Narayaniyam Dashakam 1 — Grantha Script

Meaning —

𑌸𑌾𑌨𑍍𑌦𑍍𑌰𑌾𑌨𑌨𑍍𑌦𑌾𑌵𑌬𑍋𑌧𑌾𑌤𑍍𑌮𑌕𑌮𑌨𑍁𑌪𑌮𑌿𑌤𑌂 𑌕𑌾𑌲𑌦𑍇𑌶𑌾𑌵𑌧𑌿𑌭𑍍𑌯𑌾𑌂
𑌨𑌿𑌰𑍍𑌮𑍁𑌕𑍍𑌤𑌂 𑌨𑌿𑌤𑍍𑌯𑌮𑍁𑌕𑍍𑌤𑌂 𑌨𑌿𑌗𑌮𑌶𑌤𑌸𑌹𑌸𑍍𑌰𑍇𑌣 𑌨𑌿𑌰𑍍𑌭𑌾𑌸𑍍𑌯𑌮𑌾𑌨𑌮𑍍 ।
𑌅𑌸𑍍𑌪𑌷𑍍𑌟𑌂 𑌦𑍃𑌷𑍍𑌟𑌮𑌾𑌤𑍍𑌰𑍇 𑌪𑍁𑌨𑌰𑍁𑌰𑍁𑌪𑍁𑌰𑍁𑌷𑌾𑌰𑍍𑌥𑌾𑌤𑍍𑌮𑌕𑌂 𑌬𑍍𑌰𑌹𑍍𑌮 𑌤𑌤𑍍𑌵𑌂
𑌤𑌤𑍍𑌤𑌾𑌵𑌦𑍍𑌭𑌾𑌤𑌿 𑌸𑌾𑌕𑍍𑌷𑌾𑌦𑍍 𑌗𑍁𑌰𑍁𑌪𑌵𑌨𑌪𑍁𑌰𑍇 𑌹𑌨𑍍𑌤 𑌭𑌾𑌗𑍍𑌯𑌂 𑌜𑌨𑌾𑌨𑌾𑌮𑍍 ॥ 1 ॥

sāndrānandāvabodhātmakamanupamitaṃ kāladeśāvadhibhyāṃ
nirmuktaṃ nityamuktaṃ nigamaśatasahasreṇa nirbhāsyamānam |
aspaṣṭaṃ dṛṣṭamātre punarurupuruṣārthātmakaṃ brahma tatvaṃ
tattāvadbhāti sākṣād gurupavanapure hanta bhāgyaṃ janānām || 1 ||

Verse 2

𑌏𑌵𑌨𑍍𑌦𑍁𑌰𑍍𑌲𑌭𑍍𑌯𑌵𑌸𑍍𑌤𑍁𑌨𑍍𑌯𑌪𑌿 𑌸𑍁𑌲𑌭𑌤𑌯𑌾 𑌹𑌸𑍍𑌤𑌲𑌬𑍍𑌧𑍇 𑌯𑌦𑌨𑍍𑌯𑌤𑍍
𑌤𑌨𑍍𑌵𑌾 𑌵𑌾𑌚𑌾 𑌧𑌿𑌯𑌾 𑌵𑌾 𑌭𑌜𑌤𑌿 𑌬𑌤 𑌜𑌨𑌃 𑌕𑍍𑌷𑍁𑌦𑍍𑌰𑌤𑍈𑌵 𑌸𑍍𑌫𑍁𑌟𑍇𑌯𑌮𑍍 ।
𑌏𑌤𑍇 𑌤𑌾𑌵𑌦𑍍𑌵𑌯𑌂 𑌤𑍁 𑌸𑍍𑌥𑌿𑌰𑌤𑌰𑌮𑌨𑌸𑌾 𑌵𑌿𑌶𑍍𑌵𑌪𑍀𑌡𑌾𑌪𑌹𑌤𑍍𑌯𑍈
𑌨𑌿𑌶𑍍𑌶𑍇𑌷𑌾𑌤𑍍𑌮𑌾𑌨𑌮𑍇𑌨𑌂 𑌗𑍁𑌰𑍁𑌪𑌵𑌨𑌪𑍁𑌰𑌾𑌧𑍀𑌶𑌮𑍇𑌵𑌾𑌶𑍍𑌰𑌯𑌾𑌮𑌃 ॥ 2 ॥

