Narayaniyam Dashakam 13 — Grantha Script

⚠️ AI-generated translation — the Hindi meaning was produced by AI and automatically cross-checked against the Sanskrit, but it may still contain errors. It has not yet been reviewed by a scholar. Please refer to a traditional commentary for study.

Summary — Hindi

नारायणीयं के दशक 13 में हिरण्याक्ष का वध वर्णित है। नारद मुनि की प्रेरणा से हिरण्याक्ष जल में पृथ्वी को धारण करने वाले विष्णु के पास पहुँचता है और उनकी अवहेलना करते हुए युद्ध के लिए उद्यत होता है। गदा-युद्ध में ब्रह्मा के निर्देश पर संध्या से पहले ही युद्ध रोका जाता है, फिर दैत्य त्रिशूल और माया का प्रयोग करता है, जो विष्णु के चक्र की ज्योति से नष्ट हो जाती है। अंत में विष्णु अपने पैर के अंगूठे से उसके कान के मूल भाग को मारकर उसका वध कर देते हैं, और ऋषि यज्ञ-स्वरूप विष्णु की स्तुति करते हैं।

AI-generated · not yet verified

The Hindi meaning of each verse is shown below the verse.

Meaning —

Verse 1

𑌹𑌿𑌰𑌣𑍍𑌯𑌾𑌕𑍍𑌷𑌂 𑌤𑌾𑌵𑌦𑍍𑌵𑌰𑌦 𑌭𑌵𑌦𑌨𑍍𑌵𑍇𑌷𑌣𑌪𑌰𑌂
𑌚𑌰𑌨𑍍𑌤𑌂 𑌸𑌾𑌂𑌵𑌰𑍍𑌤𑍇 𑌪𑌯𑌸𑌿 𑌨𑌿𑌜𑌜𑌙𑍍𑌘𑌾𑌪𑌰𑌿𑌮𑌿𑌤𑍇 ।
𑌭𑌵𑌦𑍍𑌭𑌕𑍍𑌤𑍋 𑌗𑌤𑍍𑌵𑌾 𑌕𑌪𑌟𑌪𑌟𑍁𑌧𑍀𑌰𑍍𑌨𑌾𑌰𑌦𑌮𑍁𑌨𑌿𑌃
𑌶𑌨𑍈𑌰𑍂𑌚𑍇 𑌨𑌨𑍍𑌦𑌨𑍍 𑌦𑌨𑍁𑌜𑌮𑌪𑌿 𑌨𑌿𑌨𑍍𑌦𑌂𑌸𑍍𑌤𑌵 𑌬𑌲𑌮𑍍 ॥1॥

hiraṇyākṣaṃ tāvadvarada bhavadanveṣaṇaparaṃ
carantaṃ sāṃvarte payasi nijajaṅghāparimite |
bhavadbhakto gatvā kapaṭapaṭudhīrnāradamuniḥ
śanairūce nandan danujamapi nindaṃstava balam ||1||

हे वरद! पहले हिरण्याक्ष अपनी जंघा के बराबर गहरे जल में तुम्हारी खोज में घूम रहा था। तब तुम्हारे भक्त, कपट में चतुर बुद्धि वाले नारद मुनि वहाँ गए और प्रसन्न होकर, उस दानव की भी निंदा करते हुए, धीरे से तुम्हारे बल की प्रशंसा करने लगे। ^AI

