𑌅𑌯𑌿 𑌦𑍇𑌵 𑌪𑍁𑌰𑌾 𑌕𑌿𑌲 𑌤𑍍𑌵𑌯𑌿 𑌸𑍍𑌵𑌯𑌮𑍁𑌤𑍍𑌤𑌾𑌨𑌶𑌯𑍇 𑌸𑍍𑌤𑌨𑌨𑍍𑌧𑌯𑍇 ।
𑌪𑌰𑌿𑌜𑍃𑌮𑍍𑌭𑌣𑌤𑍋 𑌵𑍍𑌯𑌪𑌾𑌵𑍃𑌤𑍇 𑌵𑌦𑌨𑍇 𑌵𑌿𑌶𑍍𑌵𑌮𑌚𑌷𑍍𑌟 𑌵𑌲𑍍𑌲𑌵𑍀 ॥1॥
𑌪𑍁𑌨𑌰𑌪𑍍𑌯𑌥 𑌬𑌾𑌲𑌕𑍈𑌃 𑌸𑌮𑌂 𑌤𑍍𑌵𑌯𑌿 𑌲𑍀𑌲𑌾𑌨𑌿𑌰𑌤𑍇 𑌜𑌗𑌤𑍍𑌪𑌤𑍇 ।
𑌫𑌲𑌸𑌞𑍍𑌚𑌯𑌵𑌞𑍍𑌚𑌨𑌕𑍍𑌰𑍁𑌧𑌾 𑌤𑌵 𑌮𑍃𑌦𑍍𑌭𑍋𑌜𑌨𑌮𑍂𑌚𑍁𑌰𑌰𑍍𑌭𑌕𑌾𑌃 ॥2॥
𑌅𑌯𑌿 𑌤𑍇 𑌪𑍍𑌰𑌲𑌯𑌾𑌵𑌧𑍗 𑌵𑌿𑌭𑍋 𑌕𑍍𑌷𑌿𑌤𑌿𑌤𑍋𑌯𑌾𑌦𑌿𑌸𑌮𑌸𑍍𑌤𑌭𑌕𑍍𑌷𑌿𑌣𑌃 ।
𑌮𑍃𑌦𑍁𑌪𑌾𑌶𑌨𑌤𑍋 𑌰𑍁𑌜𑌾 𑌭𑌵𑍇𑌦𑌿𑌤𑌿 𑌭𑍀𑌤𑌾 𑌜𑌨𑌨𑍀 𑌚𑍁𑌕𑍋𑌪 𑌸𑌾 ॥3॥
𑌅𑌯𑌿 𑌦𑍁𑌰𑍍𑌵𑌿𑌨𑌯𑌾𑌤𑍍𑌮𑌕 𑌤𑍍𑌵𑌯𑌾 𑌕𑌿𑌮𑍁 𑌮𑍃𑌤𑍍𑌸𑌾 𑌬𑌤 𑌵𑌤𑍍𑌸 𑌭𑌕𑍍𑌷𑌿𑌤𑌾 ।
𑌇𑌤𑌿 𑌮𑌾𑌤𑍃𑌗𑌿𑌰𑌂 𑌚𑌿𑌰𑌂 𑌵𑌿𑌭𑍋 𑌵𑌿𑌤𑌥𑌾𑌂 𑌤𑍍𑌵𑌂 𑌪𑍍𑌰𑌤𑌿𑌜𑌜𑍍𑌞𑌿𑌷𑍇 𑌹𑌸𑌨𑍍 ॥4॥
𑌅𑌯𑌿 𑌤𑍇 𑌸𑌕𑌲𑍈𑌰𑍍𑌵𑌿𑌨𑌿𑌶𑍍𑌚𑌿𑌤𑍇 𑌵𑌿𑌮𑌤𑌿𑌶𑍍𑌚𑍇𑌦𑍍𑌵𑌦𑌨𑌂 𑌵𑌿𑌦𑌾𑌰𑍍𑌯𑌤𑌾𑌮𑍍 ।
𑌇𑌤𑌿 𑌮𑌾𑌤𑍃𑌵𑌿𑌭𑌰𑍍𑌤𑍍𑌸𑌿𑌤𑍋 𑌮𑍁𑌖𑌂 𑌵𑌿𑌕𑌸𑌤𑍍𑌪𑌦𑍍𑌮𑌨𑌿𑌭𑌂 𑌵𑍍𑌯𑌦𑌾𑌰𑌯𑌃 ॥5॥
𑌅𑌪𑌿 𑌮𑍃𑌲𑍍𑌲𑌵𑌦𑌰𑍍𑌶𑌨𑍋𑌤𑍍𑌸𑍁𑌕𑌾𑌂 𑌜𑌨𑌨𑍀𑌂 𑌤𑌾𑌂 𑌬𑌹𑍁 𑌤𑌰𑍍𑌪𑌯𑌨𑍍𑌨𑌿𑌵 ।
𑌪𑍃𑌥𑌿𑌵𑍀𑌂 𑌨𑌿𑌖𑌿𑌲𑌾𑌂 𑌨 𑌕𑍇𑌵𑌲𑌂 𑌭𑍁𑌵𑌨𑌾𑌨𑍍𑌯𑌪𑍍𑌯𑌖𑌿𑌲𑌾𑌨𑍍𑌯𑌦𑍀𑌦𑍃𑌶𑌃 ॥6॥
𑌕𑍁𑌹𑌚𑌿𑌦𑍍𑌵𑌨𑌮𑌮𑍍𑌬𑍁𑌧𑌿𑌃 𑌕𑍍𑌵𑌚𑌿𑌤𑍍 𑌕𑍍𑌵𑌚𑌿𑌦𑌭𑍍𑌰𑌂 𑌕𑍁𑌹𑌚𑌿𑌦𑍍𑌰𑌸𑌾𑌤𑌲𑌮𑍍 ।
𑌮𑌨𑍁𑌜𑌾 𑌦𑌨𑍁𑌜𑌾𑌃 𑌕𑍍𑌵𑌚𑌿𑌤𑍍 𑌸𑍁𑌰𑌾 𑌦𑌦𑍃𑌶𑍇 𑌕𑌿𑌂 𑌨 𑌤𑌦𑌾 𑌤𑍍𑌵𑌦𑌾𑌨𑌨𑍇 ॥7॥
𑌕𑌲𑌶𑌾𑌮𑍍𑌬𑍁𑌧𑌿𑌶𑌾𑌯𑌿𑌨𑌂 𑌪𑍁𑌨𑌃 𑌪𑌰𑌵𑍈𑌕𑍁𑌣𑍍𑌠𑌪𑌦𑌾𑌧𑌿𑌵𑌾𑌸𑌿𑌨𑌮𑍍 ।
𑌸𑍍𑌵𑌪𑍁𑌰𑌶𑍍𑌚 𑌨𑌿𑌜𑌾𑌰𑍍𑌭𑌕𑌾𑌤𑍍𑌮𑌕𑌂 𑌕𑌤𑌿𑌧𑌾 𑌤𑍍𑌵𑌾𑌂 𑌨 𑌦𑌦𑌰𑍍𑌶 𑌸𑌾 𑌮𑍁𑌖𑍇 ॥8॥
𑌵𑌿𑌕𑌸𑌦𑍍𑌭𑍁𑌵𑌨𑍇 𑌮𑍁𑌖𑍋𑌦𑌰𑍇 𑌨𑌨𑍁 𑌭𑍂𑌯𑍋𑌽𑌪𑌿 𑌤𑌥𑌾𑌵𑌿𑌧𑌾𑌨𑌨𑌃 ।
𑌅𑌨𑌯𑌾 𑌸𑍍𑌫𑍁𑌟𑌮𑍀𑌕𑍍𑌷𑌿𑌤𑍋 𑌭𑌵𑌾𑌨𑌨𑌵𑌸𑍍𑌥𑌾𑌂 𑌜𑌗𑌤𑌾𑌂 𑌬𑌤𑌾𑌤𑌨𑍋𑌤𑍍 ॥9॥
𑌧𑍃𑌤𑌤𑌤𑍍𑌤𑍍𑌵𑌧𑌿𑌯𑌂 𑌤𑌦𑌾 𑌕𑍍𑌷𑌣𑌂 𑌜𑌨𑌨𑍀𑌂 𑌤𑌾𑌂 𑌪𑍍𑌰𑌣𑌯𑍇𑌨 𑌮𑍋𑌹𑌯𑌨𑍍 ।
𑌸𑍍𑌤𑌨𑌮𑌮𑍍𑌬 𑌦𑌿𑌶𑍇𑌤𑍍𑌯𑍁𑌪𑌾𑌸𑌜𑌨𑍍 𑌭𑌗𑌵𑌨𑍍𑌨𑌦𑍍𑌭𑍁𑌤𑌬𑌾𑌲 𑌪𑌾𑌹𑌿 𑌮𑌾𑌮𑍍 ॥10॥
Roman (IAST) Transliteration
ayi deva purā kila tvayi svayamuttānaśaye stanandhaye |
parijṛmbhaṇato vyapāvṛte vadane viśvamacaṣṭa vallavī ||1||