evandurlabhyavastunyapi sulabhatayā hastalabdhe yadanyat
tanvā vācā dhiyā vā bhajati bata janaḥ kṣudrataiva sphuṭeyam |
ete tāvadvayaṃ tu sthirataramanasā viśvapīḍāpahatyai
niśśeṣātmānamenaṃ gurupavanapurādhīśamevāśrayāmaḥ || 2 ||

Verse 3

𑌸𑌤𑍍𑌤𑍍𑌵𑌂 𑌯𑌤𑍍𑌤𑌤𑍍 𑌪𑌰𑌾𑌭𑍍𑌯𑌾𑌮𑌪𑌰𑌿𑌕𑌲𑌨𑌤𑍋 𑌨𑌿𑌰𑍍𑌮𑌲𑌂 𑌤𑍇𑌨 𑌤𑌾𑌵𑌤𑍍
𑌭𑍂𑌤𑍈𑌰𑍍𑌭𑍂𑌤𑍇𑌨𑍍𑌦𑍍𑌰𑌿𑌯𑍈𑌸𑍍𑌤𑍇 𑌵𑌪𑍁𑌰𑌿𑌤𑌿 𑌬𑌹𑍁𑌶𑌃 𑌶𑍍𑌰𑍂𑌯𑌤𑍇 𑌵𑍍𑌯𑌾𑌸𑌵𑌾𑌕𑍍𑌯𑌮𑍍।
𑌤𑌤𑍍 𑌸𑍍𑌵𑌚𑍍𑌛𑍍𑌤𑍍𑌵𑌾𑌦𑍍𑌯𑌦𑌾𑌚𑍍𑌛𑌾𑌦𑌿𑌤𑌪𑌰𑌸𑍁𑌖𑌚𑌿𑌦𑍍𑌗𑌰𑍍𑌭𑌨𑌿𑌰𑍍𑌭𑌾𑌸𑌰𑍂𑌪𑌂
𑌤𑌸𑍍𑌮𑌿𑌨𑍍 𑌧𑌨𑍍𑌯𑌾 𑌰𑌮𑌨𑍍𑌤𑍇 𑌶𑍍𑌰𑍁𑌤𑌿𑌮𑌤𑌿𑌮𑌧𑍁𑌰𑍇 𑌸𑍁𑌗𑍍𑌰𑌹𑍇 𑌵𑌿𑌗𑍍𑌰𑌹𑍇 𑌤𑍇 ॥ 3 ॥

sattvaṃ yattat parābhyāmaparikalanato nirmalaṃ tena tāvat
bhūtairbhūtendriyaiste vapuriti bahuśaḥ śrūyate vyāsavākyam|
tat svacchtvādyadācchāditaparasukhacidgarbhanirbhāsarūpaṃ
tasmin dhanyā ramante śrutimatimadhure sugrahe vigrahe te || 3 ||

