Narayaniyam Dashaka 55 - Kaliyanartanam — Oriya Script

ଅଥ ଵାରିଣି ଘୋରତରଂ ଫଣିନଂ

ପ୍ରତିଵାରଯିତୁଂ କୃତଧୀର୍ଭଗଵନ୍ ।

ଦ୍ରୁତମାରିଥ ତୀରଗନୀପତରୁଂ

ଵିଷମାରୁତଶୋଷିତପର୍ଣଚଯମ୍ ॥1॥

ଅଧିରୁହ୍ଯ ପଦାମ୍ବୁରୁହେଣ ଚ ତଂ

ନଵପଲ୍ଲଵତୁଲ୍ଯମନୋଜ୍ଞରୁଚା ।

ହ୍ରଦଵାରିଣି ଦୂରତରଂ ନ୍ଯପତଃ

ପରିଘୂର୍ଣିତଘୋରତରଙ୍ଗ୍ଗଣେ ॥2॥

ଭୁଵନତ୍ରଯଭାରଭୃତୋ ଭଵତୋ

ଗୁରୁଭାରଵିକମ୍ପିଵିଜୃମ୍ଭିଜଲା ।

ପରିମଜ୍ଜଯତି ସ୍ମ ଧନୁଶ୍ଶତକଂ

ତଟିନୀ ଝଟିତି ସ୍ଫୁଟଘୋଷଵତୀ ॥3॥

ଅଥ ଦିକ୍ଷୁ ଵିଦିକ୍ଷୁ ପରିକ୍ଷୁଭିତ-

ଭ୍ରମିତୋଦରଵାରିନିନାଦଭରୈଃ ।

ଉଦକାଦୁଦଗାଦୁରଗାଧିପତି-

ସ୍ତ୍ଵଦୁପାନ୍ତମଶାନ୍ତରୁଷାଽନ୍ଧମନାଃ ॥4॥

ଫଣଶୃଙ୍ଗସହସ୍ରଵିନିସ୍ସୃମର-

ଜ୍ଵଲଦଗ୍ନିକଣୋଗ୍ରଵିଷାମ୍ବୁଧରମ୍ ।

ପୁରତଃ ଫଣିନଂ ସମଲୋକଯଥା

ବହୁଶୃଙ୍ଗିଣମଞ୍ଜନଶୈଲମିଵ ॥5॥

ଜ୍ଵଲଦକ୍ଷି ପରିକ୍ଷରଦୁଗ୍ରଵିଷ-

ଶ୍ଵସନୋଷ୍ମଭରଃ ସ ମହାଭୁଜଗଃ ।

ପରିଦଶ୍ଯ ଭଵନ୍ତମନନ୍ତବଲଂ

ସମଵେଷ୍ଟଯଦସ୍ଫୁଟଚେଷ୍ଟମହୋ ॥6॥

ଅଵିଲୋକ୍ଯ ଭଵନ୍ତମଥାକୁଲିତେ

ତଟଗାମିନି ବାଲକଧେନୁଗଣେ ।

ଵ୍ରଜଗେହତଲେଽପ୍ଯନିମିତ୍ତଶତଂ

ସମୁଦୀକ୍ଷ୍ଯ ଗତା ଯମୁନାଂ ପଶୁପାଃ ॥7॥

ଅଖିଲେଷୁ ଵିଭୋ ଭଵଦୀଯ ଦଶା-

ମଵଲୋକ୍ଯ ଜିହାସୁଷୁ ଜୀଵଭରମ୍ ।

ଫଣିବନ୍ଧନମାଶୁ ଵିମୁଚ୍ଯ ଜଵା-

ଦୁଦଗମ୍ଯତ ହାସଜୁଷା ଭଵତା ॥8॥

ଅଧିରୁହ୍ଯ ତତଃ ଫଣିରାଜଫଣାନ୍

ନନୃତେ ଭଵତା ମୃଦୁପାଦରୁଚା ।

କଲଶିଞ୍ଜିତନୂପୁରମଞ୍ଜୁମିଲ-

ତ୍କରକଙ୍କଣସଙ୍କୁଲସଙ୍କ୍ଵଣିତମ୍ ॥9॥

ଜହୃଷୁଃ ପଶୁପାସ୍ତୁତୁଷୁର୍ମୁନଯୋ

ଵଵୃଷୁଃ କୁସୁମାନି ସୁରେନ୍ଦ୍ରଗଣାଃ ।

ତ୍ଵଯି ନୃତ୍ଯତି ମାରୁତଗେହପତେ

ପରିପାହି ସ ମାଂ ତ୍ଵମଦାନ୍ତଗଦାତ୍ ॥10॥

Roman (IAST) Transliteration

atha vāriṇi ghorataraṃ phaṇinaṃ

prativārayituṃ kṛtadhīrbhagavan |

drutamāritha tīraganīpataruṃ

viṣamārutaśoṣitaparṇacayam ||1||

adhiruhya padāmburuheṇa ca taṃ

navapallavatulyamanojñarucā |

hradavāriṇi dūrataraṃ nyapataḥ

parighūrṇitaghorataraṅggaṇe ||2||

bhuvanatrayabhārabhṛto bhavato

gurubhāravikampivijṛmbhijalā |

parimajjayati sma dhanuśśatakaṃ

taṭinī jhaṭiti sphuṭaghoṣavatī ||3||

atha dikṣu vidikṣu parikṣubhita-

bhramitodaravārininādabharaiḥ |

udakādudagāduragādhipati-

stvadupāntamaśāntaruṣā'ndhamanāḥ ||4||

phaṇaśṛṅgasahasravinissṛmara-

jvaladagnikaṇograviṣāmbudharam |

purataḥ phaṇinaṃ samalokayathā

