ಸಾಲ್ವೋ ಭೈಷ್ಮೀವಿವಾಹೇ ಯದುಬಲವಿಜಿತಶ್ಚನ್ದ್ರಚೂಡಾದ್ವಿಮಾನಂ
ವಿನ್ದನ್ ಸೌಭಂ ಸ ಮಾಯೀ ತ್ವಯಿ ವಸತಿ ಕುರುಂಸ್ತ್ವತ್ಪುರೀಮಭ್ಯಭಾಙ್ಕ್ಷೀತ್ ।
ಪ್ರದ್ಯುಮ್ನಸ್ತಂ ನಿರುನ್ಧನ್ನಿಖಿಲಯದುಭಟೈರ್ನ್ಯಗ್ರಹೀದುಗ್ರವೀರ್ಯಂ
ತಸ್ಯಾಮಾತ್ಯಂ ದ್ಯುಮನ್ತಂ ವ್ಯಜನಿ ಚ ಸಮರಃ ಸಪ್ತವಿಂಶತ್ಯಹಾನ್ತಃ ॥1॥
ತಾವತ್ತ್ವಂ ರಾಮಶಾಲೀ ತ್ವರಿತಮುಪಗತಃ ಖಣ್ಡಿತಪ್ರಾಯಸೈನ್ಯಂ
ಸೌಭೇಶಂ ತಂ ನ್ಯರುನ್ಧಾಃ ಸ ಚ ಕಿಲ ಗದಯಾ ಶಾರ್ಙ್ಗಮಭ್ರಂಶಯತ್ತೇ ।
ಮಾಯಾತಾತಂ ವ್ಯಹಿಂಸೀದಪಿ ತವ ಪುರತಸ್ತತ್ತ್ವಯಾಪಿ ಕ್ಷಣಾರ್ಧಂ
ನಾಜ್ಞಾಯೀತ್ಯಾಹುರೇಕೇ ತದಿದಮವಮತಂ ವ್ಯಾಸ ಏವ ನ್ಯಷೇಧೀತ್ ॥2॥
ಕ್ಷಿಪ್ತ್ವಾ ಸೌಭಂ ಗದಾಚೂರ್ಣಿತಮುದಕನಿಧೌ ಮಙ್ಕ್ಷು ಸಾಲ್ವೇಽಪಿ ಚಕ್ರೇ-
ಣೋತ್ಕೃತ್ತೇ ದನ್ತವಕ್ತ್ರಃ ಪ್ರಸಭಮಭಿಪತನ್ನಭ್ಯಮುಞ್ಚದ್ಗದಾಂ ತೇ ।
ಕೌಮೋದಕ್ಯಾ ಹತೋಽಸಾವಪಿ ಸುಕೃತನಿಧಿಶ್ಚೈದ್ಯವತ್ಪ್ರಾಪದೈಕ್ಯಂ
ಸರ್ವೇಷಾಮೇಷ ಪೂರ್ವಂ ತ್ವಯಿ ಧೃತಮನಸಾಂ ಮೋಕ್ಷಣಾರ್ಥೋಽವತಾರಃ ॥3॥
ತ್ವಯ್ಯಾಯಾತೇಽಥ ಜಾತೇ ಕಿಲ ಕುರುಸದಸಿ ದ್ಯೂತಕೇ ಸಂಯತಾಯಾಃ
ಕ್ರನ್ದನ್ತ್ಯಾ ಯಾಜ್ಞಸೇನ್ಯಾಃ ಸಕರುಣಮಕೃಥಾಶ್ಚೇಲಮಾಲಾಮನನ್ತಾಮ್ ।
ಅನ್ನಾನ್ತಪ್ರಾಪ್ತಶರ್ವಾಂಶಜಮುನಿಚಕಿತದ್ರೌಪದೀಚಿನ್ತಿತೋಽಥ
ಪ್ರಾಪ್ತಃ ಶಾಕಾನ್ನಮಶ್ನನ್ ಮುನಿಗಣಮಕೃಥಾಸ್ತೃಪ್ತಿಮನ್ತಂ ವನಾನ್ತೇ ॥4॥
ಯುದ್ಧೋದ್ಯೋಗೇಽಥ ಮನ್ತ್ರೇ ಮಿಲತಿ ಸತಿ ವೃತಃ ಫಲ್ಗುನೇನ ತ್ವಮೇಕಃ
ಕೌರವ್ಯೇ ದತ್ತಸೈನ್ಯಃ ಕರಿಪುರಮಗಮೋ ದೂತ್ಯಕೃತ್ ಪಾಣ್ಡವಾರ್ಥಮ್ ।
ಭೀಷ್ಮದ್ರೋಣಾದಿಮಾನ್ಯೇ ತವ ಖಲು ವಚನೇ ಧಿಕ್ಕೃತೇ ಕೌರವೇಣ
ವ್ಯಾವೃಣ್ವನ್ ವಿಶ್ವರೂಪಂ ಮುನಿಸದಸಿ ಪುರೀಂ ಕ್ಷೋಭಯಿತ್ವಾಗತೋಽಭೂಃ ॥5॥
ಜಿಷ್ಣೋಸ್ತ್ವಂ ಕೃಷ್ಣ ಸೂತಃ ಖಲು ಸಮರಮುಖೇ ಬನ್ಧುಘಾತೇ ದಯಾಲುಂ
ಖಿನ್ನಂ ತಂ ವೀಕ್ಷ್ಯ ವೀರಂ ಕಿಮಿದಮಯಿ ಸಖೇ ನಿತ್ಯ ಏಕೋಽಯಮಾತ್ಮಾ ।
ಕೋ ವಧ್ಯಃ ಕೋಽತ್ರ ಹನ್ತಾ ತದಿಹ ವಧಭಿಯಂ ಪ್ರೋಜ್ಝ್ಯ ಮಯ್ಯರ್ಪಿತಾತ್ಮಾ
ಧರ್ಮ್ಯಂ ಯುದ್ಧಂ ಚರೇತಿ ಪ್ರಕೃತಿಮನಯಥಾ ದರ್ಶಯನ್ ವಿಶ್ವರೂಪಮ್ ॥6॥
ಭಕ್ತೋತ್ತಂಸೇಽಥ ಭೀಷ್ಮೇ ತವ ಧರಣಿಭರಕ್ಷೇಪಕೃತ್ಯೈಕಸಕ್ತೇ
ನಿತ್ಯಂ ನಿತ್ಯಂ ವಿಭಿನ್ದತ್ಯಯುತಸಮಧಿಕಂ ಪ್ರಾಪ್ತಸಾದೇ ಚ ಪಾರ್ಥೇ ।
ನಿಶ್ಶಸ್ತ್ರತ್ವಪ್ರತಿಜ್ಞಾಂ ವಿಜಹದರಿವರಂ ಧಾರಯನ್ ಕ್ರೋಧಶಾಲೀ-
ವಾಧಾವನ್ ಪ್ರಾಞ್ಜಲಿಂ ತಂ ನತಶಿರಸಮಥೋ ವೀಕ್ಷ್ಯ ಮೋದಾದಪಾಗಾಃ ॥7॥
ಯುದ್ಧೇ ದ್ರೋಣಸ್ಯ ಹಸ್ತಿಸ್ಥಿರರಣಭಗದತ್ತೇರಿತಂ ವೈಷ್ಣವಾಸ್ತ್ರಂ
ವಕ್ಷಸ್ಯಾಧತ್ತ ಚಕ್ರಸ್ಥಗಿತರವಿಮಹಾಃ ಪ್ರಾರ್ದಯತ್ಸಿನ್ಧುರಾಜಮ್ ।
ನಾಗಾಸ್ತ್ರೇ ಕರ್ಣಮುಕ್ತೇ ಕ್ಷಿತಿಮವನಮಯನ್ ಕೇವಲಂ ಕೃತ್ತಮೌಲಿಂ
ತತ್ರೇ ತ್ರಾಪಿ ಪಾರ್ಥಂ ಕಿಮಿವ ನಹಿ ಭವಾನ್ ಪಾಣ್ಡವಾನಾಮಕಾರ್ಷೀತ್ ॥8॥
