తదను నన్దమమన్దశుభాస్పదం నృపపురీం కరదానకృతే గతమ్।
సమవలోక్య జగాద భవత్పితా విదితకంససహాయజనోద్యమః ॥1॥
అయి సఖే తవ బాలకజన్మ మాం సుఖయతేఽద్య నిజాత్మజజన్మవత్ ।
ఇతి భవత్పితృతాం వ్రజనాయకే సమధిరోప్య శశంస తమాదరాత్ ॥2॥
ఇహ చ సన్త్యనిమిత్తశతాని తే కటకసీమ్ని తతో లఘు గమ్యతామ్ ।
ఇతి చ తద్వచసా వ్రజనాయకో భవదపాయభియా ద్రుతమాయయౌ ॥3॥
అవసరే ఖలు తత్ర చ కాచన వ్రజపదే మధురాకృతిరఙ్గనా ।
తరలషట్పదలాలితకున్తలా కపటపోతక తే నికటం గతా ॥4॥
సపది సా హృతబాలకచేతనా నిశిచరాన్వయజా కిల పూతనా ।
వ్రజవధూష్విహ కేయమితి క్షణం విమృశతీషు భవన్తముపాదదే ॥5॥
లలితభావవిలాసహృతాత్మభిర్యువతిభిః ప్రతిరోద్ధుమపారితా ।
స్తనమసౌ భవనాన్తనిషేదుషీ ప్రదదుషీ భవతే కపటాత్మనే ॥5॥
సమధిరుహ్య తదఙ్కమశఙ్కితస్త్వమథ బాలకలోపనరోషితః ।
మహదివామ్రఫలం కుచమణ్డలం ప్రతిచుచూషిథ దుర్విషదూషితమ్ ॥7॥
అసుభిరేవ సమం ధయతి త్వయి స్తనమసౌ స్తనితోపమనిస్వనా ।
నిరపతద్భయదాయి నిజం వపుః ప్రతిగతా ప్రవిసార్య భుజావుభౌ ॥8॥
భయదఘోషణభీషణవిగ్రహశ్రవణదర్శనమోహితవల్లవే ।
వ్రజపదే తదురఃస్థలఖేలనం నను భవన్తమగృహ్ణత గోపికాః ॥9॥
భువనమఙ్గలనామభిరేవ తే యువతిభిర్బహుధా కృతరక్షణః ।
త్వమయి వాతనికేతననాథ మామగదయన్ కురు తావకసేవకమ్ ॥10॥
Roman (IAST) Transliteration
tadanu nandamamandaśubhāspadaṃ nṛpapurīṃ karadānakṛte gatam|
samavalokya jagāda bhavatpitā viditakaṃsasahāyajanodyamaḥ ||1||
ayi sakhe tava bālakajanma māṃ sukhayate'dya nijātmajajanmavat |
iti bhavatpitṛtāṃ vrajanāyake samadhiropya śaśaṃsa tamādarāt ||2||
iha ca santyanimittaśatāni te kaṭakasīmni tato laghu gamyatām |
iti ca tadvacasā vrajanāyako bhavadapāyabhiyā drutamāyayau ||3||
avasare khalu tatra ca kācana vrajapade madhurākṛtiraṅganā |
taralaṣaṭpadalālitakuntalā kapaṭapotaka te nikaṭaṃ gatā ||4||
sapadi sā hṛtabālakacetanā niśicarānvayajā kila pūtanā |
vrajavadhūṣviha keyamiti kṣaṇaṃ vimṛśatīṣu bhavantamupādade ||5||
lalitabhāvavilāsahṛtātmabhiryuvatibhiḥ pratiroddhumapāritā |
stanamasau bhavanāntaniṣeduṣī pradaduṣī bhavate kapaṭātmane ||5||
samadhiruhya tadaṅkamaśaṅkitastvamatha bālakalopanaroṣitaḥ |
mahadivāmraphalaṃ kucamaṇḍalaṃ praticucūṣitha durviṣadūṣitam ||7||
asubhireva samaṃ dhayati tvayi stanamasau stanitopamanisvanā |
nirapatadbhayadāyi nijaṃ vapuḥ pratigatā pravisārya bhujāvubhau ||8||
bhayadaghoṣaṇabhīṣaṇavigrahaśravaṇadarśanamohitavallave |
vrajapade taduraḥsthalakhelanaṃ nanu bhavantamagṛhṇata gopikāḥ ||9||
bhuvanamaṅgalanāmabhireva te yuvatibhirbahudhā kṛtarakṣaṇaḥ |
tvamayi vātaniketananātha māmagadayan kuru tāvakasevakam ||10||
Sanskrit — Devanagari (original)
तदनु नन्दममन्दशुभास्पदं नृपपुरीं करदानकृते गतम्।
