Narayaniyam Dashaka 17 - Dhruvacharitam — Tamil Script

உத்தாநபாதந்ரு'பதேர்மநுநந்தநஸ்ய

ஜாயா பபூவ ஸுருசிர்நிதராமபீஷ்டா ।

அந்யா ஸுநீதிரிதி பர்துரநாத்ரு'தா ஸா

த்வாமேவ நித்யமகதிஃ ஶரணம் கதாऽபூத் ॥1॥

அங்கே பிதுஃ ஸுருசிபுத்ரகமுத்தமம் தம்

த்ரு'ஷ்ட்வா த்ருவஃ கில ஸுநீதிஸுதோऽதிரோக்ஷ்யந் ।

ஆசிக்ஷிபே கில ஶிஶுஃ ஸுதராம் ஸுருச்யா

துஸ்ஸந்த்யஜா கலு பவத்விமுகைரஸூயா ॥2॥

த்வந்மோஹிதே பிதரி பஶ்யதி தாரவஶ்யே

தூரம் துருக்திநிஹதஃ ஸ கதோ நிஜாம்பாம் ।

ஸாऽபி ஸ்வகர்மகதிஸந்தரணாய பும்ஸாம்

த்வத்பாதமேவ ஶரணம் ஶிஶவே ஶஶம்ஸ ॥3॥

ஆகர்ண்ய ஸோऽபி பவதர்சநநிஶ்சிதாத்மா

மாநீ நிரேத்ய நகராத் கில பஞ்சவர்ஷஃ ।

ஸந்த்ரு'ஷ்டநாரதநிவேதிதமந்த்ரமார்க-

ஸ்த்வாமாரராத தபஸா மதுகாநநாந்தே ॥4॥

தாதே விஷண்ணஹ்ரு'தயே நகரீம் கதேந

ஶ்ரீநாரதேந பரிஸாந்த்விதசித்தவ்ரு'த்தௌ ।

பாலஸ்த்வதர்பிதமநாஃ க்ரமவர்திதேந

நிந்யே கடோரதபஸா கில பஞ்சமாஸாந் ॥5॥

தாவத்தபோபலநிருச்ச்-வஸிதே திகந்தே

தேவார்திதஸ்த்வமுதயத்கருணார்த்ரசேதாஃ ।

த்வத்ரூபசித்ரஸநிலீநமதேஃ புரஸ்தா-

தாவிர்பபூவித விபோ கருடாதிரூடஃ ॥6॥

த்வத்தர்ஶநப்ரமதபாரதரங்கிதம் தம்

த்ரு'க்ப்யாம் நிமக்நமிவ ரூபரஸாயநே தே ।

துஷ்டூஷமாணமவகம்ய கபோலதேஶே

ஸம்ஸ்ப்ரு'ஷ்டவாநஸி தரேண ததாऽऽதரேண ॥7॥

தாவத்விபோதவிமலம் ப்ரணுவந்தமேந-

மாபாஷதாஸ்த்வமவகம்ய ததீயபாவம் ।

ராஜ்யம் சிரம் ஸமநுபூய பஜஸ்வ பூயஃ

ஸர்வோத்தரம் த்ருவ பதம் விநிவ்ரு'த்திஹீநம் ॥8॥

இத்யூசிஷி த்வயி கதே ந்ரு'பநந்தநோऽஸா-

வாநந்திதாகிலஜநோ நகரீமுபேதஃ ।

ரேமே சிரம் பவதநுக்ரஹபூர்ணகாம-

ஸ்தாதே கதே ச வநமாத்ரு'தராஜ்யபாரஃ ॥9॥

யக்ஷேண தேவ நிஹதே புநருத்தமேऽஸ்மிந்

யக்ஷைஃ ஸ யுத்தநிரதோ விரதோ மநூக்த்யா ।

ஶாந்த்யா ப்ரஸந்நஹ்ரு'தயாத்தநதாதுபேதா-

த்த்வத்பக்திமேவ ஸுத்ரு'டாமவ்ரு'ணோந்மஹாத்மா ॥10॥

அந்தே பவத்புருஷநீதவிமாநயாதோ

மாத்ரா ஸமம் த்ருவபதே முதிதோऽயமாஸ்தே ।

ஏவம் ஸ்வப்ரு'த்யஜநபாலநலோலதீஸ்த்வம்

வாதாலயாதிப நிருந்தி மமாமயௌகாந் ॥11॥

Roman (IAST) Transliteration

uttānapādanṛpatermanunandanasya

jāyā babhūva surucirnitarāmabhīṣṭā |

anyā sunītiriti bharturanādṛtā sā

tvāmeva nityamagatiḥ śaraṇaṃ gatā'bhūt ||1||

aṅke pituḥ suruciputrakamuttamaṃ taṃ

dṛṣṭvā dhruvaḥ kila sunītisuto'dhirokṣyan |

ācikṣipe kila śiśuḥ sutarāṃ surucyā

dussantyajā khalu bhavadvimukhairasūyā ||2||

tvanmohite pitari paśyati dāravaśye

dūraṃ duruktinihataḥ sa gato nijāmbām |

sā'pi svakarmagatisantaraṇāya puṃsāṃ

tvatpādameva śaraṇaṃ śiśave śaśaṃsa ||3||

ākarṇya so'pi bhavadarcananiścitātmā

mānī niretya nagarāt kila pañcavarṣaḥ |

sandṛṣṭanāradaniveditamantramārga-

stvāmārarādha tapasā madhukānanānte ||4||

tāte viṣaṇṇahṛdaye nagarīṃ gatena

śrīnāradena parisāntvitacittavṛttau |

bālastvadarpitamanāḥ kramavardhitena

ninye kaṭhoratapasā kila pañcamāsān ||5||

tāvattapobalanirucch-vasite digante

