Narayaniyam Dashaka 82 - Banasurayuddham Tatha Nrigashapamoksham — Tamil Script

ப்ரத்யும்நோ ரௌக்மிணேயஃ ஸ கலு தவ கலா ஶம்பரேணாஹ்ரு'தஸ்தம்

ஹத்வா ரத்யா ஸஹாப்தோ நிஜபுரமஹரத்ருக்மிகந்யாம் ச தந்யாம் ।

தத்புத்ரோऽதாநிருத்தோ குணநிதிரவஹத்ரோசநாம் ருக்மிபௌத்ரீம்

தத்ரோத்வாஹே கதஸ்த்வம் ந்யவதி முஸலிநா ருக்ம்யபி த்யூதவைராத் ॥1॥

பாணஸ்ய ஸா பலிஸுதஸ்ய ஸஹஸ்ரபாஹோ-

ர்மாஹேஶ்வரஸ்ய மஹிதா துஹிதா கிலோஷா ।

த்வத்பௌத்ரமேநமநிருத்தமத்ரு'ஷ்டபூர்வம்

ஸ்வப்நேऽநுபூய பகவந் விரஹாதுராऽபூத் ॥2॥

யோகிந்யதீவ குஶலா கலு சித்ரலேகா

தஸ்யாஃ ஸகீ விலிகதீ தருணாநஶேஷாந் ।

தத்ராநிருத்தமுஷயா விதிதம் நிஶாயா-

மாநேஷ்ட யோகபலதோ பவதோ நிகேதாத் ॥3॥

கந்யாபுரே தயிதயா ஸுகமாரமந்தம்

சைநம் கதஞ்சந பபந்துஷி ஶர்வபந்தௌ ।

ஶ்ரீநாரதோக்தததுதந்ததுரந்தரோஷை-

ஸ்த்வம் தஸ்ய ஶோணிதபுரம் யதுபிர்ந்யருந்தாஃ ॥4॥

புரீபாலஶ்ஶைலப்ரியதுஹித்ரு'நாதோऽஸ்ய பகவாந்

ஸமம் பூதவ்ராதைர்யதுபலமஶங்கம் நிருருதே ।

மஹாப்ராணோ பாணோ சடிதி யுயுதாநேநயுயுதே

குஹஃ ப்ரத்யும்நேந த்வமபி புரஹந்த்ரா ஜகடிஷே ॥5॥

நிருத்தாஶேஷாஸ்த்ரே முமுஹுஷி தவாஸ்த்ரேண கிரிஶே

த்ருதா பூதா பீதாஃ ப்ரமதகுலவீராஃ ப்ரமதிதாஃ ।

பராஸ்கந்த்த் ஸ்கந்தஃ குஸுமஶரபாணைஶ்ச ஸசிவஃ

ஸ கும்பாண்டோ பாண்டம் நவமிவ பலேநாஶு பிபிதே ॥6॥

சாபாநாம் பஞ்சஶத்யா ப்ரஸபமுபகதே சிந்நசாபேऽத பாணே

வ்யர்தே யாதே ஸமேதோ ஜ்வரபதிரஶநைரஜ்வரி த்வஜ்ஜ்வரேண ।

ஜ்ஞாநீ ஸ்துத்வாऽத தத்வா தவ சரிதஜுஷாம் விஜ்வரம் ஸ ஜ்வரோऽகாத்

ப்ராயோऽந்தர்ஜ்ஞாநவந்தோऽபி ச பஹுதமஸா ரௌத்ரசேஷ்டா ஹி ரௌத்ராஃ ॥7॥

பாணம் நாநாயுதோக்ரம் புநரபிபதிதம் தர்பதோஷாத்விதந்வந்

நிர்லூநாஶேஷதோஷம் ஸபதி புபுதுஷா ஶங்கரேணோபகீதஃ ।

தத்வாசா ஶிஷ்டபாஹுத்விதயமுபயதோ நிர்பயம் தத்ப்ரியம் தம்

முக்த்வா தத்தத்தமாநோ நிஜபுரமகமஃ ஸாநிருத்தஃ ஸஹோஷஃ ॥8॥

முஹுஸ்தாவச்சக்ரம் வருணமஜயோ நந்தஹரணே

யமம் பாலாநீதௌ தவதஹநபாநேऽநிலஸகம் ।

விதிம் வத்ஸஸ்தேயே கிரிஶமிஹ பாணஸ்ய ஸமரே

விபோ விஶ்வோத்கர்ஷீ ததயமவதாரோ ஜயதி தே ॥9॥

த்விஜருஷா க்ரு'கலாஸவபுர்தரம் ந்ரு'கந்ரு'பம் த்ரிதிவாலயமாபயந் ।

நிஜஜநே த்விஜபக்திமநுத்தமாமுபதிஶந் பவநேஶ்வர் பாஹி மாம் ॥10॥

Roman (IAST) Transliteration

pradyumno raukmiṇeyaḥ sa khalu tava kalā śambareṇāhṛtastaṃ

