Narayaniyam Dashaka 9 - Brahmanah Tapah Tatha Lokasrishtih — Grantha Script

𑌸𑍍𑌥𑌿𑌤𑌸𑍍𑌸 𑌕𑌮𑌲𑍋𑌦𑍍𑌭𑌵𑌸𑍍𑌤𑌵 𑌹𑌿 𑌨𑌾𑌭𑌿𑌪𑌙𑍍𑌕𑍇𑌰𑍁𑌹𑍇

𑌕𑍁𑌤𑌃 𑌸𑍍𑌵𑌿𑌦𑌿𑌦𑌮𑌮𑍍𑌬𑍁𑌧𑌾𑌵𑍁𑌦𑌿𑌤𑌮𑌿𑌤𑍍𑌯𑌨𑌾𑌲𑍋𑌕𑌯𑌨𑍍 ।

𑌤𑌦𑍀𑌕𑍍𑌷𑌣𑌕𑍁𑌤𑍂𑌹𑌲𑌾𑌤𑍍 𑌪𑍍𑌰𑌤𑌿𑌦𑌿𑌶𑌂 𑌵𑌿𑌵𑍃𑌤𑍍𑌤𑌾𑌨𑌨-

𑌶𑍍𑌚𑌤𑍁𑌰𑍍𑌵𑌦𑌨𑌤𑌾𑌮𑌗𑌾𑌦𑍍𑌵𑌿𑌕𑌸𑌦𑌷𑍍𑌟𑌦𑍃𑌷𑍍𑌟𑍍𑌯𑌮𑍍𑌬𑍁𑌜𑌾𑌮𑍍 ॥1॥

𑌮𑌹𑌾𑌰𑍍𑌣𑌵𑌵𑌿𑌘𑍂𑌰𑍍𑌣𑌿𑌤𑌂 𑌕𑌮𑌲𑌮𑍇𑌵 𑌤𑌤𑍍𑌕𑍇𑌵𑌲𑌂

𑌵𑌿𑌲𑍋𑌕𑍍𑌯 𑌤𑌦𑍁𑌪𑌾𑌶𑍍𑌰𑌯𑌂 𑌤𑌵 𑌤𑌨𑍁𑌂 𑌤𑍁 𑌨𑌾𑌲𑍋𑌕𑌯𑌨𑍍 ।

𑌕 𑌏𑌷 𑌕𑌮𑌲𑍋𑌦𑌰𑍇 𑌮𑌹𑌤𑌿 𑌨𑌿𑌸𑍍𑌸𑌹𑌾𑌯𑍋 𑌹𑍍𑌯𑌹𑌂

𑌕𑍁𑌤𑌃 𑌸𑍍𑌵𑌿𑌦𑌿𑌦𑌮𑍍𑌬𑍁𑌜𑌂 𑌸𑌮𑌜𑌨𑍀𑌤𑌿 𑌚𑌿𑌨𑍍𑌤𑌾𑌮𑌗𑌾𑌤𑍍 ॥2॥

𑌅𑌮𑍁𑌷𑍍𑌯 𑌹𑌿 𑌸𑌰𑍋𑌰𑍁𑌹𑌃 𑌕𑌿𑌮𑌪𑌿 𑌕𑌾𑌰𑌣𑌂 𑌸𑌮𑍍𑌭𑍍𑌵𑍇-

𑌦𑌿𑌤𑌿 𑌸𑍍𑌮 𑌕𑍃𑌤𑌨𑌿𑌶𑍍𑌚𑌯𑌸𑍍𑌸 𑌖𑌲𑍁 𑌨𑌾𑌲𑌰𑌨𑍍𑌧𑍍𑌰𑌾𑌧𑍍𑌵𑌨𑌾 ।

𑌸𑍍𑌵𑌯𑍋𑌗𑌬𑌲𑌵𑌿𑌦𑍍𑌯𑌯𑌾 𑌸𑌮𑌵𑌰𑍂𑌢𑌵𑌾𑌨𑍍 𑌪𑍍𑌰𑍗𑌢𑌧𑍀 -

𑌸𑍍𑌤𑍍𑌵𑌦𑍀𑌯𑌮𑌤𑌿𑌮𑍋𑌹𑌨𑌂 𑌨 𑌤𑍁 𑌕𑌲𑍇𑌵𑌰𑌂 𑌦𑍃𑌷𑍍𑌟𑌵𑌾𑌨𑍍 ॥3॥

𑌤𑌤𑌃 𑌸𑌕𑌲𑌨𑌾𑌲𑌿𑌕𑌾𑌵𑌿𑌵𑌰𑌮𑌾𑌰𑍍𑌗𑌗𑍋 𑌮𑌾𑌰𑍍𑌗𑌯𑌨𑍍

𑌪𑍍𑌰𑌯𑌸𑍍𑌯 𑌶𑌤𑌵𑌤𑍍𑌸𑌰𑌂 𑌕𑌿𑌮𑌪𑌿 𑌨𑍈𑌵 𑌸𑌨𑍍𑌦𑍃𑌷𑍍𑌟𑌵𑌾𑌨𑍍 ।

𑌨𑌿𑌵𑍃𑌤𑍍𑌯 𑌕𑌮𑌲𑍋𑌦𑌰𑍇 𑌸𑍁𑌖𑌨𑌿𑌷𑌣𑍍𑌣 𑌏𑌕𑌾𑌗𑍍𑌰𑌧𑍀𑌃

𑌸𑌮𑌾𑌧𑌿𑌬𑌲𑌮𑌾𑌦𑌧𑍇 𑌭𑌵𑌦𑌨𑍁𑌗𑍍𑌰𑌹𑍈𑌕𑌾𑌗𑍍𑌰𑌹𑍀 ॥4॥

𑌶𑌤𑍇𑌨 𑌪𑌰𑌿𑌵𑌤𑍍𑌸𑌰𑍈𑌰𑍍𑌦𑍃𑌢𑌸𑌮𑌾𑌧𑌿𑌬𑌨𑍍𑌧𑍋𑌲𑍍𑌲𑌸𑌤𑍍-

𑌪𑍍𑌰𑌬𑍋𑌧𑌵𑌿𑌶𑌦𑍀𑌕𑍃𑌤𑌃 𑌸 𑌖𑌲𑍁 𑌪𑌦𑍍𑌮𑌿𑌨𑍀𑌸𑌮𑍍𑌭𑌵𑌃 ।

𑌅𑌦𑍃𑌷𑍍𑌟𑌚𑌰𑌮𑌦𑍍𑌭𑍁𑌤𑌂 𑌤𑌵 𑌹𑌿 𑌰𑍂𑌪𑌮𑌨𑍍𑌤𑌰𑍍𑌦𑍃𑌶𑌾

𑌵𑍍𑌯𑌚𑌷𑍍𑌟 𑌪𑌰𑌿𑌤𑍁𑌷𑍍𑌟𑌧𑍀𑌰𑍍𑌭𑍁𑌜𑌗𑌭𑍋𑌗𑌭𑌾𑌗𑌾𑌶𑍍𑌰𑌯𑌮𑍍 ॥5॥

𑌕𑌿𑌰𑍀𑌟𑌮𑍁𑌕𑍁𑌟𑍋𑌲𑍍𑌲𑌸𑌤𑍍𑌕𑌟𑌕𑌹𑌾𑌰𑌕𑍇𑌯𑍂𑌰𑌯𑍁𑌙𑍍-

𑌮𑌣𑌿𑌸𑍍𑌫𑍁𑌰𑌿𑌤𑌮𑍇𑌖𑌲𑌂 𑌸𑍁𑌪𑌰𑌿𑌵𑍀𑌤𑌪𑍀𑌤𑌾𑌮𑍍𑌬𑌰𑌮𑍍 ।

𑌕𑌲𑌾𑌯𑌕𑍁𑌸𑍁𑌮𑌪𑍍𑌰𑌭𑌂 𑌗𑌲𑌤𑌲𑍋𑌲𑍍𑌲𑌸𑌤𑍍𑌕𑍗𑌸𑍍𑌤𑍁𑌭𑌂

𑌵𑌪𑍁𑌸𑍍𑌤𑌦𑌯𑌿 𑌭𑌾𑌵𑌯𑍇 𑌕𑌮𑌲𑌜𑌨𑍍𑌮𑍇 𑌦𑌰𑍍𑌶𑌿𑌤𑌮𑍍 ॥6॥

𑌶𑍍𑌰𑍁𑌤𑌿𑌪𑍍𑌰𑌕𑌰𑌦𑌰𑍍𑌶𑌿𑌤𑌪𑍍𑌰𑌚𑍁𑌰𑌵𑍈𑌭𑌵 𑌶𑍍𑌰𑍀𑌪𑌤𑍇

