Narayaniyam Dashaka 11 - Sanakadinam Vaikunthadarshanam Cha Hiranyakshasya Tatha Hiranyakashipoh Jananam — Tamil Script

க்ரமேண ஸர்கே பரிவர்தமாநே

கதாபி திவ்யாஃ ஸநகாதயஸ்தே ।

பவத்விலோகாய விகுண்டலோகம்

ப்ரபேதிரே மாருதமந்திரேஶ ॥1॥

மநோஜ்ஞநைஶ்ரேயஸகாநநாத்யை-

ரநேகவாபீமணிமந்திரைஶ்ச ।

அநோபமம் தம் பவதோ நிகேதம்

முநீஶ்வராஃ ப்ராபுரதீதகக்ஷ்யாஃ ॥2॥

பவத்தித்த்ரு'க்ஷூந்பவநம் விவிக்ஷூந்

த்வாஃஸ்தௌ ஜயஸ்தாந் விஜயோऽப்யருந்தாம் ।

தேஷாம் ச சித்தே பதமாப கோபஃ

ஸர்வம் பவத்ப்ரேரணயைவ பூமந் ॥3॥

வைகுண்டலோகாநுசிதப்ரசேஷ்டௌ

கஷ்டௌ யுவாம் தைத்யகதிம் பஜேதம் ।

இதி ப்ரஶப்தௌ பவதாஶ்ரயௌ தௌ

ஹரிஸ்ம்ரு'திர்நோऽஸ்த்விதி நேமதுஸ்தாந் ॥4॥

ததேததாஜ்ஞாய பவாநவாப்தஃ

ஸஹைவ லக்ஷ்ம்யா பஹிரம்புஜாக்ஷ ।

ககேஶ்வராம்ஸார்பிதசாருபாஹு-

ராநந்தயம்ஸ்தாநபிராமமூர்த்யா ॥5॥

ப்ரஸாத்ய கீர்பிஃ ஸ்துவதோ முநீந்த்ரா-

நநந்யநாதாவத பார்ஷதௌ தௌ ।

ஸம்ரம்பயோகேந பவைஸ்த்ரிபிர்மா-

முபேதமித்யாத்தக்ரு'பம் ந்யகாதீஃ ॥6॥

த்வதீயப்ரு'த்யாவத காஶ்யபாத்தௌ

ஸுராரிவீராவுதிதௌ திதௌ த்வௌ ।

ஸந்த்யாஸமுத்பாதநகஷ்டசேஷ்டௌ

யமௌ ச லோகஸ்ய யமாவிவாந்யௌ ॥7॥

ஹிரண்யபூர்வஃ கஶிபுஃ கிலைகஃ

பரோ ஹிரண்யாக்ஷ இதி ப்ரதீதஃ ।

உபௌ பவந்நாதமஶேஷலோகம்

ருஷா ந்யருந்தாம் நிஜவாஸநாந்தௌ ॥8॥

தயோர்ஹிரண்யாக்ஷமஹாஸுரேந்த்ரோ

ரணாய தாவந்நநவாப்தவைரீ ।

பவத்ப்ரியாம் க்ஷ்மாம் ஸலிலே நிமஜ்ய

சசார கர்வாத்விநதந் கதாவாந் ॥9॥

ததோ ஜலேஶாத் ஸத்ரு'ஶம் பவந்தம்

நிஶம்ய பப்ராம கவேஷயம்ஸ்த்வாம் ।

பக்தைகத்ரு'ஶ்யஃ ஸ க்ரு'பாநிதே த்வம்

நிருந்தி ரோகாந் மருதாலயேஶ ॥10।

Roman (IAST) Transliteration

krameṇa sarge parivardhamāne

kadāpi divyāḥ sanakādayaste |

bhavadvilokāya vikuṇṭhalokaṃ

prapedire mārutamandireśa ||1||

manojñanaiśreyasakānanādyai-

ranekavāpīmaṇimandiraiśca |

anopamaṃ taṃ bhavato niketaṃ

munīśvarāḥ prāpuratītakakṣyāḥ ||2||

bhavaddiddṛkṣūnbhavanaṃ vivikṣūn

dvāḥsthau jayastān vijayo'pyarundhām |

teṣāṃ ca citte padamāpa kopaḥ

sarvaṃ bhavatpreraṇayaiva bhūman ||3||

vaikuṇṭhalokānucitapraceṣṭau

kaṣṭau yuvāṃ daityagatiṃ bhajetam |

iti praśaptau bhavadāśrayau tau

harismṛtirno'stviti nematustān ||4||

tadetadājñāya bhavānavāptaḥ

sahaiva lakṣmyā bahirambujākṣa |

