ପୁରା ହଯଗ୍ରୀଵମହାସୁରେଣ ଷଷ୍ଠାନ୍ତରାନ୍ତୋଦ୍ଯଦକାଣ୍ଡକଲ୍ପେ ।
ନିଦ୍ରୋନ୍ମୁଖବ୍ରହ୍ମମୁଖାତ୍ ହୃତେଷୁ ଵେଦେଷ୍ଵଧିତ୍ସଃ କିଲ ମତ୍ସ୍ଯରୂପମ୍ ॥1॥
ସତ୍ଯଵ୍ରତସ୍ଯ ଦ୍ରମିଲାଧିଭର୍ତୁର୍ନଦୀଜଲେ ତର୍ପଯତସ୍ତଦାନୀମ୍ ।
କରାଞ୍ଜଲୌ ସଞ୍ଜ୍ଵଲିତାକୃତିସ୍ତ୍ଵମଦୃଶ୍ଯଥାଃ କଶ୍ଚନ ବାଲମୀନଃ ॥2॥
କ୍ଷିପ୍ତଂ ଜଲେ ତ୍ଵାଂ ଚକିତଂ ଵିଲୋକ୍ଯ ନିନ୍ଯେଽମ୍ବୁପାତ୍ରେଣ ମୁନିଃ ସ୍ଵଗେହମ୍ ।
ସ୍ଵଲ୍ପୈରହୋଭିଃ କଲଶୀଂ ଚ କୂପଂ ଵାପୀଂ ସରଶ୍ଚାନଶିଷେ ଵିଭୋ ତ୍ଵମ୍ ॥3॥
ଯୋଗପ୍ରଭାଵାଦ୍ଭଵଦାଜ୍ଞଯୈଵ ନୀତସ୍ତତସ୍ତ୍ଵଂ ମୁନିନା ପଯୋଧିମ୍ ।
ପୃଷ୍ଟୋଽମୁନା କଲ୍ପଦିଦୃକ୍ଷୁମେନଂ ସପ୍ତାହମାସ୍ଵେତି ଵଦନ୍ନଯାସୀଃ ॥4॥
ପ୍ରାପ୍ତେ ତ୍ଵଦୁକ୍ତେଽହନି ଵାରିଧାରାପରିପ୍ଲୁତେ ଭୂମିତଲେ ମୁନୀନ୍ଦ୍ରଃ ।
ସପ୍ତର୍ଷିଭିଃ ସାର୍ଧମପାରଵାରିଣ୍ଯୁଦ୍ଘୂର୍ଣମାନଃ ଶରଣଂ ଯଯୌ ତ୍ଵାମ୍ ॥5॥
ଧରାଂ ତ୍ଵଦାଦେଶକରୀମଵାପ୍ତାଂ ନୌରୂପିଣୀମାରୁରୁହୁସ୍ତଦା ତେ
ତତ୍କମ୍ପକମ୍ପ୍ରେଷୁ ଚ ତେଷୁ ଭୂଯସ୍ତ୍ଵମମ୍ବୁଧେରାଵିରଭୂର୍ମହୀଯାନ୍ ॥6॥
ଝଷାକୃତିଂ ଯୋଜନଲକ୍ଷଦୀର୍ଘାଂ ଦଧାନମୁଚ୍ଚୈସ୍ତରତେଜସଂ ତ୍ଵାମ୍ ।
ନିରୀକ୍ଷ୍ଯ ତୁଷ୍ଟା ମୁନଯସ୍ତ୍ଵଦୁକ୍ତ୍ଯା ତ୍ଵତ୍ତୁଙ୍ଗଶୃଙ୍ଗେ ତରଣିଂ ବବନ୍ଧୁଃ ॥7॥
ଆକୃଷ୍ଟନୌକୋ ମୁନିମଣ୍ଡଲାଯ ପ୍ରଦର୍ଶଯନ୍ ଵିଶ୍ଵଜଗଦ୍ଵିଭାଗାନ୍ ।
ସଂସ୍ତୂଯମାନୋ ନୃଵରେଣ ତେନ ଜ୍ଞାନଂ ପରଂ ଚୋପଦିଶନ୍ନଚାରୀଃ ॥8॥
କଲ୍ପାଵଧୌ ସପ୍ତମୁନୀନ୍ ପୁରୋଵତ୍ ପ୍ରସ୍ଥାପ୍ଯ ସତ୍ଯଵ୍ରତଭୂମିପଂ ତମ୍ ।
ଵୈଵସ୍ଵତାଖ୍ଯଂ ମନୁମାଦଧାନଃ କ୍ରୋଧାଦ୍ ହଯଗ୍ରୀଵମଭିଦ୍ରୁତୋଽଭୂଃ ॥9॥
ସ୍ଵତୁଙ୍ଗଶୃଙ୍ଗକ୍ଷତଵକ୍ଷସଂ ତଂ ନିପାତ୍ଯ ଦୈତ୍ଯଂ ନିଗମାନ୍ ଗୃହୀତ୍ଵା ।
ଵିରିଞ୍ଚଯେ ପ୍ରୀତହୃଦେ ଦଦାନଃ ପ୍ରଭଞ୍ଜନାଗାରପତେ ପ୍ରପାଯାଃ ॥10॥
Roman (IAST) Transliteration
purā hayagrīvamahāsureṇa ṣaṣṭhāntarāntodyadakāṇḍakalpe |
nidronmukhabrahmamukhāt hṛteṣu vedeṣvadhitsaḥ kila matsyarūpam ||1||
satyavratasya dramilādhibharturnadījale tarpayatastadānīm |
karāñjalau sañjvalitākṛtistvamadṛśyathāḥ kaścana bālamīnaḥ ||2||
kṣiptaṃ jale tvāṃ cakitaṃ vilokya ninye'mbupātreṇa muniḥ svageham |
svalpairahobhiḥ kalaśīṃ ca kūpaṃ vāpīṃ saraścānaśiṣe vibho tvam ||3||
yogaprabhāvādbhavadājñayaiva nītastatastvaṃ muninā payodhim |
