ததோ மகதபூப்ரு'தா சிரநிரோதஸங்க்லேஶிதம்
ஶதாஷ்டகயுதாயுதத்விதயமீஶ பூமீப்ரு'தாம் ।
அநாதஶரணாய தே கமபி பூருஷம் ப்ராஹிணோ-
தயாசத ஸ மாகதக்ஷபணமேவ கிம் பூயஸா ॥1॥
யியாஸுரபிமாகதம் ததநு நாரதோதீரிதா-
த்யுதிஷ்டிரமகோத்யமாதுபயகார்யபர்யாகுலஃ ।
விருத்தஜயிநோऽத்வராதுபயஸித்திரித்யுத்தவே
ஶஶம்ஸுஷி நிஜைஃ ஸமம் புரமியேத யௌதிஷ்டிரீம் ॥2॥
அஶேஷதயிதாயுதே த்வயி ஸமாகதே தர்மஜோ
விஜித்ய ஸஹஜைர்மஹீம் பவதபாங்கஸம்வர்திதைஃ ।
ஶ்ரியம் நிருபமாம் வஹந்நஹஹ பக்ததாஸாயிதம்
பவந்தமயி மாகதே ப்ரஹிதவாந் ஸபீமார்ஜுநம் ॥3॥
கிரிவ்ரஜபுரம் கதாஸ்ததநு தேவ யூயம் த்ரயோ
யயாச ஸமரோத்ஸவம் த்விஜமிஷேண தம் மாகதம் ।
அபூர்ணஸுக்ரு'தம் த்வமும் பவநஜேந ஸங்க்ராமயந்
நிரீக்ஷ்ய ஸஹ ஜிஷ்ணுநா த்வமபி ராஜயுத்த்வா ஸ்திதஃ ॥4॥
அஶாந்தஸமரோத்ததம் பிடபபாடநாஸஞ்ஜ்ஞயா
நிபாத்ய ஜரரஸ்ஸுதம் பவநஜேந நிஷ்பாடிதம் ।
விமுச்ய ந்ரு'பதீந் முதா ஸமநுக்ரு'ஹ்ய பக்திம் பராம்
திதேஶித கதஸ்ப்ரு'ஹாநபி ச தர்மகுப்த்யை புவஃ ॥5॥
ப்ரசக்ருஷி யுதிஷ்டிரே ததநு ராஜஸூயாத்வரம்
ப்ரஸந்நப்ரு'தகீபவத்ஸகலராஜகவ்யாகுலம் ।
த்வமப்யயி ஜகத்பதே த்விஜபதாவநேஜாதிகம்
சகர்த கிமு கத்யதே ந்ரு'பவரஸ்ய பாக்யோந்நதிஃ ॥6॥
ததஃ ஸவநகர்மணி ப்ரவரமக்ர்யபூஜாவிதிம்
விசார்ய ஸஹதேவவாகநுகதஃ ஸ தர்மாத்மஜஃ ।
வ்யதத்த பவதே முதா ஸதஸி விஶ்வபூதாத்மநே
ததா ஸஸுரமாநுஷம் புவநமேவ த்ரு'ப்திம் ததௌ ॥7॥
ததஃ ஸபதி சேதிபோ முநிந்ரு'பேஷு திஷ்டத்ஸ்வஹோ
ஸபாஜயதி கோ ஜடஃ பஶுபதுர்துரூடம் வடும் ।
இதி த்வயி ஸ துர்வசோவிததிமுத்வமந்நாஸநா-
துதாபததுதாயுதஃ ஸமபதந்நமும் பாண்டவாஃ ॥8॥
நிவார்ய நிஜபக்ஷகாநபிமுகஸ்யவித்வேஷிண-
ஸ்த்வமேவ ஜஹ்ரு'ஷே ஶிரோ தநுஜதாரிணா ஸ்வாரிணா ।
ஜநுஸ்த்ரிதயலப்தயா ஸததசிந்தயா ஶுத்ததீ-
ஸ்த்வயா ஸ பரமேகதாமத்ரு'த யோகிநாம் துர்லபாம் ॥9॥
ததஃ ஸுமஹிதே த்வயா க்ரதுவரே நிரூடே ஜநோ
யயௌ ஜயதி தர்மஜோ ஜயதி க்ரு'ஷ்ண இத்யாலபந்।
கலஃ ஸ து ஸுயோதநோ துதமநாஸ்ஸபத்நஶ்ரியா
மயார்பிதஸபாமுகே ஸ்தலஜலப்ரமாதப்ரமீத் ॥10॥
ததா ஹஸிதமுத்திதம் த்ருபதநந்தநாபீமயோ-
ரபாங்ககலயா விபோ கிமபி தாவதுஜ்ஜ்ரு'ம்பயந் ।
தராபரநிராக்ரு'தௌ ஸபதி நாம பீஜம் வபந்
ஜநார்தந மருத்புரீநிலய பாஹி மாமாமயாத் ॥11॥
Roman (IAST) Transliteration
tato magadhabhūbhṛtā ciranirodhasaṅkleśitaṃ
śatāṣṭakayutāyutadvitayamīśa bhūmībhṛtām |
anāthaśaraṇāya te kamapi pūruṣaṃ prāhiṇo-
