Narayaniyam Dashakam 73 — Oriya Script

Meaning —

ନିଶମଯ୍ଯ ତଵାଥ ଯାନଵାର୍ତାଂ ଭୃଶମାର୍ତାଃ ପଶୁପାଲବାଲିକାସ୍ତାଃ ।
କିମିଦଂ କିମିଦଂ କଥଂ ନ୍ଵିତୀମାଃ ସମଵେତାଃ ପରିଦେଵିତାନ୍ଯକୁର୍ଵନ୍ ॥1॥

niśamayya tavātha yānavārtāṃ bhṛśamārtāḥ paśupālabālikāstāḥ |
kimidaṃ kimidaṃ kathaṃ nvitīmāḥ samavetāḥ paridevitānyakurvan ||1||

Verse 2

କରୁଣାନିଧିରେଷ ନନ୍ଦସୂନୁଃ କଥମସ୍ମାନ୍ ଵିସୃଜେଦନନ୍ଯନାଥାଃ ।
ବତ ନଃ କିମୁ ଦୈଵମେଵମାସୀଦିତି ତାସ୍ତ୍ଵଦ୍ଗତମାନସା ଵିଲେପୁଃ ॥2॥

karuṇānidhireṣa nandasūnuḥ kathamasmān visṛjedananyanāthāḥ |
bata naḥ kimu daivamevamāsīditi tāstvadgatamānasā vilepuḥ ||2||

Verse 3

ଚରମପ୍ରହରେ ପ୍ରତିଷ୍ଠମାନଃ ସହ ପିତ୍ରା ନିଜମିତ୍ରମଣ୍ଡଲୈଶ୍ଚ ।
ପରିତାପଭରଂ ନିତମ୍ବିନୀନାଂ ଶମଯିଷ୍ଯନ୍ ଵ୍ଯମୁଚଃ ସଖାଯମେକମ୍ ॥3॥

caramaprahare pratiṣṭhamānaḥ saha pitrā nijamitramaṇḍalaiśca |
paritāpabharaṃ nitambinīnāṃ śamayiṣyan vyamucaḥ sakhāyamekam ||3||

Verse 4

ଅଚିରାଦୁପଯାମି ସନ୍ନିଧିଂ ଵୋ ଭଵିତା ସାଧୁ ମଯୈଵ ସଙ୍ଗମଶ୍ରୀଃ ।
ଅମୃତାମ୍ବୁନିଧୌ ନିମଜ୍ଜଯିଷ୍ଯେ ଦ୍ରୁତମିତ୍ଯାଶ୍ଵସିତା ଵଧୂରକାର୍ଷୀଃ ॥4॥

acirādupayāmi sannidhiṃ vo bhavitā sādhu mayaiva saṅgamaśrīḥ |
amṛtāmbunidhau nimajjayiṣye drutamityāśvasitā vadhūrakārṣīḥ ||4||

Verse 5

ସଵିଷାଦଭରଂ ସଯାଚ୍ଞମୁଚ୍ଚୈଃ ଅତିଦୂରଂ ଵନିତାଭିରୀକ୍ଷ୍ଯମାଣଃ ।
ମୃଦୁ ତଦ୍ଦିଶି ପାତଯନ୍ନପାଙ୍ଗାନ୍ ସବଲୋଽକ୍ରୂରରଥେନ ନିର୍ଗତୋଽଭୂଃ ॥5॥

saviṣādabharaṃ sayācñamuccaiḥ atidūraṃ vanitābhirīkṣyamāṇaḥ |
mṛdu taddiśi pātayannapāṅgān sabalo'krūrarathena nirgato'bhūḥ ||5||

Verse 6

ଅନସା ବହୁଲେନ ଵଲ୍ଲଵାନାଂ ମନସା ଚାନୁଗତୋଽଥ ଵଲ୍ଲଭାନାମ୍ ।
ଵନମାର୍ତମୃଗଂ ଵିଷଣ୍ଣଵୃକ୍ଷଂ ସମତୀତୋ ଯମୁନାତଟୀମଯାସୀଃ ॥6॥

anasā bahulena vallavānāṃ manasā cānugato'tha vallabhānām |
vanamārtamṛgaṃ viṣaṇṇavṛkṣaṃ samatīto yamunātaṭīmayāsīḥ ||6||

Verse 7

ନିଯମାଯ ନିମଜ୍ଯ ଵାରିଣି ତ୍ଵାମଭିଵୀକ୍ଷ୍ଯାଥ ରଥେଽପି ଗାନ୍ଦିନେଯଃ ।
ଵିଵଶୋଽଜନି କିଂ ନ୍ଵିଦଂ ଵିଭୋସ୍ତେ ନନୁ ଚିତ୍ରଂ ତ୍ଵଵଲୋକନଂ ସମନ୍ତାତ୍ ॥7॥

niyamāya nimajya vāriṇi tvāmabhivīkṣyātha rathe'pi gāndineyaḥ |
vivaśo'jani kiṃ nvidaṃ vibhoste nanu citraṃ tvavalokanaṃ samantāt ||7||

