Narayaniyam Dashaka 39 - Yogamaya Pradurbhavam Tatha Gokule Krishnajanmotsavam — Tamil Script

பவந்தமயமுத்வஹந் யதுகுலோத்வஹோ நிஸ்ஸரந்

ததர்ஶ ககநோச்சலஜ்ஜலபராம் கலிந்தாத்மஜாம் ।

அஹோ ஸலிலஸஞ்சயஃ ஸ புநரைந்த்ரஜாலோதிதோ

ஜலௌக இவ தத்க்ஷணாத் ப்ரபதமேயதாமாயயௌ ॥1॥

ப்ரஸுப்தபஶுபாலிகாம் நிப்ரு'தமாருதத்பாலிகா-

மபாவ்ரு'தகவாடிகாம் பஶுபவாடிகாமாவிஶந் ।

பவந்தமயமர்பயந் ப்ரஸவதல்பகே தத்பதா-

த்வஹந் கபடகந்யகாம் ஸ்வபுரமாகதோ வேகதஃ ॥2॥

ததஸ்த்வதநுஜாரவக்ஷபிதநித்ரவேகத்ரவத்-

படோத்கரநிவேதிதப்ரஸவவார்தயைவார்திமாந் ।

விமுக்தசிகுரோத்கரஸ்த்வரிதமாபதந் போஜரா-

டதுஷ்ட இவ த்ரு'ஷ்டவாந் பகிநிகாகரே கந்யகாம் ॥3॥

த்ருவம் கபடஶாலிநோ மதுஹரஸ்ய மாயா பவே-

தஸாவிதி கிஶோரிகாம் பகிநிகாகராலிங்கிதாம் ।

த்விபோ நலிநிகாந்தராதிவ ம்ரு'ணாலிகாமாக்ஷிப-

ந்நயம் த்வதநுஜாமஜாமுபலபட்டகே பிஷ்டவாந் ॥4॥

ததஃ பவதுபாஸகோ சடிதி ம்ரு'த்யுபாஶாதிவ

ப்ரமுச்ய தரஸைவ ஸா ஸமதிரூடரூபாந்தரா ।

அதஸ்தலமஜக்முஷீ விகஸதஷ்டபாஹுஸ்புர-

ந்மஹாயுதமஹோ கதா கில விஹாயஸா தித்யுதே ॥5॥

ந்ரு'ஶம்ஸதர கம்ஸ தே கிமு மயா விநிஷ்பிஷ்டயா

பபூவ பவதந்தகஃ க்வசந சிந்த்யதாம் தே ஹிதம் ।

இதி த்வதநுஜா விபோ கலமுதீர்ய தம் ஜக்முஷீ

மருத்கணபணாயிதா புவி ச மந்திராண்யேயுஷீ ॥6॥

ப்ரகே புநரகாத்மஜாவசநமீரிதா பூபுஜா

ப்ரலம்பபகபூதநாப்ரமுகதாநவா மாநிநஃ ।

பவந்நிதநகாம்யயா ஜகதி பப்ரமுர்நிர்பயாஃ

குமாரகவிமாரகாஃ கிமிவ துஷ்கரம் நிஷ்க்ரு'பைஃ ॥7॥

ததஃ பஶுபமந்திரே த்வயி முகுந்த நந்தப்ரியா-

ப்ரஸூதிஶயநேஶயே ருததி கிஞ்சிதஞ்சத்பதே ।

விபுத்ய வநிதாஜநைஸ்தநயஸம்பவே கோஷிதே

முதா கிமு வதாம்யஹோ ஸகலமாகுலம் கோகுலம் ॥8॥

அஹோ கலு யஶோதயா நவகலாயசேதோஹரம்

பவந்தமலமந்திகே ப்ரதமமாபிபந்த்யா த்ரு'ஶா ।

புநஃ ஸ்தநபரம் நிஜம் ஸபதி பாயயந்த்யா முதா

மநோஹரதநுஸ்ப்ரு'ஶா ஜகதி புண்யவந்தோ ஜிதாஃ ॥9॥

பவத்குஶலகாம்யயா ஸ கலு நந்தகோபஸ்ததா

ப்ரமோதபரஸங்குலோ த்விஜகுலாய கிந்நாததாத் ।

ததைவ பஶுபாலகாஃ கிமு ந மங்கலம் தேநிரே

ஜகத்த்ரிதயமங்கல த்வமிஹ பாஹி மாமாமயாத் ॥10॥

Roman (IAST) Transliteration

bhavantamayamudvahan yadukulodvaho nissaran

dadarśa gaganoccalajjalabharāṃ kalindātmajām |

aho salilasañcayaḥ sa punaraindrajālodito

jalaugha iva tatkṣaṇāt prapadameyatāmāyayau ||1||

prasuptapaśupālikāṃ nibhṛtamārudadbālikā-

mapāvṛtakavāṭikāṃ paśupavāṭikāmāviśan |

bhavantamayamarpayan prasavatalpake tatpadā-

dvahan kapaṭakanyakāṃ svapuramāgato vegataḥ ||2||

tatastvadanujāravakṣapitanidravegadravad-

bhaṭotkaraniveditaprasavavārtayaivārtimān |

vimuktacikurotkarastvaritamāpatan bhojarā-

ḍatuṣṭa iva dṛṣṭavān bhaginikākare kanyakām ||3||

dhruvaṃ kapaṭaśālino madhuharasya māyā bhave-

dasāviti kiśorikāṃ bhaginikākarāliṅgitām |

dvipo nalinikāntarādiva mṛṇālikāmākṣipa-

nnayaṃ tvadanujāmajāmupalapaṭṭake piṣṭavān ||4||

tataḥ bhavadupāsako jhaṭiti mṛtyupāśādiva

pramucya tarasaiva sā samadhirūḍharūpāntarā |

adhastalamajagmuṣī vikasadaṣṭabāhusphura-