Verse 2

𑌸 𑌮𑌾𑌯𑌾𑌵𑍀 𑌵𑌿𑌷𑍍𑌣𑍁𑌰𑍍𑌹𑌰𑌤𑌿 𑌭𑌵𑌦𑍀𑌯𑌾𑌂 𑌵𑌸𑍁𑌮𑌤𑍀𑌂
𑌪𑍍𑌰𑌭𑍋 𑌕𑌷𑍍𑌟𑌂 𑌕𑌷𑍍𑌟𑌂 𑌕𑌿𑌮𑌿𑌦𑌮𑌿𑌤𑌿 𑌤𑍇𑌨𑌾𑌭𑌿𑌗𑌦𑌿𑌤𑌃 ।
𑌨𑌦𑌨𑍍 𑌕𑍍𑌵𑌾𑌸𑍗 𑌕𑍍𑌵𑌾𑌸𑌵𑌿𑌤𑌿 𑌸 𑌮𑍁𑌨𑌿𑌨𑌾 𑌦𑌰𑍍𑌶𑌿𑌤𑌪𑌥𑍋
𑌭𑌵𑌨𑍍𑌤𑌂 𑌸𑌮𑍍𑌪𑍍𑌰𑌾𑌪𑌦𑍍𑌧𑌰𑌣𑌿𑌧𑌰𑌮𑍁𑌦𑍍𑌯𑌨𑍍𑌤𑌮𑍁𑌦𑌕𑌾𑌤𑍍 ॥2॥

sa māyāvī viṣṇurharati bhavadīyāṃ vasumatīṃ
prabho kaṣṭaṃ kaṣṭaṃ kimidamiti tenābhigaditaḥ |
nadan kvāsau kvāsaviti sa muninā darśitapatho
bhavantaṃ samprāpaddharaṇidharamudyantamudakāt ||2||

वह मायावी विष्णु तुम्हारी पृथ्वी को हर लेता है—हे प्रभो! यह कैसा कष्ट है, कैसा कष्ट है!—इस प्रकार उसके द्वारा कहे जाने पर, वह मुनि द्वारा दिखाए गए मार्ग से 'वह कहाँ है, वह कहाँ है' पुकारता हुआ, जल से ऊपर उठते हुए पृथ्वी को धारण करने वाले तुम्हारे पास पहुँचा। ^AI

Verse 3

𑌅𑌹𑍋 𑌆𑌰𑌣𑍍𑌯𑍋𑌽𑌯𑌂 𑌮𑍃𑌗 𑌇𑌤𑌿 𑌹𑌸𑌨𑍍𑌤𑌂 𑌬𑌹𑍁𑌤𑌰𑍈-
𑌰𑍍𑌦𑍁𑌰𑍁𑌕𑍍𑌤𑍈𑌰𑍍𑌵𑌿𑌧𑍍𑌯𑌨𑍍𑌤𑌂 𑌦𑌿𑌤𑌿𑌸𑍁𑌤𑌮𑌵𑌜𑍍𑌞𑌾𑌯 𑌭𑌗𑌵𑌨𑍍 ।
𑌮𑌹𑍀𑌂 𑌦𑍃𑌷𑍍𑌟𑍍𑌵𑌾 𑌦𑌂𑌷𑍍𑌟𑍍𑌰𑌾𑌶𑌿𑌰𑌸𑌿 𑌚𑌕𑌿𑌤𑌾𑌂 𑌸𑍍𑌵𑍇𑌨 𑌮𑌹𑌸𑌾
𑌪𑌯𑍋𑌧𑌾𑌵𑌾𑌧𑌾𑌯 𑌪𑍍𑌰𑌸𑌭𑌮𑍁𑌦𑌯𑍁𑌙𑍍𑌕𑍍𑌥𑌾 𑌮𑍃𑌧𑌵𑌿𑌧𑍗 ॥3॥

aho āraṇyo'yaṃ mṛga iti hasantaṃ bahutarai-
rduruktairvidhyantaṃ ditisutamavajñāya bhagavan |
mahīṃ dṛṣṭvā daṃṣṭrāśirasi cakitāṃ svena mahasā
payodhāvādhāya prasabhamudayuṅkthā mṛdhavidhau ||3||

हे भगवन! 'अहो, यह तो जंगली पशु है'—ऐसा कहकर हँसते हुए और बहुत से कटु वचनों से बींधते हुए उस दिति-पुत्र की अवहेलना करके, तुमने अपने तेज से भयभीत होकर दाँतों के अग्रभाग पर स्थित पृथ्वी को देखकर, उसे जल में रखकर, वेगपूर्वक युद्ध के लिए उद्यत किया। ^AI

