ପ୍ରାତଃ ସନ୍ତ୍ରସ୍ତଭୋଜକ୍ଷିତିପତିଵଚସା ପ୍ରସ୍ତୁତେ ମଲ୍ଲତୂର୍ଯେ
ସଙ୍ଘେ ରାଜ୍ଞାଂ ଚ ମଞ୍ଚାନଭିଯଯୁଷି ଗତେ ନନ୍ଦଗୋପେଽପି ହର୍ମ୍ଯମ୍ ।
କଂସେ ସୌଧାଧିରୂଢେ ତ୍ଵମପି ସହବଲଃ ସାନୁଗଶ୍ଚାରୁଵେଷୋ
ରଙ୍ଗଦ୍ଵାରଂ ଗତୋଽଭୂଃ କୁପିତକୁଵଲଯାପୀଡନାଗାଵଲୀଢମ୍ ॥1॥
ପାପିଷ୍ଠାପେହି ମାର୍ଗାଦ୍ଦ୍ରୁତମିତି ଵଚସା ନିଷ୍ଠୁରକ୍ରୁଦ୍ଧବୁଦ୍ଧେ-
ରମ୍ବଷ୍ଠସ୍ଯ ପ୍ରଣୋଦାଦଧିକଜଵଜୁଷା ହସ୍ତିନା ଗୃହ୍ଯମାଣଃ ।
କେଲୀମୁକ୍ତୋଽଥ ଗୋପୀକୁଚକଲଶଚିରସ୍ପର୍ଧିନଂ କୁମ୍ଭମସ୍ଯ
ଵ୍ଯାହତ୍ଯାଲୀଯଥାସ୍ତ୍ଵଂ ଚରଣଭୁଵି ପୁନର୍ନିର୍ଗତୋ ଵଲ୍ଗୁହାସୀ ॥2॥
ହସ୍ତପ୍ରାପ୍ଯୋଽପ୍ଯଗମ୍ଯୋ ଝଟିତି ମୁନିଜନସ୍ଯେଵ ଧାଵନ୍ ଗଜେନ୍ଦ୍ରଂ
କ୍ରୀଡନ୍ନାପାତ୍ଯ ଭୂମୌ ପୁନରଭିପତତସ୍ତସ୍ଯ ଦନ୍ତଂ ସଜୀଵମ୍ ।
ମୂଲାଦୁନ୍ମୂଲ୍ଯ ତନ୍ମୂଲଗମହିତମହାମୌକ୍ତିକାନ୍ଯାତ୍ମମିତ୍ରେ
ପ୍ରାଦାସ୍ତ୍ଵଂ ହାରମେଭିର୍ଲଲିତଵିରଚିତଂ ରାଧିକାଯୈ ଦିଶେତି ॥3॥
ଗୃହ୍ଣାନଂ ଦନ୍ତମଂସେ ଯୁତମଥ ହଲିନା ରଙ୍ଗମଙ୍ଗାଵିଶନ୍ତଂ
ତ୍ଵାଂ ମଙ୍ଗଲ୍ଯାଙ୍ଗଭଙ୍ଗୀରଭସହୃତମନୋଲୋଚନା ଵୀକ୍ଷ୍ଯ ଲୋକାଃ ।
ହଂହୋ ଧନ୍ଯୋ ହି ନନ୍ଦୋ ନହି ନହି ପଶୁପାଲାଙ୍ଗନା ନୋ ଯଶୋଦା
ନୋ ନୋ ଧନ୍ଯେକ୍ଷଣାଃ ସ୍ମସ୍ତ୍ରିଜଗତି ଵଯମେଵେତି ସର୍ଵେ ଶଶଂସୁଃ ॥4॥
ପୂର୍ଣଂ ବ୍ରହ୍ମୈଵ ସାକ୍ଷାନ୍ନିରଵଧି ପରମାନନ୍ଦସାନ୍ଦ୍ରପ୍ରକାଶଂ
ଗୋପେଶୁ ତ୍ଵଂ ଵ୍ଯଲାସୀର୍ନ ଖଲୁ ବହୁଜନୈସ୍ତାଵଦାଵେଦିତୋଽଭୂଃ ।
ଦୃଷ୍ଟ୍ଵାଽଥ ତ୍ଵାଂ ତଦେଦମ୍ପ୍ରଥମମୁପଗତେ ପୁଣ୍ଯକାଲେ ଜନୌଘାଃ
ପୂର୍ଣାନନ୍ଦା ଵିପାପାଃ ସରସମଭିଜଗୁସ୍ତ୍ଵତ୍କୃତାନି ସ୍ମୃତାନି ॥5॥
ଚାଣୂରୋ ମଲ୍ଲଵୀରସ୍ତଦନୁ ନୃପଗିରା ମୁଷ୍ଟିକୋ ମୁଷ୍ଟିଶାଲୀ
ତ୍ଵାଂ ରାମଂ ଚାଭିପେଦେ ଝଟଝଟିତି ମିଥୋ ମୁଷ୍ଟିପାତାତିରୂକ୍ଷମ୍ ।
ଉତ୍ପାତାପାତନାକର୍ଷଣଵିଵିଧରଣାନ୍ଯାସତାଂ ତତ୍ର ଚିତ୍ରଂ
ମୃତ୍ଯୋଃ ପ୍ରାଗେଵ ମଲ୍ଲପ୍ରଭୁରଗମଦଯଂ ଭୂରିଶୋ ବନ୍ଧମୋକ୍ଷାନ୍ ॥6॥
ହା ଧିକ୍ କଷ୍ଟଂ କୁମାରୌ ସୁଲଲିତଵପୁଷୌ ମଲ୍ଲଵୀରୌ କଠୋରୌ
ନ ଦ୍ରକ୍ଷ୍ଯାମୋ ଵ୍ରଜାମସ୍ତ୍ଵରିତମିତି ଜନେ ଭାଷମାଣେ ତଦାନୀମ୍ ।
ଚାଣୂରଂ ତଂ କରୋଦ୍ଭ୍ରାମଣଵିଗଲଦସୁଂ ପୋଥଯାମାସିଥୋର୍ଵ୍ଯାଂ
ପିଷ୍ଟୋଽଭୂନ୍ମୁଷ୍ଟିକୋଽପି ଦ୍ରୁତମଥ ହଲିନା ନଷ୍ଟଶିଷ୍ଟୈର୍ଦଧାଵେ ॥7॥
କଂସ ସଂଵାର୍ଯ ତୂର୍ଯଂ ଖଲମତିରଵିଦନ୍ କାର୍ଯମାର୍ଯାନ୍ ପିତୃଂସ୍ତା-
ନାହନ୍ତୁଂ ଵ୍ଯାପ୍ତମୂର୍ତେସ୍ତଵ ଚ ସମଶିଷଦ୍ଦୂରମୁତ୍ସାରଣାଯ ।
ରୁଷ୍ଟୋ ଦୁଷ୍ଟୋକ୍ତିଭିସ୍ତ୍ଵଂ ଗରୁଡ ଇଵ ଗିରିଂ ମଞ୍ଚମଞ୍ଚନ୍ନୁଦଞ୍ଚତ୍-
ଖଡ୍ଗଵ୍ଯାଵଲ୍ଗଦୁସ୍ସଙ୍ଗ୍ରହମପି ଚ ହଠାତ୍ ପ୍ରାଗ୍ରହୀରୌଗ୍ରସେନିମ୍ ॥8॥
ସଦ୍ଯୋ ନିଷ୍ପିଷ୍ଟସନ୍ଧିଂ ଭୁଵି ନରପତିମାପାତ୍ଯ ତସ୍ଯୋପରିଷ୍ଟା-
ତ୍ତ୍ଵଯ୍ଯାପାତ୍ଯେ ତଦୈଵ ତ୍ଵଦୁପରି ପତିତା ନାକିନାଂ ପୁଷ୍ପଵୃଷ୍ଟିଃ ।