Verse 4

𑌨𑌿𑌷𑍍𑌕𑌮𑍍𑌪𑍇 𑌨𑌿𑌤𑍍𑌯𑌪𑍂𑌰𑍍𑌣𑍇 𑌨𑌿𑌰𑌵𑌧𑌿𑌪𑌰𑌮𑌾𑌨𑌨𑍍𑌦𑌪𑍀𑌯𑍂𑌷𑌰𑍂𑌪𑍇
𑌨𑌿𑌰𑍍𑌲𑍀𑌨𑌾𑌨𑍇𑌕𑌮𑍁𑌕𑍍𑌤𑌾𑌵𑌲𑌿𑌸𑍁𑌭𑌗𑌤𑌮𑍇 𑌨𑌿𑌰𑍍𑌮𑌲𑌬𑍍𑌰𑌹𑍍𑌮𑌸𑌿𑌨𑍍𑌧𑍗 ।
𑌕𑌲𑍍𑌲𑍋𑌲𑍋𑌲𑍍𑌲𑌾𑌸𑌤𑍁𑌲𑍍𑌯𑌂 𑌖𑌲𑍁 𑌵𑌿𑌮𑌲𑌤𑌰𑌂 𑌸𑌤𑍍𑌤𑍍𑌵𑌮𑌾𑌹𑍁𑌸𑍍𑌤𑌦𑌾𑌤𑍍𑌮𑌾
𑌕𑌸𑍍𑌮𑌾𑌨𑍍𑌨𑍋 𑌨𑌿𑌷𑍍𑌕𑌲𑌸𑍍𑌤𑍍𑌵𑌂 𑌸𑌕𑌲 𑌇𑌤𑌿 𑌵𑌚𑌸𑍍𑌤𑍍𑌵𑌤𑍍𑌕𑌲𑌾𑌸𑍍𑌵𑍇𑌵 𑌭𑍂𑌮𑌨𑍍 ॥ 4 ॥

niṣkampe nityapūrṇe niravadhiparamānandapīyūṣarūpe
nirlīnānekamuktāvalisubhagatame nirmalabrahmasindhau |
kallolollāsatulyaṃ khalu vimalataraṃ sattvamāhustadātmā
kasmānno niṣkalastvaṃ sakala iti vacastvatkalāsveva bhūman || 4 ||

Verse 5

𑌨𑌿𑌰𑍍𑌵𑍍𑌯𑌾𑌪𑌾𑌰𑍋𑌽𑌪𑌿 𑌨𑌿𑌷𑍍𑌕𑌾𑌰𑌣𑌮𑌜 𑌭𑌜𑌸𑍇 𑌯𑌤𑍍𑌕𑍍𑌰𑌿𑌯𑌾𑌮𑍀𑌕𑍍𑌷𑌣𑌾𑌖𑍍𑌯𑌾𑌂
𑌤𑍇𑌨𑍈𑌵𑍋𑌦𑍇𑌤𑌿 𑌲𑍀𑌨𑌾 𑌪𑍍𑌰𑌕𑍃𑌤𑌿𑌰𑌸𑌤𑌿𑌕𑌲𑍍𑌪𑌾𑌽𑌪𑌿 𑌕𑌲𑍍𑌪𑌾𑌦𑌿𑌕𑌾𑌲𑍇।
𑌤𑌸𑍍𑌯𑌾𑌃 𑌸𑌂𑌶𑍁𑌦𑍍𑌧𑌮𑌂𑌶𑌂 𑌕𑌮𑌪𑌿 𑌤𑌮𑌤𑌿𑌰𑍋𑌧𑌾𑌯𑌕𑌂 𑌸𑌤𑍍𑌤𑍍𑌵𑌰𑍂𑌪𑌂
𑌸 𑌤𑍍𑌵𑌂 𑌧𑍃𑌤𑍍𑌵𑌾 𑌦𑌧𑌾𑌸𑌿 𑌸𑍍𑌵𑌮𑌹𑌿𑌮𑌵𑌿𑌭𑌵𑌾𑌕𑍁𑌣𑍍𑌠 𑌵𑍈𑌕𑍁𑌣𑍍𑌠 𑌰𑍂𑌪𑌂॥5॥

nirvyāpāro'pi niṣkāraṇamaja bhajase yatkriyāmīkṣaṇākhyāṃ
tenaivodeti līnā prakṛtirasatikalpā'pi kalpādikāle|
tasyāḥ saṃśuddhamaṃśaṃ kamapi tamatirodhāyakaṃ sattvarūpaṃ
sa tvaṃ dhṛtvā dadhāsi svamahimavibhavākuṇṭha vaikuṇṭha rūpaṃ||5||

