𑌤𑍍𑌵𑌾𑌮𑍇𑌕𑌦𑌾 𑌗𑍁𑌰𑍁𑌮𑌰𑍁𑌤𑍍𑌪𑍁𑌰𑌨𑌾𑌥 𑌵𑍋𑌢𑍁𑌂
𑌗𑌾𑌢𑌾𑌧𑌿𑌰𑍂𑌢𑌗𑌰𑌿𑌮𑌾𑌣𑌮𑌪𑌾𑌰𑌯𑌨𑍍𑌤𑍀 ।
𑌮𑌾𑌤𑌾 𑌨𑌿𑌧𑌾𑌯 𑌶𑌯𑌨𑍇 𑌕𑌿𑌮𑌿𑌦𑌂 𑌬𑌤𑍇𑌤𑌿
𑌧𑍍𑌯𑌾𑌯𑌨𑍍𑌤𑍍𑌯𑌚𑍇𑌷𑍍𑌟𑌤 𑌗𑍃𑌹𑍇𑌷𑍁 𑌨𑌿𑌵𑌿𑌷𑍍𑌟𑌶𑌙𑍍𑌕𑌾 ॥1॥
𑌤𑌾𑌵𑌦𑍍𑌵𑌿𑌦𑍂𑌰𑌮𑍁𑌪𑌕𑌰𑍍𑌣𑌿𑌤𑌘𑍋𑌰𑌘𑍋𑌷-
𑌵𑍍𑌯𑌾𑌜𑍃𑌮𑍍𑌭𑌿𑌪𑌾𑌂𑌸𑍁𑌪𑌟𑌲𑍀𑌪𑌰𑌿𑌪𑍂𑌰𑌿𑌤𑌾𑌶𑌃 ।
𑌵𑌾𑌤𑍍𑌯𑌾𑌵𑌪𑍁𑌸𑍍𑌸 𑌕𑌿𑌲 𑌦𑍈𑌤𑍍𑌯𑌵𑌰𑌸𑍍𑌤𑍃𑌣𑌾𑌵-
𑌰𑍍𑌤𑌾𑌖𑍍𑌯𑍋 𑌜𑌹𑌾𑌰 𑌜𑌨𑌮𑌾𑌨𑌸𑌹𑌾𑌰𑌿𑌣𑌂 𑌤𑍍𑌵𑌾𑌮𑍍 ॥2॥
𑌉𑌦𑍍𑌦𑌾𑌮𑌪𑌾𑌂𑌸𑍁𑌤𑌿𑌮𑌿𑌰𑌾𑌹𑌤𑌦𑍃𑌷𑍍𑌟𑌿𑌪𑌾𑌤𑍇
𑌦𑍍𑌰𑌷𑍍𑌟𑍁𑌂 𑌕𑌿𑌮𑌪𑍍𑌯𑌕𑍁𑌶𑌲𑍇 𑌪𑌶𑍁𑌪𑌾𑌲𑌲𑍋𑌕𑍇 ।
𑌹𑌾 𑌬𑌾𑌲𑌕𑌸𑍍𑌯 𑌕𑌿𑌮𑌿𑌤𑌿 𑌤𑍍𑌵𑌦𑍁𑌪𑌾𑌨𑍍𑌤𑌮𑌾𑌪𑍍𑌤𑌾
𑌮𑌾𑌤𑌾 𑌭𑌵𑌨𑍍𑌤𑌮𑌵𑌿𑌲𑍋𑌕𑍍𑌯 𑌭𑍃𑌶𑌂 𑌰𑍁𑌰𑍋𑌦 ॥3॥
𑌤𑌾𑌵𑌤𑍍 𑌸 𑌦𑌾𑌨𑌵𑌵𑌰𑍋𑌽𑌪𑌿 𑌚 𑌦𑍀𑌨𑌮𑍂𑌰𑍍𑌤𑌿-
𑌰𑍍𑌭𑌾𑌵𑌤𑍍𑌕𑌭𑌾𑌰𑌪𑌰𑌿𑌧𑌾𑌰𑌣𑌲𑍂𑌨𑌵𑍇𑌗𑌃 ।
𑌸𑌙𑍍𑌕𑍋𑌚𑌮𑌾𑌪 𑌤𑌦𑌨𑍁 𑌕𑍍𑌷𑌤𑌪𑌾𑌂𑌸𑍁𑌘𑍋𑌷𑍇
𑌘𑍋𑌷𑍇 𑌵𑍍𑌯𑌤𑌾𑌯𑌤 𑌭𑌵𑌜𑍍𑌜𑌨𑌨𑍀𑌨𑌿𑌨𑌾𑌦𑌃 ॥4॥
𑌰𑍋𑌦𑍋𑌪𑌕𑌰𑍍𑌣𑌨𑌵𑌶𑌾𑌦𑍁𑌪𑌗𑌮𑍍𑌯 𑌗𑍇𑌹𑌂
𑌕𑍍𑌰𑌨𑍍𑌦𑌤𑍍𑌸𑍁 𑌨𑌨𑍍𑌦𑌮𑍁𑌖𑌗𑍋𑌪𑌕𑍁𑌲𑍇𑌷𑍁 𑌦𑍀𑌨𑌃 ।
𑌤𑍍𑌵𑌾𑌂 𑌦𑌾𑌨𑌵𑌸𑍍𑌤𑍍𑌵𑌖𑌿𑌲𑌮𑍁𑌕𑍍𑌤𑌿𑌕𑌰𑌂 𑌮𑍁𑌮𑍁𑌕𑍍𑌷𑍁-
𑌸𑍍𑌤𑍍𑌵𑌯𑍍𑌯𑌪𑍍𑌰𑌮𑍁𑌞𑍍𑌚𑌤𑌿 𑌪𑌪𑌾𑌤 𑌵𑌿𑌯𑌤𑍍𑌪𑍍𑌰𑌦𑍇𑌶𑌾𑌤𑍍 ॥5॥
𑌰𑍋𑌦𑌾𑌕𑍁𑌲𑌾𑌸𑍍𑌤𑌦𑌨𑍁 𑌗𑍋𑌪𑌗𑌣𑌾 𑌬𑌹𑌿𑌷𑍍𑌠-
𑌪𑌾𑌷𑌾𑌣𑌪𑍃𑌷𑍍𑌠𑌭𑍁𑌵𑌿 𑌦𑍇𑌹𑌮𑌤𑌿𑌸𑍍𑌥𑌵𑌿𑌷𑍍𑌠𑌮𑍍 ।
𑌪𑍍𑌰𑍈𑌕𑍍𑌷𑌨𑍍𑌤 𑌹𑌨𑍍𑌤 𑌨𑌿𑌪𑌤𑌨𑍍𑌤𑌮𑌮𑍁𑌷𑍍𑌯 𑌵𑌕𑍍𑌷-
𑌸𑍍𑌯𑌕𑍍𑌷𑍀𑌣𑌮𑍇𑌵 𑌚 𑌭𑌵𑌨𑍍𑌤𑌮𑌲𑌂 𑌹𑌸𑌨𑍍𑌤𑌮𑍍 ॥6॥
𑌗𑍍𑌰𑌾𑌵𑌪𑍍𑌰𑌪𑌾𑌤𑌪𑌰𑌿𑌪𑌿𑌷𑍍𑌟𑌗𑌰𑌿𑌷𑍍𑌠𑌦𑍇𑌹-
𑌭𑍍𑌰𑌷𑍍𑌟𑌾𑌸𑍁𑌦𑍁𑌷𑍍𑌟𑌦𑌨𑍁𑌜𑍋𑌪𑌰𑌿 𑌧𑍃𑌷𑍍𑌟𑌹𑌾𑌸𑌮𑍍 ।
𑌆𑌘𑍍𑌨𑌾𑌨𑌮𑌮𑍍𑌬𑍁𑌜𑌕𑌰𑍇𑌣 𑌭𑌵𑌨𑍍𑌤𑌮𑍇𑌤𑍍𑌯
𑌗𑍋𑌪𑌾 𑌦𑌧𑍁𑌰𑍍𑌗𑌿𑌰𑌿𑌵𑌰𑌾𑌦𑌿𑌵 𑌨𑍀𑌲𑌰𑌤𑍍𑌨𑌮𑍍 ॥7॥
𑌏𑌕𑍈𑌕𑌮𑌾𑌶𑍁 𑌪𑌰𑌿𑌗𑍃𑌹𑍍𑌯 𑌨𑌿𑌕𑌾𑌮𑌨𑌨𑍍𑌦-
𑌨𑍍𑌨𑌨𑍍𑌦𑌾𑌦𑌿𑌗𑍋𑌪𑌪𑌰𑌿𑌰𑌬𑍍𑌧𑌵𑌿𑌚𑍁𑌮𑍍𑌬𑌿𑌤𑌾𑌙𑍍𑌗𑌮𑍍 ।
𑌆𑌦𑌾𑌤𑍁𑌕𑌾𑌮𑌪𑌰𑌿𑌶𑌙𑍍𑌕𑌿𑌤𑌗𑍋𑌪𑌨𑌾𑌰𑍀-
𑌹𑌸𑍍𑌤𑌾𑌮𑍍𑌬𑍁𑌜𑌪𑍍𑌰𑌪𑌤𑌿𑌤𑌂 𑌪𑍍𑌰𑌣𑍁𑌮𑍋 𑌭𑌵𑌨𑍍𑌤𑌮𑍍 ॥8॥
𑌭𑍂𑌯𑍋𑌽𑌪𑌿 𑌕𑌿𑌨𑍍𑌨𑍁 𑌕𑍃𑌣𑍁𑌮𑌃 𑌪𑍍𑌰𑌣𑌤𑌾𑌰𑍍𑌤𑌿𑌹𑌾𑌰𑍀
𑌗𑍋𑌵𑌿𑌨𑍍𑌦 𑌏𑌵 𑌪𑌰𑌿𑌪𑌾𑌲𑌯𑌤𑌾𑌤𑍍 𑌸𑍁𑌤𑌂 𑌨𑌃 ।
𑌇𑌤𑍍𑌯𑌾𑌦𑌿 𑌮𑌾𑌤𑌰𑌪𑌿𑌤𑍃𑌪𑍍𑌰𑌮𑍁𑌖𑍈𑌸𑍍𑌤𑌦𑌾𑌨𑍀𑌂
