𑌸𑍂𑌰𑍍𑌯𑌸𑍍𑌪𑌰𑍍𑌧𑌿𑌕𑌿𑌰𑍀𑌟𑌮𑍂𑌰𑍍𑌧𑍍𑌵𑌤𑌿𑌲𑌕𑌪𑍍𑌰𑍋𑌦𑍍𑌭𑌾𑌸𑌿𑌫𑌾𑌲𑌾𑌨𑍍𑌤𑌰𑌂
𑌕𑌾𑌰𑍁𑌣𑍍𑌯𑌾𑌕𑍁𑌲𑌨𑍇𑌤𑍍𑌰𑌮𑌾𑌰𑍍𑌦𑍍𑌰𑌹𑌸𑌿𑌤𑍋𑌲𑍍𑌲𑌾𑌸𑌂 𑌸𑍁𑌨𑌾𑌸𑌾𑌪𑍁𑌟𑌮𑍍।
𑌗𑌣𑍍𑌡𑍋𑌦𑍍𑌯𑌨𑍍𑌮𑌕𑌰𑌾𑌭𑌕𑍁𑌣𑍍𑌡𑌲𑌯𑍁𑌗𑌂 𑌕𑌣𑍍𑌠𑍋𑌜𑍍𑌵𑌲𑌤𑍍𑌕𑍗𑌸𑍍𑌤𑍁𑌭𑌂
𑌤𑍍𑌵𑌦𑍍𑌰𑍂𑌪𑌂 𑌵𑌨𑌮𑌾𑌲𑍍𑌯𑌹𑌾𑌰𑌪𑌟𑌲𑌶𑍍𑌰𑍀𑌵𑌤𑍍𑌸𑌦𑍀𑌪𑍍𑌰𑌂 𑌭𑌜𑍇॥1॥
𑌕𑍇𑌯𑍂𑌰𑌾𑌙𑍍𑌗𑌦𑌕𑌙𑍍𑌕𑌣𑍋𑌤𑍍𑌤𑌮𑌮𑌹𑌾𑌰𑌤𑍍𑌨𑌾𑌙𑍍𑌗𑍁𑌲𑍀𑌯𑌾𑌙𑍍𑌕𑌿𑌤-
𑌶𑍍𑌰𑍀𑌮𑌦𑍍𑌬𑌾𑌹𑍁𑌚𑌤𑍁𑌷𑍍𑌕𑌸𑌙𑍍𑌗𑌤𑌗𑌦𑌾𑌶𑌙𑍍𑌖𑌾𑌰𑌿𑌪𑌙𑍍𑌕𑍇𑌰𑍁𑌹𑌾𑌮𑍍 ।
𑌕𑌾𑌞𑍍𑌚𑌿𑌤𑍍 𑌕𑌾𑌞𑍍𑌚𑌨𑌕𑌾𑌞𑍍𑌚𑌿𑌲𑌾𑌞𑍍𑌚𑍍𑌛𑌿𑌤𑌲𑌸𑌤𑍍𑌪𑍀𑌤𑌾𑌮𑍍𑌬𑌰𑌾𑌲𑌮𑍍𑌬𑌿𑌨𑍀-
𑌮𑌾𑌲𑌮𑍍𑌬𑍇 𑌵𑌿𑌮𑌲𑌾𑌮𑍍𑌬𑍁𑌜𑌦𑍍𑌯𑍁𑌤𑌿𑌪𑌦𑌾𑌂 𑌮𑍂𑌰𑍍𑌤𑌿𑌂 𑌤𑌵𑌾𑌰𑍍𑌤𑌿𑌚𑍍𑌛𑌿𑌦𑌮𑍍 ॥2॥
𑌯𑌤𑍍𑌤𑍍𑌤𑍍𑌰𑍈𑌲𑍋𑌕𑍍𑌯𑌮𑌹𑍀𑌯𑌸𑍋𑌽𑌪𑌿 𑌮𑌹𑌿𑌤𑌂 𑌸𑌮𑍍𑌮𑍋𑌹𑌨𑌂 𑌮𑍋𑌹𑌨𑌾𑌤𑍍
𑌕𑌾𑌨𑍍𑌤𑌂 𑌕𑌾𑌨𑍍𑌤𑌿𑌨𑌿𑌧𑌾𑌨𑌤𑍋𑌽𑌪𑌿 𑌮𑌧𑍁𑌰𑌂 𑌮𑌾𑌧𑍁𑌰𑍍𑌯𑌧𑍁𑌰𑍍𑌯𑌾𑌦𑌪𑌿 ।
𑌸𑍗𑌨𑍍𑌦𑌰𑍍𑌯𑍋𑌤𑍍𑌤𑌰𑌤𑍋𑌽𑌪𑌿 𑌸𑍁𑌨𑍍𑌦𑌰𑌤𑌰𑌂 𑌤𑍍𑌵𑌦𑍍𑌰𑍂𑌪𑌮𑌾𑌶𑍍𑌚𑌰𑍍𑌯𑌤𑍋𑌽-
𑌪𑍍𑌯𑌾𑌶𑍍𑌚𑌰𑍍𑌯𑌂 𑌭𑍁𑌵𑌨𑍇 𑌨 𑌕𑌸𑍍𑌯 𑌕𑍁𑌤𑍁𑌕𑌂 𑌪𑍁𑌷𑍍𑌣𑌾𑌤𑌿 𑌵𑌿𑌷𑍍𑌣𑍋 𑌵𑌿𑌭𑍋 ॥3॥
𑌤𑌤𑍍𑌤𑌾𑌦𑍃𑌙𑍍𑌮𑌧𑍁𑌰𑌾𑌤𑍍𑌮𑌕𑌂 𑌤𑌵 𑌵𑌪𑍁𑌃 𑌸𑌮𑍍𑌪𑍍𑌰𑌾𑌪𑍍𑌯 𑌸𑌮𑍍𑌪𑌨𑍍𑌮𑌯𑍀
𑌸𑌾 𑌦𑍇𑌵𑍀 𑌪𑌰𑌮𑍋𑌤𑍍𑌸𑍁𑌕𑌾 𑌚𑌿𑌰𑌤𑌰𑌂 𑌨𑌾𑌸𑍍𑌤𑍇 𑌸𑍍𑌵𑌭𑌕𑍍𑌤𑍇𑌷𑍍𑌵𑌪𑌿 ।
𑌤𑍇𑌨𑌾𑌸𑍍𑌯𑌾 𑌬𑌤 𑌕𑌷𑍍𑌟𑌮𑌚𑍍𑌯𑍁𑌤 𑌵𑌿𑌭𑍋 𑌤𑍍𑌵𑌦𑍍𑌰𑍂𑌪𑌮𑌾𑌨𑍋𑌜𑍍𑌞𑌕 -
𑌪𑍍𑌰𑍇𑌮𑌸𑍍𑌥𑍈𑌰𑍍𑌯𑌮𑌯𑌾𑌦𑌚𑌾𑌪𑌲𑌬𑌲𑌾𑌚𑍍𑌚𑌾𑌪𑌲𑍍𑌯𑌵𑌾𑌰𑍍𑌤𑍋𑌦𑌭𑍂𑌤𑍍 ॥4॥
𑌲𑌕𑍍𑌷𑍍𑌮𑍀𑌸𑍍𑌤𑌾𑌵𑌕𑌰𑌾𑌮𑌣𑍀𑌯𑌕𑌹𑍃𑌤𑍈𑌵𑍇𑌯𑌂 𑌪𑌰𑍇𑌷𑍍𑌵𑌸𑍍𑌥𑌿𑌰𑍇-
𑌤𑍍𑌯𑌸𑍍𑌮𑌿𑌨𑍍𑌨𑌨𑍍𑌯𑌦𑌪𑌿 𑌪𑍍𑌰𑌮𑌾𑌣𑌮𑌧𑍁𑌨𑌾 𑌵𑌕𑍍𑌷𑍍𑌯𑌾𑌮𑌿 𑌲𑌕𑍍𑌷𑍍𑌮𑍀𑌪𑌤𑍇 ।
𑌯𑍇 𑌤𑍍𑌵𑌦𑍍𑌧𑍍𑌯𑌾𑌨𑌗𑍁𑌣𑌾𑌨𑍁𑌕𑍀𑌰𑍍𑌤𑌨𑌰𑌸𑌾𑌸𑌕𑍍𑌤𑌾 𑌹𑌿 𑌭𑌕𑍍𑌤𑌾 𑌜𑌨𑌾-
𑌸𑍍𑌤𑍇𑌷𑍍𑌵𑍇𑌷𑌾 𑌵𑌸𑌤𑌿 𑌸𑍍𑌥𑌿𑌰𑍈𑌵 𑌦𑌯𑌿𑌤𑌪𑍍𑌰𑌸𑍍𑌤𑌾𑌵𑌦𑌤𑍍𑌤𑌾𑌦𑌰𑌾 ॥5॥
𑌏𑌵𑌮𑍍𑌭𑍂𑌤𑌮𑌨𑍋𑌜𑍍𑌞𑌤𑌾𑌨𑌵𑌸𑍁𑌧𑌾𑌨𑌿𑌷𑍍𑌯𑌨𑍍𑌦𑌸𑌨𑍍𑌦𑍋𑌹𑌨𑌂
𑌤𑍍𑌵𑌦𑍍𑌰𑍂𑌪𑌂 𑌪𑌰𑌚𑌿𑌦𑍍𑌰𑌸𑌾𑌯𑌨𑌮𑌯𑌂 𑌚𑍇𑌤𑍋𑌹𑌰𑌂 𑌶𑍃𑌣𑍍𑌵𑌤𑌾𑌮𑍍 ।
𑌸𑌦𑍍𑌯𑌃 𑌪𑍍𑌰𑍇𑌰𑌯𑌤𑍇 𑌮𑌤𑌿𑌂 𑌮𑌦𑌯𑌤𑍇 𑌰𑍋𑌮𑌾𑌞𑍍𑌚𑌯𑌤𑍍𑌯𑌙𑍍𑌗𑌕𑌂
𑌵𑍍𑌯𑌾𑌸𑌿𑌞𑍍𑌚𑌤𑍍𑌯𑌪𑌿 𑌶𑍀𑌤𑌵𑌾𑌷𑍍𑌪𑌵𑌿𑌸𑌰𑍈𑌰𑌾𑌨𑌨𑍍𑌦𑌮𑍂𑌰𑍍𑌛𑍋𑌦𑍍𑌭𑌵𑍈𑌃 ॥6॥
𑌏𑌵𑌮𑍍𑌭𑍂𑌤𑌤𑌯𑌾 𑌹𑌿 𑌭𑌕𑍍𑌤𑍍𑌯𑌭𑌿𑌹𑌿𑌤𑍋 𑌯𑍋𑌗𑌸𑍍𑌸 𑌯𑍋𑌗𑌦𑍍𑌵𑌯𑌾𑌤𑍍