Verse 6

𑌤𑌤𑍍𑌤𑍇 𑌪𑍍𑌰𑌤𑍍𑌯𑌗𑍍𑌰𑌧𑌾𑌰𑌾𑌧𑌰𑌲𑌲𑌿𑌤𑌕𑌲𑌾𑌯𑌾𑌵𑌲𑍀𑌕𑍇𑌲𑌿𑌕𑌾𑌰𑌂
𑌲𑌾𑌵𑌣𑍍𑌯𑌸𑍍𑌯𑍈𑌕𑌸𑌾𑌰𑌂 𑌸𑍁𑌕𑍃𑌤𑌿𑌜𑌨𑌦𑍃𑌶𑌾𑌂 𑌪𑍂𑌰𑍍𑌣𑌪𑍁𑌣𑍍𑌯𑌾𑌵𑌤𑌾𑌰𑌮𑍍।
𑌲𑌕𑍍𑌷𑍍𑌮𑍀𑌨𑌿𑌶𑍍𑌶𑌙𑍍𑌕𑌲𑍀𑌲𑌾𑌨𑌿𑌲𑌯𑌨𑌮𑌮𑍃𑌤𑌸𑍍𑌯𑌨𑍍𑌦𑌸𑌨𑍍𑌦𑍋𑌹𑌮𑌨𑍍𑌤𑌃
𑌸𑌿𑌞𑍍𑌚𑌤𑍍 𑌸𑌞𑍍𑌚𑌿𑌨𑍍𑌤𑌕𑌾𑌨𑌾𑌂 𑌵𑌪𑍁𑌰𑌨𑍁𑌕𑌲𑌯𑍇 𑌮𑌾𑌰𑍁𑌤𑌾𑌗𑌾𑌰𑌨𑌾𑌥 ॥6॥

tatte pratyagradhārādharalalitakalāyāvalīkelikāraṃ
lāvaṇyasyaikasāraṃ sukṛtijanadṛśāṃ pūrṇapuṇyāvatāram|
lakṣmīniśśaṅkalīlānilayanamamṛtasyandasandohamantaḥ
siñcat sañcintakānāṃ vapuranukalaye mārutāgāranātha ||6||

Verse 7

𑌕𑌷𑍍𑌟𑌾 𑌤𑍇 𑌸𑍃𑌷𑍍𑌟𑌿𑌚𑍇𑌷𑍍𑌟𑌾 𑌬𑌹𑍁𑌤𑌰𑌭𑌵𑌖𑍇𑌦𑌾𑌵𑌹𑌾 𑌜𑍀𑌵𑌭𑌾𑌜𑌾-
𑌮𑌿𑌤𑍍𑌯𑍇𑌵𑌂 𑌪𑍂𑌰𑍍𑌵𑌮𑌾𑌲𑍋𑌚𑌿𑌤𑌮𑌜𑌿𑌤 𑌮𑌯𑌾 𑌨𑍈𑌵𑌮𑌦𑍍𑌯𑌾𑌭𑌿𑌜𑌾𑌨𑍇।
𑌨𑍋𑌚𑍇𑌜𑍍𑌜𑍀𑌵𑌾𑌃 𑌕𑌥𑌂 𑌵𑌾 𑌮𑌧𑍁𑌰𑌤𑌰𑌮𑌿𑌦𑌂 𑌤𑍍𑌵𑌦𑍍𑌵𑌪𑍁𑌶𑍍𑌚𑌿𑌦𑍍𑌰𑌸𑌾𑌰𑍍𑌦𑍍𑌰𑌂
𑌨𑍇𑌤𑍍𑌰𑍈𑌃 𑌶𑍍𑌰𑍋𑌤𑍍𑌰𑍈𑌶𑍍𑌚 𑌪𑍀𑌤𑍍𑌵𑌾 𑌪𑌰𑌮𑌰𑌸𑌸𑍁𑌧𑌾𑌮𑍍𑌭𑍋𑌧𑌿𑌪𑍂𑌰𑍇 𑌰𑌮𑍇𑌰𑌨𑍍॥7॥

kaṣṭā te sṛṣṭiceṣṭā bahutarabhavakhedāvahā jīvabhājā-
mityevaṃ pūrvamālocitamajita mayā naivamadyābhijāne|
nocejjīvāḥ kathaṃ vā madhurataramidaṃ tvadvapuścidrasārdraṃ
netraiḥ śrotraiśca pītvā paramarasasudhāmbhodhipūre rameran||7||