𑌸𑌮𑍍𑌪𑍍𑌰𑌾𑌰𑍍𑌥𑌿𑌤𑌸𑍍𑌤𑍍𑌵𑌦𑌵𑌨𑌾𑌯 𑌵𑌿𑌭𑍋 𑌤𑍍𑌵𑌮𑍇𑌵 ॥9॥
𑌵𑌾𑌤𑌾𑌤𑍍𑌮𑌕𑌂 𑌦𑌨𑍁𑌜𑌮𑍇𑌵𑌮𑌯𑌿 𑌪𑍍𑌰𑌧𑍂𑌨𑍍𑌵𑌨𑍍
𑌵𑌾𑌤𑍋𑌦𑍍𑌭𑌵𑌾𑌨𑍍 𑌮𑌮 𑌗𑌦𑌾𑌨𑍍 𑌕𑌿𑌮𑍁 𑌨𑍋 𑌧𑍁𑌨𑍋𑌷𑌿 ।
𑌕𑌿𑌂 𑌵𑌾 𑌕𑌰𑍋𑌮𑌿 𑌪𑍁𑌨𑌰𑌪𑍍𑌯𑌨𑌿𑌲𑌾𑌲𑌯𑍇𑌶
𑌨𑌿𑌶𑍍𑌶𑍇𑌷𑌰𑍋𑌗𑌶𑌮𑌨𑌂 𑌮𑍁𑌹𑍁𑌰𑌰𑍍𑌥𑌯𑍇 𑌤𑍍𑌵𑌾𑌮𑍍 ॥10॥
Roman (IAST) Transliteration
tvāmekadā gurumarutpuranātha voḍhuṃ
gāḍhādhirūḍhagarimāṇamapārayantī |
mātā nidhāya śayane kimidaṃ bateti
dhyāyantyaceṣṭata gṛheṣu niviṣṭaśaṅkā ||1||
tāvadvidūramupakarṇitaghoraghoṣa-
vyājṛmbhipāṃsupaṭalīparipūritāśaḥ |
vātyāvapussa kila daityavarastṛṇāva-
rtākhyo jahāra janamānasahāriṇaṃ tvām ||2||
uddāmapāṃsutimirāhatadṛṣṭipāte
draṣṭuṃ kimapyakuśale paśupālaloke |
hā bālakasya kimiti tvadupāntamāptā
mātā bhavantamavilokya bhṛśaṃ ruroda ||3||
tāvat sa dānavavaro'pi ca dīnamūrti-
rbhāvatkabhāraparidhāraṇalūnavegaḥ |
saṅkocamāpa tadanu kṣatapāṃsughoṣe
ghoṣe vyatāyata bhavajjananīninādaḥ ||4||
rodopakarṇanavaśādupagamya gehaṃ
krandatsu nandamukhagopakuleṣu dīnaḥ |
tvāṃ dānavastvakhilamuktikaraṃ mumukṣu-
stvayyapramuñcati papāta viyatpradeśāt ||5||
rodākulāstadanu gopagaṇā bahiṣṭha-
pāṣāṇapṛṣṭhabhuvi dehamatisthaviṣṭham |
praikṣanta hanta nipatantamamuṣya vakṣa-
syakṣīṇameva ca bhavantamalaṃ hasantam ||6||
grāvaprapātaparipiṣṭagariṣṭhadeha-
bhraṣṭāsuduṣṭadanujopari dhṛṣṭahāsam |