punarapyatha bālakaiḥ samaṃ tvayi līlānirate jagatpate |
phalasañcayavañcanakrudhā tava mṛdbhojanamūcurarbhakāḥ ||2||
ayi te pralayāvadhau vibho kṣititoyādisamastabhakṣiṇaḥ |
mṛdupāśanato rujā bhavediti bhītā jananī cukopa sā ||3||
ayi durvinayātmaka tvayā kimu mṛtsā bata vatsa bhakṣitā |
iti mātṛgiraṃ ciraṃ vibho vitathāṃ tvaṃ pratijajñiṣe hasan ||4||
ayi te sakalairviniścite vimatiścedvadanaṃ vidāryatām |
iti mātṛvibhartsito mukhaṃ vikasatpadmanibhaṃ vyadārayaḥ ||5||
api mṛllavadarśanotsukāṃ jananīṃ tāṃ bahu tarpayanniva |
pṛthivīṃ nikhilāṃ na kevalaṃ bhuvanānyapyakhilānyadīdṛśaḥ ||6||
kuhacidvanamambudhiḥ kvacit kvacidabhraṃ kuhacidrasātalam |
manujā danujāḥ kvacit surā dadṛśe kiṃ na tadā tvadānane ||7||
kalaśāmbudhiśāyinaṃ punaḥ paravaikuṇṭhapadādhivāsinam |
svapuraśca nijārbhakātmakaṃ katidhā tvāṃ na dadarśa sā mukhe ||8||
vikasadbhuvane mukhodare nanu bhūyo'pi tathāvidhānanaḥ |
anayā sphuṭamīkṣito bhavānanavasthāṃ jagatāṃ batātanot ||9||
dhṛtatattvadhiyaṃ tadā kṣaṇaṃ jananīṃ tāṃ praṇayena mohayan |
stanamamba diśetyupāsajan bhagavannadbhutabāla pāhi mām ||10||
Sanskrit — Devanagari (original)
