Narayaniyam Dashaka 82 - Banasurayuddham Tatha Nrigashapamoksham — Sinhala Script

ප්රද්යුම්නෝ රෞක්මිණේයඃ ස ඛලු තව කලා ශම්බරේණාහෘතස්තං

හත්වා රත්යා සහාප්තෝ නිජපුරමහරද්රුක්මිකන්යාං ච ධන්යාම් .

තත්පුත්රෝ(අ)ථානිරුද්ධෝ ගුණනිධිරවහද්රෝචනාං රුක්මිපෞත්රීං

තත්රෝද්වාහේ ගතස්ත්වං න්යවධි මුසලිනා රුක්ම්යපි ද්යූතවෛරාත් ..1..

බාණස්ය සා බලිසුතස්ය සහස්රබාහෝ-

ර්මාහේශ්වරස්ය මහිතා දුහිතා කිලෝෂා .

ත්වත්පෞත්රමේනමනිරුද්ධමදෘෂ්ටපූර්වං

ස්වප්නේ(අ)නුභූය භගවන් විරහාතුරා(අ)භූත් ..2..

යෝගින්යතීව කුශලා ඛලු චිත්රලේඛා

තස්යාඃ සඛී විලිඛතී තරුණානශේෂාන් .

තත්රානිරුද්ධමුෂයා විදිතං නිශායා-

මානේෂ්ට යෝගබලතෝ භවතෝ නිකේතාත් ..3..

කන්යාපුරේ දයිතයා සුඛමාරමන්තං

චෛනං කථඤ්චන බබන්ධුෂි ශර්වබන්ධෞ .

ශ්රීනාරදෝක්තතදුදන්තදුරන්තරෝෂෛ-

ස්ත්වං තස්ය ශෝණිතපුරං යදුභිර්න්යරුන්ධාඃ ..4..

පුරීපාලශ්ශෛලප්රියදුහිතෘනාථෝ(අ)ස්ය භගවාන්

සමං භූතව්රාතෛර්යදුබලමශඞ්කං නිරුරුධේ .

මහාප්රාණෝ බාණෝ ඣටිති යුයුධානේනයුයුධේ

ගුහඃ ප්රද්යුම්නේන ත්වමපි පුරහන්ත්රා ජඝටිෂේ ..5..

නිරුද්ධාශේෂාස්ත්රේ මුමුහුෂි තවාස්ත්රේණ ගිරිශේ

ද්රුතා භූතා භීතාඃ ප්රමථකුලවීරාඃ ප්රමථිතාඃ .

පරාස්කන්ද්ත් ස්කන්දඃ කුසුමශරබාණෛශ්ච සචිවඃ

ස කුම්භාණ්ඩෝ භාණ්ඩං නවමිව බලේනාශු බිභිදේ ..6..

චාපානාං පඤ්චශත්යා ප්රසභමුපගතේ ඡින්නචාපේ(අ)ථ බාණේ

ව්යර්ථේ යාතේ සමේතෝ ජ්වරපතිරශනෛරජ්වරි ත්වජ්ජ්වරේණ .

ජ්ඤානී ස්තුත්වා(අ)ථ දත්වා තව චරිතජුෂාං විජ්වරං ස ජ්වරෝ(අ)ගාත්

ප්රායෝ(අ)න්තර්ජ්ඤානවන්තෝ(අ)පි ච බහුතමසා රෞද්රචේෂ්ටා හි රෞද්රාඃ ..7..

බාණං නානායුධෝග්රං පුනරභිපතිතං දර්පදෝෂාද්විතන්වන්

නිර්ලූනාශේෂදෝෂං සපදි බුබුධුෂා ශඞ්කරේණෝපගීතඃ .

තද්වාචා ශිෂ්ටබාහුද්විතයමුභයතෝ නිර්භයං තත්ප්රියං තං

මුක්ත්වා තද්දත්තමානෝ නිජපුරමගමඃ සානිරුද්ධඃ සහෝෂඃ ..8..

