𑌸𑌮𑌨𑍁𑌸𑍍𑌮𑍃𑌤𑌤𑌾𑌵𑌕𑌾𑌙𑍍𑌘𑍍𑌰𑌿𑌯𑍁𑌗𑍍𑌮𑌃
𑌸 𑌮𑌨𑍁𑌃 𑌪𑌙𑍍𑌕𑌜𑌸𑌮𑍍𑌭𑌵𑌾𑌙𑍍𑌗𑌜𑌨𑍍𑌮𑌾 ।
𑌨𑌿𑌜𑌮𑌨𑍍𑌤𑌰𑌮𑌨𑍍𑌤𑌰𑌾𑌯𑌹𑍀𑌨𑌂
𑌚𑌰𑌿𑌤𑌂 𑌤𑍇 𑌕𑌥𑌯𑌨𑍍 𑌸𑍁𑌖𑌂 𑌨𑌿𑌨𑌾𑌯 ॥1॥
𑌸𑌮𑌯𑍇 𑌖𑌲𑍁 𑌤𑌤𑍍𑌰 𑌕𑌰𑍍𑌦𑌮𑌾𑌖𑍍𑌯𑍋
𑌦𑍍𑌰𑍁𑌹𑌿𑌣𑌚𑍍𑌛𑌾𑌯𑌭𑌵𑌸𑍍𑌤𑌦𑍀𑌯𑌵𑌾𑌚𑌾 ।
𑌧𑍃𑌤𑌸𑌰𑍍𑌗𑌰𑌸𑍋 𑌨𑌿𑌸𑌰𑍍𑌗𑌰𑌮𑍍𑌯𑌂
𑌭𑌗𑌵𑌂𑌸𑍍𑌤𑍍𑌵𑌾𑌮𑌯𑍁𑌤𑌂 𑌸𑌮𑌾𑌃 𑌸𑌿𑌷𑍇𑌵𑍇 ॥2॥
𑌗𑌰𑍁𑌡𑍋𑌪𑌰𑌿 𑌕𑌾𑌲𑌮𑍇𑌘𑌕𑍍𑌰𑌮𑌂
𑌵𑌿𑌲𑌸𑌤𑍍𑌕𑍇𑌲𑌿𑌸𑌰𑍋𑌜𑌪𑌾𑌣𑌿𑌪𑌦𑍍𑌮𑌮𑍍 ।
𑌹𑌸𑌿𑌤𑍋𑌲𑍍𑌲𑌸𑌿𑌤𑌾𑌨𑌨𑌂 𑌵𑌿𑌭𑍋 𑌤𑍍𑌵𑌂
𑌵𑌪𑍁𑌰𑌾𑌵𑌿𑌷𑍍𑌕𑍁𑌰𑍁𑌷𑍇 𑌸𑍍𑌮 𑌕𑌰𑍍𑌦𑌮𑌾𑌯 ॥3॥
𑌸𑍍𑌤𑍁𑌵𑌤𑍇 𑌪𑍁𑌲𑌕𑌾𑌵𑍃𑌤𑌾𑌯 𑌤𑌸𑍍𑌮𑍈
𑌮𑌨𑍁𑌪𑍁𑌤𑍍𑌰𑍀𑌂 𑌦𑌯𑌿𑌤𑌾𑌂 𑌨𑌵𑌾𑌪𑌿 𑌪𑍁𑌤𑍍𑌰𑍀𑌃 ।
𑌕𑌪𑌿𑌲𑌂 𑌚 𑌸𑍁𑌤𑌂 𑌸𑍍𑌵𑌮𑍇𑌵 𑌪𑌶𑍍𑌚𑌾𑌤𑍍
𑌸𑍍𑌵𑌗𑌤𑌿𑌂 𑌚𑌾𑌪𑍍𑌯𑌨𑍁𑌗𑍃𑌹𑍍𑌯 𑌨𑌿𑌰𑍍𑌗𑌤𑍋𑌽𑌭𑍂𑌃 ॥4॥
𑌸 𑌮𑌨𑍁𑌃 𑌶𑌤𑌰𑍂𑌪𑌯𑌾 𑌮𑌹𑌿𑌷𑍍𑌯𑌾
𑌗𑍁𑌣𑌵𑌤𑍍𑌯𑌾 𑌸𑍁𑌤𑌯𑌾 𑌚 𑌦𑍇𑌵𑌹𑍂𑌤𑍍𑌯𑌾 ।
𑌭𑌵𑌦𑍀𑌰𑌿𑌤𑌨𑌾𑌰𑌦𑍋𑌪𑌦𑌿𑌷𑍍𑌟𑌃
𑌸𑌮𑌗𑌾𑌤𑍍 𑌕𑌰𑍍𑌦𑌮𑌮𑌾𑌗𑌤𑌿𑌪𑍍𑌰𑌤𑍀𑌕𑍍𑌷𑌮𑍍 ॥5॥
𑌮𑌨𑍁𑌨𑍋𑌪𑌹𑍃𑌤𑌾𑌂 𑌚 𑌦𑍇𑌵𑌹𑍂𑌤𑌿𑌂
𑌤𑌰𑍁𑌣𑍀𑌰𑌤𑍍𑌨𑌮𑌵𑌾𑌪𑍍𑌯 𑌕𑌰𑍍𑌦𑌮𑍋𑌽𑌸𑍗 ।
𑌭𑌵𑌦𑌰𑍍𑌚𑌨𑌨𑌿𑌵𑍃𑌤𑍋𑌽𑌪𑌿 𑌤𑌸𑍍𑌯𑌾𑌂
𑌦𑍃𑌢𑌶𑍁𑌶𑍍𑌰𑍂𑌷𑌣𑌯𑌾 𑌦𑌧𑍗 𑌪𑍍𑌰𑌸𑌾𑌦𑌮𑍍 ॥6॥
𑌸 𑌪𑍁𑌨𑌸𑍍𑌤𑍍𑌵𑌦𑍁𑌪𑌾𑌸𑌨𑌪𑍍𑌰𑌭𑌾𑌵𑌾-
𑌦𑍍𑌦𑌯𑌿𑌤𑌾𑌕𑌾𑌮𑌕𑍃𑌤𑍇 𑌕𑍃𑌤𑍇 𑌵𑌿𑌮𑌾𑌨𑍇 ।
𑌵𑌨𑌿𑌤𑌾𑌕𑍁𑌲𑌸𑌙𑍍𑌕𑍁𑌲𑍋 𑌨𑌵𑌾𑌤𑍍𑌮𑌾
𑌵𑍍𑌯𑌹𑌰𑌦𑍍𑌦𑍇𑌵𑌪𑌥𑍇𑌷𑍁 𑌦𑍇𑌵𑌹𑍂𑌤𑍍𑌯𑌾 ॥7॥
𑌶𑌤𑌵𑌰𑍍𑌷𑌮𑌥 𑌵𑍍𑌯𑌤𑍀𑌤𑍍𑌯 𑌸𑍋𑌽𑌯𑌂
𑌨𑌵 𑌕𑌨𑍍𑌯𑌾𑌃 𑌸𑌮𑌵𑌾𑌪𑍍𑌯 𑌧𑌨𑍍𑌯𑌰𑍂𑌪𑌾𑌃 ।
𑌵𑌨𑌯𑌾𑌨𑌸𑌮𑍁𑌦𑍍𑌯𑌤𑍋𑌽𑌪𑌿 𑌕𑌾𑌨𑍍𑌤𑌾-
𑌹𑌿𑌤𑌕𑍃𑌤𑍍𑌤𑍍𑌵𑌜𑍍𑌜𑌨𑌨𑍋𑌤𑍍𑌸𑍁𑌕𑍋 𑌨𑍍𑌯𑌵𑌾𑌤𑍍𑌸𑍀𑌤𑍍 ॥8॥
𑌨𑌿𑌜𑌭𑌰𑍍𑌤𑍃𑌗𑌿𑌰𑌾 𑌭𑌵𑌨𑍍𑌨𑌿𑌷𑍇𑌵𑌾-
𑌨𑌿𑌰𑌤𑌾𑌯𑌾𑌮𑌥 𑌦𑍇𑌵 𑌦𑍇𑌵𑌹𑍂𑌤𑍍𑌯𑌾𑌮𑍍 ।
𑌕𑌪𑌿𑌲𑌸𑍍𑌤𑍍𑌵𑌮𑌜𑌾𑌯𑌥𑌾 𑌜𑌨𑌾𑌨𑌾𑌂
𑌪𑍍𑌰𑌥𑌯𑌿𑌷𑍍𑌯𑌨𑍍 𑌪𑌰𑌮𑌾𑌤𑍍𑌮𑌤𑌤𑍍𑌤𑍍𑌵𑌵𑌿𑌦𑍍𑌯𑌾𑌮𑍍 ॥9॥
𑌵𑌨𑌮𑍇𑌯𑍁𑌷𑌿 𑌕𑌰𑍍𑌦𑌮𑍇 𑌪𑍍𑌰𑌸𑌨𑍍𑌨𑍇
𑌮𑌤𑌸𑌰𑍍𑌵𑌸𑍍𑌵𑌮𑍁𑌪𑌾𑌦𑌿𑌶𑌨𑍍 𑌜𑌨𑌨𑍍𑌯𑍈 ।
𑌕𑌪𑌿𑌲𑌾𑌤𑍍𑌮𑌕 𑌵𑌾𑌯𑍁𑌮𑌨𑍍𑌦𑌿𑌰𑍇𑌶
𑌤𑍍𑌵𑌰𑌿𑌤𑌂 𑌤𑍍𑌵𑌂 𑌪𑌰𑌿𑌪𑌾𑌹𑌿 𑌮𑌾𑌂 𑌗𑌦𑍗𑌘𑌾𑌤𑍍 ॥10॥
Roman (IAST) Transliteration
samanusmṛtatāvakāṅghriyugmaḥ
sa manuḥ paṅkajasambhavāṅgajanmā |
nijamantaramantarāyahīnaṃ