bahuśṛṅgiṇamañjanaśailamiva ||5||

jvaladakṣi parikṣaradugraviṣa-

śvasanoṣmabharaḥ sa mahābhujagaḥ |

paridaśya bhavantamanantabalaṃ

samaveṣṭayadasphuṭaceṣṭamaho ||6||

avilokya bhavantamathākulite

taṭagāmini bālakadhenugaṇe |

vrajagehatale'pyanimittaśataṃ

samudīkṣya gatā yamunāṃ paśupāḥ ||7||

akhileṣu vibho bhavadīya daśā-

mavalokya jihāsuṣu jīvabharam |

phaṇibandhanamāśu vimucya javā-

dudagamyata hāsajuṣā bhavatā ||8||

adhiruhya tataḥ phaṇirājaphaṇān

nanṛte bhavatā mṛdupādarucā |

kalaśiñjitanūpuramañjumila-

tkarakaṅkaṇasaṅkulasaṅkvaṇitam ||9||

jahṛṣuḥ paśupāstutuṣurmunayo

vavṛṣuḥ kusumāni surendragaṇāḥ |

tvayi nṛtyati mārutagehapate

paripāhi sa māṃ tvamadāntagadāt ||10||

Sanskrit — Devanagari (original)

अथ वारिणि घोरतरं फणिनं

प्रतिवारयितुं कृतधीर्भगवन् ।

द्रुतमारिथ तीरगनीपतरुं

विषमारुतशोषितपर्णचयम् ॥1॥

अधिरुह्य पदाम्बुरुहेण च तं

नवपल्लवतुल्यमनोज्ञरुचा ।

ह्रदवारिणि दूरतरं न्यपतः

परिघूर्णितघोरतरङ्ग्गणे ॥2॥

भुवनत्रयभारभृतो भवतो

गुरुभारविकम्पिविजृम्भिजला ।

परिमज्जयति स्म धनुश्शतकं

तटिनी झटिति स्फुटघोषवती ॥3॥

अथ दिक्षु विदिक्षु परिक्षुभित-

भ्रमितोदरवारिनिनादभरैः ।

उदकादुदगादुरगाधिपति-

स्त्वदुपान्तमशान्तरुषाऽन्धमनाः ॥4॥

फणशृङ्गसहस्रविनिस्सृमर-

ज्वलदग्निकणोग्रविषाम्बुधरम् ।

पुरतः फणिनं समलोकयथा

बहुशृङ्गिणमञ्जनशैलमिव ॥5॥

ज्वलदक्षि परिक्षरदुग्रविष-

श्वसनोष्मभरः स महाभुजगः ।

परिदश्य भवन्तमनन्तबलं

समवेष्टयदस्फुटचेष्टमहो ॥6॥

अविलोक्य भवन्तमथाकुलिते

तटगामिनि बालकधेनुगणे ।

व्रजगेहतलेऽप्यनिमित्तशतं

समुदीक्ष्य गता यमुनां पशुपाः ॥7॥

अखिलेषु विभो भवदीय दशा-

मवलोक्य जिहासुषु जीवभरम् ।

फणिबन्धनमाशु विमुच्य जवा-

दुदगम्यत हासजुषा भवता ॥8॥

अधिरुह्य ततः फणिराजफणान्

ननृते भवता मृदुपादरुचा ।

कलशिञ्जितनूपुरमञ्जुमिल-

त्करकङ्कणसङ्कुलसङ्क्वणितम् ॥9॥

जहृषुः पशुपास्तुतुषुर्मुनयो

ववृषुः कुसुमानि सुरेन्द्रगणाः ।

त्वयि नृत्यति मारुतगेहपते

परिपाहि स मां त्वमदान्तगदात् ॥10॥