କିଂ କିଂ ବ୍ରୂମସ୍ତଦାନୀଂ ସତତମପି ଭିଯା ତ୍ଵଦ୍ଗତାତ୍ମା ସ ଭେଜେ
ସାଯୁଜ୍ଯଂ ତ୍ଵଦ୍ଵଧୋତ୍ଥା ପରମ ପରମିଯଂ ଵାସନା କାଲନେମେଃ ॥9॥
ତଦ୍ଭ୍ରାତୃନଷ୍ଟ ପିଷ୍ଟ୍ଵା ଦ୍ରୁତମଥ ପିତରୌ ସନ୍ନମନ୍ନୁଗ୍ରସେନଂ
କୃତ୍ଵା ରାଜାନମୁଚ୍ଚୈର୍ଯଦୁକୁଲମଖିଲଂ ମୋଦଯନ୍ କାମଦାନୈଃ ।
ଭକ୍ତାନାମୁତ୍ତମଂ ଚୋଦ୍ଧଵମମରଗୁରୋରାପ୍ତନୀତିଂ ସଖାଯଂ
ଲବ୍ଧ୍ଵା ତୁଷ୍ଟୋ ନଗର୍ଯାଂ ପଵନପୁରପତେ ରୁନ୍ଧି ମେ ସର୍ଵରୋଗାନ୍ ॥10॥
Roman (IAST) Transliteration
prātaḥ santrastabhojakṣitipativacasā prastute mallatūrye
saṅghe rājñāṃ ca mañcānabhiyayuṣi gate nandagope'pi harmyam |
kaṃse saudhādhirūḍhe tvamapi sahabalaḥ sānugaścāruveṣo
raṅgadvāraṃ gato'bhūḥ kupitakuvalayāpīḍanāgāvalīḍham ||1||
pāpiṣṭhāpehi mārgāddrutamiti vacasā niṣṭhurakruddhabuddhe-
rambaṣṭhasya praṇodādadhikajavajuṣā hastinā gṛhyamāṇaḥ |
kelīmukto'tha gopīkucakalaśaciraspardhinaṃ kumbhamasya
vyāhatyālīyathāstvaṃ caraṇabhuvi punarnirgato valguhāsī ||2||
hastaprāpyo'pyagamyo jhaṭiti munijanasyeva dhāvan gajendraṃ
krīḍannāpātya bhūmau punarabhipatatastasya dantaṃ sajīvam |
mūlādunmūlya tanmūlagamahitamahāmauktikānyātmamitre
prādāstvaṃ hāramebhirlalitaviracitaṃ rādhikāyai diśeti ||3||
gṛhṇānaṃ dantamaṃse yutamatha halinā raṅgamaṅgāviśantaṃ
tvāṃ maṅgalyāṅgabhaṅgīrabhasahṛtamanolocanā vīkṣya lokāḥ |
haṃho dhanyo hi nando nahi nahi paśupālāṅganā no yaśodā
no no dhanyekṣaṇāḥ smastrijagati vayameveti sarve śaśaṃsuḥ ||4||
pūrṇaṃ brahmaiva sākṣānniravadhi paramānandasāndraprakāśaṃ
gopeśu tvaṃ vyalāsīrna khalu bahujanaistāvadāvedito'bhūḥ |
dṛṣṭvā'tha tvāṃ tadedamprathamamupagate puṇyakāle janaughāḥ
pūrṇānandā vipāpāḥ sarasamabhijagustvatkṛtāni smṛtāni ||5||
cāṇūro mallavīrastadanu nṛpagirā muṣṭiko muṣṭiśālī
tvāṃ rāmaṃ cābhipede jhaṭajhaṭiti mitho muṣṭipātātirūkṣam |
utpātāpātanākarṣaṇavividharaṇānyāsatāṃ tatra citraṃ
mṛtyoḥ prāgeva mallaprabhuragamadayaṃ bhūriśo bandhamokṣān ||6||
hā dhik kaṣṭaṃ kumārau sulalitavapuṣau mallavīrau kaṭhorau