Verse 4

𑌗𑌦𑌾𑌪𑌾𑌣𑍗 𑌦𑍈𑌤𑍍𑌯𑍇 𑌤𑍍𑌵𑌮𑌪𑌿 𑌹𑌿 𑌗𑍃𑌹𑍀𑌤𑍋𑌨𑍍𑌨𑌤𑌗𑌦𑍋
𑌨𑌿𑌯𑍁𑌦𑍍𑌧𑍇𑌨 𑌕𑍍𑌰𑍀𑌡𑌨𑍍 𑌘𑌟𑌘𑌟𑌰𑌵𑍋𑌦𑍍𑌘𑍁𑌷𑍍𑌟𑌵𑌿𑌯𑌤𑌾 ।
𑌰𑌣𑌾𑌲𑍋𑌕𑍗𑌤𑍍𑌸𑍁𑌕𑍍𑌯𑌾𑌨𑍍𑌮𑌿𑌲𑌤𑌿 𑌸𑍁𑌰𑌸𑌙𑍍𑌘𑍇 𑌦𑍍𑌰𑍁𑌤𑌮𑌮𑍁𑌂
𑌨𑌿𑌰𑍁𑌨𑍍𑌧𑍍𑌯𑌾𑌃 𑌸𑌨𑍍𑌧𑍍𑌯𑌾𑌤𑌃 𑌪𑍍𑌰𑌥𑌮𑌮𑌿𑌤𑌿 𑌧𑌾𑌤𑍍𑌰𑌾 𑌜𑌗𑌦𑌿𑌷𑍇 ॥4॥

gadāpāṇau daitye tvamapi hi gṛhītonnatagado
niyuddhena krīḍan ghaṭaghaṭaravodghuṣṭaviyatā |
raṇālokautsukyānmilati surasaṅghe drutamamuṃ
nirundhyāḥ sandhyātaḥ prathamamiti dhātrā jagadiṣe ||4||

गदाधारी दैत्य के साथ तुमने भी ऊँची गदा उठाई और युद्ध में क्रीडा करते हुए, गदाओं की टकराहट से उत्पन्न भयंकर शब्द से गूँजते हुए, युद्ध देखने की उत्सुकता से शीघ्र ही देवताओं के समूह के आने पर, ब्रह्मा ने संध्या से पहले ही इसे रोकने का निर्देश दिया। ^AI

Verse 5

𑌗𑌦𑍋𑌨𑍍𑌮𑌰𑍍𑌦𑍇 𑌤𑌸𑍍𑌮𑌿𑌂𑌸𑍍𑌤𑌵 𑌖𑌲𑍁 𑌗𑌦𑌾𑌯𑌾𑌂 𑌦𑌿𑌤𑌿𑌭𑍁𑌵𑍋
𑌗𑌦𑌾𑌘𑌾𑌤𑌾𑌦𑍍𑌭𑍂𑌮𑍗 𑌝𑌟𑌿𑌤𑌿 𑌪𑌤𑌿𑌤𑌾𑌯𑌾𑌮𑌹𑌹! 𑌭𑍋𑌃 ।
𑌮𑍃𑌦𑍁𑌸𑍍𑌮𑍇𑌰𑌾𑌸𑍍𑌯𑌸𑍍𑌤𑍍𑌵𑌂 𑌦𑌨𑍁𑌜𑌕𑍁𑌲𑌨𑌿𑌰𑍍𑌮𑍂𑌲𑌨𑌚𑌣𑌂
𑌮𑌹𑌾𑌚𑌕𑍍𑌰𑌂 𑌸𑍍𑌮𑍃𑌤𑍍𑌵𑌾 𑌕𑌰𑌭𑍁𑌵𑌿 𑌦𑌧𑌾𑌨𑍋 𑌰𑍁𑌰𑍁𑌚𑌿𑌷𑍇 ॥5॥

gadonmarde tasmiṃstava khalu gadāyāṃ ditibhuvo
gadāghātādbhūmau jhaṭiti patitāyāmahaha! bhoḥ |
mṛdusmerāsyastvaṃ danujakulanirmūlanacaṇaṃ
mahācakraṃ smṛtvā karabhuvi dadhāno ruruciṣe ||5||