𑌹𑌰𑍇 𑌜𑌯 𑌜𑌯 𑌪𑍍𑌰𑌭𑍋 𑌪𑌦𑌮𑍁𑌪𑍈𑌷𑌿 𑌦𑌿𑌷𑍍𑌟𑍍𑌯𑌾 𑌦𑍃𑌶𑍋𑌃 ।

𑌕𑍁𑌰𑍁𑌷𑍍𑌵 𑌧𑌿𑌯𑌮𑌾𑌶𑍁 𑌮𑍇 𑌭𑍁𑌵𑌨𑌨𑌿𑌰𑍍𑌮𑌿𑌤𑍗 𑌕𑌰𑍍𑌮𑌠𑌾-

𑌮𑌿𑌤𑌿 𑌦𑍍𑌰𑍁𑌹𑌿𑌣𑌵𑌰𑍍𑌣𑌿𑌤𑌸𑍍𑌵𑌗𑍁𑌣𑌬𑌂𑌹𑌿𑌮𑌾 𑌪𑌾𑌹𑌿 𑌮𑌾𑌮𑍍 ॥7॥

𑌲𑌭𑌸𑍍𑌵 𑌭𑍁𑌵𑌨𑌤𑍍𑌰𑌯𑍀𑌰𑌚𑌨𑌦𑌕𑍍𑌷𑌤𑌾𑌮𑌕𑍍𑌷𑌤𑌾𑌂

𑌗𑍃𑌹𑌾𑌣 𑌮𑌦𑌨𑍁𑌗𑍍𑌰𑌹𑌂 𑌕𑍁𑌰𑍁 𑌤𑌪𑌶𑍍𑌚 𑌭𑍂𑌯𑍋 𑌵𑌿𑌧𑍇 ।

𑌭𑌵𑌤𑍍𑌵𑌖𑌿𑌲𑌸𑌾𑌧𑌨𑍀 𑌮𑌯𑌿 𑌚 𑌭𑌕𑍍𑌤𑌿𑌰𑌤𑍍𑌯𑍁𑌤𑍍𑌕𑌟𑍇-

𑌤𑍍𑌯𑍁𑌦𑍀𑌰𑍍𑌯 𑌗𑌿𑌰𑌮𑌾𑌦𑌧𑌾 𑌮𑍁𑌦𑌿𑌤𑌚𑍇𑌤𑌸𑌂 𑌵𑍇𑌧𑌸𑌮𑍍 ॥8॥

𑌶𑌤𑌂 𑌕𑍃𑌤𑌤𑌪𑌾𑌸𑍍𑌤𑌤𑌃 𑌸 𑌖𑌲𑍁 𑌦𑌿𑌵𑍍𑌯𑌸𑌂𑌵𑌤𑍍𑌸𑌰𑌾-

𑌨𑌵𑌾𑌪𑍍𑌯 𑌚 𑌤𑌪𑍋𑌬𑌲𑌂 𑌮𑌤𑌿𑌬𑌲𑌂 𑌚 𑌪𑍂𑌰𑍍𑌵𑌾𑌧𑌿𑌕𑌮𑍍 ।

𑌉𑌦𑍀𑌕𑍍𑌷𑍍𑌯 𑌕𑌿𑌲 𑌕𑌮𑍍𑌪𑌿𑌤𑌂 𑌪𑌯𑌸𑌿 𑌪𑌙𑍍𑌕𑌜𑌂 𑌵𑌾𑌯𑍁𑌨𑌾

𑌭𑌵𑌦𑍍𑌬𑌲𑌵𑌿𑌜𑍃𑌮𑍍𑌭𑌿𑌤𑌃 𑌪𑌵𑌨𑌪𑌾𑌥𑌸𑍀 𑌪𑍀𑌤𑌵𑌾𑌨𑍍 ॥9॥

𑌤𑌵𑍈𑌵 𑌕𑍃𑌪𑌯𑌾 𑌪𑍁𑌨𑌸𑍍𑌸𑌰𑌸𑌿𑌜𑍇𑌨 𑌤𑍇𑌨𑍈𑌵 𑌸𑌃

𑌪𑍍𑌰𑌕𑌲𑍍𑌪𑍍𑌯 𑌭𑍁𑌵𑌨𑌤𑍍𑌰𑌯𑍀𑌂 𑌪𑍍𑌰𑌵𑌵𑍃𑌤𑍇 𑌪𑍍𑌰𑌜𑌾𑌨𑌿𑌰𑍍𑌮𑌿𑌤𑍗 ।

𑌤𑌥𑌾𑌵𑌿𑌧𑌕𑍃𑌪𑌾𑌭𑌰𑍋 𑌗𑍁𑌰𑍁𑌮𑌰𑍁𑌤𑍍𑌪𑍁𑌰𑌾𑌧𑍀𑌶𑍍𑌵𑌰

𑌤𑍍𑌵𑌮𑌾𑌶𑍁 𑌪𑌰𑌿𑌪𑌾𑌹𑌿 𑌮𑌾𑌂 𑌗𑍁𑌰𑍁𑌦𑌯𑍋𑌕𑍍𑌷𑌿𑌤𑍈𑌰𑍀𑌕𑍍𑌷𑌿𑌤𑍈𑌃 ॥10॥

Roman (IAST) Transliteration

sthitassa kamalodbhavastava hi nābhipaṅkeruhe

kutaḥ svididamambudhāvuditamityanālokayan |

tadīkṣaṇakutūhalāt pratidiśaṃ vivṛttānana-

ścaturvadanatāmagādvikasadaṣṭadṛṣṭyambujām ||1||

mahārṇavavighūrṇitaṃ kamalameva tatkevalaṃ

vilokya tadupāśrayaṃ tava tanuṃ tu nālokayan |

ka eṣa kamalodare mahati nissahāyo hyahaṃ

kutaḥ svididambujaṃ samajanīti cintāmagāt ||2||