hatvā ratyā sahāpto nijapuramaharadrukmikanyāṃ ca dhanyām |

tatputro'thāniruddho guṇanidhiravahadrocanāṃ rukmipautrīṃ

tatrodvāhe gatastvaṃ nyavadhi musalinā rukmyapi dyūtavairāt ||1||

bāṇasya sā balisutasya sahasrabāho-

rmāheśvarasya mahitā duhitā kiloṣā |

tvatpautramenamaniruddhamadṛṣṭapūrvaṃ

svapne'nubhūya bhagavan virahāturā'bhūt ||2||

yoginyatīva kuśalā khalu citralekhā

tasyāḥ sakhī vilikhatī taruṇānaśeṣān |

tatrāniruddhamuṣayā viditaṃ niśāyā-

māneṣṭa yogabalato bhavato niketāt ||3||

kanyāpure dayitayā sukhamāramantaṃ

cainaṃ kathañcana babandhuṣi śarvabandhau |

śrīnāradoktatadudantadurantaroṣai-

stvaṃ tasya śoṇitapuraṃ yadubhirnyarundhāḥ ||4||

purīpālaśśailapriyaduhitṛnātho'sya bhagavān

samaṃ bhūtavrātairyadubalamaśaṅkaṃ nirurudhe |

mahāprāṇo bāṇo jhaṭiti yuyudhānenayuyudhe

guhaḥ pradyumnena tvamapi purahantrā jaghaṭiṣe ||5||

niruddhāśeṣāstre mumuhuṣi tavāstreṇa giriśe

drutā bhūtā bhītāḥ pramathakulavīrāḥ pramathitāḥ |

parāskandt skandaḥ kusumaśarabāṇaiśca sacivaḥ

sa kumbhāṇḍo bhāṇḍaṃ navamiva balenāśu bibhide ||6||

cāpānāṃ pañcaśatyā prasabhamupagate chinnacāpe'tha bāṇe

vyarthe yāte sameto jvarapatiraśanairajvari tvajjvareṇa |

jñānī stutvā'tha datvā tava caritajuṣāṃ vijvaraṃ sa jvaro'gāt

prāyo'ntarjñānavanto'pi ca bahutamasā raudraceṣṭā hi raudrāḥ ||7||

bāṇaṃ nānāyudhograṃ punarabhipatitaṃ darpadoṣādvitanvan

nirlūnāśeṣadoṣaṃ sapadi bubudhuṣā śaṅkareṇopagītaḥ |

tadvācā śiṣṭabāhudvitayamubhayato nirbhayaṃ tatpriyaṃ taṃ

muktvā taddattamāno nijapuramagamaḥ sāniruddhaḥ sahoṣaḥ ||8||

muhustāvacchakraṃ varuṇamajayo nandaharaṇe

yamaṃ bālānītau davadahanapāne'nilasakham |

vidhiṃ vatsasteye giriśamiha bāṇasya samare

vibho viśvotkarṣī tadayamavatāro jayati te ||9||

dvijaruṣā kṛkalāsavapurdharaṃ nṛganṛpaṃ tridivālayamāpayan |

nijajane dvijabhaktimanuttamāmupadiśan pavaneśvar pāhi mām ||10||

Sanskrit — Devanagari (original)