उस गदा-युद्ध में, हे भोः! आश्चर्य है कि दिति-पुत्र की गदा गदा के आघात से तुरंत भूमि पर गिर गई। तब तुम मंद मुस्कान वाले मुख वाले होकर, दानव कुल का विनाश करने में समर्थ महाचक्र को स्मरण करके, उसे हाथ में धारण करते हुए शोभायमान हुए। ^AI

Verse 6

𑌤𑌤𑌃 𑌶𑍂𑌲𑌂 𑌕𑌾𑌲𑌪𑍍𑌰𑌤𑌿𑌮𑌰𑍁𑌷𑌿 𑌦𑍈𑌤𑍍𑌯𑍇 𑌵𑌿𑌸𑍃𑌜𑌤𑌿
𑌤𑍍𑌵𑌯𑌿 𑌛𑌿𑌨𑍍𑌦𑌤𑍍𑌯𑍇𑌨𑌤𑍍 𑌕𑌰𑌕𑌲𑌿𑌤𑌚𑌕𑍍𑌰𑌪𑍍𑌰𑌹𑌰𑌣𑌾𑌤𑍍 ।
𑌸𑌮𑌾𑌰𑍁𑌷𑍍𑌟𑍋 𑌮𑍁𑌷𑍍𑌟𑍍𑌯𑌾 𑌸 𑌖𑌲𑍁 𑌵𑌿𑌤𑍁𑌦𑌂𑌸𑍍𑌤𑍍𑌵𑌾𑌂 𑌸𑌮𑌤𑌨𑍋𑌤𑍍
𑌗𑌲𑌨𑍍𑌮𑌾𑌯𑍇 𑌮𑌾𑌯𑌾𑌸𑍍𑌤𑍍𑌵𑌯𑌿 𑌕𑌿𑌲 𑌜𑌗𑌨𑍍𑌮𑍋𑌹𑌨𑌕𑌰𑍀𑌃 ॥6॥

tataḥ śūlaṃ kālapratimaruṣi daitye visṛjati
tvayi chindatyenat karakalitacakrapraharaṇāt |
samāruṣṭo muṣṭyā sa khalu vitudaṃstvāṃ samatanot
galanmāye māyāstvayi kila jaganmohanakarīḥ ||6||

तब काल के समान क्रोध वाले उस दैत्य ने तुम पर त्रिशूल फेंका, और तुमने हाथ में लिए चक्र के प्रहार से उसे काट दिया। वह अत्यंत क्रुद्ध होकर मुक्के से तुम्हें बींधता हुआ तुम पर मायाएँ फेंकने लगा, जो जगत को मोहित करने वाली थीं, पर वे तुम पर विफल हो गईं। ^AI

Verse 7

𑌭𑌵𑌚𑍍𑌚𑌕𑍍𑌰𑌜𑍍𑌯𑍋𑌤𑌿𑌷𑍍𑌕𑌣𑌲𑌵𑌨𑌿𑌪𑌾𑌤𑍇𑌨 𑌵𑌿𑌧𑍁𑌤𑍇
𑌤𑌤𑍋 𑌮𑌾𑌯𑌾𑌚𑌕𑍍𑌰𑍇 𑌵𑌿𑌤𑌤𑌘𑌨𑌰𑍋𑌷𑌾𑌨𑍍𑌧𑌮𑌨𑌸𑌮𑍍 ।
𑌗𑌰𑌿𑌷𑍍𑌠𑌾𑌭𑌿𑌰𑍍𑌮𑍁𑌷𑍍𑌟𑌿𑌪𑍍𑌰𑌹𑍃𑌤𑌿𑌭𑌿𑌰𑌭𑌿𑌘𑍍𑌨𑌨𑍍𑌤𑌮𑌸𑍁𑌰𑌂
𑌸𑍍𑌵𑌪𑌾𑌦𑌾𑌙𑍍𑌗𑍁𑌷𑍍𑌠𑍇𑌨 𑌶𑍍𑌰𑌵𑌣𑌪𑌦𑌮𑍂𑌲𑍇 𑌨𑌿𑌰𑌵𑌧𑍀𑌃 ॥7॥