amuṣya hi saroruhaḥ kimapi kāraṇaṃ sambhve-

diti sma kṛtaniścayassa khalu nālarandhrādhvanā |

svayogabalavidyayā samavarūḍhavān prauḍhadhī -

stvadīyamatimohanaṃ na tu kalevaraṃ dṛṣṭavān ||3||

tataḥ sakalanālikāvivaramārgago mārgayan

prayasya śatavatsaraṃ kimapi naiva sandṛṣṭavān |

nivṛtya kamalodare sukhaniṣaṇṇa ekāgradhīḥ

samādhibalamādadhe bhavadanugrahaikāgrahī ||4||

śatena parivatsarairdṛḍhasamādhibandhollasat-

prabodhaviśadīkṛtaḥ sa khalu padminīsambhavaḥ |

adṛṣṭacaramadbhutaṃ tava hi rūpamantardṛśā

vyacaṣṭa parituṣṭadhīrbhujagabhogabhāgāśrayam ||5||

kirīṭamukuṭollasatkaṭakahārakeyūrayuṅ-

maṇisphuritamekhalaṃ suparivītapītāmbaram |

kalāyakusumaprabhaṃ galatalollasatkaustubhaṃ

vapustadayi bhāvaye kamalajanme darśitam ||6||

śrutiprakaradarśitapracuravaibhava śrīpate

hare jaya jaya prabho padamupaiṣi diṣṭyā dṛśoḥ |

kuruṣva dhiyamāśu me bhuvananirmitau karmaṭhā-

miti druhiṇavarṇitasvaguṇabaṃhimā pāhi mām ||7||

labhasva bhuvanatrayīracanadakṣatāmakṣatāṃ

gṛhāṇa madanugrahaṃ kuru tapaśca bhūyo vidhe |

