প্রদ্যুম্নো রৌক্মিণেযঃ স খলু তব কলা শম্বরেণাহৃতস্তং
হত্বা রত্যা সহাপ্তো নিজপুরমহরদ্রুক্মিকন্যাং চ ধন্যাম্ ।
তত্পুত্রোঽথানিরুদ্ধো গুণনিধিরবহদ্রোচনাং রুক্মিপৌত্রীং
তত্রোদ্বাহে গতস্ত্বং ন্যবধি মুসলিনা রুক্ম্যপি দ্যূতবৈরাত্ ॥1॥
বাণস্য সা বলিসুতস্য সহস্রবাহো-
র্মাহেশ্বরস্য মহিতা দুহিতা কিলোষা ।
ত্বত্পৌত্রমেনমনিরুদ্ধমদৃষ্টপূর্বং
স্বপ্নেঽনুভূয ভগবন্ বিরহাতুরাঽভূত্ ॥2॥
যোগিন্যতীব কুশলা খলু চিত্রলেখা
তস্যাঃ সখী বিলিখতী তরুণানশেষান্ ।
তত্রানিরুদ্ধমুষযা বিদিতং নিশাযা-
মানেষ্ট যোগবলতো ভবতো নিকেতাত্ ॥3॥
কন্যাপুরে দযিতযা সুখমারমন্তং
চৈনং কথঞ্চন ববন্ধুষি শর্ববন্ধৌ ।
শ্রীনারদোক্ততদুদন্তদুরন্তরোষৈ-
স্ত্বং তস্য শোণিতপুরং যদুভির্ন্যরুন্ধাঃ ॥4॥
পুরীপালশ্শৈলপ্রিযদুহিতৃনাথোঽস্য ভগবান্
সমং ভূতব্রাতৈর্যদুবলমশঙ্কং নিরুরুধে ।
মহাপ্রাণো বাণো ঝটিতি যুযুধানেনযুযুধে
গুহঃ প্রদ্যুম্নেন ত্বমপি পুরহন্ত্রা জঘটিষে ॥5॥
নিরুদ্ধাশেষাস্ত্রে মুমুহুষি তবাস্ত্রেণ গিরিশে
দ্রুতা ভূতা ভীতাঃ প্রমথকুলবীরাঃ প্রমথিতাঃ ।
পরাস্কন্দ্ত্ স্কন্দঃ কুসুমশরবাণৈশ্চ সচিবঃ
স কুম্ভাণ্ডো ভাণ্ডং নবমিব বলেনাশু বিভিদে ॥6॥
চাপানাং পঞ্চশত্যা প্রসভমুপগতে ছিন্নচাপেঽথ বাণে
ব্যর্থে যাতে সমেতো জ্বরপতিরশনৈরজ্বরি ত্বজ্জ্বরেণ ।
জ্ঞানী স্তুত্বাঽথ দত্বা তব চরিতজুষাং বিজ্বরং স জ্বরোঽগাত্
প্রাযোঽন্তর্জ্ঞানবন্তোঽপি চ বহুতমসা রৌদ্রচেষ্টা হি রৌদ্রাঃ ॥7॥
বাণং নানাযুধোগ্রং পুনরভিপতিতং দর্পদোষাদ্বিতন্বন্
নির্লূনাশেষদোষং সপদি বুবুধুষা শঙ্করেণোপগীতঃ ।
তদ্বাচা শিষ্টবাহুদ্বিতযমুভযতো নির্ভযং তত্প্রিযং তং
মুক্ত্বা তদ্দত্তমানো নিজপুরমগমঃ সানিরুদ্ধঃ সহোষঃ ॥8॥
মুহুস্তাবচ্ছক্রং বরুণমজযো নন্দহরণে
যমং বালানীতৌ দবদহনপানেঽনিলসখম্ ।
বিধিং বত্সস্তেযে গিরিশমিহ বাণস্য সমরে
বিভো বিশ্বোত্কর্ষী তদযমবতারো জযতি তে ॥9॥
দ্বিজরুষা কৃকলাসবপুর্ধরং নৃগনৃপং ত্রিদিবালযমাপযন্ ।
নিজজনে দ্বিজভক্তিমনুত্তমামুপদিশন্ পবনেশ্বর্ পাহি মাম্ ॥10॥
Roman (IAST) Transliteration
pradyumno raukmiṇeyaḥ sa khalu tava kalā śambareṇāhṛtastaṃ
hatvā ratyā sahāpto nijapuramaharadrukmikanyāṃ ca dhanyām |
tatputro'thāniruddho guṇanidhiravahadrocanāṃ rukmipautrīṃ
tatrodvāhe gatastvaṃ nyavadhi musalinā rukmyapi dyūtavairāt ||1||
bāṇasya sā balisutasya sahasrabāho-
rmāheśvarasya mahitā duhitā kiloṣā |
tvatpautramenamaniruddhamadṛṣṭapūrvaṃ
svapne'nubhūya bhagavan virahāturā'bhūt ||2||
yoginyatīva kuśalā khalu citralekhā
tasyāḥ sakhī vilikhatī taruṇānaśeṣān |
tatrāniruddhamuṣayā viditaṃ niśāyā-
māneṣṭa yogabalato bhavato niketāt ||3||
kanyāpure dayitayā sukhamāramantaṃ
cainaṃ kathañcana babandhuṣi śarvabandhau |
śrīnāradoktatadudantadurantaroṣai-
stvaṃ tasya śoṇitapuraṃ yadubhirnyarundhāḥ ||4||