caritaṃ te kathayan sukhaṃ nināya ||1||
samaye khalu tatra kardamākhyo
druhiṇacchāyabhavastadīyavācā |
dhṛtasargaraso nisargaramyaṃ
bhagavaṃstvāmayutaṃ samāḥ siṣeve ||2||
garuḍopari kālameghakramaṃ
vilasatkelisarojapāṇipadmam |
hasitollasitānanaṃ vibho tvaṃ
vapurāviṣkuruṣe sma kardamāya ||3||
stuvate pulakāvṛtāya tasmai
manuputrīṃ dayitāṃ navāpi putrīḥ |
kapilaṃ ca sutaṃ svameva paścāt
svagatiṃ cāpyanugṛhya nirgato'bhūḥ ||4||
sa manuḥ śatarūpayā mahiṣyā
guṇavatyā sutayā ca devahūtyā |
bhavadīritanāradopadiṣṭaḥ
samagāt kardamamāgatipratīkṣam ||5||
manunopahṛtāṃ ca devahūtiṃ
taruṇīratnamavāpya kardamo'sau |
bhavadarcananivṛto'pi tasyāṃ
dṛḍhaśuśrūṣaṇayā dadhau prasādam ||6||
sa punastvadupāsanaprabhāvā-
ddayitākāmakṛte kṛte vimāne |
vanitākulasaṅkulo navātmā
vyaharaddevapatheṣu devahūtyā ||7||
śatavarṣamatha vyatītya so'yaṃ
nava kanyāḥ samavāpya dhanyarūpāḥ |
vanayānasamudyato'pi kāntā-
hitakṛttvajjananotsuko nyavātsīt ||8||
nijabhartṛgirā bhavanniṣevā-
niratāyāmatha deva devahūtyām |
kapilastvamajāyathā janānāṃ
prathayiṣyan paramātmatattvavidyām ||9||
vanameyuṣi kardame prasanne
matasarvasvamupādiśan jananyai |
kapilātmaka vāyumandireśa
tvaritaṃ tvaṃ paripāhi māṃ gadaughāt ||10||
Sanskrit — Devanagari (original)