समवलोक्य जगाद भवत्पिता विदितकंससहायजनोद्यमः ॥1॥
अयि सखे तव बालकजन्म मां सुखयतेऽद्य निजात्मजजन्मवत् ।
इति भवत्पितृतां व्रजनायके समधिरोप्य शशंस तमादरात् ॥2॥
इह च सन्त्यनिमित्तशतानि ते कटकसीम्नि ततो लघु गम्यताम् ।
इति च तद्वचसा व्रजनायको भवदपायभिया द्रुतमाययौ ॥3॥
अवसरे खलु तत्र च काचन व्रजपदे मधुराकृतिरङ्गना ।
तरलषट्पदलालितकुन्तला कपटपोतक ते निकटं गता ॥4॥
सपदि सा हृतबालकचेतना निशिचरान्वयजा किल पूतना ।
व्रजवधूष्विह केयमिति क्षणं विमृशतीषु भवन्तमुपाददे ॥5॥
ललितभावविलासहृतात्मभिर्युवतिभिः प्रतिरोद्धुमपारिता ।
स्तनमसौ भवनान्तनिषेदुषी प्रददुषी भवते कपटात्मने ॥5॥
समधिरुह्य तदङ्कमशङ्कितस्त्वमथ बालकलोपनरोषितः ।
महदिवाम्रफलं कुचमण्डलं प्रतिचुचूषिथ दुर्विषदूषितम् ॥7॥
असुभिरेव समं धयति त्वयि स्तनमसौ स्तनितोपमनिस्वना ।
निरपतद्भयदायि निजं वपुः प्रतिगता प्रविसार्य भुजावुभौ ॥8॥
भयदघोषणभीषणविग्रहश्रवणदर्शनमोहितवल्लवे ।
व्रजपदे तदुरःस्थलखेलनं ननु भवन्तमगृह्णत गोपिकाः ॥9॥
भुवनमङ्गलनामभिरेव ते युवतिभिर्बहुधा कृतरक्षणः ।
त्वमयि वातनिकेतननाथ मामगदयन् कुरु तावकसेवकम् ॥10॥
tadanu nandamamandaśubhāspadaṃ nṛpapurīṃ karadānakṛte gatam|
samavalokya jagāda bhavatpitā viditakaṃsasahāyajanodyamaḥ ||1||
ayi sakhe tava bālakajanma māṃ sukhayate'dya nijātmajajanmavat |
iti bhavatpitṛtāṃ vrajanāyake samadhiropya śaśaṃsa tamādarāt ||2||
iha ca santyanimittaśatāni te kaṭakasīmni tato laghu gamyatām |
iti ca tadvacasā vrajanāyako bhavadapāyabhiyā drutamāyayau ||3||
avasare khalu tatra ca kācana vrajapade madhurākṛtiraṅganā |
taralaṣaṭpadalālitakuntalā kapaṭapotaka te nikaṭaṃ gatā ||4||
sapadi sā hṛtabālakacetanā niśicarānvayajā kila pūtanā |
vrajavadhūṣviha keyamiti kṣaṇaṃ vimṛśatīṣu bhavantamupādade ||5||
lalitabhāvavilāsahṛtātmabhiryuvatibhiḥ pratiroddhumapāritā |
stanamasau bhavanāntaniṣeduṣī pradaduṣī bhavate kapaṭātmane ||5||
samadhiruhya tadaṅkamaśaṅkitastvamatha bālakalopanaroṣitaḥ |
mahadivāmraphalaṃ kucamaṇḍalaṃ praticucūṣitha durviṣadūṣitam ||7||
asubhireva samaṃ dhayati tvayi stanamasau stanitopamanisvanā |
nirapatadbhayadāyi nijaṃ vapuḥ pratigatā pravisārya bhujāvubhau ||8||
bhayadaghoṣaṇabhīṣaṇavigrahaśravaṇadarśanamohitavallave |
vrajapade taduraḥsthalakhelanaṃ nanu bhavantamagṛhṇata gopikāḥ ||9||
bhuvanamaṅgalanāmabhireva te yuvatibhirbahudhā kṛtarakṣaṇaḥ |
tvamayi vātaniketananātha māmagadayan kuru tāvakasevakam ||10||
🕉️ This is the original Sanskrit rendered in Telugu script.
Pronunciation is identical to the Sanskrit Devanagari version.