bhavatvakhilasādhanī mayi ca bhaktiratyutkaṭe-

tyudīrya giramādadhā muditacetasaṃ vedhasam ||8||

śataṃ kṛtatapāstataḥ sa khalu divyasaṃvatsarā-

navāpya ca tapobalaṃ matibalaṃ ca pūrvādhikam |

udīkṣya kila kampitaṃ payasi paṅkajaṃ vāyunā

bhavadbalavijṛmbhitaḥ pavanapāthasī pītavān ||9||

tavaiva kṛpayā punassarasijena tenaiva saḥ

prakalpya bhuvanatrayīṃ pravavṛte prajānirmitau |

tathāvidhakṛpābharo gurumarutpurādhīśvara

tvamāśu paripāhi māṃ gurudayokṣitairīkṣitaiḥ ||10||

Sanskrit — Devanagari (original)

स्थितस्स कमलोद्भवस्तव हि नाभिपङ्केरुहे

कुतः स्विदिदमम्बुधावुदितमित्यनालोकयन् ।

तदीक्षणकुतूहलात् प्रतिदिशं विवृत्तानन-

श्चतुर्वदनतामगाद्विकसदष्टदृष्ट्यम्बुजाम् ॥1॥

महार्णवविघूर्णितं कमलमेव तत्केवलं

विलोक्य तदुपाश्रयं तव तनुं तु नालोकयन् ।

क एष कमलोदरे महति निस्सहायो ह्यहं

कुतः स्विदिदम्बुजं समजनीति चिन्तामगात् ॥2॥

अमुष्य हि सरोरुहः किमपि कारणं सम्भ्वे-

दिति स्म कृतनिश्चयस्स खलु नालरन्ध्राध्वना ।

स्वयोगबलविद्यया समवरूढवान् प्रौढधी -

स्त्वदीयमतिमोहनं न तु कलेवरं दृष्टवान् ॥3॥

ततः सकलनालिकाविवरमार्गगो मार्गयन्