𑌕𑌰𑍍𑌮𑌜𑍍𑌞𑌾𑌨𑌮𑌯𑌾𑌤𑍍 𑌭𑍃𑌶𑍋𑌤𑍍𑌤𑌮𑌤𑌰𑍋 𑌯𑍋𑌗𑍀𑌶𑍍𑌵𑌰𑍈𑌰𑍍𑌗𑍀𑌯𑌤𑍇 ।
𑌸𑍗𑌨𑍍𑌦𑌰𑍍𑌯𑍈𑌕𑌰𑌸𑌾𑌤𑍍𑌮𑌕𑍇 𑌤𑍍𑌵𑌯𑌿 𑌖𑌲𑍁 𑌪𑍍𑌰𑍇𑌮𑌪𑍍𑌰𑌕𑌰𑍍𑌷𑌾𑌤𑍍𑌮𑌿𑌕𑌾
𑌭𑌕𑍍𑌤𑌿𑌰𑍍𑌨𑌿𑌶𑍍𑌰𑌮𑌮𑍇𑌵 𑌵𑌿𑌶𑍍𑌵𑌪𑍁𑌰𑍁𑌷𑍈𑌰𑍍𑌲𑌭𑍍𑌯𑌾 𑌰𑌮𑌾𑌵𑌲𑍍𑌲𑌭 ॥7॥
𑌨𑌿𑌷𑍍𑌕𑌾𑌮𑌂 𑌨𑌿𑌯𑌤𑌸𑍍𑌵𑌧𑌰𑍍𑌮𑌚𑌰𑌣𑌂 𑌯𑌤𑍍 𑌕𑌰𑍍𑌮𑌯𑍋𑌗𑌾𑌭𑌿𑌧𑌂
𑌤𑌦𑍍𑌦𑍂𑌰𑍇𑌤𑍍𑌯𑌫𑌲𑌂 𑌯𑌦𑍗𑌪𑌨𑌿𑌷𑌦𑌜𑍍𑌞𑌾𑌨𑍋𑌪𑌲𑌭𑍍𑌯𑌂 𑌪𑍁𑌨𑌃 ।
𑌤𑌤𑍍𑌤𑍍𑌵𑌵𑍍𑌯𑌕𑍍𑌤𑌤𑌯𑌾 𑌸𑍁𑌦𑍁𑌰𑍍𑌗𑌮𑌤𑌰𑌂 𑌚𑌿𑌤𑍍𑌤𑌸𑍍𑌯 𑌤𑌸𑍍𑌮𑌾𑌦𑍍𑌵𑌿𑌭𑍋
𑌤𑍍𑌵𑌤𑍍𑌪𑍍𑌰𑍇𑌮𑌾𑌤𑍍𑌮𑌕𑌭𑌕𑍍𑌤𑌿𑌰𑍇𑌵 𑌸𑌤𑌤𑌂 𑌸𑍍𑌵𑌾𑌦𑍀𑌯𑌸𑍀 𑌶𑍍𑌰𑍇𑌯𑌸𑍀 ॥8॥
𑌅𑌤𑍍𑌯𑌾𑌯𑌾𑌸𑌕𑌰𑌾𑌣𑌿 𑌕𑌰𑍍𑌮𑌪𑌟𑌲𑌾𑌨𑍍𑌯𑌾𑌚𑌰𑍍𑌯 𑌨𑌿𑌰𑍍𑌯𑌨𑍍𑌮𑌲𑌾
𑌬𑍋𑌧𑍇 𑌭𑌕𑍍𑌤𑌿𑌪𑌥𑍇𑌽𑌥𑌵𑌾𑌽𑌪𑍍𑌯𑍁𑌚𑌿𑌤𑌤𑌾𑌮𑌾𑌯𑌾𑌨𑍍𑌤𑌿 𑌕𑌿𑌂 𑌤𑌾𑌵𑌤𑌾 ।
𑌕𑍍𑌲𑌿𑌷𑍍𑌟𑍍𑌵𑌾 𑌤𑌰𑍍𑌕𑌪𑌥𑍇 𑌪𑌰𑌂 𑌤𑌵 𑌵𑌪𑍁𑌰𑍍𑌬𑍍𑌰𑌹𑍍𑌮𑌾𑌖𑍍𑌯𑌮𑌨𑍍𑌯𑍇 𑌪𑍁𑌨-
𑌶𑍍𑌚𑌿𑌤𑍍𑌤𑌾𑌰𑍍𑌦𑍍𑌰𑌤𑍍𑌵𑌮𑍃𑌤𑍇 𑌵𑌿𑌚𑌿𑌨𑍍𑌤𑍍𑌯 𑌬𑌹𑍁𑌭𑌿𑌸𑍍𑌸𑌿𑌦𑍍𑌧𑍍𑌯𑌨𑍍𑌤𑌿 𑌜𑌨𑍍𑌮𑌾𑌨𑍍𑌤𑌰𑍈𑌃 ॥9॥
𑌤𑍍𑌵𑌦𑍍𑌭𑌕𑍍𑌤𑌿𑌸𑍍𑌤𑍁 𑌕𑌥𑌾𑌰𑌸𑌾𑌮𑍃𑌤𑌝𑌰𑍀𑌨𑌿𑌰𑍍𑌮𑌜𑍍𑌜𑌨𑍇𑌨 𑌸𑍍𑌵𑌯𑌂
𑌸𑌿𑌦𑍍𑌧𑍍𑌯𑌨𑍍𑌤𑍀 𑌵𑌿𑌮𑌲𑌪𑍍𑌰𑌬𑍋𑌧𑌪𑌦𑌵𑍀𑌮𑌕𑍍𑌲𑍇𑌶𑌤𑌸𑍍𑌤𑌨𑍍𑌵𑌤𑍀 ।
𑌸𑌦𑍍𑌯𑌸𑍍𑌸𑌿𑌦𑍍𑌧𑌿𑌕𑌰𑍀 𑌜𑌯𑌤𑍍𑌯𑌯𑌿 𑌵𑌿𑌭𑍋 𑌸𑍈𑌵𑌾𑌸𑍍𑌤𑍁 𑌮𑍇 𑌤𑍍𑌵𑌤𑍍𑌪𑌦-
𑌪𑍍𑌰𑍇𑌮𑌪𑍍𑌰𑍗𑌢𑌿𑌰𑌸𑌾𑌰𑍍𑌦𑍍𑌰𑌤𑌾 𑌦𑍍𑌰𑍁𑌤𑌤𑌰𑌂 𑌵𑌾𑌤𑌾𑌲𑌯𑌾𑌧𑍀𑌶𑍍𑌵𑌰 ॥10॥
Roman (IAST) Transliteration
sūryaspardhikirīṭamūrdhvatilakaprodbhāsiphālāntaraṃ
kāruṇyākulanetramārdrahasitollāsaṃ sunāsāpuṭam|
gaṇḍodyanmakarābhakuṇḍalayugaṃ kaṇṭhojvalatkaustubhaṃ
tvadrūpaṃ vanamālyahārapaṭalaśrīvatsadīpraṃ bhaje||1||
keyūrāṅgadakaṅkaṇottamamahāratnāṅgulīyāṅkita-
śrīmadbāhucatuṣkasaṅgatagadāśaṅkhāripaṅkeruhām |
kāñcit kāñcanakāñcilāñcchitalasatpītāmbarālambinī-
mālambe vimalāmbujadyutipadāṃ mūrtiṃ tavārticchidam ||2||