Verse 8

𑌨𑌮𑍍𑌰𑌾𑌣𑌾𑌂 𑌸𑌨𑍍𑌨𑌿𑌧𑌤𑍍𑌤𑍇 𑌸𑌤𑌤𑌮𑌪𑌿 𑌪𑍁𑌰𑌸𑍍𑌤𑍈𑌰𑌨𑌭𑍍𑌯𑌰𑍍𑌥𑌿𑌤𑌾𑌨 -
𑌪𑍍𑌯𑌰𑍍𑌥𑌾𑌨𑍍 𑌕𑌾𑌮𑌾𑌨𑌜𑌸𑍍𑌰𑌂 𑌵𑌿𑌤𑌰𑌤𑌿 𑌪𑌰𑌮𑌾𑌨𑌨𑍍𑌦𑌸𑌾𑌨𑍍𑌦𑍍𑌰𑌾𑌂 𑌗𑌤𑌿𑌂 𑌚।
𑌇𑌤𑍍𑌥𑌂 𑌨𑌿𑌶𑍍𑌶𑍇𑌷𑌲𑌭𑍍𑌯𑍋 𑌨𑌿𑌰𑌵𑌧𑌿𑌕𑌫𑌲𑌃 𑌪𑌾𑌰𑌿𑌜𑌾𑌤𑍋 𑌹𑌰𑍇 𑌤𑍍𑌵𑌂
𑌕𑍍𑌷𑍁𑌦𑍍𑌰𑌂 𑌤𑌂 𑌶𑌕𑍍𑌰𑌵𑌾𑌟𑍀𑌦𑍍𑌰𑍁𑌮𑌮𑌭𑌿𑌲𑌷𑌤𑌿 𑌵𑍍𑌯𑌰𑍍𑌥𑌮𑌰𑍍𑌥𑌿𑌵𑍍𑌰𑌜𑍋𑌽𑌯𑌮𑍍॥8॥

namrāṇāṃ sannidhatte satatamapi purastairanabhyarthitāna -
pyarthān kāmānajasraṃ vitarati paramānandasāndrāṃ gatiṃ ca|
itthaṃ niśśeṣalabhyo niravadhikaphalaḥ pārijāto hare tvaṃ
kṣudraṃ taṃ śakravāṭīdrumamabhilaṣati vyarthamarthivrajo'yam||8||

Verse 9

𑌕𑌾𑌰𑍁𑌣𑍍𑌯𑌾𑌤𑍍𑌕𑌾𑌮𑌮𑌨𑍍𑌯𑌂 𑌦𑌦𑌤𑌿 𑌖𑌲𑍁 𑌪𑌰𑍇 𑌸𑍍𑌵𑌾𑌤𑍍𑌮𑌦𑌸𑍍𑌤𑍍𑌵𑌂 𑌵𑌿𑌶𑍇𑌷𑌾-
𑌦𑍈𑌶𑍍𑌵𑌰𑍍𑌯𑌾𑌦𑍀𑌶𑌤𑍇𑌽𑌨𑍍𑌯𑍇 𑌜𑌗𑌤𑌿 𑌪𑌰𑌜𑌨𑍇 𑌸𑍍𑌵𑌾𑌤𑍍𑌮𑌨𑍋𑌽𑌪𑍀𑌶𑍍𑌵𑌰𑌸𑍍𑌤𑍍𑌵𑌮𑍍।
𑌤𑍍𑌵𑌯𑍍𑌯𑍁𑌚𑍍𑌚𑍈𑌰𑌾𑌰𑌮𑌨𑍍𑌤𑌿 𑌪𑍍𑌰𑌤𑌿𑌪𑌦𑌮𑌧𑍁𑌰𑍇 𑌚𑍇𑌤𑌨𑌾𑌃 𑌸𑍍𑌫𑍀𑌤𑌭𑌾𑌗𑍍𑌯𑌾-
𑌸𑍍𑌤𑍍𑌵𑌂 𑌚𑌾𑌤𑍍𑌮𑌾𑌰𑌾𑌮 𑌏𑌵𑍇𑌤𑍍𑌯𑌤𑍁𑌲𑌗𑍁𑌣𑌗𑌣𑌾𑌧𑌾𑌰 𑌶𑍗𑌰𑍇 𑌨𑌮𑌸𑍍𑌤𑍇॥9॥