āghnānamambujakareṇa bhavantametya
gopā dadhurgirivarādiva nīlaratnam ||7||
ekaikamāśu parigṛhya nikāmananda-
nnandādigopaparirabdhavicumbitāṅgam |
ādātukāmapariśaṅkitagopanārī-
hastāmbujaprapatitaṃ praṇumo bhavantam ||8||
bhūyo'pi kinnu kṛṇumaḥ praṇatārtihārī
govinda eva paripālayatāt sutaṃ naḥ |
ityādi mātarapitṛpramukhaistadānīṃ
samprārthitastvadavanāya vibho tvameva ||9||
vātātmakaṃ danujamevamayi pradhūnvan
vātodbhavān mama gadān kimu no dhunoṣi |
kiṃ vā karomi punarapyanilālayeśa
niśśeṣarogaśamanaṃ muhurarthaye tvām ||10||
Sanskrit — Devanagari (original)
त्वामेकदा गुरुमरुत्पुरनाथ वोढुं
गाढाधिरूढगरिमाणमपारयन्ती ।
माता निधाय शयने किमिदं बतेति
ध्यायन्त्यचेष्टत गृहेषु निविष्टशङ्का ॥1॥
तावद्विदूरमुपकर्णितघोरघोष-
व्याजृम्भिपांसुपटलीपरिपूरिताशः ।
वात्यावपुस्स किल दैत्यवरस्तृणाव-
र्ताख्यो जहार जनमानसहारिणं त्वाम् ॥2॥
उद्दामपांसुतिमिराहतदृष्टिपाते
द्रष्टुं किमप्यकुशले पशुपाललोके ।
हा बालकस्य किमिति त्वदुपान्तमाप्ता
माता भवन्तमविलोक्य भृशं रुरोद ॥3॥
तावत् स दानववरोऽपि च दीनमूर्ति-
र्भावत्कभारपरिधारणलूनवेगः ।
सङ्कोचमाप तदनु क्षतपांसुघोषे
घोषे व्यतायत भवज्जननीनिनादः ॥4॥
रोदोपकर्णनवशादुपगम्य गेहं
क्रन्दत्सु नन्दमुखगोपकुलेषु दीनः ।