ಯುದ್ಧಾದೌ ತೀರ್ಥಗಾಮೀ ಸ ಖಲು ಹಲಧರೋ ನೈಮಿಶಕ್ಷೇತ್ರಮೃಚ್ಛ-
ನ್ನಪ್ರತ್ಯುತ್ಥಾಯಿಸೂತಕ್ಷಯಕೃದಥ ಸುತಂ ತತ್ಪದೇ ಕಲ್ಪಯಿತ್ವಾ ।
ಯಜ್ಞಘ್ನಂ ವಲ್ಕಲಂ ಪರ್ವಣಿ ಪರಿದಲಯನ್ ಸ್ನಾತತೀರ್ಥೋ ರಣಾನ್ತೇ
ಸಮ್ಪ್ರಾಪ್ತೋ ಭೀಮದುರ್ಯೋಧನರಣಮಶಮಂ ವೀಕ್ಷ್ಯ ಯಾತಃ ಪುರೀಂ ತೇ ॥9॥
ಸಂಸುಪ್ತದ್ರೌಪದೇಯಕ್ಷಪಣಹತಧಿಯಂ ದ್ರೌಣಿಮೇತ್ಯ ತ್ವದುಕ್ತ್ಯಾ
ತನ್ಮುಕ್ತಂ ಬ್ರಾಹ್ಮಮಸ್ತ್ರಂ ಸಮಹೃತ ವಿಜಯೋ ಮೌಲಿರತ್ನಂ ಚ ಜಹ್ರೇ ।
ಉಚ್ಛಿತ್ಯೈ ಪಾಣ್ಡವಾನಾಂ ಪುನರಪಿ ಚ ವಿಶತ್ಯುತ್ತರಾಗರ್ಭಮಸ್ತ್ರೇ
ರಕ್ಷನ್ನಙ್ಗುಷ್ಠಮಾತ್ರಃ ಕಿಲ ಜಠರಮಗಾಶ್ಚಕ್ರಪಾಣಿರ್ವಿಭೋ ತ್ವಮ್ ॥10॥
ಧರ್ಮೌಘಂ ಧರ್ಮಸೂನೋರಭಿದಧದಖಿಲಂ ಛನ್ದಮೃತ್ಯುಸ್ಸ ಭೀಷ್ಮ-
ಸ್ತ್ವಾಂ ಪಶ್ಯನ್ ಭಕ್ತಿಭೂಮ್ನೈವ ಹಿ ಸಪದಿ ಯಯೌ ನಿಷ್ಕಲಬ್ರಹ್ಮಭೂಯಮ್ ।
ಸಂಯಾಜ್ಯಾಥಾಶ್ವಮೇಧೈಸ್ತ್ರಿಭಿರತಿಮಹಿತೈರ್ಧರ್ಮಜಂ ಪೂರ್ಣಕಾಮಂ
ಸ್ಮ್ಪ್ರಾಪ್ತೋ ದ್ವರಕಾಂ ತ್ವಂ ಪವನಪುರಪತೇ ಪಾಹಿ ಮಾಂ ಸರ್ವರೋಗಾತ್ ॥11॥
Roman (IAST) Transliteration
sālvo bhaiṣmīvivāhe yadubalavijitaścandracūḍādvimānaṃ
vindan saubhaṃ sa māyī tvayi vasati kuruṃstvatpurīmabhyabhāṅkṣīt |
pradyumnastaṃ nirundhannikhilayadubhaṭairnyagrahīdugravīryaṃ
tasyāmātyaṃ dyumantaṃ vyajani ca samaraḥ saptaviṃśatyahāntaḥ ||1||
tāvattvaṃ rāmaśālī tvaritamupagataḥ khaṇḍitaprāyasainyaṃ
saubheśaṃ taṃ nyarundhāḥ sa ca kila gadayā śārṅgamabhraṃśayatte |
māyātātaṃ vyahiṃsīdapi tava puratastattvayāpi kṣaṇārdhaṃ
nājñāyītyāhureke tadidamavamataṃ vyāsa eva nyaṣedhīt ||2||
kṣiptvā saubhaṃ gadācūrṇitamudakanidhau maṅkṣu sālve'pi cakre-
ṇotkṛtte dantavaktraḥ prasabhamabhipatannabhyamuñcadgadāṃ te |
kaumodakyā hato'sāvapi sukṛtanidhiścaidyavatprāpadaikyaṃ
sarveṣāmeṣa pūrvaṃ tvayi dhṛtamanasāṃ mokṣaṇārtho'vatāraḥ ||3||
tvayyāyāte'tha jāte kila kurusadasi dyūtake saṃyatāyāḥ
krandantyā yājñasenyāḥ sakaruṇamakṛthāścelamālāmanantām |
annāntaprāptaśarvāṃśajamunicakitadraupadīcintito'tha
prāptaḥ śākānnamaśnan munigaṇamakṛthāstṛptimantaṃ vanānte ||4||
yuddhodyoge'tha mantre milati sati vṛtaḥ phalgunena tvamekaḥ