bhavaccakrajyotiṣkaṇalavanipātena vidhute
tato māyācakre vitataghanaroṣāndhamanasam |
gariṣṭhābhirmuṣṭiprahṛtibhirabhighnantamasuraṃ
svapādāṅguṣṭhena śravaṇapadamūle niravadhīḥ ||7||

तुम्हारे चक्र की ज्योति के कणों के गिरने से उसकी माया नष्ट हो गई। तब अत्यंत घने क्रोध से अंधे मन वाले उस असुर को अत्यंत भारी मुक्कों के प्रहारों से पीटते हुए, तुमने अपने पैर के अंगूठे से उसके कान के मूल भाग को मारकर उसका वध कर दिया। ^AI

Verse 8

𑌮𑌹𑌾𑌕𑌾𑌯𑌃 𑌸𑍋॓𑌽𑌯𑌂 𑌤𑌵 𑌚𑌰𑌣𑌪𑌾𑌤𑌪𑍍𑌰𑌮𑌥𑌿𑌤𑍋
𑌗𑌲𑌦𑍍𑌰𑌕𑍍𑌤𑍋 𑌵𑌕𑍍𑌤𑍍𑌰𑌾𑌦𑌪𑌤𑌦𑍃𑌷𑌿𑌭𑌿𑌃 𑌶𑍍𑌲𑌾𑌘𑌿𑌤𑌹𑌤𑌿𑌃 ।
𑌤𑌦𑌾 𑌤𑍍𑌵𑌾𑌮𑍁𑌦𑍍𑌦𑌾𑌮𑌪𑍍𑌰𑌮𑌦𑌭𑌰𑌵𑌿𑌦𑍍𑌯𑍋𑌤𑌿𑌹𑍃𑌦𑌯𑌾
𑌮𑍁𑌨𑍀𑌨𑍍𑌦𑍍𑌰𑌾𑌃 𑌸𑌾𑌨𑍍𑌦𑍍𑌰𑌾𑌭𑌿𑌃 𑌸𑍍𑌤𑍁𑌤𑌿𑌭𑌿𑌰𑌨𑍁𑌵𑌨𑍍𑌨𑌧𑍍𑌵𑌰𑌤𑌨𑍁𑌮𑍍 ॥8॥

mahākāyaḥ so॓'yaṃ tava caraṇapātapramathito
galadrakto vaktrādapatadṛṣibhiḥ ślāghitahatiḥ |
tadā tvāmuddāmapramadabharavidyotihṛdayā
munīndrāḥ sāndrābhiḥ stutibhiranuvannadhvaratanum ||8||

वह महाकाय असुर तुम्हारे चरण के प्रहार से कुचला गया, मुँह से रक्त बहाता हुआ गिर पड़ा, और ऋषियों ने उसके वध की प्रशंसा की। तब अत्यंत प्रसन्नता से चमकते हृदय वाले मुनीश्वरों ने यज्ञ-स्वरूप तुम्हारी सघन स्तुतियों से तुम्हारी वंदना की। ^AI