त्वां दानवस्त्वखिलमुक्तिकरं मुमुक्षु-
स्त्वय्यप्रमुञ्चति पपात वियत्प्रदेशात् ॥5॥
रोदाकुलास्तदनु गोपगणा बहिष्ठ-
पाषाणपृष्ठभुवि देहमतिस्थविष्ठम् ।
प्रैक्षन्त हन्त निपतन्तममुष्य वक्ष-
स्यक्षीणमेव च भवन्तमलं हसन्तम् ॥6॥
ग्रावप्रपातपरिपिष्टगरिष्ठदेह-
भ्रष्टासुदुष्टदनुजोपरि धृष्टहासम् ।
आघ्नानमम्बुजकरेण भवन्तमेत्य
गोपा दधुर्गिरिवरादिव नीलरत्नम् ॥7॥
एकैकमाशु परिगृह्य निकामनन्द-
न्नन्दादिगोपपरिरब्धविचुम्बिताङ्गम् ।
आदातुकामपरिशङ्कितगोपनारी-
हस्ताम्बुजप्रपतितं प्रणुमो भवन्तम् ॥8॥
भूयोऽपि किन्नु कृणुमः प्रणतार्तिहारी
गोविन्द एव परिपालयतात् सुतं नः ।
इत्यादि मातरपितृप्रमुखैस्तदानीं
सम्प्रार्थितस्त्वदवनाय विभो त्वमेव ॥9॥
वातात्मकं दनुजमेवमयि प्रधून्वन्
वातोद्भवान् मम गदान् किमु नो धुनोषि ।
किं वा करोमि पुनरप्यनिलालयेश
निश्शेषरोगशमनं मुहुरर्थये त्वाम् ॥10॥
tvāmekadā gurumarutpuranātha voḍhuṃ
gāḍhādhirūḍhagarimāṇamapārayantī |
mātā nidhāya śayane kimidaṃ bateti
dhyāyantyaceṣṭata gṛheṣu niviṣṭaśaṅkā ||1||
tāvadvidūramupakarṇitaghoraghoṣa-
vyājṛmbhipāṃsupaṭalīparipūritāśaḥ |
vātyāvapussa kila daityavarastṛṇāva-
rtākhyo jahāra janamānasahāriṇaṃ tvām ||2||
uddāmapāṃsutimirāhatadṛṣṭipāte
draṣṭuṃ kimapyakuśale paśupālaloke |
hā bālakasya kimiti tvadupāntamāptā