yatttrailokyamahīyaso'pi mahitaṃ sammohanaṃ mohanāt
kāntaṃ kāntinidhānato'pi madhuraṃ mādhuryadhuryādapi |
saundaryottarato'pi sundarataraṃ tvadrūpamāścaryato'-
pyāścaryaṃ bhuvane na kasya kutukaṃ puṣṇāti viṣṇo vibho ||3||
tattādṛṅmadhurātmakaṃ tava vapuḥ samprāpya sampanmayī
sā devī paramotsukā cirataraṃ nāste svabhakteṣvapi |
tenāsyā bata kaṣṭamacyuta vibho tvadrūpamānojñaka -
premasthairyamayādacāpalabalāccāpalyavārtodabhūt ||4||
lakṣmīstāvakarāmaṇīyakahṛtaiveyaṃ pareṣvasthire-
tyasminnanyadapi pramāṇamadhunā vakṣyāmi lakṣmīpate |
ye tvaddhyānaguṇānukīrtanarasāsaktā hi bhaktā janā-
steṣveṣā vasati sthiraiva dayitaprastāvadattādarā ||5||
evambhūtamanojñatānavasudhāniṣyandasandohanaṃ
tvadrūpaṃ paracidrasāyanamayaṃ cetoharaṃ śṛṇvatām |
sadyaḥ prerayate matiṃ madayate romāñcayatyaṅgakaṃ
vyāsiñcatyapi śītavāṣpavisarairānandamūrchodbhavaiḥ ||6||
evambhūtatayā hi bhaktyabhihito yogassa yogadvayāt
karmajñānamayāt bhṛśottamataro yogīśvarairgīyate |
saundaryaikarasātmake tvayi khalu premaprakarṣātmikā
bhaktirniśramameva viśvapuruṣairlabhyā ramāvallabha ||7||
niṣkāmaṃ niyatasvadharmacaraṇaṃ yat karmayogābhidhaṃ
taddūretyaphalaṃ yadaupaniṣadajñānopalabhyaṃ punaḥ |
