Narayaniyam Dashaka 61 - Viprapatnyanugraham — Grantha Script

𑌤𑌤𑌶𑍍𑌚 𑌵𑍃𑌨𑍍𑌦𑌾𑌵𑌨𑌤𑍋𑌽𑌤𑌿𑌦𑍂𑌰𑌤𑍋

𑌵𑌨𑌂 𑌗𑌤𑌸𑍍𑌤𑍍𑌵𑌂 𑌖𑌲𑍁 𑌗𑍋𑌪𑌗𑍋𑌕𑍁𑌲𑍈𑌃 ।

𑌹𑍃𑌦𑌨𑍍𑌤𑌰𑍇 𑌭𑌕𑍍𑌤𑌤𑌰𑌦𑍍𑌵𑌿𑌜𑌾𑌙𑍍𑌗𑌨𑌾-

𑌕𑌦𑌮𑍍𑌬𑌕𑌾𑌨𑍁𑌗𑍍𑌰𑌹𑌣𑌾𑌗𑍍𑌰𑌹𑌂 𑌵𑌹𑌨𑍍 ॥1॥

𑌤𑌤𑍋 𑌨𑌿𑌰𑍀𑌕𑍍𑌷𑍍𑌯𑌾𑌶𑌰𑌣𑍇 𑌵𑌨𑌾𑌨𑍍𑌤𑌰𑍇

𑌕𑌿𑌶𑍋𑌰𑌲𑍋𑌕𑌂 𑌕𑍍𑌷𑍁𑌧𑌿𑌤𑌂 𑌤𑍃𑌷𑌾𑌕𑍁𑌲𑌮𑍍 ।

𑌅𑌦𑍂𑌰𑌤𑍋 𑌯𑌜𑍍𑌞𑌪𑌰𑌾𑌨𑍍 𑌦𑍍𑌵𑌿𑌜𑌾𑌨𑍍 𑌪𑍍𑌰𑌤𑌿

𑌵𑍍𑌯𑌸𑌰𑍍𑌜𑌯𑍋 𑌦𑍀𑌦𑌿𑌵𑌿𑌯𑌾𑌚𑌨𑌾𑌯 𑌤𑌾𑌨𑍍 ॥2॥

𑌗𑌤𑍇𑌷𑍍𑌵𑌥𑍋 𑌤𑍇𑌷𑍍𑌵𑌭𑌿𑌧𑌾𑌯 𑌤𑍇𑌽𑌭𑌿𑌧𑌾𑌂

𑌕𑍁𑌮𑌾𑌰𑌕𑍇𑌷𑍍𑌵𑍋𑌦𑌨𑌯𑌾𑌚𑌿𑌷𑍁 𑌪𑍍𑌰𑌭𑍋 ।

𑌶𑍍𑌰𑍁𑌤𑌿𑌸𑍍𑌥𑌿𑌰𑌾 𑌅𑌪𑍍𑌯𑌭𑌿𑌨𑌿𑌨𑍍𑌯𑍁𑌰𑌶𑍍𑌰𑍁𑌤𑌿𑌂

𑌨 𑌕𑌿𑌞𑍍𑌚𑌿𑌦𑍂𑌚𑍁𑌶𑍍𑌚 𑌮𑌹𑍀𑌸𑍁𑌰𑍋𑌤𑍍𑌤𑌮𑌾𑌃 ॥3॥

𑌅𑌨𑌾𑌦𑌰𑌾𑌤𑍍 𑌖𑌿𑌨𑍍𑌨𑌧𑌿𑌯𑍋 𑌹𑌿 𑌬𑌾𑌲𑌕𑌾𑌃 ।

𑌸𑌮𑌾𑌯𑌯𑍁𑌰𑍍𑌯𑍁𑌕𑍍𑌤𑌮𑌿𑌦𑌂 𑌹𑌿 𑌯𑌜𑍍𑌵𑌸𑍁 ।

𑌚𑌿𑌰𑌾𑌦𑌭𑌕𑍍𑌤𑌾𑌃 𑌖𑌲𑍁 𑌤𑍇 𑌮𑌹𑍀𑌸𑍁𑌰𑌾𑌃

𑌕𑌥𑌂 𑌹𑌿 𑌭𑌕𑍍𑌤𑌂 𑌤𑍍𑌵𑌯𑌿 𑌤𑍈𑌃 𑌸𑌮𑌰𑍍𑌪𑍍𑌯𑌤𑍇 ॥4॥

𑌨𑌿𑌵𑍇𑌦𑌯𑌧𑍍𑌵𑌂 𑌗𑍃𑌹𑌿𑌣𑍀𑌜𑌨𑌾𑌯 𑌮𑌾𑌂

𑌦𑌿𑌶𑍇𑌯𑍁𑌰𑌨𑍍𑌨𑌂 𑌕𑌰𑍁𑌣𑌾𑌕𑍁𑌲𑌾 𑌇𑌮𑌾𑌃 ।

𑌇𑌤𑌿 𑌸𑍍𑌮𑌿𑌤𑌾𑌰𑍍𑌦𑍍𑌰𑌂 𑌭𑌵𑌤𑍇𑌰𑌿𑌤𑌾 𑌗𑌤𑌾-

𑌸𑍍𑌤𑍇 𑌦𑌾𑌰𑌕𑌾 𑌦𑌾𑌰𑌜𑌨𑌂 𑌯𑌯𑌾𑌚𑌿𑌰𑍇 ॥5॥

𑌗𑍃𑌹𑍀𑌤𑌨𑌾𑌮𑍍𑌨𑌿 𑌤𑍍𑌵𑌯𑌿 𑌸𑌮𑍍𑌭𑍍𑌰𑌮𑌾𑌕𑍁𑌲𑌾-

𑌶𑍍𑌚𑌤𑍁𑌰𑍍𑌵𑌿𑌧𑌂 𑌭𑍋𑌜𑍍𑌯𑌰𑌸𑌂 𑌪𑍍𑌰𑌗𑍃𑌹𑍍𑌯 𑌤𑌾𑌃 ।

𑌚𑌿𑌰𑌨𑍍𑌧𑍃𑌤𑌤𑍍𑌵𑌤𑍍𑌪𑍍𑌰𑌵𑌿𑌲𑍋𑌕𑌨𑌾𑌗𑍍𑌰𑌹𑌾𑌃

𑌸𑍍𑌵𑌕𑍈𑌰𑍍𑌨𑌿𑌰𑍁𑌦𑍍𑌧𑌾 𑌅𑌪𑌿 𑌤𑍂𑌰𑍍𑌣𑌮𑌾𑌯𑌯𑍁𑌃 ॥6॥

𑌵𑌿𑌲𑍋𑌲𑌪𑌿𑌞𑍍𑌛𑌂 𑌚𑌿𑌕𑍁𑌰𑍇 𑌕𑌪𑍋𑌲𑌯𑍋𑌃

𑌸𑌮𑍁𑌲𑍍𑌲𑌸𑌤𑍍𑌕𑍁𑌣𑍍𑌡𑌲𑌮𑌾𑌰𑍍𑌦𑍍𑌰𑌮𑍀𑌕𑍍𑌷𑌿𑌤𑍇 ।

𑌨𑌿𑌧𑌾𑌯 𑌬𑌾𑌹𑍁𑌂 𑌸𑍁𑌹𑍃𑌦𑌂𑌸𑌸𑍀𑌮𑌨𑌿

𑌸𑍍𑌥𑌿𑌤𑌂 𑌭𑌵𑌨𑍍𑌤𑌂 𑌸𑌮𑌲𑍋𑌕𑌯𑌨𑍍𑌤 𑌤𑌾𑌃 ॥7॥

𑌤𑌦𑌾 𑌚 𑌕𑌾𑌚𑌿𑌤𑍍𑌤𑍍𑌵𑌦𑍁𑌪𑌾𑌗𑌮𑍋𑌦𑍍𑌯𑌤𑌾

𑌗𑍃𑌹𑍀𑌤𑌹𑌸𑍍𑌤𑌾 𑌦𑌯𑌿𑌤𑍇𑌨 𑌯𑌜𑍍𑌵𑌨𑌾 ।

𑌤𑌦𑍈𑌵 𑌸𑌞𑍍𑌚𑌿𑌨𑍍𑌤𑍍𑌯 𑌭𑌵𑌨𑍍𑌤𑌮𑌞𑍍𑌜𑌸𑌾