kauravye dattasainyaḥ karipuramagamo dūtyakṛt pāṇḍavārtham |
bhīṣmadroṇādimānye tava khalu vacane dhikkṛte kauraveṇa
vyāvṛṇvan viśvarūpaṃ munisadasi purīṃ kṣobhayitvāgato'bhūḥ ||5||
jiṣṇostvaṃ kṛṣṇa sūtaḥ khalu samaramukhe bandhughāte dayāluṃ
khinnaṃ taṃ vīkṣya vīraṃ kimidamayi sakhe nitya eko'yamātmā |
ko vadhyaḥ ko'tra hantā tadiha vadhabhiyaṃ projjhya mayyarpitātmā
dharmyaṃ yuddhaṃ careti prakṛtimanayathā darśayan viśvarūpam ||6||
bhaktottaṃse'tha bhīṣme tava dharaṇibharakṣepakṛtyaikasakte
nityaṃ nityaṃ vibhindatyayutasamadhikaṃ prāptasāde ca pārthe |
niśśastratvapratijñāṃ vijahadarivaraṃ dhārayan krodhaśālī-
vādhāvan prāñjaliṃ taṃ nataśirasamatho vīkṣya modādapāgāḥ ||7||
yuddhe droṇasya hastisthiraraṇabhagadatteritaṃ vaiṣṇavāstraṃ
vakṣasyādhatta cakrasthagitaravimahāḥ prārdayatsindhurājam |
nāgāstre karṇamukte kṣitimavanamayan kevalaṃ kṛttamauliṃ
tatre trāpi pārthaṃ kimiva nahi bhavān pāṇḍavānāmakārṣīt ||8||
yuddhādau tīrthagāmī sa khalu haladharo naimiśakṣetramṛccha-
nnapratyutthāyisūtakṣayakṛdatha sutaṃ tatpade kalpayitvā |
yajñaghnaṃ valkalaṃ parvaṇi paridalayan snātatīrtho raṇānte
samprāpto bhīmaduryodhanaraṇamaśamaṃ vīkṣya yātaḥ purīṃ te ||9||
saṃsuptadraupadeyakṣapaṇahatadhiyaṃ drauṇimetya tvaduktyā
tanmuktaṃ brāhmamastraṃ samahṛta vijayo mauliratnaṃ ca jahre |
ucchityai pāṇḍavānāṃ punarapi ca viśatyuttarāgarbhamastre
rakṣannaṅguṣṭhamātraḥ kila jaṭharamagāścakrapāṇirvibho tvam ||10||
dharmaughaṃ dharmasūnorabhidadhadakhilaṃ chandamṛtyussa bhīṣma-
stvāṃ paśyan bhaktibhūmnaiva hi sapadi yayau niṣkalabrahmabhūyam |
saṃyājyāthāśvamedhaistribhiratimahitairdharmajaṃ pūrṇakāmaṃ
smprāpto dvarakāṃ tvaṃ pavanapurapate pāhi māṃ sarvarogāt ||11||
Sanskrit — Devanagari (original)
साल्वो भैष्मीविवाहे यदुबलविजितश्चन्द्रचूडाद्विमानं