purīpālaśśailapriyaduhitṛnātho'sya bhagavān
samaṃ bhūtavrātairyadubalamaśaṅkaṃ nirurudhe |
mahāprāṇo bāṇo jhaṭiti yuyudhānenayuyudhe
guhaḥ pradyumnena tvamapi purahantrā jaghaṭiṣe ||5||
niruddhāśeṣāstre mumuhuṣi tavāstreṇa giriśe
drutā bhūtā bhītāḥ pramathakulavīrāḥ pramathitāḥ |
parāskandt skandaḥ kusumaśarabāṇaiśca sacivaḥ
sa kumbhāṇḍo bhāṇḍaṃ navamiva balenāśu bibhide ||6||
cāpānāṃ pañcaśatyā prasabhamupagate chinnacāpe'tha bāṇe
vyarthe yāte sameto jvarapatiraśanairajvari tvajjvareṇa |
jñānī stutvā'tha datvā tava caritajuṣāṃ vijvaraṃ sa jvaro'gāt
prāyo'ntarjñānavanto'pi ca bahutamasā raudraceṣṭā hi raudrāḥ ||7||
bāṇaṃ nānāyudhograṃ punarabhipatitaṃ darpadoṣādvitanvan
nirlūnāśeṣadoṣaṃ sapadi bubudhuṣā śaṅkareṇopagītaḥ |
tadvācā śiṣṭabāhudvitayamubhayato nirbhayaṃ tatpriyaṃ taṃ
muktvā taddattamāno nijapuramagamaḥ sāniruddhaḥ sahoṣaḥ ||8||
muhustāvacchakraṃ varuṇamajayo nandaharaṇe
yamaṃ bālānītau davadahanapāne'nilasakham |
vidhiṃ vatsasteye giriśamiha bāṇasya samare
vibho viśvotkarṣī tadayamavatāro jayati te ||9||
dvijaruṣā kṛkalāsavapurdharaṃ nṛganṛpaṃ tridivālayamāpayan |
nijajane dvijabhaktimanuttamāmupadiśan pavaneśvar pāhi mām ||10||
Sanskrit — Devanagari (original)
प्रद्युम्नो रौक्मिणेयः स खलु तव कला शम्बरेणाहृतस्तं
हत्वा रत्या सहाप्तो निजपुरमहरद्रुक्मिकन्यां च धन्याम् ।
तत्पुत्रोऽथानिरुद्धो गुणनिधिरवहद्रोचनां रुक्मिपौत्रीं
तत्रोद्वाहे गतस्त्वं न्यवधि मुसलिना रुक्म्यपि द्यूतवैरात् ॥1॥
बाणस्य सा बलिसुतस्य सहस्रबाहो-
र्माहेश्वरस्य महिता दुहिता किलोषा ।
त्वत्पौत्रमेनमनिरुद्धमदृष्टपूर्वं
स्वप्नेऽनुभूय भगवन् विरहातुराऽभूत् ॥2॥
योगिन्यतीव कुशला खलु चित्रलेखा
तस्याः सखी विलिखती तरुणानशेषान् ।
तत्रानिरुद्धमुषया विदितं निशाया-
मानेष्ट योगबलतो भवतो निकेतात् ॥3॥
कन्यापुरे दयितया सुखमारमन्तं
चैनं कथञ्चन बबन्धुषि शर्वबन्धौ ।
श्रीनारदोक्ततदुदन्तदुरन्तरोषै-
स्त्वं तस्य शोणितपुरं यदुभिर्न्यरुन्धाः ॥4॥
पुरीपालश्शैलप्रियदुहितृनाथोऽस्य भगवान्
समं भूतव्रातैर्यदुबलमशङ्कं निरुरुधे ।
महाप्राणो बाणो झटिति युयुधानेनयुयुधे
गुहः प्रद्युम्नेन त्वमपि पुरहन्त्रा जघटिषे ॥5॥
निरुद्धाशेषास्त्रे मुमुहुषि तवास्त्रेण गिरिशे
द्रुता भूता भीताः प्रमथकुलवीराः प्रमथिताः ।
परास्कन्द्त् स्कन्दः कुसुमशरबाणैश्च सचिवः
स कुम्भाण्डो भाण्डं नवमिव बलेनाशु बिभिदे ॥6॥
चापानां पञ्चशत्या प्रसभमुपगते छिन्नचापेऽथ बाणे
व्यर्थे याते समेतो ज्वरपतिरशनैरज्वरि त्वज्ज्वरेण ।
ज्ञानी स्तुत्वाऽथ दत्वा तव चरितजुषां विज्वरं स ज्वरोऽगात्
प्रायोऽन्तर्ज्ञानवन्तोऽपि च बहुतमसा रौद्रचेष्टा हि रौद्राः ॥7॥
बाणं नानायुधोग्रं पुनरभिपतितं दर्पदोषाद्वितन्वन्
