Narayaniyam Dashaka 55 - Kaliyanartanam — Grantha Script

𑌅𑌥 𑌵𑌾𑌰𑌿𑌣𑌿 𑌘𑍋𑌰𑌤𑌰𑌂 𑌫𑌣𑌿𑌨𑌂

𑌪𑍍𑌰𑌤𑌿𑌵𑌾𑌰𑌯𑌿𑌤𑍁𑌂 𑌕𑍃𑌤𑌧𑍀𑌰𑍍𑌭𑌗𑌵𑌨𑍍 ।

𑌦𑍍𑌰𑍁𑌤𑌮𑌾𑌰𑌿𑌥 𑌤𑍀𑌰𑌗𑌨𑍀𑌪𑌤𑌰𑍁𑌂

𑌵𑌿𑌷𑌮𑌾𑌰𑍁𑌤𑌶𑍋𑌷𑌿𑌤𑌪𑌰𑍍𑌣𑌚𑌯𑌮𑍍 ॥1॥

𑌅𑌧𑌿𑌰𑍁𑌹𑍍𑌯 𑌪𑌦𑌾𑌮𑍍𑌬𑍁𑌰𑍁𑌹𑍇𑌣 𑌚 𑌤𑌂

𑌨𑌵𑌪𑌲𑍍𑌲𑌵𑌤𑍁𑌲𑍍𑌯𑌮𑌨𑍋𑌜𑍍𑌞𑌰𑍁𑌚𑌾 ।

𑌹𑍍𑌰𑌦𑌵𑌾𑌰𑌿𑌣𑌿 𑌦𑍂𑌰𑌤𑌰𑌂 𑌨𑍍𑌯𑌪𑌤𑌃

𑌪𑌰𑌿𑌘𑍂𑌰𑍍𑌣𑌿𑌤𑌘𑍋𑌰𑌤𑌰𑌙𑍍𑌗𑍍𑌗𑌣𑍇 ॥2॥

𑌭𑍁𑌵𑌨𑌤𑍍𑌰𑌯𑌭𑌾𑌰𑌭𑍃𑌤𑍋 𑌭𑌵𑌤𑍋

𑌗𑍁𑌰𑍁𑌭𑌾𑌰𑌵𑌿𑌕𑌮𑍍𑌪𑌿𑌵𑌿𑌜𑍃𑌮𑍍𑌭𑌿𑌜𑌲𑌾 ।

𑌪𑌰𑌿𑌮𑌜𑍍𑌜𑌯𑌤𑌿 𑌸𑍍𑌮 𑌧𑌨𑍁𑌶𑍍𑌶𑌤𑌕𑌂

𑌤𑌟𑌿𑌨𑍀 𑌝𑌟𑌿𑌤𑌿 𑌸𑍍𑌫𑍁𑌟𑌘𑍋𑌷𑌵𑌤𑍀 ॥3॥

𑌅𑌥 𑌦𑌿𑌕𑍍𑌷𑍁 𑌵𑌿𑌦𑌿𑌕𑍍𑌷𑍁 𑌪𑌰𑌿𑌕𑍍𑌷𑍁𑌭𑌿𑌤-

𑌭𑍍𑌰𑌮𑌿𑌤𑍋𑌦𑌰𑌵𑌾𑌰𑌿𑌨𑌿𑌨𑌾𑌦𑌭𑌰𑍈𑌃 ।

𑌉𑌦𑌕𑌾𑌦𑍁𑌦𑌗𑌾𑌦𑍁𑌰𑌗𑌾𑌧𑌿𑌪𑌤𑌿-

𑌸𑍍𑌤𑍍𑌵𑌦𑍁𑌪𑌾𑌨𑍍𑌤𑌮𑌶𑌾𑌨𑍍𑌤𑌰𑍁𑌷𑌾𑌽𑌨𑍍𑌧𑌮𑌨𑌾𑌃 ॥4॥

𑌫𑌣𑌶𑍃𑌙𑍍𑌗𑌸𑌹𑌸𑍍𑌰𑌵𑌿𑌨𑌿𑌸𑍍𑌸𑍃𑌮𑌰-

𑌜𑍍𑌵𑌲𑌦𑌗𑍍𑌨𑌿𑌕𑌣𑍋𑌗𑍍𑌰𑌵𑌿𑌷𑌾𑌮𑍍𑌬𑍁𑌧𑌰𑌮𑍍 ।

𑌪𑍁𑌰𑌤𑌃 𑌫𑌣𑌿𑌨𑌂 𑌸𑌮𑌲𑍋𑌕𑌯𑌥𑌾

𑌬𑌹𑍁𑌶𑍃𑌙𑍍𑌗𑌿𑌣𑌮𑌞𑍍𑌜𑌨𑌶𑍈𑌲𑌮𑌿𑌵 ॥5॥

𑌜𑍍𑌵𑌲𑌦𑌕𑍍𑌷𑌿 𑌪𑌰𑌿𑌕𑍍𑌷𑌰𑌦𑍁𑌗𑍍𑌰𑌵𑌿𑌷-

𑌶𑍍𑌵𑌸𑌨𑍋𑌷𑍍𑌮𑌭𑌰𑌃 𑌸 𑌮𑌹𑌾𑌭𑍁𑌜𑌗𑌃 ।

𑌪𑌰𑌿𑌦𑌶𑍍𑌯 𑌭𑌵𑌨𑍍𑌤𑌮𑌨𑌨𑍍𑌤𑌬𑌲𑌂

𑌸𑌮𑌵𑍇𑌷𑍍𑌟𑌯𑌦𑌸𑍍𑌫𑍁𑌟𑌚𑍇𑌷𑍍𑌟𑌮𑌹𑍋 ॥6॥

𑌅𑌵𑌿𑌲𑍋𑌕𑍍𑌯 𑌭𑌵𑌨𑍍𑌤𑌮𑌥𑌾𑌕𑍁𑌲𑌿𑌤𑍇

𑌤𑌟𑌗𑌾𑌮𑌿𑌨𑌿 𑌬𑌾𑌲𑌕𑌧𑍇𑌨𑍁𑌗𑌣𑍇 ।

𑌵𑍍𑌰𑌜𑌗𑍇𑌹𑌤𑌲𑍇𑌽𑌪𑍍𑌯𑌨𑌿𑌮𑌿𑌤𑍍𑌤𑌶𑌤𑌂

𑌸𑌮𑍁𑌦𑍀𑌕𑍍𑌷𑍍𑌯 𑌗𑌤𑌾 𑌯𑌮𑍁𑌨𑌾𑌂 𑌪𑌶𑍁𑌪𑌾𑌃 ॥7॥

𑌅𑌖𑌿𑌲𑍇𑌷𑍁 𑌵𑌿𑌭𑍋 𑌭𑌵𑌦𑍀𑌯 𑌦𑌶𑌾-

𑌮𑌵𑌲𑍋𑌕𑍍𑌯 𑌜𑌿𑌹𑌾𑌸𑍁𑌷𑍁 𑌜𑍀𑌵𑌭𑌰𑌮𑍍 ।

𑌫𑌣𑌿𑌬𑌨𑍍𑌧𑌨𑌮𑌾𑌶𑍁 𑌵𑌿𑌮𑍁𑌚𑍍𑌯 𑌜𑌵𑌾-

𑌦𑍁𑌦𑌗𑌮𑍍𑌯𑌤 𑌹𑌾𑌸𑌜𑍁𑌷𑌾 𑌭𑌵𑌤𑌾 ॥8॥

𑌅𑌧𑌿𑌰𑍁𑌹𑍍𑌯 𑌤𑌤𑌃 𑌫𑌣𑌿𑌰𑌾𑌜𑌫𑌣𑌾𑌨𑍍

𑌨𑌨𑍃𑌤𑍇 𑌭𑌵𑌤𑌾 𑌮𑍃𑌦𑍁𑌪𑌾𑌦𑌰𑍁𑌚𑌾 ।

𑌕𑌲𑌶𑌿𑌞𑍍𑌜𑌿𑌤𑌨𑍂𑌪𑍁𑌰𑌮𑌞𑍍𑌜𑍁𑌮𑌿𑌲-

𑌤𑍍𑌕𑌰𑌕𑌙𑍍𑌕𑌣𑌸𑌙𑍍𑌕𑍁𑌲𑌸𑌙𑍍𑌕𑍍𑌵𑌣𑌿𑌤𑌮𑍍 ॥9॥

𑌜𑌹𑍃𑌷𑍁𑌃 𑌪𑌶𑍁𑌪𑌾𑌸𑍍𑌤𑍁𑌤𑍁𑌷𑍁𑌰𑍍𑌮𑍁𑌨𑌯𑍋

𑌵𑌵𑍃𑌷𑍁𑌃 𑌕𑍁𑌸𑍁𑌮𑌾𑌨𑌿 𑌸𑍁𑌰𑍇𑌨𑍍𑌦𑍍𑌰𑌗𑌣𑌾𑌃 ।

𑌤𑍍𑌵𑌯𑌿 𑌨𑍃𑌤𑍍𑌯𑌤𑌿 𑌮𑌾𑌰𑍁𑌤𑌗𑍇𑌹𑌪𑌤𑍇

𑌪𑌰𑌿𑌪𑌾𑌹𑌿 𑌸 𑌮𑌾𑌂 𑌤𑍍𑌵𑌮𑌦𑌾𑌨𑍍𑌤𑌗𑌦𑌾𑌤𑍍 ॥10॥

Roman (IAST) Transliteration

atha vāriṇi ghorataraṃ phaṇinaṃ