dayācata sa māgadhakṣapaṇameva kiṃ bhūyasā ||1||
yiyāsurabhimāgadhaṃ tadanu nāradodīritā-
dyudhiṣṭhiramakhodyamādubhayakāryaparyākulaḥ |
viruddhajayino'dhvarādubhayasiddhirityuddhave
śaśaṃsuṣi nijaiḥ samaṃ puramiyetha yaudhiṣṭhirīm ||2||
aśeṣadayitāyute tvayi samāgate dharmajo
vijitya sahajairmahīṃ bhavadapāṅgasaṃvardhitaiḥ |
śriyaṃ nirupamāṃ vahannahaha bhaktadāsāyitaṃ
bhavantamayi māgadhe prahitavān sabhīmārjunam ||3||
girivrajapuraṃ gatāstadanu deva yūyaṃ trayo
yayāca samarotsavaṃ dvijamiṣeṇa taṃ māgadham |
apūrṇasukṛtaṃ tvamuṃ pavanajena saṅgrāmayan
nirīkṣya saha jiṣṇunā tvamapi rājayuddhvā sthitaḥ ||4||
aśāntasamaroddhataṃ biṭapapāṭanāsañjñayā
nipātya jararassutaṃ pavanajena niṣpāṭitam |
vimucya nṛpatīn mudā samanugṛhya bhaktiṃ parāṃ
dideśitha gataspṛhānapi ca dharmaguptyai bhuvaḥ ||5||
pracakruṣi yudhiṣṭhire tadanu rājasūyādhvaraṃ
prasannabhṛtakībhavatsakalarājakavyākulam |
tvamapyayi jagatpate dvijapadāvanejādikaṃ
cakartha kimu kathyate nṛpavarasya bhāgyonnatiḥ ||6||
tataḥ savanakarmaṇi pravaramagryapūjāvidhiṃ
vicārya sahadevavāganugataḥ sa dharmātmajaḥ |
vyadhatta bhavate mudā sadasi viśvabhūtātmane
tadā sasuramānuṣaṃ bhuvanameva tṛptiṃ dadhau ||7||
tataḥ sapadi cedipo muninṛpeṣu tiṣṭhatsvaho
sabhājayati ko jaḍaḥ paśupadurdurūṭaṃ vaṭum |
iti tvayi sa durvacovitatimudvamannāsanā-
dudāpatadudāyudhaḥ samapatannamuṃ pāṇḍavāḥ ||8||
nivārya nijapakṣagānabhimukhasyavidveṣiṇa-
stvameva jahṛṣe śiro danujadāriṇā svāriṇā |
janustritayalabdhayā satatacintayā śuddhadhī-
stvayā sa paramekatāmadhṛta yogināṃ durlabhām ||9||
tataḥ sumahite tvayā kratuvare nirūḍhe jano
yayau jayati dharmajo jayati kṛṣṇa ityālapan|
khalaḥ sa tu suyodhano dhutamanāssapatnaśriyā
mayārpitasabhāmukhe sthalajalabhramādabhramīt ||10||
tadā hasitamutthitaṃ drupadanandanābhīmayo-
rapāṅgakalayā vibho kimapi tāvadujjṛmbhayan |
dharābharanirākṛtau sapadi nāma bījaṃ vapan
janārdana marutpurīnilaya pāhi māmāmayāt ||11||
