Narayaniyam Dashaka 12 - Varahavataram — Tamil Script

ஸ்வாயம்புவோ மநுரதோ ஜநஸர்கஶீலோ

த்ரு'ஷ்ட்வா மஹீமஸமயே ஸலிலே நிமக்நாம் ।

ஸ்ரஷ்டாரமாப ஶரணம் பவதங்க்ரிஸேவா-

துஷ்டாஶயம் முநிஜநைஃ ஸஹ ஸத்யலோகே ॥1॥

கஷ்டம் ப்ரஜாஃ ஸ்ரு'ஜதி மய்யவநிர்நிமக்நா

ஸ்தாநம் ஸரோஜபவ கல்பய தத் ப்ரஜாநாம் ।

இத்யேவமேஷ கதிதோ மநுநா ஸ்வயம்பூஃ -

ரம்போருஹாக்ஷ தவ பாதயுகம் வ்யசிந்தீத் ॥ 2 ॥

ஹா ஹா விபோ ஜலமஹம் ந்யபிபம் புரஸ்தா-

தத்யாபி மஜ்ஜதி மஹீ கிமஹம் கரோமி ।

இத்தம் த்வதங்க்ரியுகலம் ஶரணம் யதோऽஸ்ய

நாஸாபுடாத் ஸமபவஃ ஶிஶுகோலரூபீ ।3॥

அங்குஷ்டமாத்ரவபுருத்பதிதஃ புரஸ்தாத்

போயோऽத கும்பிஸத்ரு'ஶஃ ஸமஜ்ரு'ம்பதாஸ்த்வம் ।

அப்ரே ததாவிதமுதீக்ஷ்ய பவந்தமுச்சை -

ர்விஸ்மேரதாம் விதிரகாத் ஸஹ ஸூநுபிஃ ஸ்வைஃ ॥4॥

கோऽஸாவசிந்த்யமஹிமா கிடிருத்திதோ மே

நாஸாபுடாத் கிமு பவேதஜிதஸ்ய மாயா ।

இத்தம் விசிந்தயதி தாதரி ஶைலமாத்ரஃ

ஸத்யோ பவந் கில ஜகர்ஜித கோரகோரம் ॥5॥

தம் தே நிநாதமுபகர்ண்ய ஜநஸ்தபஃஸ்தாஃ

ஸத்யஸ்திதாஶ்ச முநயோ நுநுவுர்பவந்தம் ।

தத்ஸ்தோத்ரஹர்ஷுலமநாஃ பரிணத்ய பூய-

ஸ்தோயாஶயம் விபுலமூர்திரவாதரஸ்த்வம் ॥6॥

ஊர்த்வப்ரஸாரிபரிதூம்ரவிதூதரோமா

ப்ரோத்க்ஷிப்தவாலதிரவாங்முககோரகோணஃ ।

தூர்ணப்ரதீர்ணஜலதஃ பரிகூர்ணதக்ஷ்ணா

ஸ்தோத்ரு'ந் முநீந் ஶிஶிரயந்நவதேரித த்வம் ॥7॥

அந்தர்ஜலம் ததநுஸங்குலநக்ரசக்ரம்

ப்ராம்யத்திமிங்கிலகுலம் கலுஷோர்மிமாலம் ।

ஆவிஶ்ய பீஷணரவேண ரஸாதலஸ்தா -

நாகம்பயந் வஸுமதீமகவேஷயஸ்த்வம் ॥8॥

த்ரு'ஷ்ட்வாऽத தைத்யஹதகேந ரஸாதலாந்தே

ஸம்வேஶிதாம் சடிதி கூடகிடிர்விபோ த்வம் ।

ஆபாதுகாநவிகணய்ய ஸுராரிகேடாந்

தம்ஷ்ட்ராங்குரேண வஸுதாமததாஃ ஸலீலம் ॥9॥

அப்யுத்தரந்நத தராம் தஶநாக்ரலக்ந

முஸ்தாங்குராங்கித இவாதிகபீவராத்மா ।

உத்தூதகோரஸலிலாஜ்ஜலதேருதஞ்சந்

க்ரீடாவராஹவபுரீஶ்வர பாஹி ரோகாத் ॥10॥

Roman (IAST) Transliteration

svāyambhuvo manuratho janasargaśīlo

dṛṣṭvā mahīmasamaye salile nimagnām |

sraṣṭāramāpa śaraṇaṃ bhavadaṅghrisevā-

tuṣṭāśayaṃ munijanaiḥ saha satyaloke ||1||

kaṣṭaṃ prajāḥ sṛjati mayyavanirnimagnā

sthānaṃ sarojabhava kalpaya tat prajānām |

ityevameṣa kathito manunā svayambhūḥ -

rambhoruhākṣa tava pādayugaṃ vyacintīt || 2 ||

hā hā vibho jalamahaṃ nyapibaṃ purastā-

dadyāpi majjati mahī kimahaṃ karomi |

itthaṃ tvadaṅghriyugalaṃ śaraṇaṃ yato'sya

nāsāpuṭāt samabhavaḥ śiśukolarūpī |3||

aṅguṣṭhamātravapurutpatitaḥ purastāt

bhoyo'tha kumbhisadṛśaḥ samajṛmbhathāstvam |

abhre tathāvidhamudīkṣya bhavantamuccai -

rvismeratāṃ vidhiragāt saha sūnubhiḥ svaiḥ ||4||

ko'sāvacintyamahimā kiṭirutthito me

nāsāpuṭāt kimu bhavedajitasya māyā |

itthaṃ vicintayati dhātari śailamātraḥ