𑌵𑌿𑌵𑍇𑌶 𑌕𑍈𑌵𑌲𑍍𑌯𑌮𑌹𑍋 𑌕𑍃𑌤𑌿𑌨𑍍𑌯𑌸𑍗 ॥8॥

𑌆𑌦𑌾𑌯 𑌭𑍋𑌜𑍍𑌯𑌾𑌨𑍍𑌯𑌨𑍁𑌗𑍃𑌹𑍍𑌯 𑌤𑌾𑌃 𑌪𑍁𑌨-

𑌸𑍍𑌤𑍍𑌵𑌦𑌙𑍍𑌗𑌸𑌙𑍍𑌗𑌸𑍍𑌪𑍃𑌹𑌯𑍋𑌜𑍍𑌝𑌤𑍀𑌰𑍍𑌗𑍃𑌹𑌮𑍍 ।

𑌵𑌿𑌲𑍋𑌕𑍍𑌯 𑌯𑌜𑍍𑌞𑌾𑌯 𑌵𑌿𑌸𑌰𑍍𑌜𑌯𑌨𑍍𑌨𑌿𑌮𑌾-

𑌶𑍍𑌚𑌕𑌰𑍍𑌥 𑌭𑌰𑍍𑌤𑍃𑌨𑌪𑌿 𑌤𑌾𑌸𑍍𑌵𑌗𑌰𑍍𑌹𑌣𑌾𑌨𑍍 ॥9॥

𑌨𑌿𑌰𑍂𑌪𑍍𑌯 𑌦𑍋𑌷𑌂 𑌨𑌿𑌜𑌮𑌙𑍍𑌗𑌨𑌾𑌜𑌨𑍇

𑌵𑌿𑌲𑍋𑌕𑍍𑌯 𑌭𑌕𑍍𑌤𑌿𑌂 𑌚 𑌪𑍁𑌨𑌰𑍍𑌵𑌿𑌚𑌾𑌰𑌿𑌭𑌿𑌃

𑌪𑍍𑌰𑌬𑍁𑌦𑍍𑌧𑌤𑌤𑍍𑌤𑍍𑌵𑍈𑌸𑍍𑌤𑍍𑌵𑌮𑌭𑌿𑌷𑍍𑌟𑍁𑌤𑍋 𑌦𑍍𑌵𑌿𑌜𑍈-

𑌰𑍍𑌮𑌰𑍁𑌤𑍍𑌪𑍁𑌰𑌾𑌧𑍀𑌶 𑌨𑌿𑌰𑍁𑌨𑍍𑌧𑌿 𑌮𑍇 𑌗𑌦𑌾𑌨𑍍 ॥10॥

Roman (IAST) Transliteration

tataśca vṛndāvanato'tidūrato

vanaṃ gatastvaṃ khalu gopagokulaiḥ |

hṛdantare bhaktataradvijāṅganā-

kadambakānugrahaṇāgrahaṃ vahan ||1||

tato nirīkṣyāśaraṇe vanāntare

kiśoralokaṃ kṣudhitaṃ tṛṣākulam |

adūrato yajñaparān dvijān prati

vyasarjayo dīdiviyācanāya tān ||2||

gateṣvatho teṣvabhidhāya te'bhidhāṃ

kumārakeṣvodanayāciṣu prabho |

śrutisthirā apyabhininyuraśrutiṃ

na kiñcidūcuśca mahīsurottamāḥ ||3||

anādarāt khinnadhiyo hi bālakāḥ |

samāyayuryuktamidaṃ hi yajvasu |

cirādabhaktāḥ khalu te mahīsurāḥ

kathaṃ hi bhaktaṃ tvayi taiḥ samarpyate ||4||

nivedayadhvaṃ gṛhiṇījanāya māṃ

diśeyurannaṃ karuṇākulā imāḥ |

iti smitārdraṃ bhavateritā gatā-