devārthitastvamudayatkaruṇārdracetāḥ |

tvadrūpacidrasanilīnamateḥ purastā-

dāvirbabhūvitha vibho garuḍādhirūḍhaḥ ||6||

tvaddarśanapramadabhārataraṅgitaṃ taṃ

dṛgbhyāṃ nimagnamiva rūparasāyane te |

tuṣṭūṣamāṇamavagamya kapoladeśe

saṃspṛṣṭavānasi dareṇa tathā''dareṇa ||7||

tāvadvibodhavimalaṃ praṇuvantamena-

mābhāṣathāstvamavagamya tadīyabhāvam |

rājyaṃ ciraṃ samanubhūya bhajasva bhūyaḥ

sarvottaraṃ dhruva padaṃ vinivṛttihīnam ||8||

ityūciṣi tvayi gate nṛpanandano'sā-

vānanditākhilajano nagarīmupetaḥ |

reme ciraṃ bhavadanugrahapūrṇakāma-

stāte gate ca vanamādṛtarājyabhāraḥ ||9||

yakṣeṇa deva nihate punaruttame'smin

yakṣaiḥ sa yuddhanirato virato manūktyā |

śāntyā prasannahṛdayāddhanadādupetā-

ttvadbhaktimeva sudṛḍhāmavṛṇonmahātmā ||10||

ante bhavatpuruṣanītavimānayāto

mātrā samaṃ dhruvapade mudito'yamāste |

evaṃ svabhṛtyajanapālanaloladhīstvaṃ

vātālayādhipa nirundhi mamāmayaughān ||11||

Sanskrit — Devanagari (original)

उत्तानपादनृपतेर्मनुनन्दनस्य

जाया बभूव सुरुचिर्नितरामभीष्टा ।

अन्या सुनीतिरिति भर्तुरनादृता सा

त्वामेव नित्यमगतिः शरणं गताऽभूत् ॥1॥

अङ्के पितुः सुरुचिपुत्रकमुत्तमं तं

दृष्ट्वा ध्रुवः किल सुनीतिसुतोऽधिरोक्ष्यन् ।

आचिक्षिपे किल शिशुः सुतरां सुरुच्या

दुस्सन्त्यजा खलु भवद्विमुखैरसूया ॥2॥

त्वन्मोहिते पितरि पश्यति दारवश्ये

दूरं दुरुक्तिनिहतः स गतो निजाम्बाम् ।

साऽपि स्वकर्मगतिसन्तरणाय पुंसां

त्वत्पादमेव शरणं शिशवे शशंस ॥3॥

आकर्ण्य सोऽपि भवदर्चननिश्चितात्मा

मानी निरेत्य नगरात् किल पञ्चवर्षः ।

सन्दृष्टनारदनिवेदितमन्त्रमार्ग-

स्त्वामारराध तपसा मधुकाननान्ते ॥4॥

ताते विषण्णहृदये नगरीं गतेन

श्रीनारदेन परिसान्त्वितचित्तवृत्तौ ।

बालस्त्वदर्पितमनाः क्रमवर्धितेन

निन्ये कठोरतपसा किल पञ्चमासान् ॥5॥

तावत्तपोबलनिरुच्छ्-वसिते दिगन्ते

देवार्थितस्त्वमुदयत्करुणार्द्रचेताः ।

त्वद्रूपचिद्रसनिलीनमतेः पुरस्ता-

दाविर्बभूविथ विभो गरुडाधिरूढः ॥6॥

त्वद्दर्शनप्रमदभारतरङ्गितं तं

दृग्भ्यां निमग्नमिव रूपरसायने ते ।

तुष्टूषमाणमवगम्य कपोलदेशे

संस्पृष्टवानसि दरेण तथाऽऽदरेण ॥7॥

तावद्विबोधविमलं प्रणुवन्तमेन-

माभाषथास्त्वमवगम्य तदीयभावम् ।

राज्यं चिरं समनुभूय भजस्व भूयः

सर्वोत्तरं ध्रुव पदं विनिवृत्तिहीनम् ॥8॥

इत्यूचिषि त्वयि गते नृपनन्दनोऽसा-

वानन्दिताखिलजनो नगरीमुपेतः ।

रेमे चिरं भवदनुग्रहपूर्णकाम-

स्ताते गते च वनमादृतराज्यभारः ॥9॥

यक्षेण देव निहते पुनरुत्तमेऽस्मिन्

यक्षैः स युद्धनिरतो विरतो मनूक्त्या ।

शान्त्या प्रसन्नहृदयाद्धनदादुपेता-

त्त्वद्भक्तिमेव सुदृढामवृणोन्महात्मा ॥10॥

अन्ते भवत्पुरुषनीतविमानयातो

मात्रा समं ध्रुवपदे मुदितोऽयमास्ते ।

एवं स्वभृत्यजनपालनलोलधीस्त्वं

वातालयाधिप निरुन्धि ममामयौघान् ॥11॥