विन्दन् सौभं स मायी त्वयि वसति कुरुंस्त्वत्पुरीमभ्यभाङ्क्षीत् ।
प्रद्युम्नस्तं निरुन्धन्निखिलयदुभटैर्न्यग्रहीदुग्रवीर्यं
तस्यामात्यं द्युमन्तं व्यजनि च समरः सप्तविंशत्यहान्तः ॥1॥
तावत्त्वं रामशाली त्वरितमुपगतः खण्डितप्रायसैन्यं
सौभेशं तं न्यरुन्धाः स च किल गदया शार्ङ्गमभ्रंशयत्ते ।
मायातातं व्यहिंसीदपि तव पुरतस्तत्त्वयापि क्षणार्धं
नाज्ञायीत्याहुरेके तदिदमवमतं व्यास एव न्यषेधीत् ॥2॥
क्षिप्त्वा सौभं गदाचूर्णितमुदकनिधौ मङ्क्षु साल्वेऽपि चक्रे-
णोत्कृत्ते दन्तवक्त्रः प्रसभमभिपतन्नभ्यमुञ्चद्गदां ते ।
कौमोदक्या हतोऽसावपि सुकृतनिधिश्चैद्यवत्प्रापदैक्यं
सर्वेषामेष पूर्वं त्वयि धृतमनसां मोक्षणार्थोऽवतारः ॥3॥
त्वय्यायातेऽथ जाते किल कुरुसदसि द्यूतके संयतायाः
क्रन्दन्त्या याज्ञसेन्याः सकरुणमकृथाश्चेलमालामनन्ताम् ।
अन्नान्तप्राप्तशर्वांशजमुनिचकितद्रौपदीचिन्तितोऽथ
प्राप्तः शाकान्नमश्नन् मुनिगणमकृथास्तृप्तिमन्तं वनान्ते ॥4॥
युद्धोद्योगेऽथ मन्त्रे मिलति सति वृतः फल्गुनेन त्वमेकः
कौरव्ये दत्तसैन्यः करिपुरमगमो दूत्यकृत् पाण्डवार्थम् ।
भीष्मद्रोणादिमान्ये तव खलु वचने धिक्कृते कौरवेण
व्यावृण्वन् विश्वरूपं मुनिसदसि पुरीं क्षोभयित्वागतोऽभूः ॥5॥
जिष्णोस्त्वं कृष्ण सूतः खलु समरमुखे बन्धुघाते दयालुं
खिन्नं तं वीक्ष्य वीरं किमिदमयि सखे नित्य एकोऽयमात्मा ।
को वध्यः कोऽत्र हन्ता तदिह वधभियं प्रोज्झ्य मय्यर्पितात्मा
धर्म्यं युद्धं चरेति प्रकृतिमनयथा दर्शयन् विश्वरूपम् ॥6॥
भक्तोत्तंसेऽथ भीष्मे तव धरणिभरक्षेपकृत्यैकसक्ते
नित्यं नित्यं विभिन्दत्ययुतसमधिकं प्राप्तसादे च पार्थे ।
निश्शस्त्रत्वप्रतिज्ञां विजहदरिवरं धारयन् क्रोधशाली-
वाधावन् प्राञ्जलिं तं नतशिरसमथो वीक्ष्य मोदादपागाः ॥7॥
युद्धे द्रोणस्य हस्तिस्थिररणभगदत्तेरितं वैष्णवास्त्रं
वक्षस्याधत्त चक्रस्थगितरविमहाः प्रार्दयत्सिन्धुराजम् ।
नागास्त्रे कर्णमुक्ते क्षितिमवनमयन् केवलं कृत्तमौलिं
तत्रे त्रापि पार्थं किमिव नहि भवान् पाण्डवानामकार्षीत् ॥8॥