nmahāyudhamaho gatā kila vihāyasā didyute ||5||

nṛśaṃsatara kaṃsa te kimu mayā viniṣpiṣṭayā

babhūva bhavadantakaḥ kvacana cintyatāṃ te hitam |

iti tvadanujā vibho khalamudīrya taṃ jagmuṣī

marudgaṇapaṇāyitā bhuvi ca mandirāṇyeyuṣī ||6||

prage punaragātmajāvacanamīritā bhūbhujā

pralambabakapūtanāpramukhadānavā māninaḥ |

bhavannidhanakāmyayā jagati babhramurnirbhayāḥ

kumārakavimārakāḥ kimiva duṣkaraṃ niṣkṛpaiḥ ||7||

tataḥ paśupamandire tvayi mukunda nandapriyā-

prasūtiśayaneśaye rudati kiñcidañcatpade |

vibudhya vanitājanaistanayasambhave ghoṣite

mudā kimu vadāmyaho sakalamākulaṃ gokulam ||8||

aho khalu yaśodayā navakalāyacetoharaṃ

bhavantamalamantike prathamamāpibantyā dṛśā |

punaḥ stanabharaṃ nijaṃ sapadi pāyayantyā mudā

manoharatanuspṛśā jagati puṇyavanto jitāḥ ||9||

bhavatkuśalakāmyayā sa khalu nandagopastadā

pramodabharasaṅkulo dvijakulāya kinnādadāt |

tathaiva paśupālakāḥ kimu na maṅgalaṃ tenire

jagattritayamaṅgala tvamiha pāhi māmāmayāt ||10||

Sanskrit — Devanagari (original)

भवन्तमयमुद्वहन् यदुकुलोद्वहो निस्सरन्

ददर्श गगनोच्चलज्जलभरां कलिन्दात्मजाम् ।

अहो सलिलसञ्चयः स पुनरैन्द्रजालोदितो

जलौघ इव तत्क्षणात् प्रपदमेयतामाययौ ॥1॥

प्रसुप्तपशुपालिकां निभृतमारुदद्बालिका-

मपावृतकवाटिकां पशुपवाटिकामाविशन् ।

भवन्तमयमर्पयन् प्रसवतल्पके तत्पदा-

द्वहन् कपटकन्यकां स्वपुरमागतो वेगतः ॥2॥

ततस्त्वदनुजारवक्षपितनिद्रवेगद्रवद्-

भटोत्करनिवेदितप्रसववार्तयैवार्तिमान् ।

विमुक्तचिकुरोत्करस्त्वरितमापतन् भोजरा-

डतुष्ट इव दृष्टवान् भगिनिकाकरे कन्यकाम् ॥3॥

ध्रुवं कपटशालिनो मधुहरस्य माया भवे-

दसाविति किशोरिकां भगिनिकाकरालिङ्गिताम् ।

द्विपो नलिनिकान्तरादिव मृणालिकामाक्षिप-

न्नयं त्वदनुजामजामुपलपट्टके पिष्टवान् ॥4॥

ततः भवदुपासको झटिति मृत्युपाशादिव

प्रमुच्य तरसैव सा समधिरूढरूपान्तरा ।

अधस्तलमजग्मुषी विकसदष्टबाहुस्फुर-

न्महायुधमहो गता किल विहायसा दिद्युते ॥5॥

नृशंसतर कंस ते किमु मया विनिष्पिष्टया

बभूव भवदन्तकः क्वचन चिन्त्यतां ते हितम् ।

इति त्वदनुजा विभो खलमुदीर्य तं जग्मुषी

मरुद्गणपणायिता भुवि च मन्दिराण्येयुषी ॥6॥

प्रगे पुनरगात्मजावचनमीरिता भूभुजा

प्रलम्बबकपूतनाप्रमुखदानवा मानिनः ।

भवन्निधनकाम्यया जगति बभ्रमुर्निर्भयाः

कुमारकविमारकाः किमिव दुष्करं निष्कृपैः ॥7॥

ततः पशुपमन्दिरे त्वयि मुकुन्द नन्दप्रिया-

प्रसूतिशयनेशये रुदति किञ्चिदञ्चत्पदे ।

विबुध्य वनिताजनैस्तनयसम्भवे घोषिते

मुदा किमु वदाम्यहो सकलमाकुलं गोकुलम् ॥8॥

अहो खलु यशोदया नवकलायचेतोहरं

भवन्तमलमन्तिके प्रथममापिबन्त्या दृशा ।

पुनः स्तनभरं निजं सपदि पाययन्त्या मुदा

मनोहरतनुस्पृशा जगति पुण्यवन्तो जिताः ॥9॥

भवत्कुशलकाम्यया स खलु नन्दगोपस्तदा

प्रमोदभरसङ्कुलो द्विजकुलाय किन्नाददात् ।

तथैव पशुपालकाः किमु न मङ्गलं तेनिरे

जगत्त्रितयमङ्गल त्वमिह पाहि मामामयात् ॥10॥