Verse 9

𑌤𑍍𑌵𑌚𑌿 𑌛𑌨𑍍𑌦𑍋 𑌰𑍋𑌮𑌸𑍍𑌵𑌪𑌿 𑌕𑍁𑌶𑌗𑌣𑌶𑍍𑌚𑌕𑍍𑌷𑍁𑌷𑌿 𑌘𑍃𑌤𑌂
𑌚𑌤𑍁𑌰𑍍𑌹𑍋𑌤𑌾𑌰𑍋𑌽𑌙𑍍𑌘𑍍𑌰𑍗 𑌸𑍍𑌰𑍁𑌗𑌪𑌿 𑌵𑌦𑌨𑍇 𑌚𑍋𑌦𑌰 𑌇𑌡𑌾 ।
𑌗𑍍𑌰𑌹𑌾 𑌜𑌿𑌹𑍍𑌵𑌾𑌯𑌾𑌂 𑌤𑍇 𑌪𑌰𑌪𑍁𑌰𑍁𑌷 𑌕𑌰𑍍𑌣𑍇 𑌚 𑌚𑌮𑌸𑌾
𑌵𑌿𑌭𑍋 𑌸𑍋𑌮𑍋 𑌵𑍀𑌰𑍍𑌯𑌂 𑌵𑌰𑌦 𑌗𑌲𑌦𑍇𑌶𑍇𑌽𑌪𑍍𑌯𑍁𑌪𑌸𑌦𑌃 ॥9॥

tvaci chando romasvapi kuśagaṇaścakṣuṣi ghṛtaṃ
caturhotāro'ṅghrau srugapi vadane codara iḍā |
grahā jihvāyāṃ te parapuruṣa karṇe ca camasā
vibho somo vīryaṃ varada galadeśe'pyupasadaḥ ||9||

हे परमपुरुष! तुम्हारी त्वचा में छन्द हैं, रोमों में कुशा के समूह हैं, नेत्रों में घृत है, चरणों में चार होता हैं, मुख में स्रुक् है, उदर में इडा है, जिह्वा में ग्रह हैं, कानों में चमस हैं, हे विभो! तुम्हारे वीर्य में सोम है और हे वरद! गले के प्रदेश में उपसद् हैं। ^AI

Verse 10

𑌮𑍁𑌨𑍀𑌨𑍍𑌦𑍍𑌰𑍈𑌰𑌿𑌤𑍍𑌯𑌾𑌦𑌿𑌸𑍍𑌤𑌵𑌨𑌮𑍁𑌖𑌰𑍈𑌰𑍍𑌮𑍋𑌦𑌿𑌤𑌮𑌨𑌾
𑌮𑌹𑍀𑌯𑌸𑍍𑌯𑌾 𑌮𑍂𑌰𑍍𑌤𑍍𑌯𑌾 𑌵𑌿𑌮𑌲𑌤𑌰𑌕𑍀𑌰𑍍𑌤𑍍𑌯𑌾 𑌚 𑌵𑌿𑌲𑌸𑌨𑍍 ।
𑌸𑍍𑌵𑌧𑌿𑌷𑍍𑌣𑍍𑌯𑌂 𑌸𑌮𑍍𑌪𑍍𑌰𑌾𑌪𑍍𑌤𑌃 𑌸𑍁𑌖𑌰𑌸𑌵𑌿𑌹𑌾𑌰𑍀 𑌮𑌧𑍁𑌰𑌿𑌪𑍋
𑌨𑌿𑌰𑍁𑌨𑍍𑌧𑍍𑌯𑌾 𑌰𑍋𑌗𑌂 𑌮𑍇 𑌸𑌕𑌲𑌮𑌪𑌿 𑌵𑌾𑌤𑌾𑌲𑌯𑌪𑌤𑍇 ॥10॥

munīndrairityādistavanamukharairmoditamanā
mahīyasyā mūrtyā vimalatarakīrtyā ca vilasan |
svadhiṣṇyaṃ samprāptaḥ sukharasavihārī madhuripo
nirundhyā rogaṃ me sakalamapi vātālayapate ||10||

हे वातालयपते! इस प्रकार मुनीन्द्रों द्वारा स्तुति में निमग्न होकर प्रसन्न मन वाले, महान मूर्ति और अत्यन्त निर्मल कीर्ति से शोभित, सुखरस में विहार करने वाले हे मधुरिपो! तुम अपने धाम को प्राप्त हुए; मेरे समस्त रोग का निरोध करो। ^AI