युद्धादौ तीर्थगामी स खलु हलधरो नैमिशक्षेत्रमृच्छ-
न्नप्रत्युत्थायिसूतक्षयकृदथ सुतं तत्पदे कल्पयित्वा ।
यज्ञघ्नं वल्कलं पर्वणि परिदलयन् स्नाततीर्थो रणान्ते
सम्प्राप्तो भीमदुर्योधनरणमशमं वीक्ष्य यातः पुरीं ते ॥9॥
संसुप्तद्रौपदेयक्षपणहतधियं द्रौणिमेत्य त्वदुक्त्या
तन्मुक्तं ब्राह्ममस्त्रं समहृत विजयो मौलिरत्नं च जह्रे ।
उच्छित्यै पाण्डवानां पुनरपि च विशत्युत्तरागर्भमस्त्रे
रक्षन्नङ्गुष्ठमात्रः किल जठरमगाश्चक्रपाणिर्विभो त्वम् ॥10॥
धर्मौघं धर्मसूनोरभिदधदखिलं छन्दमृत्युस्स भीष्म-
स्त्वां पश्यन् भक्तिभूम्नैव हि सपदि ययौ निष्कलब्रह्मभूयम् ।
संयाज्याथाश्वमेधैस्त्रिभिरतिमहितैर्धर्मजं पूर्णकामं
स्म्प्राप्तो द्वरकां त्वं पवनपुरपते पाहि मां सर्वरोगात् ॥11॥
sālvo bhaiṣmīvivāhe yadubalavijitaścandracūḍādvimānaṃ
vindan saubhaṃ sa māyī tvayi vasati kuruṃstvatpurīmabhyabhāṅkṣīt |
pradyumnastaṃ nirundhannikhilayadubhaṭairnyagrahīdugravīryaṃ
tasyāmātyaṃ dyumantaṃ vyajani ca samaraḥ saptaviṃśatyahāntaḥ ||1||
tāvattvaṃ rāmaśālī tvaritamupagataḥ khaṇḍitaprāyasainyaṃ
saubheśaṃ taṃ nyarundhāḥ sa ca kila gadayā śārṅgamabhraṃśayatte |
māyātātaṃ vyahiṃsīdapi tava puratastattvayāpi kṣaṇārdhaṃ
nājñāyītyāhureke tadidamavamataṃ vyāsa eva nyaṣedhīt ||2||
kṣiptvā saubhaṃ gadācūrṇitamudakanidhau maṅkṣu sālve'pi cakre-
ṇotkṛtte dantavaktraḥ prasabhamabhipatannabhyamuñcadgadāṃ te |
kaumodakyā hato'sāvapi sukṛtanidhiścaidyavatprāpadaikyaṃ
sarveṣāmeṣa pūrvaṃ tvayi dhṛtamanasāṃ mokṣaṇārtho'vatāraḥ ||3||
tvayyāyāte'tha jāte kila kurusadasi dyūtake saṃyatāyāḥ
krandantyā yājñasenyāḥ sakaruṇamakṛthāścelamālāmanantām |
annāntaprāptaśarvāṃśajamunicakitadraupadīcintito'tha
prāptaḥ śākānnamaśnan munigaṇamakṛthāstṛptimantaṃ vanānte ||4||
yuddhodyoge'tha mantre milati sati vṛtaḥ phalgunena tvamekaḥ
kauravye dattasainyaḥ karipuramagamo dūtyakṛt pāṇḍavārtham |
