𑌕𑍁𑌚𑍇𑌲𑌨𑌾𑌮𑌾 𑌭𑌵𑌤𑌃 𑌸𑌤𑍀𑌰𑍍𑌥𑍍𑌯𑌤𑌾𑌂 𑌗𑌤𑌃 𑌸 𑌸𑌾𑌨𑍍𑌦𑍀𑌪𑌨𑌿𑌮𑌨𑍍𑌦𑌿𑌰𑍇 𑌦𑍍𑌵𑌿𑌜𑌃 ।
𑌤𑍍𑌵𑌦𑍇𑌕𑌰𑌾𑌗𑍇𑌣 𑌧𑌨𑌾𑌦𑌿𑌨𑌿𑌸𑍍𑌸𑍍𑌪𑍃𑌹𑍋 𑌦𑌿𑌨𑌾𑌨𑌿 𑌨𑌿𑌨𑍍𑌯𑍇 𑌪𑍍𑌰𑌶𑌮𑍀 𑌗𑍃𑌹𑌾𑌶𑍍𑌰𑌮𑍀 ॥1॥
𑌸𑌮𑌾𑌨𑌶𑍀𑌲𑌾𑌽𑌪𑌿 𑌤𑌦𑍀𑌯𑌵𑌲𑍍𑌲𑌭𑌾 𑌤𑌥𑍈𑌵 𑌨𑍋 𑌚𑌿𑌤𑍍𑌤𑌜𑌯𑌂 𑌸𑌮𑍇𑌯𑍁𑌷𑍀 ।
𑌕𑌦𑌾𑌚𑌿𑌦𑍂𑌚𑍇 𑌬𑌤 𑌵𑍃𑌤𑍍𑌤𑌿𑌲𑌬𑍍𑌧𑌯𑍇 𑌰𑌮𑌾𑌪𑌤𑌿𑌃 𑌕𑌿𑌂 𑌨 𑌸𑌖𑌾 𑌨𑌿𑌷𑍇𑌵𑍍𑌯𑌤𑍇 ॥2॥
𑌇𑌤𑍀𑌰𑌿𑌤𑍋𑌽𑌯𑌂 𑌪𑍍𑌰𑌿𑌯𑌯𑌾 𑌕𑍍𑌷𑍁𑌧𑌾𑌰𑍍𑌤𑌯𑌾 𑌜𑍁𑌗𑍁𑌪𑍍𑌸𑌮𑌾𑌨𑍋𑌽𑌪𑌿 𑌧𑌨𑍇 𑌮𑌦𑌾𑌵𑌹𑍇 ।
𑌤𑌦𑌾 𑌤𑍍𑌵𑌦𑌾𑌲𑍋𑌕𑌨𑌕𑍗𑌤𑍁𑌕𑌾𑌦𑍍𑌯𑌯𑍗 𑌵𑌹𑌨𑍍 𑌪𑌟𑌾𑌨𑍍𑌤𑍇 𑌪𑍃𑌥𑍁𑌕𑌾𑌨𑍁𑌪𑌾𑌯𑌨𑌮𑍍 ॥3॥
𑌗𑌤𑍋𑌽𑌯𑌮𑌾𑌶𑍍𑌚𑌰𑍍𑌯𑌮𑌯𑍀𑌂 𑌭𑌵𑌤𑍍𑌪𑍁𑌰𑍀𑌂 𑌗𑍃𑌹𑍇𑌷𑍁 𑌶𑍈𑌬𑍍𑌯𑌾𑌭𑌵𑌨𑌂 𑌸𑌮𑍇𑌯𑌿𑌵𑌾𑌨𑍍 ।
𑌪𑍍𑌰𑌵𑌿𑌶𑍍𑌯 𑌵𑍈𑌕𑍁𑌣𑍍𑌠𑌮𑌿𑌵𑌾𑌪 𑌨𑌿𑌰𑍍𑌵𑍃𑌤𑌿𑌂 𑌤𑌵𑌾𑌤𑌿𑌸𑌮𑍍𑌭𑌾𑌵𑌨𑌯𑌾 𑌤𑍁 𑌕𑌿𑌂 𑌪𑍁𑌨𑌃 ॥4॥
𑌪𑍍𑌰𑌪𑍂𑌜𑌿𑌤𑌂 𑌤𑌂 𑌪𑍍𑌰𑌿𑌯𑌯𑌾 𑌚 𑌵𑍀𑌜𑌿𑌤𑌂 𑌕𑌰𑍇 𑌗𑍃𑌹𑍀𑌤𑍍𑌵𑌾𑌽𑌕𑌥𑌯𑌃 𑌪𑍁𑌰𑌾𑌕𑍃𑌤𑌮𑍍 ।
𑌯𑌦𑌿𑌨𑍍𑌧𑌨𑌾𑌰𑍍𑌥𑌂 𑌗𑍁𑌰𑍁𑌦𑌾𑌰𑌚𑍋𑌦𑌿𑌤𑍈𑌰𑌪𑌰𑍍𑌤𑍁𑌵𑌰𑍍𑌷 𑌤𑌦𑌮𑌰𑍍𑌷𑌿 𑌕𑌾𑌨𑌨𑍇 ॥5॥
𑌤𑍍𑌰𑌪𑌾𑌜𑍁𑌷𑍋𑌽𑌸𑍍𑌮𑌾𑌤𑍍 𑌪𑍃𑌥𑍁𑌕𑌂 𑌬𑌲𑌾𑌦𑌥 𑌪𑍍𑌰𑌗𑍃𑌹𑍍𑌯 𑌮𑍁𑌷𑍍𑌟𑍗 𑌸𑌕𑍃𑌦𑌾𑌶𑌿𑌤𑍇 𑌤𑍍𑌵𑌯𑌾 ।
𑌕𑍃𑌤𑌂 𑌕𑍃𑌤𑌂 𑌨𑌨𑍍𑌵𑌿𑌯𑌤𑍇𑌤𑌿 𑌸𑌮𑍍𑌭𑍍𑌰𑌮𑌾𑌦𑍍𑌰𑌮𑌾 𑌕𑌿𑌲𑍋𑌪𑍇𑌤𑍍𑌯 𑌕𑌰𑌂 𑌰𑍁𑌰𑍋𑌧 𑌤𑍇 ॥6॥
𑌭𑌕𑍍𑌤𑍇𑌷𑍁 𑌭𑌕𑍍𑌤𑍇𑌨 𑌸 𑌮𑌾𑌨𑌿𑌤𑌸𑍍𑌤𑍍𑌵𑌯𑌾 𑌪𑍁𑌰𑍀𑌂 𑌵𑌸𑌨𑍍𑌨𑍇𑌕𑌨𑌿𑌶𑌾𑌂 𑌮𑌹𑌾𑌸𑍁𑌖𑌮𑍍 ।
𑌬𑌤𑌾𑌪𑌰𑍇𑌦𑍍𑌯𑍁𑌰𑍍𑌦𑍍𑌰𑌵𑌿𑌣𑌂 𑌵𑌿𑌨𑌾 𑌯𑌯𑍗 𑌵𑌿𑌚𑌿𑌤𑍍𑌰𑌰𑍂𑌪𑌸𑍍𑌤𑌵 𑌖𑌲𑍍𑌵𑌨𑍁𑌗𑍍𑌰𑌹𑌃 ॥7॥
𑌯𑌦𑌿 𑌹𑍍𑌯𑌯𑌾𑌚𑌿𑌷𑍍𑌯𑌮𑌦𑌾𑌸𑍍𑌯𑌦𑌚𑍍𑌯𑍁𑌤𑍋 𑌵𑌦𑌾𑌮𑌿 𑌭𑌾𑌰𑍍𑌯𑌾𑌂 𑌕𑌿𑌮𑌿𑌤𑌿 𑌵𑍍𑌰𑌜𑌨𑍍𑌨𑌸𑍗 ।
𑌤𑍍𑌵𑌦𑍁𑌕𑍍𑌤𑌿𑌲𑍀𑌲𑌾𑌸𑍍𑌮𑌿𑌤𑌮𑌗𑍍𑌨𑌧𑍀𑌃 𑌪𑍁𑌨𑌃 𑌕𑍍𑌰𑌮𑌾𑌦𑌪𑌶𑍍𑌯𑌨𑍍𑌮𑌣𑌿𑌦𑍀𑌪𑍍𑌰𑌮𑌾𑌲𑌯𑌮𑍍 ॥8॥
𑌕𑌿𑌂 𑌮𑌾𑌰𑍍𑌗𑌵𑌿𑌭𑍍𑌰𑌂𑌶 𑌇𑌤𑌿 𑌭𑍍𑌰𑌮𑍍𑌮𑌨𑍍 𑌕𑍍𑌷𑌣𑌂 𑌗𑍃𑌹𑌂 𑌪𑍍𑌰𑌵𑌿𑌷𑍍𑌟𑌃 𑌸 𑌦𑌦𑌰𑍍𑌶 𑌵𑌲𑍍𑌲𑌭𑌾𑌮𑍍 ।
𑌸𑌖𑍀𑌪𑌰𑍀𑌤𑌾𑌂 𑌮𑌣𑌿𑌹𑍇𑌮𑌭𑍂𑌷𑌿𑌤𑌾𑌂 𑌬𑍁𑌬𑍋𑌧 𑌚 𑌤𑍍𑌵𑌤𑍍𑌕𑌰𑍁𑌣𑌾𑌂 𑌮𑌹𑌾𑌦𑍍𑌭𑍁𑌤𑌾𑌮𑍍 ॥9॥
𑌸 𑌰𑌤𑍍𑌨𑌶𑌾𑌲𑌾𑌸𑍁 𑌵𑌸𑌨𑍍𑌨𑌪𑌿 𑌸𑍍𑌵𑌯𑌂 𑌸𑌮𑍁𑌨𑍍𑌨𑌮𑌦𑍍𑌭𑌕𑍍𑌤𑌿𑌭𑌰𑍋𑌽𑌮𑍃𑌤𑌂 𑌯𑌯𑍗 ।
𑌤𑍍𑌵𑌮𑍇𑌵𑌮𑌾𑌪𑍂𑌰𑌿𑌤𑌭𑌕𑍍𑌤𑌵𑌾𑌞𑍍𑌛𑌿𑌤𑍋 𑌮𑌰𑍁𑌤𑍍𑌪𑍁𑌰𑌾𑌧𑍀𑌶 𑌹𑌰𑌸𑍍𑌵 𑌮𑍇 𑌗𑌦𑌾𑌨𑍍 ॥10॥
Roman (IAST) Transliteration
kucelanāmā bhavataḥ satīrthyatāṃ gataḥ sa sāndīpanimandire dvijaḥ |