प्रयस्य शतवत्सरं किमपि नैव सन्दृष्टवान् ।

निवृत्य कमलोदरे सुखनिषण्ण एकाग्रधीः

समाधिबलमादधे भवदनुग्रहैकाग्रही ॥4॥

शतेन परिवत्सरैर्दृढसमाधिबन्धोल्लसत्-

प्रबोधविशदीकृतः स खलु पद्मिनीसम्भवः ।

अदृष्टचरमद्भुतं तव हि रूपमन्तर्दृशा

व्यचष्ट परितुष्टधीर्भुजगभोगभागाश्रयम् ॥5॥

किरीटमुकुटोल्लसत्कटकहारकेयूरयुङ्-

मणिस्फुरितमेखलं सुपरिवीतपीताम्बरम् ।

कलायकुसुमप्रभं गलतलोल्लसत्कौस्तुभं

वपुस्तदयि भावये कमलजन्मे दर्शितम् ॥6॥

श्रुतिप्रकरदर्शितप्रचुरवैभव श्रीपते

हरे जय जय प्रभो पदमुपैषि दिष्ट्या दृशोः ।

कुरुष्व धियमाशु मे भुवननिर्मितौ कर्मठा-

मिति द्रुहिणवर्णितस्वगुणबंहिमा पाहि माम् ॥7॥

लभस्व भुवनत्रयीरचनदक्षतामक्षतां

गृहाण मदनुग्रहं कुरु तपश्च भूयो विधे ।

भवत्वखिलसाधनी मयि च भक्तिरत्युत्कटे-

त्युदीर्य गिरमादधा मुदितचेतसं वेधसम् ॥8॥

शतं कृततपास्ततः स खलु दिव्यसंवत्सरा-

नवाप्य च तपोबलं मतिबलं च पूर्वाधिकम् ।

उदीक्ष्य किल कम्पितं पयसि पङ्कजं वायुना

भवद्बलविजृम्भितः पवनपाथसी पीतवान् ॥9॥

तवैव कृपया पुनस्सरसिजेन तेनैव सः

प्रकल्प्य भुवनत्रयीं प्रववृते प्रजानिर्मितौ ।

तथाविधकृपाभरो गुरुमरुत्पुराधीश्वर

त्वमाशु परिपाहि मां गुरुदयोक्षितैरीक्षितैः ॥10॥