प्रद्युम्नो रौक्मिणेयः स खलु तव कला शम्बरेणाहृतस्तं

हत्वा रत्या सहाप्तो निजपुरमहरद्रुक्मिकन्यां च धन्याम् ।

तत्पुत्रोऽथानिरुद्धो गुणनिधिरवहद्रोचनां रुक्मिपौत्रीं

तत्रोद्वाहे गतस्त्वं न्यवधि मुसलिना रुक्म्यपि द्यूतवैरात् ॥1॥

बाणस्य सा बलिसुतस्य सहस्रबाहो-

र्माहेश्वरस्य महिता दुहिता किलोषा ।

त्वत्पौत्रमेनमनिरुद्धमदृष्टपूर्वं

स्वप्नेऽनुभूय भगवन् विरहातुराऽभूत् ॥2॥

योगिन्यतीव कुशला खलु चित्रलेखा

तस्याः सखी विलिखती तरुणानशेषान् ।

तत्रानिरुद्धमुषया विदितं निशाया-

मानेष्ट योगबलतो भवतो निकेतात् ॥3॥

कन्यापुरे दयितया सुखमारमन्तं

चैनं कथञ्चन बबन्धुषि शर्वबन्धौ ।

श्रीनारदोक्ततदुदन्तदुरन्तरोषै-

स्त्वं तस्य शोणितपुरं यदुभिर्न्यरुन्धाः ॥4॥

पुरीपालश्शैलप्रियदुहितृनाथोऽस्य भगवान्

समं भूतव्रातैर्यदुबलमशङ्कं निरुरुधे ।

महाप्राणो बाणो झटिति युयुधानेनयुयुधे

गुहः प्रद्युम्नेन त्वमपि पुरहन्त्रा जघटिषे ॥5॥

निरुद्धाशेषास्त्रे मुमुहुषि तवास्त्रेण गिरिशे

द्रुता भूता भीताः प्रमथकुलवीराः प्रमथिताः ।

परास्कन्द्त् स्कन्दः कुसुमशरबाणैश्च सचिवः

स कुम्भाण्डो भाण्डं नवमिव बलेनाशु बिभिदे ॥6॥

चापानां पञ्चशत्या प्रसभमुपगते छिन्नचापेऽथ बाणे

व्यर्थे याते समेतो ज्वरपतिरशनैरज्वरि त्वज्ज्वरेण ।

ज्ञानी स्तुत्वाऽथ दत्वा तव चरितजुषां विज्वरं स ज्वरोऽगात्

प्रायोऽन्तर्ज्ञानवन्तोऽपि च बहुतमसा रौद्रचेष्टा हि रौद्राः ॥7॥

बाणं नानायुधोग्रं पुनरभिपतितं दर्पदोषाद्वितन्वन्

निर्लूनाशेषदोषं सपदि बुबुधुषा शङ्करेणोपगीतः ।

तद्वाचा शिष्टबाहुद्वितयमुभयतो निर्भयं तत्प्रियं तं

मुक्त्वा तद्दत्तमानो निजपुरमगमः सानिरुद्धः सहोषः ॥8॥

मुहुस्तावच्छक्रं वरुणमजयो नन्दहरणे

यमं बालानीतौ दवदहनपानेऽनिलसखम् ।

विधिं वत्सस्तेये गिरिशमिह बाणस्य समरे

विभो विश्वोत्कर्षी तदयमवतारो जयति ते ॥9॥

द्विजरुषा कृकलासवपुर्धरं नृगनृपं त्रिदिवालयमापयन् ।

निजजने द्विजभक्तिमनुत्तमामुपदिशन् पवनेश्वर् पाहि माम् ॥10॥