अयि देव पुरा किल त्वयि स्वयमुत्तानशये स्तनन्धये ।
परिजृम्भणतो व्यपावृते वदने विश्वमचष्ट वल्लवी ॥1॥
पुनरप्यथ बालकैः समं त्वयि लीलानिरते जगत्पते ।
फलसञ्चयवञ्चनक्रुधा तव मृद्भोजनमूचुरर्भकाः ॥2॥
अयि ते प्रलयावधौ विभो क्षितितोयादिसमस्तभक्षिणः ।
मृदुपाशनतो रुजा भवेदिति भीता जननी चुकोप सा ॥3॥
अयि दुर्विनयात्मक त्वया किमु मृत्सा बत वत्स भक्षिता ।
इति मातृगिरं चिरं विभो वितथां त्वं प्रतिजज्ञिषे हसन् ॥4॥
अयि ते सकलैर्विनिश्चिते विमतिश्चेद्वदनं विदार्यताम् ।
इति मातृविभर्त्सितो मुखं विकसत्पद्मनिभं व्यदारयः ॥5॥
अपि मृल्लवदर्शनोत्सुकां जननीं तां बहु तर्पयन्निव ।
पृथिवीं निखिलां न केवलं भुवनान्यप्यखिलान्यदीदृशः ॥6॥
कुहचिद्वनमम्बुधिः क्वचित् क्वचिदभ्रं कुहचिद्रसातलम् ।
मनुजा दनुजाः क्वचित् सुरा ददृशे किं न तदा त्वदानने ॥7॥
कलशाम्बुधिशायिनं पुनः परवैकुण्ठपदाधिवासिनम् ।
स्वपुरश्च निजार्भकात्मकं कतिधा त्वां न ददर्श सा मुखे ॥8॥
विकसद्भुवने मुखोदरे ननु भूयोऽपि तथाविधाननः ।
अनया स्फुटमीक्षितो भवाननवस्थां जगतां बतातनोत् ॥9॥
धृततत्त्वधियं तदा क्षणं जननीं तां प्रणयेन मोहयन् ।
स्तनमम्ब दिशेत्युपासजन् भगवन्नद्भुतबाल पाहि माम् ॥10॥
ayi deva purā kila tvayi svayamuttānaśaye stanandhaye |
parijṛmbhaṇato vyapāvṛte vadane viśvamacaṣṭa vallavī ||1||
