Narayaniyam Dashaka 27 - Kshirabdhimathanam Tatha Kurmavataram — Sinhala Script

දූර්වාසාස්සුරවනිතාප්තදිව්යමාල්යං

ශක්රාය ස්වයමුපදාය තත්ර භූයඃ .

නාගේන්ද්රප්රතිමෘදිතේ ශශාප ශක්රං

කා ක්ෂාන්තිස්ත්වදිතරදේවතාංශජානාම් ..1..

ශාපේන ප්රථිතජරේ(අ)ථ නිර්ජරේන්ද්රේ

දේවේෂ්වප්යසුරජිතේෂු නිෂ්ප්රභේෂු .

ශර්වාද්යාඃ කමලජමේත්ය සර්වදේවා

නිර්වාණප්රභව සමං භවන්තමාපුඃ ..2..

බ්රහ්මාද්යෛඃ ස්තුතමහිමා චිරං තදානීං

ප්රාදුෂ්ෂන් වරද පුරඃ පරේණ ධාම්නා .

හේ දේවා දිතිජකුලෛර්විධාය සන්ධිං

පීයූෂං පරිමථතේති පර්යශාස්ත්වම් ..3..

සන්ධානං කෘතවති දානවෛඃ සුරෞඝේ

මන්ථානං නයති මදේන මන්දරාද්රිම් .

භ්රෂ්ටේ(අ)ස්මින් බදරමිවෝද්වහන් ඛගේන්ද්රේ

සද්යස්ත්වං විනිහිතවාන් පයඃපයෝධෞ ..4..

ආධාය ද්රුතමථ වාසුකිං වරත්රාං

පාථෝධෞ විනිහිතසර්වබීජජාලේ .

ප්රාරබ්ධේ මථනවිධෞ සුරාසුරෛස්තෛ-

ර්ව්යාජාත්ත්වං භුජගමුඛේ(අ)කරෝස්සුරාරීන් ..5..

ක්ෂුබ්ධාද්රෞ ක්ෂුභිතජලෝදරේ තදානීං

දුග්ධාබ්ධෞ ගුරුතරභාරතෝ නිමග්නේ .

දේවේෂු ව්යථිතතමේෂු තත්ප්රියෛෂී

ප්රාණෛෂීඃ කමඨතනුං කඨෝරපෘෂ්ඨාම් ..6..

වජ්රාතිස්ථිරතරකර්පරේණ විෂ්ණෝ

විස්තාරාත්පරිගතලක්ෂයෝජනේන .

අම්භෝධේඃ කුහරගතේන වර්ෂ්මණා ත්වං

නිර්මග්නං ක්ෂිතිධරනාථමුන්නිනේථ ..7..

උන්මග්නේ ඣටිති තදා ධරාධරේන්ද්රේ

නිර්මේථුර්දෘඪමිහ සම්මදේන සර්වේ .

ආවිශ්ය ද්විතයගණේ(අ)පි සර්පරාජේ

වෛවශ්යං පරිශමයන්නවීවෘධස්තාන් ..8..

උද්දාමභ්රමණජවෝන්නමද්ගිරීන්ද්ර-

න්යස්තෛකස්ථිරතරහස්තපඞ්කජං ත්වාම් .

අභ්රාන්තේ විධිගිරිශාදයඃ ප්රමෝදා-

දුද්භ්රාන්තා නුනුවුරුපාත්තපුෂ්පවර්ෂාඃ ..9..

දෛත්යෞඝේ භුජගමුඛානිලේන තප්තේ

තේනෛව ත්රිදශකුලේ(අ)පි කිඤ්චිදාර්තේ .

කාරුණ්යාත්තව කිල දේව වාරිවාහාඃ

ප්රාවර්ෂන්නමරගණාන්න දෛත්යසඞ්ඝාන් ..10..

උද්භ්රාම්යද්බහුතිමිනක්රචක්රවාලේ

තත්රාබ්ධෞ චිරමථිතේ(අ)පි නිර්විකාරේ .

ඒකස්ත්වං කරයුගකෘෂ්ටසර්පරාජඃ

සංරාජන් පවනපුරේශ පාහි රෝගාත් ..11..

