Narayaniyam Dashaka 78 - Dvarakavasah Tatha Rukmanisandeshapraptih — Grantha Script

𑌤𑍍𑌰𑌿𑌦𑌿𑌵𑌵𑌰𑍍𑌧𑌕𑌿𑌵𑌰𑍍𑌧𑌿𑌤𑌕𑍗𑌶𑌲𑌂 𑌤𑍍𑌰𑌿𑌦𑌶𑌦𑌤𑍍𑌤𑌸𑌮𑌸𑍍𑌤𑌵𑌿𑌭𑍂𑌤𑌿𑌮𑌤𑍍 ।

𑌜𑌲𑌧𑌿𑌮𑌧𑍍𑌯𑌗𑌤𑌂 𑌤𑍍𑌵𑌮𑌭𑍂𑌷𑌯𑍋 𑌨𑌵𑌪𑍁𑌰𑌂 𑌵𑌪𑍁𑌰𑌞𑍍𑌚𑌿𑌤𑌰𑍋𑌚𑌿𑌷𑌾 ॥1॥

𑌦𑌦𑍁𑌷𑌿 𑌰𑍇𑌵𑌤𑌭𑍂𑌭𑍃𑌤𑌿 𑌰𑍇𑌵𑌤𑍀𑌂 𑌹𑌲𑌭𑍃𑌤𑍇 𑌤𑌨𑌯𑌾𑌂 𑌵𑌿𑌧𑌿𑌶𑌾𑌸𑌨𑌾𑌤𑍍 ।

𑌮𑌹𑌿𑌤𑌮𑍁𑌤𑍍𑌸𑌵𑌘𑍋𑌷𑌮𑌪𑍂𑌪𑍁𑌷𑌃 𑌸𑌮𑍁𑌦𑌿𑌤𑍈𑌰𑍍𑌮𑍁𑌦𑌿𑌤𑍈𑌃 𑌸𑌹 𑌯𑌾𑌦𑌵𑍈𑌃 ॥2॥

𑌅𑌥 𑌵𑌿𑌦𑌰𑍍𑌭𑌸𑍁𑌤𑌾𑌂 𑌖𑌲𑍁 𑌰𑍁𑌕𑍍𑌮𑌿𑌣𑍀𑌂 𑌪𑍍𑌰𑌣𑌯𑌿𑌨𑍀𑌂 𑌤𑍍𑌵𑌯𑌿 𑌦𑍇𑌵 𑌸𑌹𑍋𑌦𑌰𑌃 ।

𑌸𑍍𑌵𑌯𑌮𑌦𑌿𑌤𑍍𑌸𑌤 𑌚𑍇𑌦𑌿𑌮𑌹𑍀𑌭𑍁𑌜𑍇 𑌸𑍍𑌵𑌤𑌮𑌸𑌾 𑌤𑌮𑌸𑌾𑌧𑍁𑌮𑍁𑌪𑌾𑌶𑍍𑌰𑌯𑌨𑍍 ॥3॥

𑌚𑌿𑌰𑌧𑍃𑌤𑌪𑍍𑌰𑌣𑌯𑌾 𑌤𑍍𑌵𑌯𑌿 𑌬𑌾𑌲𑌿𑌕𑌾 𑌸𑌪𑌦𑌿 𑌕𑌾𑌙𑍍𑌕𑍍𑌷𑌿𑌤𑌭𑌙𑍍𑌗𑌸𑌮𑌾𑌕𑍁𑌲𑌾 ।

𑌤𑌵 𑌨𑌿𑌵𑍇𑌦𑌯𑌿𑌤𑍁𑌂 𑌦𑍍𑌵𑌿𑌜𑌮𑌾𑌦𑌿𑌶𑌤𑍍 𑌸𑍍𑌵𑌕𑌦𑌨𑌂 𑌕𑌦𑌨𑌙𑍍𑌗𑌵𑌿𑌨𑌿𑌰𑍍𑌮𑌿𑌤𑌮𑍍 ॥4॥

𑌦𑍍𑌵𑌿𑌜𑌸𑍁𑌤𑍋𑌽𑌪𑌿 𑌚 𑌤𑍂𑌰𑍍𑌣𑌮𑍁𑌪𑌾𑌯𑌯𑍗 𑌤𑌵 𑌪𑍁𑌰𑌂 𑌹𑌿 𑌦𑍁𑌰𑌾𑌶𑌦𑍁𑌰𑌾𑌸𑌦𑌮𑍍 ।

𑌮𑍁𑌦𑌮𑌵𑌾𑌪 𑌚 𑌸𑌾𑌦𑌰𑌪𑍂𑌜𑌿𑌤𑌃 𑌸 𑌭𑌵𑌤𑌾 𑌭𑌵𑌤𑌾𑌪𑌹𑍃𑌤𑌾 𑌸𑍍𑌵𑌯𑌮𑍍 ॥5॥

𑌸 𑌚 𑌭𑌵𑌨𑍍𑌤𑌮𑌵𑍋𑌚𑌤 𑌕𑍁𑌣𑍍𑌡𑌿𑌨𑍇 𑌨𑍃𑌪𑌸𑍁𑌤𑌾 𑌖𑌲𑍁 𑌰𑌾𑌜𑌤𑌿 𑌰𑍁𑌕𑍍𑌮𑌿𑌣𑍀 ।

𑌤𑍍𑌵𑌯𑌿 𑌸𑌮𑍁𑌤𑍍𑌸𑍁𑌕𑌯𑌾 𑌨𑌿𑌜𑌧𑍀𑌰𑌤𑌾𑌰𑌹𑌿𑌤𑌯𑌾 𑌹𑌿 𑌤𑌯𑌾 𑌪𑍍𑌰𑌹𑌿𑌤𑍋𑌽𑌸𑍍𑌮𑍍𑌯𑌹𑌮𑍍 ॥6॥

𑌤𑌵 𑌹𑍃𑌤𑌾𑌽𑌸𑍍𑌮𑌿 𑌪𑍁𑌰𑍈𑌵 𑌗𑍁𑌣𑍈𑌰𑌹𑌂 𑌹𑌰𑌤𑌿 𑌮𑌾𑌂 𑌕𑌿𑌲 𑌚𑍇𑌦𑌿𑌨𑍃𑌪𑍋𑌽𑌧𑍁𑌨𑌾 ।

𑌅𑌯𑌿 𑌕𑍃𑌪𑌾𑌲𑌯 𑌪𑌾𑌲𑌯 𑌮𑌾𑌮𑌿𑌤𑌿 𑌪𑍍𑌰𑌜𑌗𑌦𑍇 𑌜𑌗𑌦𑍇𑌕𑌪𑌤𑍇 𑌤𑌯𑌾 ॥7॥

𑌅𑌶𑌰𑌣𑌾𑌂 𑌯𑌦𑌿 𑌮𑌾𑌂 𑌤𑍍𑌵𑌮𑍁𑌪𑍇𑌕𑍍𑌷𑌸𑍇 𑌸𑌪𑌦𑌿 𑌜𑍀𑌵𑌿𑌤𑌮𑍇𑌵 𑌜𑌹𑌾𑌮𑍍𑌯𑌹𑌮𑍍 ।

𑌇𑌤𑌿 𑌗𑌿𑌰𑌾 𑌸𑍁𑌤𑌨𑍋𑌰𑌤𑌨𑍋𑌤𑍍 𑌭𑍃𑌶𑌂 𑌸𑍁𑌹𑍃𑌦𑌯𑌂 𑌹𑍃𑌦𑌯𑌂 𑌤𑌵 𑌕𑌾𑌤𑌰𑌮𑍍 ॥8॥

𑌅𑌕𑌥𑌯𑌸𑍍𑌤𑍍𑌵𑌮𑌥𑍈𑌨𑌮𑌯𑍇 𑌸𑌖𑍇 𑌤𑌦𑌧𑌿𑌕𑌾 𑌮𑌮 𑌮𑌨𑍍𑌮𑌥𑌵𑍇𑌦𑌨𑌾 ।

𑌨𑍃𑌪𑌸𑌮𑌕𑍍𑌷𑌮𑍁𑌪𑍇𑌤𑍍𑌯 𑌹𑌰𑌾𑌮𑍍𑌯𑌹𑌂 𑌤𑌦𑌯𑌿 𑌤𑌾𑌂 𑌦𑌯𑌿𑌤𑌾𑌮𑌸𑌿𑌤𑍇𑌕𑍍𑌷𑌣𑌾𑌮𑍍 ॥9॥

𑌪𑍍𑌰𑌮𑍁𑌦𑌿𑌤𑍇𑌨 𑌚 𑌤𑍇𑌨 𑌸𑌮𑌂 𑌤𑌦𑌾 𑌰𑌥𑌗𑌤𑍋 𑌲𑌘𑍁 𑌕𑍁𑌣𑍍𑌡𑌿𑌨𑌮𑍇𑌯𑌿𑌵𑌾𑌨𑍍 ।

𑌗𑍁𑌰𑍁𑌮𑌰𑍁𑌤𑍍𑌪𑍁𑌰𑌨𑌾𑌯𑌕 𑌮𑍇 𑌭𑌵𑌾𑌨𑍍 𑌵𑌿𑌤𑌨𑍁𑌤𑌾𑌂 𑌤𑌨𑍁𑌤𑌾𑌂 𑌨𑌿𑌖𑌿𑌲𑌾𑌪𑌦𑌾𑌮𑍍 ॥10॥

Roman (IAST) Transliteration