khageśvarāṃsārpitacārubāhu-

rānandayaṃstānabhirāmamūrtyā ||5||

prasādya gīrbhiḥ stuvato munīndrā-

nananyanāthāvatha pārṣadau tau |

saṃrambhayogena bhavaistribhirmā-

mupetamityāttakṛpaṃ nyagādīḥ ||6||

tvadīyabhṛtyāvatha kāśyapāttau

surārivīrāvuditau ditau dvau |

sandhyāsamutpādanakaṣṭaceṣṭau

yamau ca lokasya yamāvivānyau ||7||

hiraṇyapūrvaḥ kaśipuḥ kilaikaḥ

paro hiraṇyākṣa iti pratītaḥ |

ubhau bhavannāthamaśeṣalokaṃ

ruṣā nyarundhāṃ nijavāsanāndhau ||8||

tayorhiraṇyākṣamahāsurendro

raṇāya dhāvannanavāptavairī |

bhavatpriyāṃ kṣmāṃ salile nimajya

cacāra garvādvinadan gadāvān ||9||

tato jaleśāt sadṛśaṃ bhavantaṃ

niśamya babhrāma gaveṣayaṃstvām |

bhaktaikadṛśyaḥ sa kṛpānidhe tvaṃ

nirundhi rogān marudālayeśa ||10|

Sanskrit — Devanagari (original)

क्रमेण सर्गे परिवर्धमाने

कदापि दिव्याः सनकादयस्ते ।

भवद्विलोकाय विकुण्ठलोकं

प्रपेदिरे मारुतमन्दिरेश ॥1॥

मनोज्ञनैश्रेयसकाननाद्यै-

रनेकवापीमणिमन्दिरैश्च ।

अनोपमं तं भवतो निकेतं

मुनीश्वराः प्रापुरतीतकक्ष्याः ॥2॥

भवद्दिद्दृक्षून्भवनं विविक्षून्

द्वाःस्थौ जयस्तान् विजयोऽप्यरुन्धाम् ।

तेषां च चित्ते पदमाप कोपः

सर्वं भवत्प्रेरणयैव भूमन् ॥3॥

वैकुण्ठलोकानुचितप्रचेष्टौ

कष्टौ युवां दैत्यगतिं भजेतम् ।

इति प्रशप्तौ भवदाश्रयौ तौ

हरिस्मृतिर्नोऽस्त्विति नेमतुस्तान् ॥4॥

तदेतदाज्ञाय भवानवाप्तः

सहैव लक्ष्म्या बहिरम्बुजाक्ष ।

खगेश्वरांसार्पितचारुबाहु-

रानन्दयंस्तानभिराममूर्त्या ॥5॥

प्रसाद्य गीर्भिः स्तुवतो मुनीन्द्रा-

ननन्यनाथावथ पार्षदौ तौ ।

संरम्भयोगेन भवैस्त्रिभिर्मा-

मुपेतमित्यात्तकृपं न्यगादीः ॥6॥

त्वदीयभृत्यावथ काश्यपात्तौ

सुरारिवीरावुदितौ दितौ द्वौ ।

सन्ध्यासमुत्पादनकष्टचेष्टौ

यमौ च लोकस्य यमाविवान्यौ ॥7॥

हिरण्यपूर्वः कशिपुः किलैकः

परो हिरण्याक्ष इति प्रतीतः ।

उभौ भवन्नाथमशेषलोकं

रुषा न्यरुन्धां निजवासनान्धौ ॥8॥

तयोर्हिरण्याक्षमहासुरेन्द्रो

रणाय धावन्ननवाप्तवैरी ।

भवत्प्रियां क्ष्मां सलिले निमज्य

चचार गर्वाद्विनदन् गदावान् ॥9॥

ततो जलेशात् सदृशं भवन्तं

निशम्य बभ्राम गवेषयंस्त्वाम् ।

भक्तैकदृश्यः स कृपानिधे त्वं

निरुन्धि रोगान् मरुदालयेश ॥10।