Roman (IAST) Transliteration

dūrvāsāssuravanitāptadivyamālyaṃ

śakrāya svayamupadāya tatra bhūyaḥ |

nāgendrapratimṛdite śaśāpa śakraṃ

kā kṣāntistvaditaradevatāṃśajānām ||1||

śāpena prathitajare'tha nirjarendre

deveṣvapyasurajiteṣu niṣprabheṣu |

śarvādyāḥ kamalajametya sarvadevā

nirvāṇaprabhava samaṃ bhavantamāpuḥ ||2||

brahmādyaiḥ stutamahimā ciraṃ tadānīṃ

prāduṣṣan varada puraḥ pareṇa dhāmnā |

he devā ditijakulairvidhāya sandhiṃ

pīyūṣaṃ parimathateti paryaśāstvam ||3||

sandhānaṃ kṛtavati dānavaiḥ suraughe

manthānaṃ nayati madena mandarādrim |

bhraṣṭe'smin badaramivodvahan khagendre

sadyastvaṃ vinihitavān payaḥpayodhau ||4||

ādhāya drutamatha vāsukiṃ varatrāṃ

pāthodhau vinihitasarvabījajāle |

prārabdhe mathanavidhau surāsuraistai-

rvyājāttvaṃ bhujagamukhe'karossurārīn ||5||

kṣubdhādrau kṣubhitajalodare tadānīṃ

dugdhābdhau gurutarabhārato nimagne |

deveṣu vyathitatameṣu tatpriyaiṣī

prāṇaiṣīḥ kamaṭhatanuṃ kaṭhorapṛṣṭhām ||6||

vajrātisthiratarakarpareṇa viṣṇo

vistārātparigatalakṣayojanena |

ambhodheḥ kuharagatena varṣmaṇā tvaṃ

nirmagnaṃ kṣitidharanāthamunninetha ||7||

unmagne jhaṭiti tadā dharādharendre

nirmethurdṛḍhamiha sammadena sarve |

āviśya dvitayagaṇe'pi sarparāje

vaivaśyaṃ pariśamayannavīvṛdhastān ||8||

uddāmabhramaṇajavonnamadgirīndra-

nyastaikasthiratarahastapaṅkajaṃ tvām |

abhrānte vidhigiriśādayaḥ pramodā-

dudbhrāntā nunuvurupāttapuṣpavarṣāḥ ||9||

daityaughe bhujagamukhānilena tapte

tenaiva tridaśakule'pi kiñcidārte |

kāruṇyāttava kila deva vārivāhāḥ

prāvarṣannamaragaṇānna daityasaṅghān ||10||

udbhrāmyadbahutiminakracakravāle

tatrābdhau ciramathite'pi nirvikāre |

ekastvaṃ karayugakṛṣṭasarparājaḥ

saṃrājan pavanapureśa pāhi rogāt ||11||

Sanskrit — Devanagari (original)

दूर्वासास्सुरवनिताप्तदिव्यमाल्यं

शक्राय स्वयमुपदाय तत्र भूयः ।

नागेन्द्रप्रतिमृदिते शशाप शक्रं

का क्षान्तिस्त्वदितरदेवतांशजानाम् ॥1॥

शापेन प्रथितजरेऽथ निर्जरेन्द्रे

देवेष्वप्यसुरजितेषु निष्प्रभेषु ।

शर्वाद्याः कमलजमेत्य सर्वदेवा

निर्वाणप्रभव समं भवन्तमापुः ॥2॥

ब्रह्माद्यैः स्तुतमहिमा चिरं तदानीं

प्रादुष्षन् वरद पुरः परेण धाम्ना ।

हे देवा दितिजकुलैर्विधाय सन्धिं

पीयूषं परिमथतेति पर्यशास्त्वम् ॥3॥

सन्धानं कृतवति दानवैः सुरौघे

मन्थानं नयति मदेन मन्दराद्रिम् ।

भ्रष्टेऽस्मिन् बदरमिवोद्वहन् खगेन्द्रे

सद्यस्त्वं विनिहितवान् पयःपयोधौ ॥4॥

आधाय द्रुतमथ वासुकिं वरत्रां

पाथोधौ विनिहितसर्वबीजजाले ।

प्रारब्धे मथनविधौ सुरासुरैस्तै-

र्व्याजात्त्वं भुजगमुखेऽकरोस्सुरारीन् ॥5॥

क्षुब्धाद्रौ क्षुभितजलोदरे तदानीं

दुग्धाब्धौ गुरुतरभारतो निमग्ने ।

देवेषु व्यथिततमेषु तत्प्रियैषी

प्राणैषीः कमठतनुं कठोरपृष्ठाम् ॥6॥

वज्रातिस्थिरतरकर्परेण विष्णो

विस्तारात्परिगतलक्षयोजनेन ।

अम्भोधेः कुहरगतेन वर्ष्मणा त्वं

निर्मग्नं क्षितिधरनाथमुन्निनेथ ॥7॥

उन्मग्ने झटिति तदा धराधरेन्द्रे

निर्मेथुर्दृढमिह सम्मदेन सर्वे ।

आविश्य द्वितयगणेऽपि सर्पराजे

वैवश्यं परिशमयन्नवीवृधस्तान् ॥8॥

उद्दामभ्रमणजवोन्नमद्गिरीन्द्र-

न्यस्तैकस्थिरतरहस्तपङ्कजं त्वाम् ।

अभ्रान्ते विधिगिरिशादयः प्रमोदा-

दुद्भ्रान्ता नुनुवुरुपात्तपुष्पवर्षाः ॥9॥

दैत्यौघे भुजगमुखानिलेन तप्ते

तेनैव त्रिदशकुलेऽपि किञ्चिदार्ते ।

कारुण्यात्तव किल देव वारिवाहाः

प्रावर्षन्नमरगणान्न दैत्यसङ्घान् ॥10॥

उद्भ्राम्यद्बहुतिमिनक्रचक्रवाले

तत्राब्धौ चिरमथितेऽपि निर्विकारे ।

एकस्त्वं करयुगकृष्टसर्पराजः

संराजन् पवनपुरेश पाहि रोगात् ॥11॥