prativārayituṃ kṛtadhīrbhagavan |

drutamāritha tīraganīpataruṃ

viṣamārutaśoṣitaparṇacayam ||1||

adhiruhya padāmburuheṇa ca taṃ

navapallavatulyamanojñarucā |

hradavāriṇi dūrataraṃ nyapataḥ

parighūrṇitaghorataraṅggaṇe ||2||

bhuvanatrayabhārabhṛto bhavato

gurubhāravikampivijṛmbhijalā |

parimajjayati sma dhanuśśatakaṃ

taṭinī jhaṭiti sphuṭaghoṣavatī ||3||

atha dikṣu vidikṣu parikṣubhita-

bhramitodaravārininādabharaiḥ |

udakādudagāduragādhipati-

stvadupāntamaśāntaruṣā'ndhamanāḥ ||4||

phaṇaśṛṅgasahasravinissṛmara-

jvaladagnikaṇograviṣāmbudharam |

purataḥ phaṇinaṃ samalokayathā

bahuśṛṅgiṇamañjanaśailamiva ||5||

jvaladakṣi parikṣaradugraviṣa-

śvasanoṣmabharaḥ sa mahābhujagaḥ |

paridaśya bhavantamanantabalaṃ

samaveṣṭayadasphuṭaceṣṭamaho ||6||

avilokya bhavantamathākulite

taṭagāmini bālakadhenugaṇe |

vrajagehatale'pyanimittaśataṃ

samudīkṣya gatā yamunāṃ paśupāḥ ||7||

akhileṣu vibho bhavadīya daśā-

mavalokya jihāsuṣu jīvabharam |

phaṇibandhanamāśu vimucya javā-

dudagamyata hāsajuṣā bhavatā ||8||

adhiruhya tataḥ phaṇirājaphaṇān

nanṛte bhavatā mṛdupādarucā |

kalaśiñjitanūpuramañjumila-

tkarakaṅkaṇasaṅkulasaṅkvaṇitam ||9||

jahṛṣuḥ paśupāstutuṣurmunayo

vavṛṣuḥ kusumāni surendragaṇāḥ |