මුහුස්තාවච්ඡක්රං වරුණමජයෝ නන්දහරණේ

යමං බාලානීතෞ දවදහනපානේ(අ)නිලසඛම් .

විධිං වත්සස්තේයේ ගිරිශමිහ බාණස්ය සමරේ

විභෝ විශ්වෝත්කර්ෂී තදයමවතාරෝ ජයති තේ ..9..

ද්විජරුෂා කෘකලාසවපුර්ධරං නෘගනෘපං ත්රිදිවාලයමාපයන් .

නිජජනේ ද්විජභක්තිමනුත්තමාමුපදිශන් පවනේශ්වර් පාහි මාම් ..10..

Roman (IAST) Transliteration

pradyumno raukmiṇeyaḥ sa khalu tava kalā śambareṇāhṛtastaṃ

hatvā ratyā sahāpto nijapuramaharadrukmikanyāṃ ca dhanyām |

tatputro'thāniruddho guṇanidhiravahadrocanāṃ rukmipautrīṃ

tatrodvāhe gatastvaṃ nyavadhi musalinā rukmyapi dyūtavairāt ||1||

bāṇasya sā balisutasya sahasrabāho-

rmāheśvarasya mahitā duhitā kiloṣā |

tvatpautramenamaniruddhamadṛṣṭapūrvaṃ

svapne'nubhūya bhagavan virahāturā'bhūt ||2||

yoginyatīva kuśalā khalu citralekhā

tasyāḥ sakhī vilikhatī taruṇānaśeṣān |

tatrāniruddhamuṣayā viditaṃ niśāyā-

māneṣṭa yogabalato bhavato niketāt ||3||

kanyāpure dayitayā sukhamāramantaṃ

cainaṃ kathañcana babandhuṣi śarvabandhau |

śrīnāradoktatadudantadurantaroṣai-

stvaṃ tasya śoṇitapuraṃ yadubhirnyarundhāḥ ||4||

purīpālaśśailapriyaduhitṛnātho'sya bhagavān

samaṃ bhūtavrātairyadubalamaśaṅkaṃ nirurudhe |

mahāprāṇo bāṇo jhaṭiti yuyudhānenayuyudhe

guhaḥ pradyumnena tvamapi purahantrā jaghaṭiṣe ||5||

niruddhāśeṣāstre mumuhuṣi tavāstreṇa giriśe

drutā bhūtā bhītāḥ pramathakulavīrāḥ pramathitāḥ |

parāskandt skandaḥ kusumaśarabāṇaiśca sacivaḥ

sa kumbhāṇḍo bhāṇḍaṃ navamiva balenāśu bibhide ||6||

cāpānāṃ pañcaśatyā prasabhamupagate chinnacāpe'tha bāṇe

vyarthe yāte sameto jvarapatiraśanairajvari tvajjvareṇa |

jñānī stutvā'tha datvā tava caritajuṣāṃ vijvaraṃ sa jvaro'gāt

prāyo'ntarjñānavanto'pi ca bahutamasā raudraceṣṭā hi raudrāḥ ||7||

bāṇaṃ nānāyudhograṃ punarabhipatitaṃ darpadoṣādvitanvan

nirlūnāśeṣadoṣaṃ sapadi bubudhuṣā śaṅkareṇopagītaḥ |

tadvācā śiṣṭabāhudvitayamubhayato nirbhayaṃ tatpriyaṃ taṃ

muktvā taddattamāno nijapuramagamaḥ sāniruddhaḥ sahoṣaḥ ||8||

muhustāvacchakraṃ varuṇamajayo nandaharaṇe

yamaṃ bālānītau davadahanapāne'nilasakham |

vidhiṃ vatsasteye giriśamiha bāṇasya samare

vibho viśvotkarṣī tadayamavatāro jayati te ||9||

dvijaruṣā kṛkalāsavapurdharaṃ nṛganṛpaṃ tridivālayamāpayan |

nijajane dvijabhaktimanuttamāmupadiśan pavaneśvar pāhi mām ||10||

Sanskrit — Devanagari (original)

