvare nirūḍhe jano
yayau jayati dharmajo jayati kṛṣṇa ityālapan|
khalaḥ sa tu suyodhano dhutamanāssapatnaśriyā
mayārpitasabhāmukhe sthalajalabhramādabhramīt ||10||
tadā hasitamutthitaṃ drupadanandanābhīmayo-
rapāṅgakalayā vibho kimapi tāvadujjṛmbhayan |
dharābharanirākṛtau sapadi nāma bījaṃ vapan
janārdana marutpurīnilaya pāhi māmāmayāt ||11||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.