𑌤𑌦𑌨𑍁 𑌨𑌨𑍍𑌦𑌮𑌮𑌨𑍍𑌦𑌶𑍁𑌭𑌾𑌸𑍍𑌪𑌦𑌂 𑌨𑍃𑌪𑌪𑍁𑌰𑍀𑌂 𑌕𑌰𑌦𑌾𑌨𑌕𑍃𑌤𑍇 𑌗𑌤𑌮𑍍।
𑌸𑌮𑌵𑌲𑍋𑌕𑍍𑌯 𑌜𑌗𑌾𑌦 𑌭𑌵𑌤𑍍𑌪𑌿𑌤𑌾 𑌵𑌿𑌦𑌿𑌤𑌕𑌂𑌸𑌸𑌹𑌾𑌯𑌜𑌨𑍋𑌦𑍍𑌯𑌮𑌃 ॥1॥
𑌅𑌯𑌿 𑌸𑌖𑍇 𑌤𑌵 𑌬𑌾𑌲𑌕𑌜𑌨𑍍𑌮 𑌮𑌾𑌂 𑌸𑍁𑌖𑌯𑌤𑍇𑌽𑌦𑍍𑌯 𑌨𑌿𑌜𑌾𑌤𑍍𑌮𑌜𑌜𑌨𑍍𑌮𑌵𑌤𑍍 ।
𑌇𑌤𑌿 𑌭𑌵𑌤𑍍𑌪𑌿𑌤𑍃𑌤𑌾𑌂 𑌵𑍍𑌰𑌜𑌨𑌾𑌯𑌕𑍇 𑌸𑌮𑌧𑌿𑌰𑍋𑌪𑍍𑌯 𑌶𑌶𑌂𑌸 𑌤𑌮𑌾𑌦𑌰𑌾𑌤𑍍 ॥2॥
𑌇𑌹 𑌚 𑌸𑌨𑍍𑌤𑍍𑌯𑌨𑌿𑌮𑌿𑌤𑍍𑌤𑌶𑌤𑌾𑌨𑌿 𑌤𑍇 𑌕𑌟𑌕𑌸𑍀𑌮𑍍𑌨𑌿 𑌤𑌤𑍋 𑌲𑌘𑍁 𑌗𑌮𑍍𑌯𑌤𑌾𑌮𑍍 ।
𑌇𑌤𑌿 𑌚 𑌤𑌦𑍍𑌵𑌚𑌸𑌾 𑌵𑍍𑌰𑌜𑌨𑌾𑌯𑌕𑍋 𑌭𑌵𑌦𑌪𑌾𑌯𑌭𑌿𑌯𑌾 𑌦𑍍𑌰𑍁𑌤𑌮𑌾𑌯𑌯𑍗 ॥3॥
𑌅𑌵𑌸𑌰𑍇 𑌖𑌲𑍁 𑌤𑌤𑍍𑌰 𑌚 𑌕𑌾𑌚𑌨 𑌵𑍍𑌰𑌜𑌪𑌦𑍇 𑌮𑌧𑍁𑌰𑌾𑌕𑍃𑌤𑌿𑌰𑌙𑍍𑌗𑌨𑌾 ।
𑌤𑌰𑌲𑌷𑌟𑍍𑌪𑌦𑌲𑌾𑌲𑌿𑌤𑌕𑍁𑌨𑍍𑌤𑌲𑌾 𑌕𑌪𑌟𑌪𑍋𑌤𑌕 𑌤𑍇 𑌨𑌿𑌕𑌟𑌂 𑌗𑌤𑌾 ॥4॥
𑌸𑌪𑌦𑌿 𑌸𑌾 𑌹𑍃𑌤𑌬𑌾𑌲𑌕𑌚𑍇𑌤𑌨𑌾 𑌨𑌿𑌶𑌿𑌚𑌰𑌾𑌨𑍍𑌵𑌯𑌜𑌾 𑌕𑌿𑌲 𑌪𑍂𑌤𑌨𑌾 ।
𑌵𑍍𑌰𑌜𑌵𑌧𑍂𑌷𑍍𑌵𑌿𑌹 𑌕𑍇𑌯𑌮𑌿𑌤𑌿 𑌕𑍍𑌷𑌣𑌂 𑌵𑌿𑌮𑍃𑌶𑌤𑍀𑌷𑍁 𑌭𑌵𑌨𑍍𑌤𑌮𑍁𑌪𑌾𑌦𑌦𑍇 ॥5॥
𑌲𑌲𑌿𑌤𑌭𑌾𑌵𑌵𑌿𑌲𑌾𑌸𑌹𑍃𑌤𑌾𑌤𑍍𑌮𑌭𑌿𑌰𑍍𑌯𑍁𑌵𑌤𑌿𑌭𑌿𑌃 𑌪𑍍𑌰𑌤𑌿𑌰𑍋𑌦𑍍𑌧𑍁𑌮𑌪𑌾𑌰𑌿𑌤𑌾 ।
𑌸𑍍𑌤𑌨𑌮𑌸𑍗 𑌭𑌵𑌨𑌾𑌨𑍍𑌤𑌨𑌿𑌷𑍇𑌦𑍁𑌷𑍀 𑌪𑍍𑌰𑌦𑌦𑍁𑌷𑍀 𑌭𑌵𑌤𑍇 𑌕𑌪𑌟𑌾𑌤𑍍𑌮𑌨𑍇 ॥5॥
𑌸𑌮𑌧𑌿𑌰𑍁𑌹𑍍𑌯 𑌤𑌦𑌙𑍍𑌕𑌮𑌶𑌙𑍍𑌕𑌿𑌤𑌸𑍍𑌤𑍍𑌵𑌮𑌥 𑌬𑌾𑌲𑌕𑌲𑍋𑌪𑌨𑌰𑍋𑌷𑌿𑌤𑌃 ।
𑌮𑌹𑌦𑌿𑌵𑌾𑌮𑍍𑌰𑌫𑌲𑌂 𑌕𑍁𑌚𑌮𑌣𑍍𑌡𑌲𑌂 𑌪𑍍𑌰𑌤𑌿𑌚𑍁𑌚𑍂𑌷𑌿𑌥 𑌦𑍁𑌰𑍍𑌵𑌿𑌷𑌦𑍂𑌷𑌿𑌤𑌮𑍍 ॥7॥
𑌅𑌸𑍁𑌭𑌿𑌰𑍇𑌵 𑌸𑌮𑌂 𑌧𑌯𑌤𑌿 𑌤𑍍𑌵𑌯𑌿 𑌸𑍍𑌤𑌨𑌮𑌸𑍗 𑌸𑍍𑌤𑌨𑌿𑌤𑍋𑌪𑌮𑌨𑌿𑌸𑍍𑌵𑌨𑌾 ।
𑌨𑌿𑌰𑌪𑌤𑌦𑍍𑌭𑌯𑌦𑌾𑌯𑌿 𑌨𑌿𑌜𑌂 𑌵𑌪𑍁𑌃 𑌪𑍍𑌰𑌤𑌿𑌗𑌤𑌾 𑌪𑍍𑌰𑌵𑌿𑌸𑌾𑌰𑍍𑌯 𑌭𑍁𑌜𑌾𑌵𑍁𑌭𑍗 ॥8॥
𑌭𑌯𑌦𑌘𑍋𑌷𑌣𑌭𑍀𑌷𑌣𑌵𑌿𑌗𑍍𑌰𑌹𑌶𑍍𑌰𑌵𑌣𑌦𑌰𑍍𑌶𑌨𑌮𑍋𑌹𑌿𑌤𑌵𑌲𑍍𑌲𑌵𑍇 ।
𑌵𑍍𑌰𑌜𑌪𑌦𑍇 𑌤𑌦𑍁𑌰𑌃𑌸𑍍𑌥𑌲𑌖𑍇𑌲𑌨𑌂 𑌨𑌨𑍁 𑌭𑌵𑌨𑍍𑌤𑌮𑌗𑍃𑌹𑍍𑌣𑌤 𑌗𑍋𑌪𑌿𑌕𑌾𑌃 ॥9॥
𑌭𑍁𑌵𑌨𑌮𑌙𑍍𑌗𑌲𑌨𑌾𑌮𑌭𑌿𑌰𑍇𑌵 𑌤𑍇 𑌯𑍁𑌵𑌤𑌿𑌭𑌿𑌰𑍍𑌬𑌹𑍁𑌧𑌾 𑌕𑍃𑌤𑌰𑌕𑍍𑌷𑌣𑌃 ।
𑌤𑍍𑌵𑌮𑌯𑌿 𑌵𑌾𑌤𑌨𑌿𑌕𑍇𑌤𑌨𑌨𑌾𑌥 𑌮𑌾𑌮𑌗𑌦𑌯𑌨𑍍 𑌕𑍁𑌰𑍁 𑌤𑌾𑌵𑌕𑌸𑍇𑌵𑌕𑌮𑍍 ॥10॥
Roman (IAST) Transliteration
tadanu nandamamandaśubhāspadaṃ nṛpapurīṃ karadānakṛte gatam|
samavalokya jagāda bhavatpitā viditakaṃsasahāyajanodyamaḥ ||1||