tattvavyaktatayā sudurgamataraṃ cittasya tasmādvibho
tvatpremātmakabhaktireva satataṃ svādīyasī śreyasī ||8||
atyāyāsakarāṇi karmapaṭalānyācarya niryanmalā
bodhe bhaktipathe'thavā'pyucitatāmāyānti kiṃ tāvatā |
kliṣṭvā tarkapathe paraṃ tava vapurbrahmākhyamanye puna-
ścittārdratvamṛte vicintya bahubhissiddhyanti janmāntaraiḥ ||9||
tvadbhaktistu kathārasāmṛtajharīnirmajjanena svayaṃ
siddhyantī vimalaprabodhapadavīmakleśatastanvatī |
sadyassiddhikarī jayatyayi vibho saivāstu me tvatpada-
premaprauḍhirasārdratā drutataraṃ vātālayādhīśvara ||10||
Sanskrit — Devanagari (original)
सूर्यस्पर्धिकिरीटमूर्ध्वतिलकप्रोद्भासिफालान्तरं
कारुण्याकुलनेत्रमार्द्रहसितोल्लासं सुनासापुटम्।
गण्डोद्यन्मकराभकुण्डलयुगं कण्ठोज्वलत्कौस्तुभं
त्वद्रूपं वनमाल्यहारपटलश्रीवत्सदीप्रं भजे॥1॥
केयूराङ्गदकङ्कणोत्तममहारत्नाङ्गुलीयाङ्कित-
श्रीमद्बाहुचतुष्कसङ्गतगदाशङ्खारिपङ्केरुहाम् ।
काञ्चित् काञ्चनकाञ्चिलाञ्च्छितलसत्पीताम्बरालम्बिनी-
मालम्बे विमलाम्बुजद्युतिपदां मूर्तिं तवार्तिच्छिदम् ॥2॥
यत्त्त्रैलोक्यमहीयसोऽपि महितं सम्मोहनं मोहनात्
कान्तं कान्तिनिधानतोऽपि मधुरं माधुर्यधुर्यादपि ।
सौन्दर्योत्तरतोऽपि सुन्दरतरं त्वद्रूपमाश्चर्यतोऽ-
प्याश्चर्यं भुवने न कस्य कुतुकं पुष्णाति विष्णो विभो ॥3॥