tvadekarāgeṇa dhanādinisspṛho dināni ninye praśamī gṛhāśramī ||1||
samānaśīlā'pi tadīyavallabhā tathaiva no cittajayaṃ sameyuṣī |
kadācidūce bata vṛttilabdhaye ramāpatiḥ kiṃ na sakhā niṣevyate ||2||
itīrito'yaṃ priyayā kṣudhārtayā jugupsamāno'pi dhane madāvahe |
tadā tvadālokanakautukādyayau vahan paṭānte pṛthukānupāyanam ||3||
gato'yamāścaryamayīṃ bhavatpurīṃ gṛheṣu śaibyābhavanaṃ sameyivān |
praviśya vaikuṇṭhamivāpa nirvṛtiṃ tavātisambhāvanayā tu kiṃ punaḥ ||4||
prapūjitaṃ taṃ priyayā ca vījitaṃ kare gṛhītvā'kathayaḥ purākṛtam |
yadindhanārthaṃ gurudāracoditairapartuvarṣa tadamarṣi kānane ||5||
trapājuṣo'smāt pṛthukaṃ balādatha pragṛhya muṣṭau sakṛdāśite tvayā |
kṛtaṃ kṛtaṃ nanviyateti sambhramādramā kilopetya karaṃ rurodha te ||6||
bhakteṣu bhaktena sa mānitastvayā purīṃ vasannekaniśāṃ mahāsukham |
batāparedyurdraviṇaṃ vinā yayau vicitrarūpastava khalvanugrahaḥ ||7||
yadi hyayāciṣyamadāsyadacyuto vadāmi bhāryāṃ kimiti vrajannasau |
tvaduktilīlāsmitamagnadhīḥ punaḥ kramādapaśyanmaṇidīpramālayam ||8||
kiṃ mārgavibhraṃśa iti bhramman kṣaṇaṃ gṛhaṃ praviṣṭaḥ sa dadarśa vallabhām |
sakhīparītāṃ maṇihemabhūṣitāṃ bubodha ca tvatkaruṇāṃ mahādbhutām ||9||
sa ratnaśālāsu vasannapi svayaṃ samunnamadbhaktibharo'mṛtaṃ yayau |
tvamevamāpūritabhaktavāñchito marutpurādhīśa harasva me gadān ||10||
Sanskrit — Devanagari (original)