समनुस्मृततावकाङ्घ्रियुग्मः
स मनुः पङ्कजसम्भवाङ्गजन्मा ।
निजमन्तरमन्तरायहीनं
चरितं ते कथयन् सुखं निनाय ॥1॥
समये खलु तत्र कर्दमाख्यो
द्रुहिणच्छायभवस्तदीयवाचा ।
धृतसर्गरसो निसर्गरम्यं
भगवंस्त्वामयुतं समाः सिषेवे ॥2॥
गरुडोपरि कालमेघक्रमं
विलसत्केलिसरोजपाणिपद्मम् ।
हसितोल्लसिताननं विभो त्वं
वपुराविष्कुरुषे स्म कर्दमाय ॥3॥
स्तुवते पुलकावृताय तस्मै
मनुपुत्रीं दयितां नवापि पुत्रीः ।
कपिलं च सुतं स्वमेव पश्चात्
स्वगतिं चाप्यनुगृह्य निर्गतोऽभूः ॥4॥
स मनुः शतरूपया महिष्या
गुणवत्या सुतया च देवहूत्या ।
भवदीरितनारदोपदिष्टः
समगात् कर्दममागतिप्रतीक्षम् ॥5॥
मनुनोपहृतां च देवहूतिं
तरुणीरत्नमवाप्य कर्दमोऽसौ ।
भवदर्चननिवृतोऽपि तस्यां
दृढशुश्रूषणया दधौ प्रसादम् ॥6॥
स पुनस्त्वदुपासनप्रभावा-
द्दयिताकामकृते कृते विमाने ।
वनिताकुलसङ्कुलो नवात्मा
व्यहरद्देवपथेषु देवहूत्या ॥7॥
शतवर्षमथ व्यतीत्य सोऽयं
नव कन्याः समवाप्य धन्यरूपाः ।
वनयानसमुद्यतोऽपि कान्ता-
हितकृत्त्वज्जननोत्सुको न्यवात्सीत् ॥8॥
निजभर्तृगिरा भवन्निषेवा-
निरतायामथ देव देवहूत्याम् ।
कपिलस्त्वमजायथा जनानां
प्रथयिष्यन् परमात्मतत्त्वविद्याम् ॥9॥
वनमेयुषि कर्दमे प्रसन्ने
मतसर्वस्वमुपादिशन् जनन्यै ।
कपिलात्मक वायुमन्दिरेश
त्वरितं त्वं परिपाहि मां गदौघात् ॥10॥
samanusmṛtatāvakāṅghriyugmaḥ
sa manuḥ paṅkajasambhavāṅgajanmā |
nijamantaramantarāyahīnaṃ
caritaṃ te kathayan sukhaṃ nināya ||1||