प्रद्युम्नो रौक्मिणेयः स खलु तव कला शम्बरेणाहृतस्तं

हत्वा रत्या सहाप्तो निजपुरमहरद्रुक्मिकन्यां च धन्याम् ।

तत्पुत्रोऽथानिरुद्धो गुणनिधिरवहद्रोचनां रुक्मिपौत्रीं

तत्रोद्वाहे गतस्त्वं न्यवधि मुसलिना रुक्म्यपि द्यूतवैरात् ॥1॥

बाणस्य सा बलिसुतस्य सहस्रबाहो-

र्माहेश्वरस्य महिता दुहिता किलोषा ।

त्वत्पौत्रमेनमनिरुद्धमदृष्टपूर्वं

स्वप्नेऽनुभूय भगवन् विरहातुराऽभूत् ॥2॥

योगिन्यतीव कुशला खलु चित्रलेखा

तस्याः सखी विलिखती तरुणानशेषान् ।

तत्रानिरुद्धमुषया विदितं निशाया-

मानेष्ट योगबलतो भवतो निकेतात् ॥3॥

कन्यापुरे दयितया सुखमारमन्तं

चैनं कथञ्चन बबन्धुषि शर्वबन्धौ ।

श्रीनारदोक्ततदुदन्तदुरन्तरोषै-

स्त्वं तस्य शोणितपुरं यदुभिर्न्यरुन्धाः ॥4॥

पुरीपालश्शैलप्रियदुहितृनाथोऽस्य भगवान्

समं भूतव्रातैर्यदुबलमशङ्कं निरुरुधे ।

महाप्राणो बाणो झटिति युयुधानेनयुयुधे

गुहः प्रद्युम्नेन त्वमपि पुरहन्त्रा जघटिषे ॥5॥

निरुद्धाशेषास्त्रे मुमुहुषि तवास्त्रेण गिरिशे

द्रुता भूता भीताः प्रमथकुलवीराः प्रमथिताः ।

परास्कन्द्त् स्कन्दः कुसुमशरबाणैश्च सचिवः

स कुम्भाण्डो भाण्डं नवमिव बलेनाशु बिभिदे ॥6॥

चापानां पञ्चशत्या प्रसभमुपगते छिन्नचापेऽथ बाणे

व्यर्थे याते समेतो ज्वरपतिरशनैरज्वरि त्वज्ज्वरेण ।

ज्ञानी स्तुत्वाऽथ दत्वा तव चरितजुषां विज्वरं स ज्वरोऽगात्

प्रायोऽन्तर्ज्ञानवन्तोऽपि च बहुतमसा रौद्रचेष्टा हि रौद्राः ॥7॥

बाणं नानायुधोग्रं पुनरभिपतितं दर्पदोषाद्वितन्वन्

निर्लूनाशेषदोषं सपदि बुबुधुषा शङ्करेणोपगीतः ।

तद्वाचा शिष्टबाहुद्वितयमुभयतो निर्भयं तत्प्रियं तं

मुक्त्वा तद्दत्तमानो निजपुरमगमः सानिरुद्धः सहोषः ॥8॥

मुहुस्तावच्छक्रं वरुणमजयो नन्दहरणे

यमं बालानीतौ दवदहनपानेऽनिलसखम् ।

विधिं वत्सस्तेये गिरिशमिह बाणस्य समरे

विभो विश्वोत्कर्षी तदयमवतारो जयति ते ॥9॥

द्विजरुषा कृकलासवपुर्धरं नृगनृपं त्रिदिवालयमापयन् ।

निजजने द्विजभक्तिमनुत्तमामुपदिशन् पवनेश्वर् पाहि माम् ॥10॥