कुचेलनामा भवतः सतीर्थ्यतां गतः स सान्दीपनिमन्दिरे द्विजः ।
त्वदेकरागेण धनादिनिस्स्पृहो दिनानि निन्ये प्रशमी गृहाश्रमी ॥1॥
समानशीलाऽपि तदीयवल्लभा तथैव नो चित्तजयं समेयुषी ।
कदाचिदूचे बत वृत्तिलब्धये रमापतिः किं न सखा निषेव्यते ॥2॥
इतीरितोऽयं प्रियया क्षुधार्तया जुगुप्समानोऽपि धने मदावहे ।
तदा त्वदालोकनकौतुकाद्ययौ वहन् पटान्ते पृथुकानुपायनम् ॥3॥
गतोऽयमाश्चर्यमयीं भवत्पुरीं गृहेषु शैब्याभवनं समेयिवान् ।
प्रविश्य वैकुण्ठमिवाप निर्वृतिं तवातिसम्भावनया तु किं पुनः ॥4॥
प्रपूजितं तं प्रियया च वीजितं करे गृहीत्वाऽकथयः पुराकृतम् ।
यदिन्धनार्थं गुरुदारचोदितैरपर्तुवर्ष तदमर्षि कानने ॥5॥
त्रपाजुषोऽस्मात् पृथुकं बलादथ प्रगृह्य मुष्टौ सकृदाशिते त्वया ।
कृतं कृतं नन्वियतेति सम्भ्रमाद्रमा किलोपेत्य करं रुरोध ते ॥6॥
भक्तेषु भक्तेन स मानितस्त्वया पुरीं वसन्नेकनिशां महासुखम् ।
बतापरेद्युर्द्रविणं विना ययौ विचित्ररूपस्तव खल्वनुग्रहः ॥7॥
यदि ह्ययाचिष्यमदास्यदच्युतो वदामि भार्यां किमिति व्रजन्नसौ ।
त्वदुक्तिलीलास्मितमग्नधीः पुनः क्रमादपश्यन्मणिदीप्रमालयम् ॥8॥
किं मार्गविभ्रंश इति भ्रम्मन् क्षणं गृहं प्रविष्टः स ददर्श वल्लभाम् ।
सखीपरीतां मणिहेमभूषितां बुबोध च त्वत्करुणां महाद्भुताम् ॥9॥
स रत्नशालासु वसन्नपि स्वयं समुन्नमद्भक्तिभरोऽमृतं ययौ ।
त्वमेवमापूरितभक्तवाञ्छितो मरुत्पुराधीश हरस्व मे गदान् ॥10॥
kucelanāmā bhavataḥ satīrthyatāṃ gataḥ sa sāndīpanimandire dvijaḥ |
tvadekarāgeṇa dhanādinisspṛho dināni ninye praśamī gṛhāśramī ||1||