punarapyatha bālakaiḥ samaṃ tvayi līlānirate jagatpate |
phalasañcayavañcanakrudhā tava mṛdbhojanamūcurarbhakāḥ ||2||
ayi te pralayāvadhau vibho kṣititoyādisamastabhakṣiṇaḥ |
mṛdupāśanato rujā bhavediti bhītā jananī cukopa sā ||3||
ayi durvinayātmaka tvayā kimu mṛtsā bata vatsa bhakṣitā |
iti mātṛgiraṃ ciraṃ vibho vitathāṃ tvaṃ pratijajñiṣe hasan ||4||
ayi te sakalairviniścite vimatiścedvadanaṃ vidāryatām |
iti mātṛvibhartsito mukhaṃ vikasatpadmanibhaṃ vyadārayaḥ ||5||
api mṛllavadarśanotsukāṃ jananīṃ tāṃ bahu tarpayanniva |
pṛthivīṃ nikhilāṃ na kevalaṃ bhuvanānyapyakhilānyadīdṛśaḥ ||6||
kuhacidvanamambudhiḥ kvacit kvacidabhraṃ kuhacidrasātalam |
manujā danujāḥ kvacit surā dadṛśe kiṃ na tadā tvadānane ||7||
kalaśāmbudhiśāyinaṃ punaḥ paravaikuṇṭhapadādhivāsinam |
svapuraśca nijārbhakātmakaṃ katidhā tvāṃ na dadarśa sā mukhe ||8||
vikasadbhuvane mukhodare nanu bhūyo'pi tathāvidhānanaḥ |
anayā sphuṭamīkṣito bhavānanavasthāṃ jagatāṃ batātanot ||9||
dhṛtatattvadhiyaṃ tadā kṣaṇaṃ jananīṃ tāṃ praṇayena mohayan |
stanamamba diśetyupāsajan bhagavannadbhutabāla pāhi mām ||10||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.