ayi sakhe tava bālakajanma māṃ sukhayate'dya nijātmajajanmavat |
iti bhavatpitṛtāṃ vrajanāyake samadhiropya śaśaṃsa tamādarāt ||2||
iha ca santyanimittaśatāni te kaṭakasīmni tato laghu gamyatām |
iti ca tadvacasā vrajanāyako bhavadapāyabhiyā drutamāyayau ||3||
avasare khalu tatra ca kācana vrajapade madhurākṛtiraṅganā |
taralaṣaṭpadalālitakuntalā kapaṭapotaka te nikaṭaṃ gatā ||4||
sapadi sā hṛtabālakacetanā niśicarānvayajā kila pūtanā |
vrajavadhūṣviha keyamiti kṣaṇaṃ vimṛśatīṣu bhavantamupādade ||5||
lalitabhāvavilāsahṛtātmabhiryuvatibhiḥ pratiroddhumapāritā |
stanamasau bhavanāntaniṣeduṣī pradaduṣī bhavate kapaṭātmane ||5||
samadhiruhya tadaṅkamaśaṅkitastvamatha bālakalopanaroṣitaḥ |
mahadivāmraphalaṃ kucamaṇḍalaṃ praticucūṣitha durviṣadūṣitam ||7||
asubhireva samaṃ dhayati tvayi stanamasau stanitopamanisvanā |
nirapatadbhayadāyi nijaṃ vapuḥ pratigatā pravisārya bhujāvubhau ||8||
bhayadaghoṣaṇabhīṣaṇavigrahaśravaṇadarśanamohitavallave |
vrajapade taduraḥsthalakhelanaṃ nanu bhavantamagṛhṇata gopikāḥ ||9||
bhuvanamaṅgalanāmabhireva te yuvatibhirbahudhā kṛtarakṣaṇaḥ |
tvamayi vātaniketananātha māmagadayan kuru tāvakasevakam ||10||
Sanskrit — Devanagari (original)