mātā bhavantamavilokya bhṛśaṃ ruroda ||3||
tāvat sa dānavavaro'pi ca dīnamūrti-
rbhāvatkabhāraparidhāraṇalūnavegaḥ |
saṅkocamāpa tadanu kṣatapāṃsughoṣe
ghoṣe vyatāyata bhavajjananīninādaḥ ||4||
rodopakarṇanavaśādupagamya gehaṃ
krandatsu nandamukhagopakuleṣu dīnaḥ |
tvāṃ dānavastvakhilamuktikaraṃ mumukṣu-
stvayyapramuñcati papāta viyatpradeśāt ||5||
rodākulāstadanu gopagaṇā bahiṣṭha-
pāṣāṇapṛṣṭhabhuvi dehamatisthaviṣṭham |
praikṣanta hanta nipatantamamuṣya vakṣa-
syakṣīṇameva ca bhavantamalaṃ hasantam ||6||
grāvaprapātaparipiṣṭagariṣṭhadeha-
bhraṣṭāsuduṣṭadanujopari dhṛṣṭahāsam |
āghnānamambujakareṇa bhavantametya
gopā dadhurgirivarādiva nīlaratnam ||7||
ekaikamāśu parigṛhya nikāmananda-
nnandādigopaparirabdhavicumbitāṅgam |
ādātukāmapariśaṅkitagopanārī-
hastāmbujaprapatitaṃ praṇumo bhavantam ||8||
bhūyo'pi kinnu kṛṇumaḥ praṇatārtihārī
govinda eva paripālayatāt sutaṃ naḥ |
ityādi mātarapitṛpramukhaistadānīṃ
samprārthitastvadavanāya vibho tvameva ||9||
vātātmakaṃ danujamevamayi pradhūnvan
vātodbhavān mama gadān kimu no dhunoṣi |
kiṃ vā karomi punarapyanilālayeśa
niśśeṣarogaśamanaṃ muhurarthaye tvām ||10||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.