ste dārakā dārajanaṃ yayācire ||5||

gṛhītanāmni tvayi sambhramākulā-

ścaturvidhaṃ bhojyarasaṃ pragṛhya tāḥ |

cirandhṛtatvatpravilokanāgrahāḥ

svakairniruddhā api tūrṇamāyayuḥ ||6||

vilolapiñchaṃ cikure kapolayoḥ

samullasatkuṇḍalamārdramīkṣite |

nidhāya bāhuṃ suhṛdaṃsasīmani

sthitaṃ bhavantaṃ samalokayanta tāḥ ||7||

tadā ca kācittvadupāgamodyatā

gṛhītahastā dayitena yajvanā |

tadaiva sañcintya bhavantamañjasā

viveśa kaivalyamaho kṛtinyasau ||8||

ādāya bhojyānyanugṛhya tāḥ puna-

stvadaṅgasaṅgaspṛhayojjhatīrgṛham |

vilokya yajñāya visarjayannimā-

ścakartha bhartṛnapi tāsvagarhaṇān ||9||

nirūpya doṣaṃ nijamaṅganājane

vilokya bhaktiṃ ca punarvicāribhiḥ

prabuddhatattvaistvamabhiṣṭuto dvijai-

rmarutpurādhīśa nirundhi me gadān ||10||

Sanskrit — Devanagari (original)

ततश्च वृन्दावनतोऽतिदूरतो

वनं गतस्त्वं खलु गोपगोकुलैः ।

हृदन्तरे भक्ततरद्विजाङ्गना-

कदम्बकानुग्रहणाग्रहं वहन् ॥1॥

ततो निरीक्ष्याशरणे वनान्तरे

किशोरलोकं क्षुधितं तृषाकुलम् ।

अदूरतो यज्ञपरान् द्विजान् प्रति

व्यसर्जयो दीदिवियाचनाय तान् ॥2॥