bhīṣmadroṇādimānye tava khalu vacane dhikkṛte kauraveṇa
vyāvṛṇvan viśvarūpaṃ munisadasi purīṃ kṣobhayitvāgato'bhūḥ ||5||
jiṣṇostvaṃ kṛṣṇa sūtaḥ khalu samaramukhe bandhughāte dayāluṃ
khinnaṃ taṃ vīkṣya vīraṃ kimidamayi sakhe nitya eko'yamātmā |
ko vadhyaḥ ko'tra hantā tadiha vadhabhiyaṃ projjhya mayyarpitātmā
dharmyaṃ yuddhaṃ careti prakṛtimanayathā darśayan viśvarūpam ||6||
bhaktottaṃse'tha bhīṣme tava dharaṇibharakṣepakṛtyaikasakte
nityaṃ nityaṃ vibhindatyayutasamadhikaṃ prāptasāde ca pārthe |
niśśastratvapratijñāṃ vijahadarivaraṃ dhārayan krodhaśālī-
vādhāvan prāñjaliṃ taṃ nataśirasamatho vīkṣya modādapāgāḥ ||7||
yuddhe droṇasya hastisthiraraṇabhagadatteritaṃ vaiṣṇavāstraṃ
vakṣasyādhatta cakrasthagitaravimahāḥ prārdayatsindhurājam |
nāgāstre karṇamukte kṣitimavanamayan kevalaṃ kṛttamauliṃ
tatre trāpi pārthaṃ kimiva nahi bhavān pāṇḍavānāmakārṣīt ||8||
yuddhādau tīrthagāmī sa khalu haladharo naimiśakṣetramṛccha-
nnapratyutthāyisūtakṣayakṛdatha sutaṃ tatpade kalpayitvā |
yajñaghnaṃ valkalaṃ parvaṇi paridalayan snātatīrtho raṇānte
samprāpto bhīmaduryodhanaraṇamaśamaṃ vīkṣya yātaḥ purīṃ te ||9||
saṃsuptadraupadeyakṣapaṇahatadhiyaṃ drauṇimetya tvaduktyā
tanmuktaṃ brāhmamastraṃ samahṛta vijayo mauliratnaṃ ca jahre |
ucchityai pāṇḍavānāṃ punarapi ca viśatyuttarāgarbhamastre
rakṣannaṅguṣṭhamātraḥ kila jaṭharamagāścakrapāṇirvibho tvam ||10||
dharmaughaṃ dharmasūnorabhidadhadakhilaṃ chandamṛtyussa bhīṣma-
stvāṃ paśyan bhaktibhūmnaiva hi sapadi yayau niṣkalabrahmabhūyam |
saṃyājyāthāśvamedhaistribhiratimahitairdharmajaṃ pūrṇakāmaṃ
smprāpto dvarakāṃ tvaṃ pavanapurapate pāhi māṃ sarvarogāt ||11||
🕉️ This is the original Sanskrit rendered in Kannada script.
Pronunciation is identical to the Sanskrit Devanagari version.