तत्तादृङ्मधुरात्मकं तव वपुः सम्प्राप्य सम्पन्मयी
सा देवी परमोत्सुका चिरतरं नास्ते स्वभक्तेष्वपि ।
तेनास्या बत कष्टमच्युत विभो त्वद्रूपमानोज्ञक -
प्रेमस्थैर्यमयादचापलबलाच्चापल्यवार्तोदभूत् ॥4॥
लक्ष्मीस्तावकरामणीयकहृतैवेयं परेष्वस्थिरे-
त्यस्मिन्नन्यदपि प्रमाणमधुना वक्ष्यामि लक्ष्मीपते ।
ये त्वद्ध्यानगुणानुकीर्तनरसासक्ता हि भक्ता जना-
स्तेष्वेषा वसति स्थिरैव दयितप्रस्तावदत्तादरा ॥5॥
एवम्भूतमनोज्ञतानवसुधानिष्यन्दसन्दोहनं
त्वद्रूपं परचिद्रसायनमयं चेतोहरं शृण्वताम् ।
सद्यः प्रेरयते मतिं मदयते रोमाञ्चयत्यङ्गकं
व्यासिञ्चत्यपि शीतवाष्पविसरैरानन्दमूर्छोद्भवैः ॥6॥
एवम्भूततया हि भक्त्यभिहितो योगस्स योगद्वयात्
कर्मज्ञानमयात् भृशोत्तमतरो योगीश्वरैर्गीयते ।
सौन्दर्यैकरसात्मके त्वयि खलु प्रेमप्रकर्षात्मिका
भक्तिर्निश्रममेव विश्वपुरुषैर्लभ्या रमावल्लभ ॥7॥
निष्कामं नियतस्वधर्मचरणं यत् कर्मयोगाभिधं
तद्दूरेत्यफलं यदौपनिषदज्ञानोपलभ्यं पुनः ।
तत्त्वव्यक्ततया सुदुर्गमतरं चित्तस्य तस्माद्विभो
त्वत्प्रेमात्मकभक्तिरेव सततं स्वादीयसी श्रेयसी ॥8॥
अत्यायासकराणि कर्मपटलान्याचर्य निर्यन्मला
बोधे भक्तिपथेऽथवाऽप्युचिततामायान्ति किं तावता ।
क्लिष्ट्वा तर्कपथे परं तव वपुर्ब्रह्माख्यमन्ये पुन-
श्चित्तार्द्रत्वमृते विचिन्त्य बहुभिस्सिद्ध्यन्ति जन्मान्तरैः ॥9॥
त्वद्भक्तिस्तु कथारसामृतझरीनिर्मज्जनेन स्वयं