गतेष्वथो तेष्वभिधाय तेऽभिधां

कुमारकेष्वोदनयाचिषु प्रभो ।

श्रुतिस्थिरा अप्यभिनिन्युरश्रुतिं

न किञ्चिदूचुश्च महीसुरोत्तमाः ॥3॥

अनादरात् खिन्नधियो हि बालकाः ।

समाययुर्युक्तमिदं हि यज्वसु ।

चिरादभक्ताः खलु ते महीसुराः

कथं हि भक्तं त्वयि तैः समर्प्यते ॥4॥

निवेदयध्वं गृहिणीजनाय मां

दिशेयुरन्नं करुणाकुला इमाः ।

इति स्मितार्द्रं भवतेरिता गता-

स्ते दारका दारजनं ययाचिरे ॥5॥

गृहीतनाम्नि त्वयि सम्भ्रमाकुला-

श्चतुर्विधं भोज्यरसं प्रगृह्य ताः ।

चिरन्धृतत्वत्प्रविलोकनाग्रहाः

स्वकैर्निरुद्धा अपि तूर्णमाययुः ॥6॥

विलोलपिञ्छं चिकुरे कपोलयोः

समुल्लसत्कुण्डलमार्द्रमीक्षिते ।

निधाय बाहुं सुहृदंससीमनि

स्थितं भवन्तं समलोकयन्त ताः ॥7॥

तदा च काचित्त्वदुपागमोद्यता

गृहीतहस्ता दयितेन यज्वना ।

तदैव सञ्चिन्त्य भवन्तमञ्जसा

विवेश कैवल्यमहो कृतिन्यसौ ॥8॥

आदाय भोज्यान्यनुगृह्य ताः पुन-

स्त्वदङ्गसङ्गस्पृहयोज्झतीर्गृहम् ।

विलोक्य यज्ञाय विसर्जयन्निमा-

श्चकर्थ भर्तृनपि तास्वगर्हणान् ॥9॥

निरूप्य दोषं निजमङ्गनाजने

विलोक्य भक्तिं च पुनर्विचारिभिः

प्रबुद्धतत्त्वैस्त्वमभिष्टुतो द्विजै-

र्मरुत्पुराधीश निरुन्धि मे गदान् ॥10॥