तदनु नन्दममन्दशुभास्पदं नृपपुरीं करदानकृते गतम्।
समवलोक्य जगाद भवत्पिता विदितकंससहायजनोद्यमः ॥1॥
अयि सखे तव बालकजन्म मां सुखयतेऽद्य निजात्मजजन्मवत् ।
इति भवत्पितृतां व्रजनायके समधिरोप्य शशंस तमादरात् ॥2॥
इह च सन्त्यनिमित्तशतानि ते कटकसीम्नि ततो लघु गम्यताम् ।
इति च तद्वचसा व्रजनायको भवदपायभिया द्रुतमाययौ ॥3॥
अवसरे खलु तत्र च काचन व्रजपदे मधुराकृतिरङ्गना ।
तरलषट्पदलालितकुन्तला कपटपोतक ते निकटं गता ॥4॥
सपदि सा हृतबालकचेतना निशिचरान्वयजा किल पूतना ।
व्रजवधूष्विह केयमिति क्षणं विमृशतीषु भवन्तमुपाददे ॥5॥
ललितभावविलासहृतात्मभिर्युवतिभिः प्रतिरोद्धुमपारिता ।
स्तनमसौ भवनान्तनिषेदुषी प्रददुषी भवते कपटात्मने ॥5॥
समधिरुह्य तदङ्कमशङ्कितस्त्वमथ बालकलोपनरोषितः ।
महदिवाम्रफलं कुचमण्डलं प्रतिचुचूषिथ दुर्विषदूषितम् ॥7॥
असुभिरेव समं धयति त्वयि स्तनमसौ स्तनितोपमनिस्वना ।
निरपतद्भयदायि निजं वपुः प्रतिगता प्रविसार्य भुजावुभौ ॥8॥
भयदघोषणभीषणविग्रहश्रवणदर्शनमोहितवल्लवे ।
व्रजपदे तदुरःस्थलखेलनं ननु भवन्तमगृह्णत गोपिकाः ॥9॥
भुवनमङ्गलनामभिरेव ते युवतिभिर्बहुधा कृतरक्षणः ।
त्वमयि वातनिकेतननाथ मामगदयन् कुरु तावकसेवकम् ॥10॥
tadanu nandamamandaśubhāspadaṃ nṛpapurīṃ karadānakṛte gatam|
samavalokya jagāda bhavatpitā viditakaṃsasahāyajanodyamaḥ ||1||