na drakṣyāmo vrajāmastvaritamiti jane bhāṣamāṇe tadānīm |
cāṇūraṃ taṃ karodbhrāmaṇavigaladasuṃ pothayāmāsithorvyāṃ
piṣṭo'bhūnmuṣṭiko'pi drutamatha halinā naṣṭaśiṣṭairdadhāve ||7||
kaṃsa saṃvārya tūryaṃ khalamatiravidan kāryamāryān pitṛṃstā-
nāhantuṃ vyāptamūrtestava ca samaśiṣaddūramutsāraṇāya |
ruṣṭo duṣṭoktibhistvaṃ garuḍa iva giriṃ mañcamañcannudañcat-
khaḍgavyāvalgadussaṅgrahamapi ca haṭhāt prāgrahīraugrasenim ||8||
sadyo niṣpiṣṭasandhiṃ bhuvi narapatimāpātya tasyopariṣṭā-
ttvayyāpātye tadaiva tvadupari patitā nākināṃ puṣpavṛṣṭiḥ |
kiṃ kiṃ brūmastadānīṃ satatamapi bhiyā tvadgatātmā sa bheje
sāyujyaṃ tvadvadhotthā parama paramiyaṃ vāsanā kālanemeḥ ||9||
tadbhrātṛnaṣṭa piṣṭvā drutamatha pitarau sannamannugrasenaṃ
kṛtvā rājānamuccairyadukulamakhilaṃ modayan kāmadānaiḥ |
bhaktānāmuttamaṃ coddhavamamaragurorāptanītiṃ sakhāyaṃ
labdhvā tuṣṭo nagaryāṃ pavanapurapate rundhi me sarvarogān ||10||
Sanskrit — Devanagari (original)
प्रातः सन्त्रस्तभोजक्षितिपतिवचसा प्रस्तुते मल्लतूर्ये
सङ्घे राज्ञां च मञ्चानभिययुषि गते नन्दगोपेऽपि हर्म्यम् ।
कंसे सौधाधिरूढे त्वमपि सहबलः सानुगश्चारुवेषो
रङ्गद्वारं गतोऽभूः कुपितकुवलयापीडनागावलीढम् ॥1॥
पापिष्ठापेहि मार्गाद्द्रुतमिति वचसा निष्ठुरक्रुद्धबुद्धे-
रम्बष्ठस्य प्रणोदादधिकजवजुषा हस्तिना गृह्यमाणः ।
केलीमुक्तोऽथ गोपीकुचकलशचिरस्पर्धिनं कुम्भमस्य
व्याहत्यालीयथास्त्वं चरणभुवि पुनर्निर्गतो वल्गुहासी ॥2॥
हस्तप्राप्योऽप्यगम्यो झटिति मुनिजनस्येव धावन् गजेन्द्रं
क्रीडन्नापात्य भूमौ पुनरभिपततस्तस्य दन्तं सजीवम् ।
मूलादुन्मूल्य तन्मूलगमहितमहामौक्तिकान्यात्ममित्रे
प्रादास्त्वं हारमेभिर्ललितविरचितं राधिकायै दिशेति ॥3॥
गृह्णानं दन्तमंसे युतमथ हलिना रङ्गमङ्गाविशन्तं
त्वां मङ्गल्याङ्गभङ्गीरभसहृतमनोलोचना वीक्ष्य लोकाः ।
हंहो धन्यो हि नन्दो नहि नहि पशुपालाङ्गना नो यशोदा
नो नो धन्येक्षणाः स्मस्त्रिजगति वयमेवेति सर्वे शशंसुः ॥4॥
पूर्णं ब्रह्मैव साक्षान्निरवधि परमानन्दसान्द्रप्रकाशं