Sanskrit — Devanagari (original)
ततो मगधभूभृता चिरनिरोधसङ्क्लेशितं
शताष्टकयुतायुतद्वितयमीश भूमीभृताम् ।
अनाथशरणाय ते कमपि पूरुषं प्राहिणो-
दयाचत स मागधक्षपणमेव किं भूयसा ॥1॥
यियासुरभिमागधं तदनु नारदोदीरिता-
द्युधिष्ठिरमखोद्यमादुभयकार्यपर्याकुलः ।
विरुद्धजयिनोऽध्वरादुभयसिद्धिरित्युद्धवे
शशंसुषि निजैः समं पुरमियेथ यौधिष्ठिरीम् ॥2॥
अशेषदयितायुते त्वयि समागते धर्मजो
विजित्य सहजैर्महीं भवदपाङ्गसंवर्धितैः ।
श्रियं निरुपमां वहन्नहह भक्तदासायितं
भवन्तमयि मागधे प्रहितवान् सभीमार्जुनम् ॥3॥
गिरिव्रजपुरं गतास्तदनु देव यूयं त्रयो
ययाच समरोत्सवं द्विजमिषेण तं मागधम् ।
अपूर्णसुकृतं त्वमुं पवनजेन सङ्ग्रामयन्
निरीक्ष्य सह जिष्णुना त्वमपि राजयुद्ध्वा स्थितः ॥4॥
अशान्तसमरोद्धतं बिटपपाटनासञ्ज्ञया
निपात्य जररस्सुतं पवनजेन निष्पाटितम् ।
विमुच्य नृपतीन् मुदा समनुगृह्य भक्तिं परां
दिदेशिथ गतस्पृहानपि च धर्मगुप्त्यै भुवः ॥5॥
प्रचक्रुषि युधिष्ठिरे तदनु राजसूयाध्वरं
प्रसन्नभृतकीभवत्सकलराजकव्याकुलम् ।
त्वमप्ययि जगत्पते द्विजपदावनेजादिकं
चकर्थ किमु कथ्यते नृपवरस्य भाग्योन्नतिः ॥6॥
ततः सवनकर्मणि प्रवरमग्र्यपूजाविधिं
विचार्य सहदेववागनुगतः स धर्मात्मजः ।
व्यधत्त भवते मुदा सदसि विश्वभूतात्मने
तदा ससुरमानुषं भुवनमेव तृप्तिं दधौ ॥7॥
ततः सपदि चेदिपो मुनिनृपेषु तिष्ठत्स्वहो
सभाजयति को जडः पशुपदुर्दुरूटं वटुम् ।
इति त्वयि स दुर्वचोविततिमुद्वमन्नासना-
दुदापतदुदायुधः समपतन्नमुं पाण्डवाः ॥8॥
निवार्य निजपक्षगानभिमुखस्यविद्वेषिण-
स्त्वमेव जहृषे शिरो दनुजदारिणा स्वारिणा ।
जनुस्त्रितयलब्धया सततचिन्तया शुद्धधी-
स्त्वया स परमेकतामधृत योगिनां दुर्लभाम् ॥9॥
ततः सुमहिते त्वया क्रतुवरे निरूढे जनो
ययौ जयति धर्मजो जयति कृष्ण इत्यालपन्।
खलः स तु सुयोधनो धुतमनास्सपत्नश्रिया
मयार्पितसभामुखे स्थलजलभ्रमादभ्रमीत् ॥10॥
तदा हसितमुत्थितं द्रुपदनन्दनाभीमयो-
रपाङ्गकलया विभो किमपि तावदुज्जृम्भयन् ।
धराभरनिराकृतौ सपदि नाम बीजं वपन्
जनार्दन मरुत्पुरीनिलय पाहि मामामयात् ॥11॥
tato magadhabhūbhṛtā ciranirodhasaṅkleśitaṃ
śatāṣṭakayutāyutadvitayamīśa bhūmībhṛtām |
anāthaśaraṇāya te kamapi pūruṣaṃ prāhiṇo-
dayācata sa māgadhakṣapaṇameva kiṃ bhūyasā ||1||