Sanskrit — Devanagari (original)

हिरण्याक्षं तावद्वरद भवदन्वेषणपरं

चरन्तं सांवर्ते पयसि निजजङ्घापरिमिते ।

भवद्भक्तो गत्वा कपटपटुधीर्नारदमुनिः

शनैरूचे नन्दन् दनुजमपि निन्दंस्तव बलम् ॥1॥

स मायावी विष्णुर्हरति भवदीयां वसुमतीं

प्रभो कष्टं कष्टं किमिदमिति तेनाभिगदितः ।

नदन् क्वासौ क्वासविति स मुनिना दर्शितपथो

भवन्तं सम्प्रापद्धरणिधरमुद्यन्तमुदकात् ॥2॥

अहो आरण्योऽयं मृग इति हसन्तं बहुतरै-

र्दुरुक्तैर्विध्यन्तं दितिसुतमवज्ञाय भगवन् ।

महीं दृष्ट्वा दंष्ट्राशिरसि चकितां स्वेन महसा

पयोधावाधाय प्रसभमुदयुङ्क्था मृधविधौ ॥3॥

गदापाणौ दैत्ये त्वमपि हि गृहीतोन्नतगदो

नियुद्धेन क्रीडन् घटघटरवोद्घुष्टवियता ।

रणालोकौत्सुक्यान्मिलति सुरसङ्घे द्रुतममुं

निरुन्ध्याः सन्ध्यातः प्रथममिति धात्रा जगदिषे ॥4॥

गदोन्मर्दे तस्मिंस्तव खलु गदायां दितिभुवो

गदाघाताद्भूमौ झटिति पतितायामहह! भोः ।

मृदुस्मेरास्यस्त्वं दनुजकुलनिर्मूलनचणं

महाचक्रं स्मृत्वा करभुवि दधानो रुरुचिषे ॥5॥

ततः शूलं कालप्रतिमरुषि दैत्ये विसृजति

त्वयि छिन्दत्येनत् करकलितचक्रप्रहरणात् ।

समारुष्टो मुष्ट्या स खलु वितुदंस्त्वां समतनोत्

गलन्माये मायास्त्वयि किल जगन्मोहनकरीः ॥6॥

भवच्चक्रज्योतिष्कणलवनिपातेन विधुते

ततो मायाचक्रे विततघनरोषान्धमनसम् ।

गरिष्ठाभिर्मुष्टिप्रहृतिभिरभिघ्नन्तमसुरं

स्वपादाङ्गुष्ठेन श्रवणपदमूले निरवधीः ॥7॥

महाकायः सो॓ऽयं तव चरणपातप्रमथितो

गलद्रक्तो वक्त्रादपतदृषिभिः श्लाघितहतिः ।

तदा त्वामुद्दामप्रमदभरविद्योतिहृदया

मुनीन्द्राः सान्द्राभिः स्तुतिभिरनुवन्नध्वरतनुम् ॥8॥

त्वचि छन्दो रोमस्वपि कुशगणश्चक्षुषि घृतं

चतुर्होतारोऽङ्घ्रौ स्रुगपि वदने चोदर इडा ।

ग्रहा जिह्वायां ते परपुरुष कर्णे च चमसा

विभो सोमो वीर्यं वरद गलदेशेऽप्युपसदः ॥9॥

मुनीन्द्रैरित्यादिस्तवनमुखरैर्मोदितमना

महीयस्या मूर्त्या विमलतरकीर्त्या च विलसन् ।

स्वधिष्ण्यं सम्प्राप्तः सुखरसविहारी मधुरिपो

निरुन्ध्या रोगं मे सकलमपि वातालयपते ॥10॥

🕉️ This is the original Sanskrit rendered in Grantha script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 13 - 𑌹𑌿𑌰𑌣𑍍𑌯𑌾𑌕𑍍𑌷𑌵𑌧𑌮𑍍