உபயாதாநாம் ஸுத்ரு'ஶாம் குஸுமாயுதபாணபாதவிவஶாநாம் ।
அபிவாஞ்சிதம் விதாதும் க்ரு'தமதிரபி தா ஜகாத வாமமிவ ॥1॥
ககநகதம் முநிநிவஹம் ஶ்ராவயிதும் ஜகித குலவதூதர்மம் ।
தர்ம்யம் கலு தே வசநம் கர்ம து நோ நிர்மலஸ்ய விஶ்வாஸ்யம் ॥2॥
ஆகர்ண்ய தே ப்ரதீபாம் வாணீமேணீத்ரு'ஶஃ பரம் தீநாஃ ।
மா மா கருணாஸிந்தோ பரித்யஜேத்யதிசிரம் விலேபுஸ்தாஃ ॥3॥
தாஸாம் ருதிதைர்லபிதைஃ கருணாகுலமாநஸோ முராரே த்வம் ।
தாபிஸ்ஸமம் ப்ரவ்ரு'த்தோ யமுநாபுலிநேஷு காமமபிரந்தும் ॥4॥
சந்த்ரகரஸ்யந்தலஸத்ஸுந்தரயமுநாதடாந்தவீதீஷு ।
கோபீஜநோத்தரீயைராபாதிதஸம்ஸ்தரோ ந்யஷீதஸ்த்வம் ॥5॥
ஸுமதுரநர்மாலபநைஃ கரஸங்க்ரஹணைஶ்ச சும்பநோல்லாஸைஃ ।
காடாலிங்கநஸங்கைஸ்த்வமங்கநாலோகமாகுலீசக்ரு'ஷே ॥6॥
வாஸோஹரணதிநே யத்வாஸோஹரணம் ப்ரதிஶ்ருதம் தாஸாம் ।
ததபி விபோ ரஸவிவஶஸ்வாந்தாநாம் காந்த ஸுப்ருவாமததாஃ ॥7॥
கந்தலிதகர்மலேஶம் குந்தம்ரு'துஸ்மேரவக்த்ரபாதோஜம் ।
நந்தஸுத த்வாம் த்ரிஜகத்ஸுந்தரமுபகூஹ்ய நந்திதா பாலாஃ ॥8॥
விரஹேஷ்வங்காரமயஃ ஶ்ரு'ங்காரமயஶ்ச ஸங்கமே ஹி த்வம் நிதராமங்காரமயஸ்தத்ர புநஸ்ஸங்கமேऽபி சித்ரமிதம் ॥9॥
ராதாதுங்கபயோதரஸாதுபரீரம்பலோலுபாத்மாநம் ।
ஆராதயே பவந்தம் பவநபுராதீஶ ஶமய ஸகலகதாந் ॥10॥
Roman (IAST) Transliteration
upayātānāṃ sudṛśāṃ kusumāyudhabāṇapātavivaśānām |
abhivāñchitaṃ vidhātuṃ kṛtamatirapi tā jagātha vāmamiva ||1||
gaganagataṃ muninivahaṃ śrāvayituṃ jagitha kulavadhūdharmam |
dharmyaṃ khalu te vacanaṃ karma tu no nirmalasya viśvāsyam ||2||
ākarṇya te pratīpāṃ vāṇīmeṇīdṛśaḥ paraṃ dīnāḥ |
mā mā karuṇāsindho parityajetyaticiraṃ vilepustāḥ ||3||
tāsāṃ ruditairlapitaiḥ karuṇākulamānaso murāre tvam |
tābhissamaṃ pravṛtto yamunāpulineṣu kāmamabhirantum ||4||
candrakarasyandalasatsundarayamunātaṭāntavīthīṣu |
gopījanottarīyairāpāditasaṃstaro nyaṣīdastvam ||5||
sumadhuranarmālapanaiḥ karasaṅgrahaṇaiśca cumbanollāsaiḥ |
gāḍhāliṅganasaṅgaistvamaṅganālokamākulīcakṛṣe ||6||
vāsoharaṇadine yadvāsoharaṇaṃ pratiśrutaṃ tāsām |
tadapi vibho rasavivaśasvāntānāṃ kānta subhruvāmadadhāḥ ||7||
kandalitagharmaleśaṃ kundamṛdusmeravaktrapāthojam |
nandasuta tvāṃ trijagatsundaramupagūhya nanditā bālāḥ ||8||
viraheṣvaṅgāramayaḥ śṛṅgāramayaśca saṅgame hi tvam nitarāmaṅgāramayastatra punassaṅgame'pi citramidam ||9||
rādhātuṅgapayodharasādhuparīrambhalolupātmānam |
ārādhaye bhavantaṃ pavanapurādhīśa śamaya sakalagadān ||10||