tvayi nṛtyati mārutagehapate

paripāhi sa māṃ tvamadāntagadāt ||10||

Sanskrit — Devanagari (original)

अथ वारिणि घोरतरं फणिनं

प्रतिवारयितुं कृतधीर्भगवन् ।

द्रुतमारिथ तीरगनीपतरुं

विषमारुतशोषितपर्णचयम् ॥1॥

अधिरुह्य पदाम्बुरुहेण च तं

नवपल्लवतुल्यमनोज्ञरुचा ।

ह्रदवारिणि दूरतरं न्यपतः

परिघूर्णितघोरतरङ्ग्गणे ॥2॥

भुवनत्रयभारभृतो भवतो

गुरुभारविकम्पिविजृम्भिजला ।

परिमज्जयति स्म धनुश्शतकं

तटिनी झटिति स्फुटघोषवती ॥3॥

अथ दिक्षु विदिक्षु परिक्षुभित-

भ्रमितोदरवारिनिनादभरैः ।

उदकादुदगादुरगाधिपति-

स्त्वदुपान्तमशान्तरुषाऽन्धमनाः ॥4॥

फणशृङ्गसहस्रविनिस्सृमर-

ज्वलदग्निकणोग्रविषाम्बुधरम् ।

पुरतः फणिनं समलोकयथा

बहुशृङ्गिणमञ्जनशैलमिव ॥5॥

ज्वलदक्षि परिक्षरदुग्रविष-

श्वसनोष्मभरः स महाभुजगः ।

परिदश्य भवन्तमनन्तबलं

समवेष्टयदस्फुटचेष्टमहो ॥6॥

अविलोक्य भवन्तमथाकुलिते

तटगामिनि बालकधेनुगणे ।

व्रजगेहतलेऽप्यनिमित्तशतं

समुदीक्ष्य गता यमुनां पशुपाः ॥7॥

अखिलेषु विभो भवदीय दशा-

मवलोक्य जिहासुषु जीवभरम् ।

फणिबन्धनमाशु विमुच्य जवा-

दुदगम्यत हासजुषा भवता ॥8॥

अधिरुह्य ततः फणिराजफणान्

ननृते भवता मृदुपादरुचा ।

कलशिञ्जितनूपुरमञ्जुमिल-

त्करकङ्कणसङ्कुलसङ्क्वणितम् ॥9॥

जहृषुः पशुपास्तुतुषुर्मुनयो

ववृषुः कुसुमानि सुरेन्द्रगणाः ।

त्वयि नृत्यति मारुतगेहपते

परिपाहि स मां त्वमदान्तगदात् ॥10॥