samaye khalu tatra kardamākhyo
druhiṇacchāyabhavastadīyavācā |
dhṛtasargaraso nisargaramyaṃ
bhagavaṃstvāmayutaṃ samāḥ siṣeve ||2||
garuḍopari kālameghakramaṃ
vilasatkelisarojapāṇipadmam |
hasitollasitānanaṃ vibho tvaṃ
vapurāviṣkuruṣe sma kardamāya ||3||
stuvate pulakāvṛtāya tasmai
manuputrīṃ dayitāṃ navāpi putrīḥ |
kapilaṃ ca sutaṃ svameva paścāt
svagatiṃ cāpyanugṛhya nirgato'bhūḥ ||4||
sa manuḥ śatarūpayā mahiṣyā
guṇavatyā sutayā ca devahūtyā |
bhavadīritanāradopadiṣṭaḥ
samagāt kardamamāgatipratīkṣam ||5||
manunopahṛtāṃ ca devahūtiṃ
taruṇīratnamavāpya kardamo'sau |
bhavadarcananivṛto'pi tasyāṃ
dṛḍhaśuśrūṣaṇayā dadhau prasādam ||6||
sa punastvadupāsanaprabhāvā-
ddayitākāmakṛte kṛte vimāne |
vanitākulasaṅkulo navātmā
vyaharaddevapatheṣu devahūtyā ||7||
śatavarṣamatha vyatītya so'yaṃ
nava kanyāḥ samavāpya dhanyarūpāḥ |
vanayānasamudyato'pi kāntā-
hitakṛttvajjananotsuko nyavātsīt ||8||
nijabhartṛgirā bhavanniṣevā-
niratāyāmatha deva devahūtyām |
kapilastvamajāyathā janānāṃ
prathayiṣyan paramātmatattvavidyām ||9||
vanameyuṣi kardame prasanne
matasarvasvamupādiśan jananyai |
kapilātmaka vāyumandireśa
tvaritaṃ tvaṃ paripāhi māṃ gadaughāt ||10||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.