सिद्ध्यन्ती विमलप्रबोधपदवीमक्लेशतस्तन्वती ।
सद्यस्सिद्धिकरी जयत्ययि विभो सैवास्तु मे त्वत्पद-
प्रेमप्रौढिरसार्द्रता द्रुततरं वातालयाधीश्वर ॥10॥
sūryaspardhikirīṭamūrdhvatilakaprodbhāsiphālāntaraṃ
kāruṇyākulanetramārdrahasitollāsaṃ sunāsāpuṭam|
gaṇḍodyanmakarābhakuṇḍalayugaṃ kaṇṭhojvalatkaustubhaṃ
tvadrūpaṃ vanamālyahārapaṭalaśrīvatsadīpraṃ bhaje||1||
keyūrāṅgadakaṅkaṇottamamahāratnāṅgulīyāṅkita-
śrīmadbāhucatuṣkasaṅgatagadāśaṅkhāripaṅkeruhām |
kāñcit kāñcanakāñcilāñcchitalasatpītāmbarālambinī-
mālambe vimalāmbujadyutipadāṃ mūrtiṃ tavārticchidam ||2||
yatttrailokyamahīyaso'pi mahitaṃ sammohanaṃ mohanāt
kāntaṃ kāntinidhānato'pi madhuraṃ mādhuryadhuryādapi |
saundaryottarato'pi sundarataraṃ tvadrūpamāścaryato'-
pyāścaryaṃ bhuvane na kasya kutukaṃ puṣṇāti viṣṇo vibho ||3||
tattādṛṅmadhurātmakaṃ tava vapuḥ samprāpya sampanmayī
sā devī paramotsukā cirataraṃ nāste svabhakteṣvapi |
tenāsyā bata kaṣṭamacyuta vibho tvadrūpamānojñaka -
premasthairyamayādacāpalabalāccāpalyavārtodabhūt ||4||
lakṣmīstāvakarāmaṇīyakahṛtaiveyaṃ pareṣvasthire-
tyasminnanyadapi pramāṇamadhunā vakṣyāmi lakṣmīpate |
ye tvaddhyānaguṇānukīrtanarasāsaktā hi bhaktā janā-