kāruṇyātkāmamanyaṃ dadati khalu pare svātmadastvaṃ viśeṣā-
daiśvaryādīśate'nye jagati parajane svātmano'pīśvarastvam|
tvayyuccairāramanti pratipadamadhure cetanāḥ sphītabhāgyā-
stvaṃ cātmārāma evetyatulaguṇagaṇādhāra śaure namaste||9||

Verse 10

𑌐𑌶𑍍𑌵𑌰𑍍𑌯𑌂 𑌶𑌙𑍍𑌕𑌰𑌾𑌦𑍀𑌶𑍍𑌵𑌰𑌵𑌿𑌨𑌿𑌯𑌮𑌨𑌂 𑌵𑌿𑌶𑍍𑌵𑌤𑍇𑌜𑍋𑌹𑌰𑌾𑌣𑌾𑌂
𑌤𑍇𑌜𑌸𑍍𑌸𑌂𑌹𑌾𑌰𑌿 𑌵𑍀𑌰𑍍𑌯𑌂 𑌵𑌿𑌮𑌲𑌮𑌪𑌿 𑌯𑌶𑍋 𑌨𑌿𑌸𑍍𑌪𑍃𑌹𑍈𑌶𑍍𑌚𑍋𑌪𑌗𑍀𑌤𑌮𑍍।
𑌅𑌙𑍍𑌗𑌾𑌸𑌙𑍍𑌗𑌾 𑌸𑌦𑌾 𑌶𑍍𑌰𑍀𑌰𑌖𑌿𑌲𑌵𑌿𑌦𑌸𑌿 𑌨 𑌕𑍍𑌵𑌾𑌪𑌿 𑌤𑍇 𑌸𑌙𑍍𑌗𑌵𑌾𑌰𑍍𑌤𑌾
𑌤𑌦𑍍𑌵𑌾𑌤𑌾𑌗𑌾𑌰𑌵𑌾𑌸𑌿𑌨𑍍 𑌮𑍁𑌰𑌹𑌰 𑌭𑌗𑌵𑌚𑍍𑌛𑌬𑍍𑌦𑌮𑍁𑌖𑍍𑌯𑌾𑌶𑍍𑌰𑌯𑍋𑌽𑌸𑌿॥10॥

aiśvaryaṃ śaṅkarādīśvaraviniyamanaṃ viśvatejoharāṇāṃ
tejassaṃhāri vīryaṃ vimalamapi yaśo nispṛhaiścopagītam|
aṅgāsaṅgā sadā śrīrakhilavidasi na kvāpi te saṅgavārtā
tadvātāgāravāsin murahara bhagavacchabdamukhyāśrayo'si||10||

Sanskrit — Devanagari (original)