गोपेशु त्वं व्यलासीर्न खलु बहुजनैस्तावदावेदितोऽभूः ।
दृष्ट्वाऽथ त्वां तदेदम्प्रथममुपगते पुण्यकाले जनौघाः
पूर्णानन्दा विपापाः सरसमभिजगुस्त्वत्कृतानि स्मृतानि ॥5॥
चाणूरो मल्लवीरस्तदनु नृपगिरा मुष्टिको मुष्टिशाली
त्वां रामं चाभिपेदे झटझटिति मिथो मुष्टिपातातिरूक्षम् ।
उत्पातापातनाकर्षणविविधरणान्यासतां तत्र चित्रं
मृत्योः प्रागेव मल्लप्रभुरगमदयं भूरिशो बन्धमोक्षान् ॥6॥
हा धिक् कष्टं कुमारौ सुललितवपुषौ मल्लवीरौ कठोरौ
न द्रक्ष्यामो व्रजामस्त्वरितमिति जने भाषमाणे तदानीम् ।
चाणूरं तं करोद्भ्रामणविगलदसुं पोथयामासिथोर्व्यां
पिष्टोऽभून्मुष्टिकोऽपि द्रुतमथ हलिना नष्टशिष्टैर्दधावे ॥7॥
कंस संवार्य तूर्यं खलमतिरविदन् कार्यमार्यान् पितृंस्ता-
नाहन्तुं व्याप्तमूर्तेस्तव च समशिषद्दूरमुत्सारणाय ।
रुष्टो दुष्टोक्तिभिस्त्वं गरुड इव गिरिं मञ्चमञ्चन्नुदञ्चत्-
खड्गव्यावल्गदुस्सङ्ग्रहमपि च हठात् प्राग्रहीरौग्रसेनिम् ॥8॥
सद्यो निष्पिष्टसन्धिं भुवि नरपतिमापात्य तस्योपरिष्टा-
त्त्वय्यापात्ये तदैव त्वदुपरि पतिता नाकिनां पुष्पवृष्टिः ।
किं किं ब्रूमस्तदानीं सततमपि भिया त्वद्गतात्मा स भेजे
सायुज्यं त्वद्वधोत्था परम परमियं वासना कालनेमेः ॥9॥
तद्भ्रातृनष्ट पिष्ट्वा द्रुतमथ पितरौ सन्नमन्नुग्रसेनं
कृत्वा राजानमुच्चैर्यदुकुलमखिलं मोदयन् कामदानैः ।
भक्तानामुत्तमं चोद्धवममरगुरोराप्तनीतिं सखायं
लब्ध्वा तुष्टो नगर्यां पवनपुरपते रुन्धि मे सर्वरोगान् ॥10॥
prātaḥ santrastabhojakṣitipativacasā prastute mallatūrye
saṅghe rājñāṃ ca mañcānabhiyayuṣi gate nandagope'pi harmyam |
kaṃse saudhādhirūḍhe tvamapi sahabalaḥ sānugaścāruveṣo
raṅgadvāraṃ gato'bhūḥ kupitakuvalayāpīḍanāgāvalīḍham ||1||
pāpiṣṭhāpehi mārgāddrutamiti vacasā niṣṭhurakruddhabuddhe-
rambaṣṭhasya praṇodādadhikajavajuṣā hastinā gṛhyamāṇaḥ |
kelīmukto'tha gopīkucakalaśaciraspardhinaṃ kumbhamasya
vyāhatyālīyathāstvaṃ caraṇabhuvi punarnirgato valguhāsī ||2||
hastaprāpyo'pyagamyo jhaṭiti munijanasyeva dhāvan gajendraṃ
krīḍannāpātya bhūmau punarabhipatatastasya dantaṃ sajīvam |