tridivavardhakivardhitakauśalaṃ tridaśadattasamastavibhūtimat |

jaladhimadhyagataṃ tvamabhūṣayo navapuraṃ vapurañcitarociṣā ||1||

daduṣi revatabhūbhṛti revatīṃ halabhṛte tanayāṃ vidhiśāsanāt |

mahitamutsavaghoṣamapūpuṣaḥ samuditairmuditaiḥ saha yādavaiḥ ||2||

atha vidarbhasutāṃ khalu rukmiṇīṃ praṇayinīṃ tvayi deva sahodaraḥ |

svayamaditsata cedimahībhuje svatamasā tamasādhumupāśrayan ||3||

ciradhṛtapraṇayā tvayi bālikā sapadi kāṅkṣitabhaṅgasamākulā |

tava nivedayituṃ dvijamādiśat svakadanaṃ kadanaṅgavinirmitam ||4||

dvijasuto'pi ca tūrṇamupāyayau tava puraṃ hi durāśadurāsadam |

mudamavāpa ca sādarapūjitaḥ sa bhavatā bhavatāpahṛtā svayam ||5||

sa ca bhavantamavocata kuṇḍine nṛpasutā khalu rājati rukmiṇī |

tvayi samutsukayā nijadhīratārahitayā hi tayā prahito'smyaham ||6||

tava hṛtā'smi puraiva guṇairahaṃ harati māṃ kila cedinṛpo'dhunā |

ayi kṛpālaya pālaya māmiti prajagade jagadekapate tayā ||7||

aśaraṇāṃ yadi māṃ tvamupekṣase sapadi jīvitameva jahāmyaham |

iti girā sutanoratanot bhṛśaṃ suhṛdayaṃ hṛdayaṃ tava kātaram ||8||

akathayastvamathainamaye sakhe tadadhikā mama manmathavedanā |

nṛpasamakṣamupetya harāmyahaṃ tadayi tāṃ dayitāmasitekṣaṇām ||9||

pramuditena ca tena samaṃ tadā rathagato laghu kuṇḍinameyivān |