sadyo bhavan kila jagarjitha ghoraghoram ||5||

taṃ te ninādamupakarṇya janastapaḥsthāḥ

satyasthitāśca munayo nunuvurbhavantam |

tatstotraharṣulamanāḥ pariṇadya bhūya-

stoyāśayaṃ vipulamūrtiravātarastvam ||6||

ūrdhvaprasāriparidhūmravidhūtaromā

protkṣiptavāladhiravāṅmukhaghoraghoṇaḥ |

tūrṇapradīrṇajaladaḥ parighūrṇadakṣṇā

stotṛn munīn śiśirayannavateritha tvam ||7||

antarjalaṃ tadanusaṅkulanakracakraṃ

bhrāmyattimiṅgilakulaṃ kaluṣormimālam |

āviśya bhīṣaṇaraveṇa rasātalasthā -

nākampayan vasumatīmagaveṣayastvam ||8||

dṛṣṭvā'tha daityahatakena rasātalānte

saṃveśitāṃ jhaṭiti kūṭakiṭirvibho tvam |

āpātukānavigaṇayya surārikheṭān

daṃṣṭrāṅkureṇa vasudhāmadadhāḥ salīlam ||9||

abhyuddharannatha dharāṃ daśanāgralagna

mustāṅkurāṅkita ivādhikapīvarātmā |

uddhūtaghorasalilājjaladherudañcan

krīḍāvarāhavapurīśvara pāhi rogāt ||10||

Sanskrit — Devanagari (original)

स्वायम्भुवो मनुरथो जनसर्गशीलो

दृष्ट्वा महीमसमये सलिले निमग्नाम् ।

स्रष्टारमाप शरणं भवदङ्घ्रिसेवा-

तुष्टाशयं मुनिजनैः सह सत्यलोके ॥1॥

कष्टं प्रजाः सृजति मय्यवनिर्निमग्ना

स्थानं सरोजभव कल्पय तत् प्रजानाम् ।

इत्येवमेष कथितो मनुना स्वयम्भूः -

रम्भोरुहाक्ष तव पादयुगं व्यचिन्तीत् ॥ 2 ॥

हा हा विभो जलमहं न्यपिबं पुरस्ता-

दद्यापि मज्जति मही किमहं करोमि ।

इत्थं त्वदङ्घ्रियुगलं शरणं यतोऽस्य

नासापुटात् समभवः शिशुकोलरूपी ।3॥

अङ्गुष्ठमात्रवपुरुत्पतितः पुरस्तात्

भोयोऽथ कुम्भिसदृशः समजृम्भथास्त्वम् ।

अभ्रे तथाविधमुदीक्ष्य भवन्तमुच्चै -

र्विस्मेरतां विधिरगात् सह सूनुभिः स्वैः ॥4॥

कोऽसावचिन्त्यमहिमा किटिरुत्थितो मे

नासापुटात् किमु भवेदजितस्य माया ।

इत्थं विचिन्तयति धातरि शैलमात्रः

सद्यो भवन् किल जगर्जिथ घोरघोरम् ॥5॥

तं ते निनादमुपकर्ण्य जनस्तपःस्थाः

सत्यस्थिताश्च मुनयो नुनुवुर्भवन्तम् ।

तत्स्तोत्रहर्षुलमनाः परिणद्य भूय-

स्तोयाशयं विपुलमूर्तिरवातरस्त्वम् ॥6॥

ऊर्ध्वप्रसारिपरिधूम्रविधूतरोमा

प्रोत्क्षिप्तवालधिरवाङ्मुखघोरघोणः ।

तूर्णप्रदीर्णजलदः परिघूर्णदक्ष्णा

स्तोतृन् मुनीन् शिशिरयन्नवतेरिथ त्वम् ॥7॥

अन्तर्जलं तदनुसङ्कुलनक्रचक्रं

भ्राम्यत्तिमिङ्गिलकुलं कलुषोर्मिमालम् ।

आविश्य भीषणरवेण रसातलस्था -

नाकम्पयन् वसुमतीमगवेषयस्त्वम् ॥8॥

दृष्ट्वाऽथ दैत्यहतकेन रसातलान्ते

संवेशितां झटिति कूटकिटिर्विभो त्वम् ।

आपातुकानविगणय्य सुरारिखेटान्

दंष्ट्राङ्कुरेण वसुधामदधाः सलीलम् ॥9॥

अभ्युद्धरन्नथ धरां दशनाग्रलग्न

मुस्ताङ्कुराङ्कित इवाधिकपीवरात्मा ।

उद्धूतघोरसलिलाज्जलधेरुदञ्चन्

क्रीडावराहवपुरीश्वर पाहि रोगात् ॥10॥