yiyāsurabhimāgadhaṃ tadanu nāradodīritā-
dyudhiṣṭhiramakhodyamādubhayakāryaparyākulaḥ |
viruddhajayino'dhvarādubhayasiddhirityuddhave
śaśaṃsuṣi nijaiḥ samaṃ puramiyetha yaudhiṣṭhirīm ||2||
aśeṣadayitāyute tvayi samāgate dharmajo
vijitya sahajairmahīṃ bhavadapāṅgasaṃvardhitaiḥ |
śriyaṃ nirupamāṃ vahannahaha bhaktadāsāyitaṃ
bhavantamayi māgadhe prahitavān sabhīmārjunam ||3||
girivrajapuraṃ gatāstadanu deva yūyaṃ trayo
yayāca samarotsavaṃ dvijamiṣeṇa taṃ māgadham |
apūrṇasukṛtaṃ tvamuṃ pavanajena saṅgrāmayan
nirīkṣya saha jiṣṇunā tvamapi rājayuddhvā sthitaḥ ||4||
aśāntasamaroddhataṃ biṭapapāṭanāsañjñayā
nipātya jararassutaṃ pavanajena niṣpāṭitam |
vimucya nṛpatīn mudā samanugṛhya bhaktiṃ parāṃ
dideśitha gataspṛhānapi ca dharmaguptyai bhuvaḥ ||5||
pracakruṣi yudhiṣṭhire tadanu rājasūyādhvaraṃ
prasannabhṛtakībhavatsakalarājakavyākulam |
tvamapyayi jagatpate dvijapadāvanejādikaṃ
cakartha kimu kathyate nṛpavarasya bhāgyonnatiḥ ||6||
tataḥ savanakarmaṇi pravaramagryapūjāvidhiṃ
vicārya sahadevavāganugataḥ sa dharmātmajaḥ |
vyadhatta bhavate mudā sadasi viśvabhūtātmane
tadā sasuramānuṣaṃ bhuvanameva tṛptiṃ dadhau ||7||
tataḥ sapadi cedipo muninṛpeṣu tiṣṭhatsvaho
sabhājayati ko jaḍaḥ paśupadurdurūṭaṃ vaṭum |
iti tvayi sa durvacovitatimudvamannāsanā-
dudāpatadudāyudhaḥ samapatannamuṃ pāṇḍavāḥ ||8||
nivārya nijapakṣagānabhimukhasyavidveṣiṇa-
stvameva jahṛṣe śiro danujadāriṇā svāriṇā |
janustritayalabdhayā satatacintayā śuddhadhī-
stvayā sa paramekatāmadhṛta yogināṃ durlabhām ||9||
tataḥ sumahite tvayā kratuvare nirūḍhe jano
yayau jayati dharmajo jayati kṛṣṇa ityālapan|
khalaḥ sa tu suyodhano dhutamanāssapatnaśriyā
mayārpitasabhāmukhe sthalajalabhramādabhramīt ||10||
tadā hasitamutthitaṃ drupadanandanābhīmayo-
rapāṅgakalayā vibho kimapi tāvadujjṛmbhayan |
dharābharanirākṛtau sapadi nāma bījaṃ vapan
janārdana marutpurīnilaya pāhi māmāmayāt ||11||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.