pṛṣṭo'munā kalpadidṛkṣumenaṃ saptāhamāsveti vadannayāsīḥ ||4||
prāpte tvadukte'hani vāridhārāpariplute bhūmitale munīndraḥ |
saptarṣibhiḥ sārdhamapāravāriṇyudghūrṇamānaḥ śaraṇaṃ yayau tvām ||5||
dharāṃ tvadādeśakarīmavāptāṃ naurūpiṇīmāruruhustadā te
tatkampakampreṣu ca teṣu bhūyastvamambudherāvirabhūrmahīyān ||6||
jhaṣākṛtiṃ yojanalakṣadīrghāṃ dadhānamuccaistaratejasaṃ tvām |
nirīkṣya tuṣṭā munayastvaduktyā tvattuṅgaśṛṅge taraṇiṃ babandhuḥ ||7||
ākṛṣṭanauko munimaṇḍalāya pradarśayan viśvajagadvibhāgān |
saṃstūyamāno nṛvareṇa tena jñānaṃ paraṃ copadiśannacārīḥ ||8||
kalpāvadhau saptamunīn purovat prasthāpya satyavratabhūmipaṃ tam |
vaivasvatākhyaṃ manumādadhānaḥ krodhād hayagrīvamabhidruto'bhūḥ ||9||
svatuṅgaśṛṅgakṣatavakṣasaṃ taṃ nipātya daityaṃ nigamān gṛhītvā |
viriñcaye prītahṛde dadānaḥ prabhañjanāgārapate prapāyāḥ ||10||
Sanskrit — Devanagari (original)
पुरा हयग्रीवमहासुरेण षष्ठान्तरान्तोद्यदकाण्डकल्पे ।
निद्रोन्मुखब्रह्ममुखात् हृतेषु वेदेष्वधित्सः किल मत्स्यरूपम् ॥1॥
सत्यव्रतस्य द्रमिलाधिभर्तुर्नदीजले तर्पयतस्तदानीम् ।
कराञ्जलौ सञ्ज्वलिताकृतिस्त्वमदृश्यथाः कश्चन बालमीनः ॥2॥
क्षिप्तं जले त्वां चकितं विलोक्य निन्येऽम्बुपात्रेण मुनिः स्वगेहम् ।
स्वल्पैरहोभिः कलशीं च कूपं वापीं सरश्चानशिषे विभो त्वम् ॥3॥
योगप्रभावाद्भवदाज्ञयैव नीतस्ततस्त्वं मुनिना पयोधिम् ।
पृष्टोऽमुना कल्पदिदृक्षुमेनं सप्ताहमास्वेति वदन्नयासीः ॥4॥
प्राप्ते त्वदुक्तेऽहनि वारिधारापरिप्लुते भूमितले मुनीन्द्रः ।
सप्तर्षिभिः सार्धमपारवारिण्युद्घूर्णमानः शरणं ययौ त्वाम् ॥5॥
धरां त्वदादेशकरीमवाप्तां नौरूपिणीमारुरुहुस्तदा ते
तत्कम्पकम्प्रेषु च तेषु भूयस्त्वमम्बुधेराविरभूर्महीयान् ॥6॥
झषाकृतिं योजनलक्षदीर्घां दधानमुच्चैस्तरतेजसं त्वाम् ।
निरीक्ष्य तुष्टा मुनयस्त्वदुक्त्या त्वत्तुङ्गशृङ्गे तरणिं बबन्धुः ॥7॥