steṣveṣā vasati sthiraiva dayitaprastāvadattādarā ||5||
evambhūtamanojñatānavasudhāniṣyandasandohanaṃ
tvadrūpaṃ paracidrasāyanamayaṃ cetoharaṃ śṛṇvatām |
sadyaḥ prerayate matiṃ madayate romāñcayatyaṅgakaṃ
vyāsiñcatyapi śītavāṣpavisarairānandamūrchodbhavaiḥ ||6||
evambhūtatayā hi bhaktyabhihito yogassa yogadvayāt
karmajñānamayāt bhṛśottamataro yogīśvarairgīyate |
saundaryaikarasātmake tvayi khalu premaprakarṣātmikā
bhaktirniśramameva viśvapuruṣairlabhyā ramāvallabha ||7||
niṣkāmaṃ niyatasvadharmacaraṇaṃ yat karmayogābhidhaṃ
taddūretyaphalaṃ yadaupaniṣadajñānopalabhyaṃ punaḥ |
tattvavyaktatayā sudurgamataraṃ cittasya tasmādvibho
tvatpremātmakabhaktireva satataṃ svādīyasī śreyasī ||8||
atyāyāsakarāṇi karmapaṭalānyācarya niryanmalā
bodhe bhaktipathe'thavā'pyucitatāmāyānti kiṃ tāvatā |
kliṣṭvā tarkapathe paraṃ tava vapurbrahmākhyamanye puna-
ścittārdratvamṛte vicintya bahubhissiddhyanti janmāntaraiḥ ||9||
tvadbhaktistu kathārasāmṛtajharīnirmajjanena svayaṃ
siddhyantī vimalaprabodhapadavīmakleśatastanvatī |
sadyassiddhikarī jayatyayi vibho saivāstu me tvatpada-
premaprauḍhirasārdratā drutataraṃ vātālayādhīśvara ||10||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.