mūlādunmūlya tanmūlagamahitamahāmauktikānyātmamitre
prādāstvaṃ hāramebhirlalitaviracitaṃ rādhikāyai diśeti ||3||
gṛhṇānaṃ dantamaṃse yutamatha halinā raṅgamaṅgāviśantaṃ
tvāṃ maṅgalyāṅgabhaṅgīrabhasahṛtamanolocanā vīkṣya lokāḥ |
haṃho dhanyo hi nando nahi nahi paśupālāṅganā no yaśodā
no no dhanyekṣaṇāḥ smastrijagati vayameveti sarve śaśaṃsuḥ ||4||
pūrṇaṃ brahmaiva sākṣānniravadhi paramānandasāndraprakāśaṃ
gopeśu tvaṃ vyalāsīrna khalu bahujanaistāvadāvedito'bhūḥ |
dṛṣṭvā'tha tvāṃ tadedamprathamamupagate puṇyakāle janaughāḥ
pūrṇānandā vipāpāḥ sarasamabhijagustvatkṛtāni smṛtāni ||5||
cāṇūro mallavīrastadanu nṛpagirā muṣṭiko muṣṭiśālī
tvāṃ rāmaṃ cābhipede jhaṭajhaṭiti mitho muṣṭipātātirūkṣam |
utpātāpātanākarṣaṇavividharaṇānyāsatāṃ tatra citraṃ
mṛtyoḥ prāgeva mallaprabhuragamadayaṃ bhūriśo bandhamokṣān ||6||
hā dhik kaṣṭaṃ kumārau sulalitavapuṣau mallavīrau kaṭhorau
na drakṣyāmo vrajāmastvaritamiti jane bhāṣamāṇe tadānīm |
cāṇūraṃ taṃ karodbhrāmaṇavigaladasuṃ pothayāmāsithorvyāṃ
piṣṭo'bhūnmuṣṭiko'pi drutamatha halinā naṣṭaśiṣṭairdadhāve ||7||
kaṃsa saṃvārya tūryaṃ khalamatiravidan kāryamāryān pitṛṃstā-
nāhantuṃ vyāptamūrtestava ca samaśiṣaddūramutsāraṇāya |
ruṣṭo duṣṭoktibhistvaṃ garuḍa iva giriṃ mañcamañcannudañcat-
khaḍgavyāvalgadussaṅgrahamapi ca haṭhāt prāgrahīraugrasenim ||8||
sadyo niṣpiṣṭasandhiṃ bhuvi narapatimāpātya tasyopariṣṭā-
ttvayyāpātye tadaiva tvadupari patitā nākināṃ puṣpavṛṣṭiḥ |
kiṃ kiṃ brūmastadānīṃ satatamapi bhiyā tvadgatātmā sa bheje
sāyujyaṃ tvadvadhotthā parama paramiyaṃ vāsanā kālanemeḥ ||9||
tadbhrātṛnaṣṭa piṣṭvā drutamatha pitarau sannamannugrasenaṃ
kṛtvā rājānamuccairyadukulamakhilaṃ modayan kāmadānaiḥ |
bhaktānāmuttamaṃ coddhavamamaragurorāptanītiṃ sakhāyaṃ
labdhvā tuṣṭo nagaryāṃ pavanapurapate rundhi me sarvarogān ||10||
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.