gurumarutpuranāyaka me bhavān vitanutāṃ tanutāṃ nikhilāpadām ||10||

Sanskrit — Devanagari (original)

त्रिदिववर्धकिवर्धितकौशलं त्रिदशदत्तसमस्तविभूतिमत् ।

जलधिमध्यगतं त्वमभूषयो नवपुरं वपुरञ्चितरोचिषा ॥1॥

ददुषि रेवतभूभृति रेवतीं हलभृते तनयां विधिशासनात् ।

महितमुत्सवघोषमपूपुषः समुदितैर्मुदितैः सह यादवैः ॥2॥

अथ विदर्भसुतां खलु रुक्मिणीं प्रणयिनीं त्वयि देव सहोदरः ।

स्वयमदित्सत चेदिमहीभुजे स्वतमसा तमसाधुमुपाश्रयन् ॥3॥

चिरधृतप्रणया त्वयि बालिका सपदि काङ्क्षितभङ्गसमाकुला ।

तव निवेदयितुं द्विजमादिशत् स्वकदनं कदनङ्गविनिर्मितम् ॥4॥

द्विजसुतोऽपि च तूर्णमुपाययौ तव पुरं हि दुराशदुरासदम् ।

मुदमवाप च सादरपूजितः स भवता भवतापहृता स्वयम् ॥5॥

स च भवन्तमवोचत कुण्डिने नृपसुता खलु राजति रुक्मिणी ।

त्वयि समुत्सुकया निजधीरतारहितया हि तया प्रहितोऽस्म्यहम् ॥6॥

तव हृताऽस्मि पुरैव गुणैरहं हरति मां किल चेदिनृपोऽधुना ।

अयि कृपालय पालय मामिति प्रजगदे जगदेकपते तया ॥7॥

अशरणां यदि मां त्वमुपेक्षसे सपदि जीवितमेव जहाम्यहम् ।

इति गिरा सुतनोरतनोत् भृशं सुहृदयं हृदयं तव कातरम् ॥8॥

अकथयस्त्वमथैनमये सखे तदधिका मम मन्मथवेदना ।

नृपसमक्षमुपेत्य हराम्यहं तदयि तां दयितामसितेक्षणाम् ॥9॥

प्रमुदितेन च तेन समं तदा रथगतो लघु कुण्डिनमेयिवान् ।

गुरुमरुत्पुरनायक मे भवान् वितनुतां तनुतां निखिलापदाम् ॥10॥