निर्लूनाशेषदोषं सपदि बुबुधुषा शङ्करेणोपगीतः ।
तद्वाचा शिष्टबाहुद्वितयमुभयतो निर्भयं तत्प्रियं तं
मुक्त्वा तद्दत्तमानो निजपुरमगमः सानिरुद्धः सहोषः ॥8॥
मुहुस्तावच्छक्रं वरुणमजयो नन्दहरणे
यमं बालानीतौ दवदहनपानेऽनिलसखम् ।
विधिं वत्सस्तेये गिरिशमिह बाणस्य समरे
विभो विश्वोत्कर्षी तदयमवतारो जयति ते ॥9॥
द्विजरुषा कृकलासवपुर्धरं नृगनृपं त्रिदिवालयमापयन् ।
निजजने द्विजभक्तिमनुत्तमामुपदिशन् पवनेश्वर् पाहि माम् ॥10॥
pradyumno raukmiṇeyaḥ sa khalu tava kalā śambareṇāhṛtastaṃ
hatvā ratyā sahāpto nijapuramaharadrukmikanyāṃ ca dhanyām |
tatputro'thāniruddho guṇanidhiravahadrocanāṃ rukmipautrīṃ
tatrodvāhe gatastvaṃ nyavadhi musalinā rukmyapi dyūtavairāt ||1||
bāṇasya sā balisutasya sahasrabāho-
rmāheśvarasya mahitā duhitā kiloṣā |
tvatpautramenamaniruddhamadṛṣṭapūrvaṃ
svapne'nubhūya bhagavan virahāturā'bhūt ||2||
yoginyatīva kuśalā khalu citralekhā
tasyāḥ sakhī vilikhatī taruṇānaśeṣān |
tatrāniruddhamuṣayā viditaṃ niśāyā-
māneṣṭa yogabalato bhavato niketāt ||3||
kanyāpure dayitayā sukhamāramantaṃ
cainaṃ kathañcana babandhuṣi śarvabandhau |
śrīnāradoktatadudantadurantaroṣai-
stvaṃ tasya śoṇitapuraṃ yadubhirnyarundhāḥ ||4||
purīpālaśśailapriyaduhitṛnātho'sya bhagavān
samaṃ bhūtavrātairyadubalamaśaṅkaṃ nirurudhe |
mahāprāṇo bāṇo jhaṭiti yuyudhānenayuyudhe
guhaḥ pradyumnena tvamapi purahantrā jaghaṭiṣe ||5||
niruddhāśeṣāstre mumuhuṣi tavāstreṇa giriśe
drutā bhūtā bhītāḥ pramathakulavīrāḥ pramathitāḥ |
parāskandt skandaḥ kusumaśarabāṇaiśca sacivaḥ
sa kumbhāṇḍo bhāṇḍaṃ navamiva balenāśu bibhide ||6||
cāpānāṃ pañcaśatyā prasabhamupagate chinnacāpe'tha bāṇe
vyarthe yāte sameto jvarapatiraśanairajvari tvajjvareṇa |
jñānī stutvā'tha datvā tava caritajuṣāṃ vijvaraṃ sa jvaro'gāt
prāyo'ntarjñānavanto'pi ca bahutamasā raudraceṣṭā hi raudrāḥ ||7||
bāṇaṃ nānāyudhograṃ punarabhipatitaṃ darpadoṣādvitanvan
nirlūnāśeṣadoṣaṃ sapadi bubudhuṣā śaṅkareṇopagītaḥ |
tadvācā śiṣṭabāhudvitayamubhayato nirbhayaṃ tatpriyaṃ taṃ
muktvā taddattamāno nijapuramagamaḥ sāniruddhaḥ sahoṣaḥ ||8||
muhustāvacchakraṃ varuṇamajayo nandaharaṇe
yamaṃ bālānītau davadahanapāne'nilasakham |
vidhiṃ vatsasteye giriśamiha bāṇasya samare
vibho viśvotkarṣī tadayamavatāro jayati te ||9||
dvijaruṣā kṛkalāsavapurdharaṃ nṛganṛpaṃ tridivālayamāpayan |
nijajane dvijabhaktimanuttamāmupadiśan pavaneśvar pāhi mām ||10||
🕉️ This is the original Sanskrit rendered in Bengali script.
Pronunciation is identical to the Sanskrit Devanagari version.