Sanskrit — Devanagari (original)
उपयातानां सुदृशां कुसुमायुधबाणपातविवशानाम् ।
अभिवाञ्छितं विधातुं कृतमतिरपि ता जगाथ वाममिव ॥1॥
गगनगतं मुनिनिवहं श्रावयितुं जगिथ कुलवधूधर्मम् ।
धर्म्यं खलु ते वचनं कर्म तु नो निर्मलस्य विश्वास्यम् ॥2॥
आकर्ण्य ते प्रतीपां वाणीमेणीदृशः परं दीनाः ।
मा मा करुणासिन्धो परित्यजेत्यतिचिरं विलेपुस्ताः ॥3॥
तासां रुदितैर्लपितैः करुणाकुलमानसो मुरारे त्वम् ।
ताभिस्समं प्रवृत्तो यमुनापुलिनेषु काममभिरन्तुम् ॥4॥
चन्द्रकरस्यन्दलसत्सुन्दरयमुनातटान्तवीथीषु ।
गोपीजनोत्तरीयैरापादितसंस्तरो न्यषीदस्त्वम् ॥5॥
सुमधुरनर्मालपनैः करसङ्ग्रहणैश्च चुम्बनोल्लासैः ।
गाढालिङ्गनसङ्गैस्त्वमङ्गनालोकमाकुलीचकृषे ॥6॥
वासोहरणदिने यद्वासोहरणं प्रतिश्रुतं तासाम् ।
तदपि विभो रसविवशस्वान्तानां कान्त सुभ्रुवामदधाः ॥7॥
कन्दलितघर्मलेशं कुन्दमृदुस्मेरवक्त्रपाथोजम् ।
नन्दसुत त्वां त्रिजगत्सुन्दरमुपगूह्य नन्दिता बालाः ॥8॥
विरहेष्वङ्गारमयः शृङ्गारमयश्च सङ्गमे हि त्वम् नितरामङ्गारमयस्तत्र पुनस्सङ्गमेऽपि चित्रमिदम् ॥9॥
राधातुङ्गपयोधरसाधुपरीरम्भलोलुपात्मानम् ।
आराधये भवन्तं पवनपुराधीश शमय सकलगदान् ॥10॥
upayātānāṃ sudṛśāṃ kusumāyudhabāṇapātavivaśānām |
abhivāñchitaṃ vidhātuṃ kṛtamatirapi tā jagātha vāmamiva ||1||
gaganagataṃ muninivahaṃ śrāvayituṃ jagitha kulavadhūdharmam |
dharmyaṃ khalu te vacanaṃ karma tu no nirmalasya viśvāsyam ||2||
ākarṇya te pratīpāṃ vāṇīmeṇīdṛśaḥ paraṃ dīnāḥ |
mā mā karuṇāsindho parityajetyaticiraṃ vilepustāḥ ||3||
tāsāṃ ruditairlapitaiḥ karuṇākulamānaso murāre tvam |
tābhissamaṃ pravṛtto yamunāpulineṣu kāmamabhirantum ||4||
candrakarasyandalasatsundarayamunātaṭāntavīthīṣu |
gopījanottarīyairāpāditasaṃstaro nyaṣīdastvam ||5||
sumadhuranarmālapanaiḥ karasaṅgrahaṇaiśca cumbanollāsaiḥ |
gāḍhāliṅganasaṅgaistvamaṅganālokamākulīcakṛṣe ||6||
vāsoharaṇadine yadvāsoharaṇaṃ pratiśrutaṃ tāsām |
tadapi vibho rasavivaśasvāntānāṃ kānta subhruvāmadadhāḥ ||7||
kandalitagharmaleśaṃ kundamṛdusmeravaktrapāthojam |
nandasuta tvāṃ trijagatsundaramupagūhya nanditā bālāḥ ||8||
viraheṣvaṅgāramayaḥ śṛṅgāramayaśca saṅgame hi tvam nitarāmaṅgāramayastatra punassaṅgame'pi citramidam ||9||
rādhātuṅgapayodharasādhuparīrambhalolupātmānam |
ārādhaye bhavantaṃ pavanapurādhīśa śamaya sakalagadān ||10||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.