सान्द्रानन्दावबोधात्मकमनुपमितं कालदेशावधिभ्यां

निर्मुक्तं नित्यमुक्तं निगमशतसहस्रेण निर्भास्यमानम् ।

अस्पष्टं दृष्टमात्रे पुनरुरुपुरुषार्थात्मकं ब्रह्म तत्वं

तत्तावद्भाति साक्षाद् गुरुपवनपुरे हन्त भाग्यं जनानाम् ॥ 1 ॥

एवन्दुर्लभ्यवस्तुन्यपि सुलभतया हस्तलब्धे यदन्यत्

तन्वा वाचा धिया वा भजति बत जनः क्षुद्रतैव स्फुटेयम् ।

एते तावद्वयं तु स्थिरतरमनसा विश्वपीडापहत्यै

निश्शेषात्मानमेनं गुरुपवनपुराधीशमेवाश्रयामः ॥ 2 ॥

सत्त्वं यत्तत् पराभ्यामपरिकलनतो निर्मलं तेन तावत्

भूतैर्भूतेन्द्रियैस्ते वपुरिति बहुशः श्रूयते व्यासवाक्यम्।

तत् स्वच्छ्त्वाद्यदाच्छादितपरसुखचिद्गर्भनिर्भासरूपं

तस्मिन् धन्या रमन्ते श्रुतिमतिमधुरे सुग्रहे विग्रहे ते ॥ 3 ॥

निष्कम्पे नित्यपूर्णे निरवधिपरमानन्दपीयूषरूपे

निर्लीनानेकमुक्तावलिसुभगतमे निर्मलब्रह्मसिन्धौ ।

कल्लोलोल्लासतुल्यं खलु विमलतरं सत्त्वमाहुस्तदात्मा

कस्मान्नो निष्कलस्त्वं सकल इति वचस्त्वत्कलास्वेव भूमन् ॥ 4 ॥

निर्व्यापारोऽपि निष्कारणमज भजसे यत्क्रियामीक्षणाख्यां

तेनैवोदेति लीना प्रकृतिरसतिकल्पाऽपि कल्पादिकाले।

तस्याः संशुद्धमंशं कमपि तमतिरोधायकं सत्त्वरूपं

स त्वं धृत्वा दधासि स्वमहिमविभवाकुण्ठ वैकुण्ठ रूपं॥5॥

तत्ते प्रत्यग्रधाराधरललितकलायावलीकेलिकारं

लावण्यस्यैकसारं सुकृतिजनदृशां पूर्णपुण्यावतारम्।

लक्ष्मीनिश्शङ्कलीलानिलयनममृतस्यन्दसन्दोहमन्तः

सिञ्चत् सञ्चिन्तकानां वपुरनुकलये मारुतागारनाथ ॥6॥

कष्टा ते सृष्टिचेष्टा बहुतरभवखेदावहा जीवभाजा-

मित्येवं पूर्वमालोचितमजित मया नैवमद्याभिजाने।

नोचेज्जीवाः कथं वा मधुरतरमिदं त्वद्वपुश्चिद्रसार्द्रं

नेत्रैः श्रोत्रैश्च पीत्वा परमरससुधाम्भोधिपूरे रमेरन्॥7॥

नम्राणां सन्निधत्ते सततमपि पुरस्तैरनभ्यर्थितान -

प्यर्थान् कामानजस्रं वितरति परमानन्दसान्द्रां गतिं च।

इत्थं निश्शेषलभ्यो निरवधिकफलः पारिजातो हरे त्वं

क्षुद्रं तं शक्रवाटीद्रुममभिलषति व्यर्थमर्थिव्रजोऽयम्॥8॥

कारुण्यात्काममन्यं ददति खलु परे स्वात्मदस्त्वं विशेषा-

दैश्वर्यादीशतेऽन्ये जगति परजने स्वात्मनोऽपीश्वरस्त्वम्।

त्वय्युच्चैरारमन्ति प्रतिपदमधुरे चेतनाः स्फीतभाग्या-

स्त्वं चात्माराम एवेत्यतुलगुणगणाधार शौरे नमस्ते॥9॥

ऐश्वर्यं शङ्करादीश्वरविनियमनं विश्वतेजोहराणां

तेजस्संहारि वीर्यं विमलमपि यशो निस्पृहैश्चोपगीतम्।

अङ्गासङ्गा सदा श्रीरखिलविदसि न क्वापि ते सङ्गवार्ता

तद्वातागारवासिन् मुरहर भगवच्छब्दमुख्याश्रयोऽसि॥10॥

🕉️ This is the original Sanskrit rendered in Grantha script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

𑌦𑌶𑌕𑌂 1 - 𑌭𑌗𑌵𑌤𑌃 𑌸𑍍𑌵𑌰𑍂𑌪𑌂 𑌤𑌥𑌾 𑌮𑌾𑌹𑌾𑌤𑍍𑌮𑍍𑌯𑌮𑍍