Verse 8

ପୁନରେଷ ନିମଜ୍ଯ ପୁଣ୍ଯଶାଲୀ ପୁରୁଷଂ ତ୍ଵାଂ ପରମଂ ଭୁଜଙ୍ଗଭୋଗେ ।
ଅରିକମ୍ବୁଗଦାମ୍ବୁଜୈଃ ସ୍ଫୁରନ୍ତଂ ସୁରସିଦ୍ଧୌଘପରୀତମାଲୁଲୋକେ ॥8॥

punareṣa nimajya puṇyaśālī puruṣaṃ tvāṃ paramaṃ bhujaṅgabhoge |
arikambugadāmbujaiḥ sphurantaṃ surasiddhaughaparītamāluloke ||8||

Verse 9

ସ ତଦା ପରମାତ୍ମସୌଖ୍ଯସିନ୍ଧୌ ଵିନିମଗ୍ନଃ ପ୍ରଣୁଵନ୍ ପ୍ରକାରଭେଦୈଃ ।
ଅଵିଲୋକ୍ଯ ପୁନଶ୍ଚ ହର୍ଷସିନ୍ଧୋରନୁଵୃତ୍ତ୍ଯା ପୁଲକାଵୃତୋ ଯଯୌ ତ୍ଵାମ୍ ॥9॥

sa tadā paramātmasaukhyasindhau vinimagnaḥ praṇuvan prakārabhedaiḥ |
avilokya punaśca harṣasindhoranuvṛttyā pulakāvṛto yayau tvām ||9||

Verse 10

କିମୁ ଶୀତଲିମା ମହାନ୍ ଜଲେ ଯତ୍ ପୁଲକୋଽସାଵିତି ଚୋଦିତେନ ତେନ ।
ଅତିହର୍ଷନିରୁତ୍ତରେଣ ସାର୍ଧଂ ରଥଵାସୀ ପଵନେଶ ପାହି ମାଂ ତ୍ଵମ୍ ॥10॥

kimu śītalimā mahān jale yat pulako'sāviti coditena tena |
atiharṣaniruttareṇa sārdhaṃ rathavāsī pavaneśa pāhi māṃ tvam ||10||

Sanskrit — Devanagari (original)

निशमय्य तवाथ यानवार्तां भृशमार्ताः पशुपालबालिकास्ताः ।

किमिदं किमिदं कथं न्वितीमाः समवेताः परिदेवितान्यकुर्वन् ॥1॥

करुणानिधिरेष नन्दसूनुः कथमस्मान् विसृजेदनन्यनाथाः ।

बत नः किमु दैवमेवमासीदिति तास्त्वद्गतमानसा विलेपुः ॥2॥

चरमप्रहरे प्रतिष्ठमानः सह पित्रा निजमित्रमण्डलैश्च ।

परितापभरं नितम्बिनीनां शमयिष्यन् व्यमुचः सखायमेकम् ॥3॥

अचिरादुपयामि सन्निधिं वो भविता साधु मयैव सङ्गमश्रीः ।

अमृताम्बुनिधौ निमज्जयिष्ये द्रुतमित्याश्वसिता वधूरकार्षीः ॥4॥

सविषादभरं सयाच्ञमुच्चैः अतिदूरं वनिताभिरीक्ष्यमाणः ।

मृदु तद्दिशि पातयन्नपाङ्गान् सबलोऽक्रूररथेन निर्गतोऽभूः ॥5॥

अनसा बहुलेन वल्लवानां मनसा चानुगतोऽथ वल्लभानाम् ।

वनमार्तमृगं विषण्णवृक्षं समतीतो यमुनातटीमयासीः ॥6॥

नियमाय निमज्य वारिणि त्वामभिवीक्ष्याथ रथेऽपि गान्दिनेयः ।

विवशोऽजनि किं न्विदं विभोस्ते ननु चित्रं त्ववलोकनं समन्तात् ॥7॥

पुनरेष निमज्य पुण्यशाली पुरुषं त्वां परमं भुजङ्गभोगे ।

अरिकम्बुगदाम्बुजैः स्फुरन्तं सुरसिद्धौघपरीतमालुलोके ॥8॥

स तदा परमात्मसौख्यसिन्धौ विनिमग्नः प्रणुवन् प्रकारभेदैः ।

अविलोक्य पुनश्च हर्षसिन्धोरनुवृत्त्या पुलकावृतो ययौ त्वाम् ॥9॥

किमु शीतलिमा महान् जले यत् पुलकोऽसाविति चोदितेन तेन ।

अतिहर्षनिरुत्तरेण सार्धं रथवासी पवनेश पाहि मां त्वम् ॥10॥

🕉️ This is the original Sanskrit rendered in Oriya script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

ନାରାଯଣୀଯଂ ଦଶକ 73 - ଶ୍ରୀକୃଷ୍ଣସ୍ଯ ମଥୁରାଯାତ୍ରା