samānaśīlā'pi tadīyavallabhā tathaiva no cittajayaṃ sameyuṣī |
kadācidūce bata vṛttilabdhaye ramāpatiḥ kiṃ na sakhā niṣevyate ||2||
itīrito'yaṃ priyayā kṣudhārtayā jugupsamāno'pi dhane madāvahe |
tadā tvadālokanakautukādyayau vahan paṭānte pṛthukānupāyanam ||3||
gato'yamāścaryamayīṃ bhavatpurīṃ gṛheṣu śaibyābhavanaṃ sameyivān |
praviśya vaikuṇṭhamivāpa nirvṛtiṃ tavātisambhāvanayā tu kiṃ punaḥ ||4||
prapūjitaṃ taṃ priyayā ca vījitaṃ kare gṛhītvā'kathayaḥ purākṛtam |
yadindhanārthaṃ gurudāracoditairapartuvarṣa tadamarṣi kānane ||5||
trapājuṣo'smāt pṛthukaṃ balādatha pragṛhya muṣṭau sakṛdāśite tvayā |
kṛtaṃ kṛtaṃ nanviyateti sambhramādramā kilopetya karaṃ rurodha te ||6||
bhakteṣu bhaktena sa mānitastvayā purīṃ vasannekaniśāṃ mahāsukham |
batāparedyurdraviṇaṃ vinā yayau vicitrarūpastava khalvanugrahaḥ ||7||
yadi hyayāciṣyamadāsyadacyuto vadāmi bhāryāṃ kimiti vrajannasau |
tvaduktilīlāsmitamagnadhīḥ punaḥ kramādapaśyanmaṇidīpramālayam ||8||
kiṃ mārgavibhraṃśa iti bhramman kṣaṇaṃ gṛhaṃ praviṣṭaḥ sa dadarśa vallabhām |
sakhīparītāṃ maṇihemabhūṣitāṃ bubodha ca tvatkaruṇāṃ mahādbhutām ||9||
sa ratnaśālāsu vasannapi svayaṃ samunnamadbhaktibharo'mṛtaṃ yayau |
tvamevamāpūritabhaktavāñchito marutpurādhīśa harasva me gadān ||10||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.