आकृष्टनौको मुनिमण्डलाय प्रदर्शयन् विश्वजगद्विभागान् ।
संस्तूयमानो नृवरेण तेन ज्ञानं परं चोपदिशन्नचारीः ॥8॥
कल्पावधौ सप्तमुनीन् पुरोवत् प्रस्थाप्य सत्यव्रतभूमिपं तम् ।
वैवस्वताख्यं मनुमादधानः क्रोधाद् हयग्रीवमभिद्रुतोऽभूः ॥9॥
स्वतुङ्गशृङ्गक्षतवक्षसं तं निपात्य दैत्यं निगमान् गृहीत्वा ।
विरिञ्चये प्रीतहृदे ददानः प्रभञ्जनागारपते प्रपायाः ॥10॥
purā hayagrīvamahāsureṇa ṣaṣṭhāntarāntodyadakāṇḍakalpe |
nidronmukhabrahmamukhāt hṛteṣu vedeṣvadhitsaḥ kila matsyarūpam ||1||
satyavratasya dramilādhibharturnadījale tarpayatastadānīm |
karāñjalau sañjvalitākṛtistvamadṛśyathāḥ kaścana bālamīnaḥ ||2||
kṣiptaṃ jale tvāṃ cakitaṃ vilokya ninye'mbupātreṇa muniḥ svageham |
svalpairahobhiḥ kalaśīṃ ca kūpaṃ vāpīṃ saraścānaśiṣe vibho tvam ||3||
yogaprabhāvādbhavadājñayaiva nītastatastvaṃ muninā payodhim |
pṛṣṭo'munā kalpadidṛkṣumenaṃ saptāhamāsveti vadannayāsīḥ ||4||
prāpte tvadukte'hani vāridhārāpariplute bhūmitale munīndraḥ |
saptarṣibhiḥ sārdhamapāravāriṇyudghūrṇamānaḥ śaraṇaṃ yayau tvām ||5||
dharāṃ tvadādeśakarīmavāptāṃ naurūpiṇīmāruruhustadā te
tatkampakampreṣu ca teṣu bhūyastvamambudherāvirabhūrmahīyān ||6||
jhaṣākṛtiṃ yojanalakṣadīrghāṃ dadhānamuccaistaratejasaṃ tvām |
nirīkṣya tuṣṭā munayastvaduktyā tvattuṅgaśṛṅge taraṇiṃ babandhuḥ ||7||
ākṛṣṭanauko munimaṇḍalāya pradarśayan viśvajagadvibhāgān |
saṃstūyamāno nṛvareṇa tena jñānaṃ paraṃ copadiśannacārīḥ ||8||
kalpāvadhau saptamunīn purovat prasthāpya satyavratabhūmipaṃ tam |
vaivasvatākhyaṃ manumādadhānaḥ krodhād hayagrīvamabhidruto'bhūḥ ||9||
svatuṅgaśṛṅgakṣatavakṣasaṃ taṃ nipātya daityaṃ nigamān gṛhītvā |
viriñcaye prītahṛde dadānaḥ prabhañjanāgārapate prapāyāḥ ||10||
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.