ayi sakhe tava bālakajanma māṃ sukhayate'dya nijātmajajanmavat |
iti bhavatpitṛtāṃ vrajanāyake samadhiropya śaśaṃsa tamādarāt ||2||
iha ca santyanimittaśatāni te kaṭakasīmni tato laghu gamyatām |
iti ca tadvacasā vrajanāyako bhavadapāyabhiyā drutamāyayau ||3||
avasare khalu tatra ca kācana vrajapade madhurākṛtiraṅganā |
taralaṣaṭpadalālitakuntalā kapaṭapotaka te nikaṭaṃ gatā ||4||
sapadi sā hṛtabālakacetanā niśicarānvayajā kila pūtanā |
vrajavadhūṣviha keyamiti kṣaṇaṃ vimṛśatīṣu bhavantamupādade ||5||
lalitabhāvavilāsahṛtātmabhiryuvatibhiḥ pratiroddhumapāritā |
stanamasau bhavanāntaniṣeduṣī pradaduṣī bhavate kapaṭātmane ||5||
samadhiruhya tadaṅkamaśaṅkitastvamatha bālakalopanaroṣitaḥ |
mahadivāmraphalaṃ kucamaṇḍalaṃ praticucūṣitha durviṣadūṣitam ||7||
asubhireva samaṃ dhayati tvayi stanamasau stanitopamanisvanā |
nirapatadbhayadāyi nijaṃ vapuḥ pratigatā pravisārya bhujāvubhau ||8||
bhayadaghoṣaṇabhīṣaṇavigrahaśravaṇadarśanamohitavallave |
vrajapade taduraḥsthalakhelanaṃ nanu bhavantamagṛhṇata gopikāḥ ||9||
bhuvanamaṅgalanāmabhireva te yuvatibhirbahudhā kṛtarakṣaṇaḥ |
tvamayi vātaniketananātha māmagadayan kuru tāvakasevakam ||10||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.